ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ဂါရဝတရား-ရှေ့တန်းတင်၍

ဂါရဝတရား-ရှေ့တန်းတင်၍

ဝါဝင်-ဝါထွက်မှာဖြစ်စေ၊ အခါကြီး ရက်ကြီးများမှာဖြစ်စေ၊ ပူဇော်သင့် ပူဇော်ထိုက်သော ပုဂ္ဂိုလ် တို့ကို ပူဇော်ခြင်း၊ ဂါရဝပြုခြင်းသည် မြန်မာဗုဒ္ဓဘာသာဝင်တို့၏ ယဉ်ကျေးသိမ်မွေ့သော ရိုးရာအစဉ်အလာ တရပ်ပင် ဖြစ်ပေသည်။ အလေးအမြတ်ပြုထိုက် ဂါရဝပြုထိုက်သော ပုဂ္ဂိုလ်တို့မှာ ဘုရား, တရား, သံဃာ ရတနာသုံးပါးနှင့် မိဘ ဆရာသမားတို့ပင် ဖြစ်ကြပေသည်။ ထို့ပြင် မိမိထက် အသက်သိက္ခာကြီးရင့်သူများ၊ သီလ-သမာဓိ-ပညာ ဂုဏ်အားဖြင့် သာလွန်သူများကိုလည်း ပူဇော်ထိုက်သည်၊ ဂါရဝပြုထိုက်သည် သာဖြစ်သည်။

 

ဘာတွေနှင့် ပူဇော်ရမည်နည်းဟု မေးလျှင် ပစ္စည်းဝတ္ထုတတ်နိုင်လျှင် ပစ္စည်းဝတ္ထုများနှင့် ပူဇော်ရပေမည်။ ပစ္စည်းဝတ္ထု မတတ်နိုင်လျှင်လည်း လက်အုပ်ချီမိုး ရှိခိုးကန်တော့ခြင်းဖြင့်၎င်း၊ ကာယကံ-ဝစီကံ-မနောကံမေတ္တာတို့ကို ပို့ဝေခြင်းဖြင့်၎င်း ပူဇော်နိုင်ပေသည်။ ''ယင်းသို့ ပူဇော်ထိုက်သူတို့ကို ပူဇော်ခြင်းသည် ကြီးပွားချမ်းသာကြောင်း ကောင်းမြတ်သော မင်္ဂလာဖြစ်ပေ၏'' ဟု မင်္ဂလာတရားတော်၌ ဟောထားပေသည်။
''လူမှုရေးရာ၌ ကျွမ်းကျင်လိမ္မာသူတို့သည် မိမိထက် အသက်သိက္ခာ ကြီးရင့်သူတို့ကို၎င်း၊ သီလ-သမာဓိ-ပညာဂုဏ်အားဖြင့် သာလွန်သူတို့ကို၎င်း၊ အလေးအမြတ် ဂါရဝပြုလေ့ရှိကြကုန်၏။ ထိုသူတို့သည် ဤလူဖြစ်သောဘဝတွင်လည်း အများ၏ ချီးမွမ်းခြင်း၊ ချီးမြှောက်ခြင်းကို ခံကြရသည်၊ နောက်ဘဝများ၌ လည်း ဂတိကောင်း ဘဝကောင်းကို ရနိုင်ကြသည်...''


