ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

စက်ကြီးတစ်ဆယ့်သုံးပါး

စက်ကြီးတစ်ဆယ့်သုံးပါး

(၁) သြောင်း-တစ်ရာ့ရှစ်ကွက် ဗုဒ္ဓစက်

(၂) တစ်ဆယ့်လေးချက် ဓမ္မစက်

(၃) တစ်ဆယ့်ရှစ်ချက် သံဃစက်

(၄) လရောင်းဝင်းလျှက် ရှင်ပစ္စေက ဗုဒ္ဓါ ရဟန္တာစက်

(၅) မြင့်မိုရ်တောင်ဦး မြင့်ခေါင်ကျူးလျှက် မိဘစက်

(၆) ဂုဏ်ကျေးဇူးကို အထူးသိလျှက် ဆရာ့စက်

(၇) (ဗြဟ္မစိုရ်လက်နက်)ဝရဇိန်​လက်နက် ဗြဟ္မာ့စက်

(၈) မိုးကြိုးလက်နက် သကြားစက်

(၉) လောင်မီးကျလျှက် နတ်တို့စက်

(၁၀) ဘွဲ့ဖြူလက်နက် ဘီလူးစက်

(၁၁) တောင်ဟုန်ပြင်းလျှက် ဂဠုန်စက်

(၁၂) အာခံတွင်းက ဝင်းဝင်းတောက်လျှက် နဂါးစက်

(၁၃) သုံးထောင်သင်္ချာ ဟိမဝန္တာ အာဏာစိုးလျှက် သီဟစက် ။

စက်ကြီးတစ်ဆယ့်သုံးပါး၊ ရွတ်သံကြားက၊

ဘေးများမြင်မှု၊ မကောင်းစုတို့၊

ဝေးကကြဉ်ရှောင်၊ အောင်စေတတ်သည်၊

မြတ်သည့်ဆရာ ပညာတည်း။

သြောင်း-နမော ဗုဒ္ဓါ နုဘာဝေန

သြောင်း-နမော ဓမ္မာ နုဘာဝေန

သြောင်း-နမော သံဃာ နုဘာဝေန

သြောင်း-နမော ဒူရေ ဒူရေ ၊ သွား ဟုံ ဟုံ။

 

  စက်ကြီး သုံးပါး

                   ဟောသည်စာက ကသာမြို့၊ ကမ်းနားလမ်း၊ ဦးသာဇံဆိုသူထံမှပေးပို့တဲ့ အမေးလွှာဖြစ်ပါတယ်

                   ဆိုစမ်းပါဦး၊ သူ့အမေးက ဘာတဲ့တုန်း            

                   ခရစ်သက္ကရာဇ် ၁၉၈၅-ခုနှစ်၊ ဧပြီလ - ၁ရက်နေ့စွဲဖြင့်ပေးပို့လိုက်တဲ့ ဦးသာဇံရဲ့ အမေးက သူဟာ ဗုဒ္ဓဘာသာဝင် ပုဂ္ဂိုလ်တစ်ယောက် ဖြစ်တဲ့အတိုင်းစက်ကြီး ၁၃-ပါး မန္တရားကို ငယ်စဉ်ကစပြီး နေ့စဉ် ရွတ်ဖတ် ပွားများခဲ့ပါတယ်တဲ့၊ သို့သော်လည်းစက်ကြီး ၁၃-ပါးအနက် ရတနာသုံးပါးနှင့်စပ်တဲ့ သြောင်း-တစ်ရာ့ရှစ်ကွက်ဗုဒ္ဓစက်၊ (၂) တစ်ဆယ့်လေးချက်ဓမ္မစက် ၊(၃) တစ်ဆယ့်ရှစ်ချက် သံဃာ့စက်ဆိုတဲ့ စက်သုံးပါးရဲ့အနက်အဓိပ္ပာယ်များကို နားမလည်ပါဘူးတဲ့၊ဒါကြောင့် သူနှင့်တကွ သူကဲ့သို့ နားမလည်ကြသေးသောသူများ ရှင်းလင်းစွာ သိသွားအောင် ဓမ္မဗျူဟာစာစောင်မှတစ်ဆင့် ဖြေကြားပေးတော်မူရန် လျှောက်ထားခြင်း ဖြစ်ပါတယ်ဘုရား

