ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

‘‘ ဘုန်းကြီးလူထွက်ဆိုတာ လူမိုက်ပဲ’’

‘‘ ဘုန်းကြီးလူထွက်ဆိုတာ လူမိုက်ပဲ’’

မောင်ကိုရင်တို့ ..

ဘုရားမြတ်စွာရဲ့ကျေးဇူးကြောင့် ``ကောင်းမှု၊ မကောင်းမှု၊ ၃၁-ဘုံ၊ သစ္စာတရား၊ နိဗ္ဗာန်´´ဆိုတာကို သိခွင့်ရတယ်။ ဒါကြောင့် ဗုဒ္ဓသာသနာတော်ကြီးဟာ ငါတို့အတွက် တန်ဖိုးဖြတ်လို့ မရဘူး လို့ နားလည်ရမယ်။

ကမ္ဘာကျော် သိပ္ပံပညာရှင် အိုင်းစတိုင်းကတောင် ``ခတ်သစ်သိပ္ပံပညာရဲ့ လိုအပ်ချက်ကို ဖြည့်ဆည်းပေးနိုင်သော (သို့မဟုတ်) ငြိမ်းချမ်းရေးကို ဖေါ်ဆောင်ပေးနိုင်သော ဘာသာတရားတစ်ခု ရှိတယ်ဆိုရင် အဲဒီဘာသာသည် ဗုဒ္ဓဘာသာပဲ ဖြစ်လိမ့်မယ်´´လို့ ပြောခဲ့တယ်။

 

``ဗုဒ္ဓသာသနာ၊ တို့သာသနာ´´
----------------

ဒါကြောင့် ငါတို့ကိုးကွယ်ဆည်းကပ်နေတဲ့ သာသနာတော်ကြီးကို စောင့်ရှောက်ဖို့ လိုတယ်။ ကိုယ်ကိုယ်တိုင်ကလည်း သာသနာဝန်ထမ်း ဖြစ်ခွင့်ရနေပြီ။ ဒါကြောင့် သာသနာ့တန်ဖိုးရော၊ ကိုယ်ဘ၀ရဲ့ တန်ဖိုးရော နားလည်ကြစမ်းပါ။

ငါတို့က သာသနာ့တာဝန်များကို အုတ်တစ်ချပ် သဲတစ်ပွင့်ပမာ ထမ်းဆောင့်ခွင့် ရနေကြပြီ။ ဒီတော့ ကိုယ့်တန်ဖိုး ကိုယ် သိဖို့လိုတယ်။ ဗုဒ္ဓသာသနာဟာ ဘယ်သူ့သာသနာလဲလို့ မေးရင် ငါတို့ သာသနာလို့ ပြောရမယ်။

``မောင်ကိုရင်တွေ ဗုဒ္ဓသာသနာဟာ ဘယ်သူ့သာသနာလဲ´´။

``တပည့်တော်တို့ သာသနာပါဘုရား´´။

ဒါဆိုရင် သာသနာတော်ကြီး မကွယ်အောင် စောင့်ရှောက်ရမှာက တို့တာဝန်ပဲ။ ဒါကြောင့် သာသနာဘောင်မှာ ပျော်အောင် နေကြ။ လူထွက်ဖို့ စိတ်မကူးကြနဲ့။ သာသနာဘောင့်မှာ ရာသက်ပန် နေစေချင်တယ်။

သာသနာ့ဘောင်မှာ မပျော်လို့ လူထွက်တယ်ဆိုရင် လူမိုက်ပဲ။ ဒါကြောင့် မှတ်ထားကြ။ ``ဘုန်းကြီးလူထွက်ဆိုတာ လူမိုက်´´။ အဲဒီစကားက ရာဇ၀င်မှာ စာတင်ခဲ့တဲ့ စကားပဲ။ အလွန်အဖိုးတန်တယ်။

 

`` သဒ္ဓါနှင့် ပညာ (သို့မဟုတ်)
ခေါင်းဆောင် အရည်အသွေး´´
-------------------

အင်းဝနေပြည်တော်မှာ မြန်မာသက္ကရာဇ် ၁၀၃၄-ခုနှစ်တွင် နန်းတက်သော ``နရ၀ရမင်းကြီး´´လက်ထက်မှာ သာသနာ တော်ကြီဟာ စည်ပင်ခဲ့တယ်။