''ဂုဏဝုဒ္ဓိ ဝယဝုဒ္ဓိ ပုဂ္ဂိုလ်တို့ကို ရှိခိုးပူဇော်လေ့ရှိသူသည် အသက်ရှည်ခြင်း, အဆင်းလှခြင်း, ချမ်းသာကြီးခြင်း, ဥာဏ်ပညာကြီးခြင်းဟု ဆိုအပ်သော အကျိုးထူးတရားတို့ကို မုချရနိုင်ပေ၏...''
ဤကား ဗုဒ္ဓညွန်ပြခဲ့သည့် ဂါရဝပြုသူတို့ ရရှိရမည့်အကျိုးတရားများပေတည်း။ ကျွန်ုပ်တို့သည် ''အရင်းအနှီးများစွာ စိုက်ထုတ်နိုင်မှ အမြတ်များများရမည်''ဟု နေရာတိုင်း၌ ဈေးတွက် တွက်တတ် ကြသည်။ အရင်းအနှီးများစွာ စိုက်ထုတ်ဖွယ်မလိုပဲ အမြတ်အများကြီးထွက်သော လုပ်ရပ်တို့ကိုမူ မျက်စိ လျှံ၍ နေတတ်ကြပေသည်။ အထက်ပါ ဗုဒ္ဓမြတ်စွာ ညွန်ပြခဲ့သည့် အကျိုးအမြတ်သည် အရင်းအနှီးများစွာ စိုက်ထုတ်နေကြရန် မလိုပါချေ။ ယဉ်ကျေးဖွယ်ရာသော ကိုယ်အမူအရာ ကျိုးနွံချိုသာသောစကား၊ နှိမ့်ချ သော မာန်မာန စိတ်ထားဖြင့် မိမိလုပ်အားကို အကျိုးရှိစွာ သုံးသွားပါလျှင် အလိုလိုပင် သျှိုသိဒ္ဓိ-ရှိမ်းသိဒ္ဓိများ ပြီးမြောက် ရပေမည်။

ဤတွင် ''ဂုဏဝုဒ္ဓိ ဝယဝုဒ္ဓိ ပုဂ္ဂိုလ်တို့ကို ဂါရဝပြုခြင်းဖြင့် အဘယ့်ကြောင့် အသက်ရှည်ခြင်းစသော အကျိုးတရားတို့ ရရှိနိုင်သနည်း'' မေးရန်ရှိပေသည်။ မေးသင့်ပါ၏။ ဘဝင်ကျလောက်အောင်လည်း (သိပ္ပံနည်းကျကျ) နှိုက်ချွတ်လေ့လာ ကြည့်သင့်ပါသည်။ အို...စာရှုသူ၊ သင်သည် မိဘဆရာသမား စသူတို့ထံ သွားရောက်၍ ပူဇော်ကန်တော့သည်ဆိုပါစို့။ သင့်အား မည်သို့တုံ့ပြန်မည် ထင်ပါသနည်း။ အနည်းဆုံး ''ဘုန်းကြီးပါစေ၊ သက်ရှည်ပါစေ၊ စိတ်သွားတိုင်းကိုယ်ပါ၍ လိုရာဆန္ဒပြည့်ဝပါစေ'' စသည်ဖြင့် မိဘဆရာသမားတို့ ပေးဝေသော ဝစီကံမေတ္တာ-မနောကံမေတ္တာကို ခံယူရပေတော့မည်။ ဤတွင် မိဘဆရာသမားတို့၏ မေတ္တာရောင်ပြန်ဟပ်မှုကြောင့် သင့်မှာ ကြည်လင်ရွှင်ပျ ချမ်းသာခြင်းသုခကို ဒိဋ္ဌ ခံစားရပေတော့မည်။