                   စက်ကြီးတစ်ဆယ့်သုံးပါး၊ ရွတ်သံကြားက၊ဘေးများမြင်မှု၊ မကောင်စုကို၊ ဝေးကကြဉ်ရှောင်၊ အောင်စေတက်သည် ဆိုတဲ့အတိုင်း စက်ကြီးတစ်ဆယ့်သုံးပါးကိုရွတ်သည်မဆိုထားနှင့် သူတစ်ပါးရွတ်သံ ကြားရုံနှင့် ဘေးဥပါဒ်အန္တရာယ်များ အဝေးက ကွင်းရှောင်သွားကြရတယ်ဆိုေ တာ့ အန္တရာယ်ကင်းအောင် စက်ကြီး ၁၃-ပါး ကို ရွတ်ဆိုသူ များပြားပါတယ်၊ စက်ကြီး ၁၃-ပါးအနက် ရတနာသုံးပါးနှင့်စပ်တဲ့ ဤစက်ကြီး သုံးပါးမှတစ်ပါး ကျန်သော စက်များရဲ့ အနက်အဓိပ္ပာယ်ကမခက်လဲလှပါဘူး၊ ရတနာသုံးပါးနှင့်စပ်တဲ့ ဤစက်သုံးပါးကတော့ မလေ့လာဖူးလျှင် ခက်သလိုလိုဖြစ်နေတယ်၊ ဒါကြောင့် ဦးသာဇံက မေးလိုက်တာနေမှာပေါ့

                   မှန်ပါ ဘုရား

                   အေး - သူမေးလာတော့လည်း အဖြေရှာကြသေးတာပေါ့၊သြောင်း - တစ်ရာ့ရှစ်ကွက် ဗုဒ္ဓစက်တဲ့၊ သည်စကားရပ်မှာပါဝင်တဲ့ (သြောင်း) ဆိုတာဟာ (ဥုံ)ဆိုတဲ့တန္တရဝါဒက ဆင်းသက်လာတာတဲ့ ၊ တန္တရဝါဒအလိုအားဖြင့်(ဥုံ) ဆိုတာဟာ ဗြဟ္မာ၊ ဗိဿနိုး၊ သီဝဆိုတဲ့ဘုရားကြီး သုံးဆူတို့ကို စကားတစ်ခွန်းတည်းဖြင့် တမ်းတ ရွတ်ဆိုလိုက်ခြင်းဖြစ်တယ်တဲ့၊ဘုရားကြီးသုံးဆူ အထိမ်းအမှတ်(အ,ဥ,မ) အက္ခရာ သုံးပုဒ်ကိုစပ်ပြီး (ဥုံ) ဖြစ်လာတယ်လို့ဆိုကြတယ်၊ ဥုံကမှ အသံပြောင်းပြီး(သြောင်း) ဖြစ်လာသတဲ့၊ သြောင်းတို့၊ ဥုံတို့ဟာ မူလကဘာသန္တရ စကားတွေပါပဲ၊ နောက်တော့ မိမိတို့ မြန်မာဘာသာအတွင်း ဝင်ရောက် နေရာယူကြခြင်းဖြစ်တယ်၊ဥုံနှင့်သြောင်းဟာ ဘာသန္တရဘဝက ဘုရားကြီးသုံးပါး အနက်၊ အောင်မြင်ခြင်းအနက်များ ကို ဟောတယ်လို့ဆရာတို့ မိန့်ဆိုတော်မူကြတယ် ၊ သြောင်း - ဥုံတို့ကို အနက်ပေးပါလျှင်-

                   သြောင်း-ရတနာသုံးပါး ထင်ရှားဖြစ်စေသတည်း၊

                   သြောင်း-အောင်စင်စစ် ဖြစ်စေသတည်း-

   လို့ အနက်ပေးသင့်တယ်၊ အချို့သောမြန်မာပယောဂဆရာဂများကတော့ သြောင်းအစချီလျှင် မန္တရား၊ ဥုံအစချီလျှင် မန္တန်လို့ ပြောဆိုကြသေးတယ်ကွယ့်

                   မှန်ပါ့ ဘုရား

                   ဥုံ-သြောင်းတို့ဟာ ယခု ပြောဆိုပြီးတာထက်ကျယ်ပြန့်တဲ့ အနက်အဓိပ္ပာယ် ရှိချင်ရှိလိမ့်ဦးမယ်ပေါ့၊ သို့သော်လည်း သည်နေရာမှာတော့သည်မျှလောက်နှင့် ရပ်တန့်ပြီး တစ်ရာ့ရှစ်ကွက် ဗုဒ္ဓစက်ဆိုတာကို ဖြေကြစို့ရဲ့