မင်းကြီးဟာ သဒ္ဓါတရားအလွန်ကောင်းတယ်။ တိုင်းပြည်ကို တိုးတက်အောင် လုပ်သလို သာသနာတော်ကြီးကိုလည်း လိုလေသေးမရှိ ထောက်ပံ့တယ်။ ဒါကြောင့် တိုင်းပြည်အုပ်ချုပ်တဲ့ဘုရင်ဟာ သဒ္ဓါရှိရင် ရှိသလောက် သာသနာစည်ကားတာပဲ။

သမိုင်းကို ပြန်ကြည့်၊ အင်္ဂလိပ်တွေ အုပ်ချုပ်လိုက်တော့ တို့နိုင်ငံကြီးမှာ သာသနာညှိုးနွမ်းသွားတယ်။ အင်္ဂလိပ်တွေဟာ ပညာတတ်တွေပဲ။ ဒါကြောင့် နေမ၀င်အင်ပါရာလို့တောင် ကင်ပွန်းတပ်ခဲ့တဲ့ လူမျိုး။ ဒါပေမဲ့ သာသနာတော်ကို ယုံကြည်တဲ့ ``သဒ္ဓါ´´ မရှိတော့ သာသနာအတွက် အားကိုးလို့ မရဘူး။

 

``ပညာတတ်ပြီး သဒ္ဓါမွဲပါက
ကောက်ကျစ်တတ်တယ်´´
---------------------

တချို့က ပြောတယ်။ ``ပညာတတ်ဖို့ အဓိက´´တဲ့။ ဒီစကားက မပြည့်စုံသေးဘူး။ ဘာ့ကြောင့်လဲ၊ ``ဗလ၀ပညော မန္ဒသဒ္ဓေါ ကေရာဋိကပက္ခံ ဘဇတိ´´တဲ့။

ပညာတတ်ပြီး သဒ္ဓါ မရှိလျှင် ကောက်ကျစ်စဉ်းလဲ တတ်တယ်တဲ့။

လွန်ခဲ့တဲ့ နှစ်ပေါင်း ၄၀-ကျော်လောက်က သခင်သန်းထွန်းဆိုတာ ရှိခဲ့ဖူးတယ်။ ကွန်မြူနစ်ပါတီ ခေါင်းဆောင်တစ်ယောက်ပဲ။ ``ရွှေတိဂုံဘုရားက ရွှေတွေကို ခွါပြီး စီးပွားရေးလုပ်ငန်းအတွက် အသုံးချရမယ်´´လို့ ပြောခဲ့တယ်။ ဖအေသတ်တဲ့ သားကို ``သူရဲကောင်း´´အဖြစ် ဂုဏ်ပြုခဲ့တယ်။

ဘယ်လောက်ကြောက်စရာကောင်းလဲ။ အဲဒါ ပညာသာတတ်ပြီး သဒ္ဓါ မရှိလို့ပဲ။ ယနေ့ခေတ်မှာလဲ ၂၁-ရာစု သခင်သန်းထွန်းတွေ အများကြီး ရှိတယ်။ ဒါကြောင့် ``ပညာတတ်ဖို့က အဓိက´´ဆိုတာ လုံးဝ မှားတယ်။

ဒါကြောင့် တို့တိုင်းပြည်ကို အုပ်ချုပ်တဲ့အကြီးအကဲများဟာ ရတနာသုံးပါးကို ယုံကြည်တဲ့ ``သဒ္ဓါတရား´´ ရှိဖို့ လိုအပ်သလို တတ်သိနားလည်တဲ့ ``ဥာဏ်ပညာ´´လည်း ရှိဖို့ လိုအပ်တယ်။ ဒီနှစ်မျိုး ပြည့်စုံမှ တိုင်းပြည်နှင့် သာသနာဟာ ဖွံ့ဖြိုးတိုးတက်မယ်။

 