လူသားတိုင်း ချမ်းသာသုခထက် ဘာကိုများ ရလိုကြပါသေးသနည်း။ စိတ်ချမ်းသာ ကိုယ်ချမ်းသာ ရှိနေပါလျှင် လုပ်လိုရာကိစ္စ ပြိးမြောက်အောင်မြင်ရမည်သာဖြစ်သည်။ အဆင်းလှခြင်းဟူရာ၌လည်း အမေမွေးသည့်ရုပ်ရည်ထက် ပိုမိုလှလာမည် ချောလာမည်ကား မဟုတ်ချေ။ သို့သော် ကျက်သရေရှိပုံ၊ ကျက်သရေယုတ်ပုံခြင်းကား သိသာခြားနားလှပေသည်။ မိဘဆရာသမား ဘိုးဘွားစသူတို့အား ရိုသေလေးစားမှု ကင်းသူတို့အဖို့ ''ဘုန်းကြီး၍သက်မရှည် သက်ရှည်သော်လည်း ဘုန်းမကြီး'' ဖြစ်ရ တတ်၏။ မှန်ပါသည်။ ''မိဘဘိုးဘွား၊ သက်ကြီးအားလျှင်၊ ပြစ်မှားကျူးထွေ၊ မရိုသေက၊ သရေမတက်၊ ဂုဏ်ရည်ပျက်'' ရချိမ့်မည်သာတည်း။ မိဘဆရာသမား ဘိုးဘွားစသူတို့ကို အမြဲတမ်း ရိုသေလေးစားမှု ပြုနေသူတို့ကား ဂုဏ်ရည်ဂုဏ်သွေး တရိပ်ရိပ်မြင့်တက်လျက် မက်မပြေဘွယ် ကျက်သရေတို့ဖြင့် အမြဲ  တမ်း ယှက်ဝေလန်းဆန်း၍ အလှပန်းပွင့်နေရမည်သာတမုံ့။

အသိ အလိမ္မာ ဥာဏ်ပညာ တိုးပွားရန်မှာလည်း မိဘဆရာသမားစသူတို့၏အဆုံးအမ အညွန် အပြကို နာခံမှတ်သားမှသာ ပညာပွားနိုင်ပေသည်။ ဗဟုသုတအသိဥာဏ်ကြွယ်မှလည်း လူ့ဘဝတွင် မည်သို့ တန်ဘိုးရှိစွာ နေထိုင်ရမည်၊ အသက်ရှည်အောင် မည်သို့မွေးရမည်ကို သိနိုင်လေသည်။ ''ငါထင်ရာ ငါ့သဘောဖြင့် ငါတကောကောသူ''တို့ကား ''စကားခြေတင်၊ သဘင်မပြဲ့၊ ခံတွင်းမဲ့သို့၊ ချို့တဲ့ပညာ၊ ညှိုးမျက်နှာ'' နှင့် ဘဝဇာတ် သိမ်းကြရမည်မလွဲပေ။ ဤကား ဂါရဝတရားထားသူနှင့် မထားသူတို့ အကျိုးအပြစ်ကို အမြွက်မျှတင်ပြခြင်း ဖြစ်ပါသည်။ ယခုအခါတွင် ဂါရဝတရားကို ကြောခိုင်းလာသူတို့ကား အတော်အတန် များလျက်လာချေပြီ။ အရိုအသေတန်မှုသည် ဘာမှမပြောပလောက်ဟု ထင်ရသော်လည်း လူမှုဆက်ဆံရေးအပိုင်းကို အကြီးအကျယ် ထိခိုက်စေလေသည်။

အရိုအသေမဲ့မှု သိက္ခာမဲ့မှုသည် ရဟန်းတော်များ လောက၌ပင် မကြာမကြာ မြင်တွေ့ရသည်။ ထေရ်ကြီးဝါကြီးတို့အား နေရာဖယ်ပေးခြင်း၊ ချေငံချိုသာစွာ လျှောက်ထားခြင်း စသော နှစ်လိုဖွယ် အပြုအမူ လေးများကိုပင် မပြုလုပ်ချင်ကြပေ။ တခါက စာရေးသူသည် ကိစ္စတခုဖြင့် ကျောင်းတကျောင်းသို့ ရောက်ရှိသွားခဲ့သည်။ ကျောင်းခန်းမရှိ ကုလားထိုင်ပေါ်တွင် ကိုယ်တော်တပါးသည် အဖူးအမျှော် ခံမည့် ဟန်ဖြင့် ထိုင်နေပါ၏။
ဝိနည်းထုံးစံအတိုင်း စာရေးသူက ဂါရဝပြုဖို့ မေးကြည့်ရာ ''သက်ခြောက်ဆယ် ဝါတစ်''ဆိုသော အတန်းအစားထဲကပင်ဖြစ်၍ နေလေတော့သည်။ မိမိနှင့် မတန်ရာသော ဟိတ်ဟန် ထုတ်မှုသည် လောကတွင် သိက္ခာအမဲ့ဆုံးပင် ဖြစ်လေသည်။