                   မှန်ပါ၊ ဖြေတော်မူပါဘုရား

                   တစ်ရာ့ရှစ်ကွက် ဗုဒ္ဓစက်ဆိုတာကို ထောက်လိုက်တော့ဘုရားရှင်ရဲ့ စက်လက္ခဏာတော်ဟာ တစ်ရာ့ရှစ်ကွက်ရှိတယ်လို့ ဆိုလိုရင်း ဖြစ်တယ်ကွယ့်

                   ဘယ်လို တစ်ရာ့ရှစ်ကွက်လဲဘုရား၊ မိန့်တော်မူပါဦး

                   ဗုဒ္ဓဘုရားရှင်ရဲ့ ခြေဖဝါးတော် အပြင်မှာအကန့်အကွက်အားဖြင့် ထင်တဲ့ စက်လက္ခဏာပေါင်း ၁၀၈-ကွက် ရှိတယ်ကွယ့်

                   စက်လက္ခဏာ ၁၀၈-ကွက်ကိုလည်း ရေတွက်ပြပါဦးဘုရား

                   ဗုဒ္ဓဘုရားရှင်ရဲ့ ခြေဖဝါးတော်ဟာ ပတ္တမြားရောင်လိုနီမြန်းနေတဲ့ခြေဖဝါးတော်အပြင်မှာ စကြာမင်းတို့ရဲ့ ပုံတောင်းရတနာ စကြာသဏ္ဌာန် ကဲ့သို့တပြောင်ပြောင်တောက်ပတဲ့ တစ်ထောင်သောအကန့်၊ ရွှေရောင်အနားကွပ်၊ မြရောင် ပုတောင်းသဏ္ဌာန်စက်လက္ခဏာထင်နေတယ်၊ ထိုလက္ခဏာမှတစ်ပါး ၁၀၈-ကွက်သော အရေးအသား သဏ္ဌာန်များလည်း ထင်ရှားနေတယ်။

                   တစ်ရာ့ရှစ်ကွက်သောစက်လက္ခဏာသဏ္ဌာန်များကတော့ - (၁) သတ္တိ-လှံမပုံ၊(၂) သီရိဝစ္ဆ-ကျက်သရေတိုက်ပုံ၊ (၃) နန္ဒိယာဝဋ္ဋ-ဇလပ်ပွင့်ပုံ၊ (၄) သောဝတ္တိက-လည်ရေးသုံးဆင့်ပုံ၊ (၅) ဝဋံသက-ဦးဆောက်ပန်းပွင့်ပုံ၊ (၆)ဝဍ္ဎမာန-ထမင်းပွဲပုံ၊ (၇) ဘဒ္ဒပီဌ-ရွှေအင်းပျဉ်ပုံ၊ (၈) အင်္ကုသ-ချွန်းတောင်းပုံ၊ (၉) ပါသာဒ-ပြာသာဒ်ပုံ၊ (၁၀)တောရဏ-တုရိုဏ်တိုင်ပုံ၊

(၁၁) သေတဆတ္တ-ထီးဖြူပုံ၊ (၁၂)ခဂ္ဂ-သန်လျက်ပုံ၊ (၁၃) တလဝဏ္ဋ-ထန်းရွက်ယပ်ဝန်းပုံ၊ (၁၄) မယူရဟတ္ထ-ဥဒေါင်းမြီးစည်းယပ်ပုံ၊ (၁၅) စာမရီ ကတ္ထ-စာမရီသားမြီးယပ်ပုံ၊ (၁၆) ဥဏှီသ-သင်းကျစ်ပုံ၊ (၁၇) ပတ္တ-သပိတ်ပုံ၊ (၁၈) မဏိ-ပတ္တမြားပုံ၊ (၁၉) သုမနဒါမ-မုလေးပန်းကုံပုံ၊ (၂၀) နီလုပ္ပလ-ကြာညိုပန်းပုံ၊

(၂၁) ရတ္တုပ္ပလ-ကြာနီပန်းပုံ၊ (၂၂) သောတုပ္ပလ-ကြာဖြူပုံ၊ (၂၃) ပဒုမ-ပဒုမ္မကြာပုံ၊ (၂၄) ပုဏ္ဏရိက-ပုဏ္ဏရိတ်ကြာပုံ၊ (၂၅) ပုဏ္ဏဃဋ-ရေပြည့်အိုးပုံ၊ (၂၆) ပုဏ္ဏပါတိ-ရေပြည့်ဖလားပုံ၊ (၂၇) သမုဒ္ဒ-သမုဒ္ဒရာလေးစင်ပုံ၊ (၂၈)စက္ကဝါဠ-စကြာဝဠာတောင်ပုံ၊ (၂၉) မေရု-မြင်းမိုရ်တောင်ပုံ၊ (၃၀) သူရိယမဏ္ဍလ-နေစက်ဝန်းပုံ၊