``ရာဇ၀င်မှာ စာတင်ခဲ့တဲ့ စကားတစ်ခွန်း´´
-------------------

နရ၀ရမင်းကြီးလက်ထက်မှာ အင်းဝမြို့၊ ဇေတ၀န်ခြေတိုင်ကျောင်းမှာ သီတင်းသုံးနေတဲ့ ဦးဇင်းလေး တစ်ပါး ရှိခဲ့ဖူးတယ်။ ဥာဏ်ရည် ကလည်း ထက်မြက်၊ ၀ီရိယကလည်း ကောင်းဆိုတော့ စာတတ်ပေတတ် ဖြစ်လာတယ်။

အဲဒီနောက် ဘုန်းကြီးဘ၀ မပျော်တော့ လူထွက်မယ်လို့ ဆုံးဖြတ်ချက် ချလိုက်တယ်။ အဲဒီနောက် အင်ကျီအ၀တ်အစားတွေကို ယူပြီး အင်းဝမြို့ ယင်းရဲဆိပ်ကို သွားတယ်။

``လူမထွက်ခင် ဘုရားကို ကန်တော့မယ်´´ဆိုပြီး ဘုရားလိုဏ်ဂူထဲ ၀င်ပြီး ဘုရားရှိခိုးတယ်။

 

``လူထွက်မယား မဖြစ်ပါရစေနဲ့´´
-------------------

အဲဒီအချိန်မှာ အမျိုးသမီးတစ်ယောက်ဟာ ရေချမ်းသွန်းပြီး ``ဤကောင်းမှုကြောင့် ဖြစ်လေရာဘ၀တိုင်း၌ လူထွက်မယား မဖြစ်ပါရစေနဲ့´´လို့ ဆုတောင်းလိုက်တယ်။

အဲဒီရဟန်းငယ်လေးဟာ ``ဟာ တိုက်ဆိုင်လှချည်လား၊ လူထွက်မယ်ဆိုပါမှ၊ လူထွက်မယား မဖြစ်ပါရစေနဲ့ဆုတောင်းနေတယ်၊ ဘာ့ကြောင့် ဒီလို ဆုတောင်းရသလဲ၊ ငါမေးကြည့်မယ်´´ဆိုပြီး လိုဏ်အပြင်ထွက်လိုက်တယ်။

 

``ဒကာမကြီး လူထွက်မယား မဖြစ်ပါရစေနဲ့လို့ ဘာ့ကြောင့် ဆုတောင်းရတာလဲ´´လို့ မေးလိုက်တယ်။

ဒီတော့ အမျိုးသမီးက ``အရှင်ဘုရား ဘုန်းကြီးဘ၀ဆိုတာ အေးချမ်းတဲ့ဘ၀၊ လူ့ဘ၀ဆိုတာ ပူလောင်တဲ့ဘ၀၊ ဒီလို အေးချမ်းတဲ့ဘ၀ ရောက်နေပြီးတော့ လူထွက်မယ်ဆိုတော့ ဒီလောက်မိုက်တဲ့လူ ရှိဦးမလားဘုရား၊ ဒါကြောင့် ဘုန်းကြီးလူထွက်ဆိုတာ လူမိုက်ပဲ၊ ဒါကြောင့် အခုလို ဆုတောင်းရခြင်း ဖြစ်ပါတယ်ဘုရား´´လို့ လျှောက်လိုက်တယ်။

အဲဒီလိုလျှောက်လိုက်တော့ ဦးဇင်းလေး စိတ်ပြောင်းသွားတယ်။

``ဘုန်းကြီးလူထွက်ဆိုတာ လူမိုက်တဲ့၊ ဒီတော့ ငါ လူမိုက်တော့ အဖြစ် မခံနိုင်ဘူး၊ ဘုန်းကြီးဘ၀မှာပဲ ဆက်နေတော့မယ်´´လို့ ဆုံးဖြတ်ချက် ချလိုက်တယ်။

 