လူသားကမ္ဘာကြီးကို ထိန်းပေးထားသော တရားနှစ်ပါးရှိလေသည်။ ညစ်ညမ်းယုတ်မာသော အမူအကျင့်တို့ကို ပြုလုပ်ရန်မှ ရှက်ခြင်း (ဟိရီ) တရားနှင့် ကြောက်ရွံ့ထိတ်လန့်ခြင်း (သြတ္တပ္ပ) တရားတို့ ဖြစ်ကြလေသည်။ ဤ ဟိရီ သြတ္တပ္ပ တရားတို့ကြောင့်သာလျှင် လူသားကမ္ဘာကြီးသည် ''ဘီလူးစည်း လူ့စည်း'' ခြားနားမှု ရှိနေခြင်းဖြစ်သည်။ ရှင်းရှင်းဆိုရသော် လူသားတို့သန္တာန်၌ ဤတရားတို့ မကပ်တော့ဟုဆိုလျှင် ခွေးနွားစသော တိရိစ္ဆာန်တို့နှင့် ခြားနားတော့မည်မဟုတ်ချေ။ ယဉ်ကျေးသော  လူ့ဘောင်ကြီးကို တည့်တံ့ခိုင်မြဲအောင် ဤတရားတို့က ထိန်းချုပ်ထားသဖြင့် ''လောကပါလတရား'' ဟုပင် သတ်မှတ်ခဲ့ကြသည်။ ယင်း လောကပါလတရားတို့ကို အရိုအသေကင်းမဲ့သူ သိက္ခာမဲ့သူတို့က အရင်း အမြစ်မှနေ၍ တူးဖြိုပစ် တတ်ကြလေသည်။
 
မှန်ပါသည်။ အရိုအသေ(ဂါရဝတရား) ကင်းမဲ့သူတို့အဘို့ အရှက်တရား၊ အကြောက်တရားသည် မရှိတော့ချေ၊ ဘာမဆိုလုပ်ရာမှာ ဝန်မလေးသလို၊ မည်သူ့ ကိုမျှလည်း ထီမထင်တော့ပေ။ တဖက်သား အကျိုးတယုတ် ဖြစ်အောင်လုပ်ခြင်း၊ မထေလေးစား ပမာမခန့် လုပ်ခြင်း၊ နောက်ပြောင် စော်ကားခြင်းတို့သည် အနှီလူသားတို့မှ မွေးဖွားပေးလိုက်သော သားဆိုးများ ဖြစ်ကြလေသည်။