(၃၁) စန္ဒမဏ္ဍလ-လစက်ဝန်းပုံ၊ (၃၂) နက္ခတ္တ-နက္ခတ် ၂၇လုံးပုံ၊ (၃၃-၃၄-၃၅-၃၆) စတုမဟာဒီပ-ကျွန်းကြီး လေးကျွန်းပုံ၊ (၃၇)စက္ကဝတ္တီ-စကြဝတေးမင်းပုံ၊ (၃၈) ဒက္ခိဏာဝဋ္ဋသင်္ခ-လက်ယာရစ် ခရုသင်းပုံ၊ (၃၉) သုဝဏ္ဏမစ္ဆယုဂလ-ရွှေငါးကြင်းရုပ်အစုံ၊ (၄၉) စက္ကာဝုဓ- လက်နက်စကြာပုံ၊

(၄၁-၆၁) သတ္တမဟာဂင်္ဂါ-မြစ်ကြီးခုနစ်စင်း, သတ္တကုလပဗ္ဗတာ-တောင်စဉ်ခုနစ်ထပ်, သတ္တမဟာသရ-အိုင်ကြီးခုနစ်အိုင်ပုံ၊ (၆၄) ဓဇပဋာက-တံခွန်, ကုက္ကား, မုလေးပွားပုံ၊ (၆၅)သုဝဏ္ဏသီဝိကာ-ရွှေထမ်းစင်ပုံ၊ (၆၆) သုဝဏ္ဏဝါဠဗီဇနီ-ရွှေသားမြီးယပ်ပုံ(၆၇)ကောလာသပဗ္ဗတ-ကေလာသ ငွေတောင်းပုံ၊ (၆၈) သီဟရာဇာ-ခြင်္သေ့မင်းပုံ၊ (၆၉) ဗျဂ္ဃရာဇ-ကျားမင်းပုံ၊ (၇၀) ဝလာဟကအဿရာဇ-ဝလာဟကမြင်းပျံပုံ၊

(၇၁) ဥပေါသထဆဒ္ဒန္တ နာဂရာဇ- ဥပေါသထဆင်မင်း, ဆဒ္ဒန်ဆင်မင်းပုံ၊(၇၂) ဗုတုကီနာဂရာဇ-ဗာတုကီနဂါးမင်းပုံ၊(၇၃) ဟံသရာဇ-ဟင်္သာမင်းပုံ၊ (၇၆) သုဝဏ္ဏမကာရ-ရွှေမကာရ်းပုံ၊ (၇၇) စတုမုခ-မျက်နှာလေးခုရှိသော ဗြဟ္မာပုံ၊ (၇၈)သုဝဏ္ဏ နာဝါ - ရွှေလှေပုံ၊ (၇၉) သဝစ္စရဓေနူ-သားငယ်နှင့်တကွ နွားမပုံ၊ (၈၀)ကိံပုရိသာ-ကိန္နရာဖိုပုံ၊

(၈၁) ကိံပုရိသီ-ကိန္နရီမပုံ၊ (၈၂)ကရဝိက-ကရဝိတ်ငှက်ပုံ၊ (၈၃) မယူရရာဇာ-ဥဒေါင်းမင်းပုံ၊ (၈၄) ကောဉ္စရာဇာ-ကြိုးကြာငှက်မင်းပုံ၊ (၈၅) စက္ကဝက္ကရာဇာ- စက္ကဝက်ငှင်မင်းပုံ၊ (၈၆) ဇီဝကရာဇာ- ဇီဝဇိုးငှက်မင်းပုံ၊ (၈၇-၉၂) နတ်ပြည်ခြောက်ထပ်ပုံ၊(၉၃-၁၀၈) ရူပဗြဟ္မာ ၁၆-ထပ်ပုံ၊ အားလုံးရေတွက်လိုက်လျှင် ဘုရားရှင်ရဲ့ ခြေဖဝါးတော်မှာထင်နေတဲ့ စက်လက္ခဏာတော်ပေါင်း ၁၀၈-ကွက်ရှိတယ်၊ သည် စက်လက္ခဏာ ၁၀၈-ကွက်ကိုရည်ပြီး သြောင်း-တစ်ရာ့ရှစ်ကွက်၊ဗုဒ္ဓစက်လို့ ဆိုတာပဲကွယ့်