``တိလောက ဂုရုဆရာတော်´´
--------------

အဲဒီနောက် စစ်ကိုင်းသွားတယ်။ ထင်ပေါ်ကျော်ကြားတဲ့ ဆရာတော်ကြီးတွေ ထံမှာ စာသင်တယ်။ ဥာဏ်ကလဲ ထက်မြက်၊ ၀ီရိယကလဲ ကောင်းဆိုတော့ ပိဋကတ်သုံးပုံ ကျွမ်းကျင် တတ်မြောက်လာတယ်။

အဲဒီနောက် တိလောကဂုရု လိုဏ်ဂူနားမှာ တဲကျောင်းကြီး ဆောက်ပြီး စာဝါ ပို့ချတယ်။ စာလိုက်သံဃာတွေကလဲ အများကြီးပဲ။ စာပို့ချတာကောင်းလို့ဆိုပြီး ကိုရင်တွေကော၊ ဦးဇင်းတွေကော စာလိုက်ကြတယ်။

အင်းဝမင်းတရားကြီး စစ်ကိုင်းတောင် ပုညရှင်ဘုရားကို တက်ဖူးတဲ့အခါမှာ စာလိုက်သံဃာတွေ မြင်သွားတယ်။ ဒီတော့ ကြည်ညိုပြီး ကျောင်းတိုက်ကြီး ဆောက်လုပ်လှူဒါန်းတယ်။

အဲဒီနောက် ``လောကကြီးရဲ့ဆရာ´´လို့ အဓိပ္ပါယ်ရတဲ့ ``တိလောကဂုရု´´ ဘွဲ့တံဆိပ်ကိုလည်း ဆက်ကပ်လှူဒါန်းတယ်။

သာသနာမှာ ``တိလောကဂုရုဆရာတော်´´ဆိုပြီး ထင်ပေါ်ကျော်ကြားသွားတယ်။ စစ်ကိုင်းတောင်ရိုးရဲ့ ထူးခြားတဲ့ ဆရာတော်ကြီးပါပဲ။

``ဘုန်းကြီးလူထွက်ဆိုတာ လူမိုက်ပဲ´´ဆိုတဲ့ စကားတစ်ခွန်းကြောင့် သံဝေဂရပြီး သာသနာဘောင် ပျော်သွားတာ။

 

ဘယ်တော့မှ မမေ့ကြနဲ့
---------------

ဒီတော့ မောင်ကိုရင်တို့လဲ ဒီစကားလေးကို ရင်ထဲမှာ ထည့်ထား။ ဘယ်တော့မှ မမေ့ကြနဲ့။

ကိုယ့်သာသနာကို ကိုယ်မစောင့်ရှောက်ရင် ဘယ်သူစောင့်ရှောက်မှာလဲ၊ ငါတို့ပဲ စောင့်ရှောက်ရမှာပဲ။

ဒါကြောင့် သာသနာချစ်တဲ့စိတ်နဲ့ စာပေကြိုးစားကြ၊ ရှင်ရဟန်းဘ၀နဲ့ အရိုးထုတ်နိုင်အောင် ကြိုးစားကြပါလို့ တိုက်တွန်းချင်ပါတယ်။

``မင်းကွန်းဆရာတော်၊ သီတဂူဆရာတော်ကဲ့သို့ သာသနာပြုအာဇာနည်များ ဖြစ်ကြပါစေ´´။

 

(ရည်ရွယ်ချက်။ ။ ဦးဇင်း, ကိုရင်တွေ လူထွက်များနေသောကြောင့် လူမထွက်ဖြစ်အောင် တွန်းအားပေးခြင်း ဖြစ်ပါသည်။)

____________

သီတဂူ အရှင်ဒေဝိန္ဒာဘိဝံသ

Views: 31

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

THURA AUNG is now a member of ရတနာဝါသ ဘုရားကျောင်း 華緬 三寶寺
Oct 2
Profile IconMyat Min Thu and Aung lay joined ရတနာဝါသ ဘုရားကျောင်း 華緬 三寶寺
Sep 2
TopEssay Services updated their profile
Aug 9
TopEssay Services is now a member of ရတနာဝါသ ဘုရားကျောင်း 華緬 三寶寺
Aug 9

Birthdays

There are no birthdays today

Members

© 2019   Created by ukkmaung.   Powered by

Badges  |  Report an Issue  |  Terms of Service