                   တစ်ဆယ့်လေးချက် ဓမ္မစက်ကိုလဲ အဖြေပေးပါဦးဆရာတော်

                   ၁၄-ချက် ဓမ္မစက်ဆိုတာ မဂ်လေးပါး၊ ဖိုလ်လေးပါးရယ်၊တရားတော်ရဲ့ ဂုဏ်တော် ခြောက်ပါးရယ် အားလုံးပေါင်းလိုက်တော့ (၁၄)ပါး မရဘူးလား

                   ရပါတယ် ဘုရား

                   အဲသည် ၁၄-ပါးဟာ ၁၄-ချက် ဓမ္မစက်ပါပဲကွယ်

                   တစ်ဆယ့်ရှစ်ချက် သံဃာ့စက်လဲ မိန့်တော်မူပါဦးဘုရား

                   သံဃာတော်ဟာ သမုတိသံဃာ၊ ပရမတ္ထသံဃာရယ်လို့နှစ်မျိုးရှိတယ်ကွယ့်၊ သံဃာတော် တစ်မျိုးမျိုးမှာ သုပ္ပဋိပ္ပန္နတာ စတဲ့ ဂုဏ်တော်ပေါင်းကိုးပါးစီ, ကိုးပါးစီရှိကြတယ်၊ သံဃာနှစ်မျိုးကို ပေါင်းလိုက်တော့ ဂုဏ်တော်ပေါင်းဘယ်လောက်ရှိသလဲကွယ့်

                   ဂုဏ်တော်နှစ်မျိုးကို ပေါင်းလိုက်တော့ ၁၈-ပါးရှိပါတယ် ဘုရား

                   အေး-အဲသည် ၁၈-ပါးဟာ တစ်ဆယ့်ရှစ်ချက်သံဃာ့စက်ပါပဲကွယ်၊ နားရှင်းပြီ မဟုတ်လား

                   မှန်ပါ - နားရှင်ပါပြီ ဘုရား

                   သာဓု - သာဓု - သာဓု

 

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

အဂ္ဂမဟာသဒ္ဓမဇောတိကဓဇ ဘဒ္ဒန္တဒေဝိန္ဒာဓိပတိ (ထီးချိုင့်မြို့ - တည်တောဆရာတော်ကြီး)

ယနေ့ဗုဒ္ဓဝါဒဆိုင်ရာ အမေးအဖြေများ     မှ ကောက်နုတ်ပူဇော်ပါသည်။

 

စက်ကြီး ၁၃-ပါး ဂါထာမန္တန်တော်ရွတ်ဆိုခြင်း၏ အကျိုး

စက်ကြီး (၁၃)ပါး ဂါထာမန္တန်တော်ကို နေ့စဉ် ရွတ်ဖတ်ခြင်းဖြင့် မိမိတို့အိမ်၌ ကျက်သရေ မင်္ဂလာ တိုးတက် ပွားများစေပါသည်။ ကျရောက်ဆဲ၊ ကျရောက်လတ္တံ့သော ဘေးအန္တရာယ်များလည်း ကင်းဝေးစေပါသည်။ ထို့ပြင် အမိအဘ၊ ဆရာသမားစသော ချစ်ခင်နှစ်သက်သူတို့နှင့် မကွဲမကွာ အတူတကွ နေထိုင်ရသော အကျိုးတို့ကိုလည်း ရရှိစေနိုင်ပါသည်။

ဤဂါထာ မန္တန်တော်ကို ကုန်းလမ်း၊ ရေလမ်း၊ လေယာဉ်ခရီးလမ်းတို့ သွားရာလာရာ၌ အထူးသတိပြုကာ တလေးတစားရွတ်ဆို ပွားများသင့်ပါသည်။ ယင်း ဂါထာ မန္တန်တော်ကို ရွတ်ဖတ် ပွားများသင့်ပါသည်။ ယင်း ဂါထာ မန္တန်တော်ကို ရွတ်ဖတ် ပွားများပြီးသောအခါ မိမိ ကိုယ်စောင့်နတ် အပါအ၀င် နတ်တို့အား အမျှပေးဝေပါ။ လမ်းခရီး၌ အန္တရာယ် တစ်စုံတစ်ခုကြုံလာသည့်တိုင် ၎င်းနတ်တို့က မိမိအား ကျေးဇူးတင်သောအားဖြင့် တုံ့ပြန်ကူညီကြပါလိမ့်မည်။ သူတော်ကောင်း နတ်ကောင်းမဆိုသည့် သဘောကို စဉ်းစား ဆင်ခြင်ရန် ဖြစ်ပါသည်။

 

Views: 13

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2020   Created by ukkmaung.   Powered by

Badges  |  Report an Issue  |  Terms of Service