ဗုဒ္ဓမြတ်စွာသည် ဝဇ္ဇီမင်းသားတို့ကို စံထား၍ ကြီးပွားတိုးတက်ရေး(အပရိဟာနိယ)တရားတို့ကို ဟောကြားတော်မူခဲ့သည်။
ဗုဒ္ဓ။    ။ဘယ်လိုများကြားသလဲ အာနန္ဒာ-ဝဇ္ဇီမင်းသားတို့သည် ဝဇ္ဇီနိုင်ငံရှိ ရိုသေလေးစားထိုက်သော သက်ကြီး ဝါကြီး ပုဂ္ဂိုလ်တို့ကို ရိုသေလေးစားသမှု ပြုကြကုန်သလော။
အသျှင်အာနန္ဒာ။       ။ရိုသေလေးစားသမှု ပြုကြပါသည်။
ဗုဒ္ဓ။    ။ထိုသက်ကြီး ဝါကြီးပုဂ္ဂိုလ်တို့၏ ဆိုဆုံးမစကားကို လေးစားနာယူခြင်း၊ လိုက်နာခြင်း ရှိကုန်ကြ သလော။
အသျှင်အာနန္ဒာ။        ။လေးစားနာယူခြင်း လိုက်နာခြင်းရှိကြပါသည်။
ဗုဒ္ဓ။    ။ဝဇ္ဇီမင်းသားတို့သည် ယင်းသို့ ဂါရဝတရားကို ရှေ့တန်းတင်၍ လေးစားလိုက်နာသမျှ ဝဇ္ဇီနိုင်ငံသည် ပြိုပျက်သွားမည် မဟုတ်ချေ။ တိုးတက်စည်ပင်၍သာ နေချိမ့်မည်။
ဤကား....လူသားတို့ ကြီးပွားတိုးတက်ရေးအတွက် ဗုဒ္ဓညွှန်ကြားခဲ့သည့် ဥပဒေသ ဖြစ်၏။ သာသနာတော်အတွက်လည်း ဤသို့ မိန့်ကြားတော်မူခဲ့သည်၊ ''ငယ်ရွယ်သော သံဃာတော်တို့၏ ဖခင်ကြီး များသဖွယ် ဖြစ်ကုန်သော ထေရ်ကြီးဝါကြီး သံဃာ့ဦးစီး ပုဂ္ဂိုလ်ကြီးများ၏ ဆုံးမကို လုံးဝလေးစားနာယူ ကြလျှင် ဘယ်တော့မှ ဆုတ်ယုတ်ပျက်ပြားခြင်း မဖြစ်နိုင်။ သာသနာတော်သည် စည်ပင်တိုးပွား၍သာ နေမည် ဧကန်တည်း''။

အထက်ပါ ဗုဒ္ဓမြတ်စွာ၏ မိန့်ကြားချက်တို့ကို ပဋိလောမနည်းဖြင့် ကောက်ယူလိုက်ပါလျှင် ဂါရဝတရားကို ရှေ့တန်းမတင်ကျောခိုင်းလိုက်ပါက ဝဇ္ဇီနိုင်ငံသည် ပြိုပျက်ရမည်ဟူ၍ ဖြစ်လေသည်။ ''စေ့စေ့ တွေးက ရေးရေးပေါ်'' ဟူသကဲ့သို့ အလေးအနက် တွေးကြည့်လိုက်လျှင် သာသနာတော် တည်တံ့ခိုင်မြဲရေး အတွက် ၄င်းဂါရဝတရားသည် ကြီးမားသော အတိုင်းအတာဖြင့် ရှေ့ဆုံးမှနေရာယူထားသည်ကို တွေ့နိုင် ပေသည်။ ဟုတ်ပေ၏။ တဦးနှင့်တဦး၊ ပြည်နယ်တခုနှင့်တခု ယုံကြည်အားထားခြင်း၊ ချစ်ခင်လေးစားခြင်း (ဂါရဝတရား) ကင်းလျှင် သွေးစည်းညီညွတ်ခြင်း၏ အင်းအားကို ရရှိနိုင်မည် မဟုတ်ချေ။ သွေးစည်း ညီညွတ်ခြင်းမှ ကင်းသောနိုင်ငံ(သို့မဟုတ်) ပြည်ထောင်စုသည် ''သူတလူ ငါတမင်း'' ပြိုကွဲပျက်စီးခြင်းဖြင့် နိဂုံးကမ္ပတ် အဆုံးသတ်ရချိမ့်မည် မဟုတ်တုံလော။ ထို့ကြောင့် ကျွန်ုပ်တို့သည် နိုင်ငံကိုချစ်လျှင် သာသနာ တော်ကို မြတ်နိုးလျှင် ဂါရဝ တရားကို ရှေ့တန်းတင်၍ တလေးတစား တန်ဖိုးထားလိုက်နာကြပါစို့။  ။

 

အရှင်မဟောသဓ ပဏ္ဍိတ
၁၃-၁၁-၇ဝ
ဓမ္မဗျူဟာ (အတွဲ ၉၊ အမှတ် ဂ။)

Views: 182

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Mgaye is now a member of ရတနာဝါသ ဘုရားကျောင်း 華緬 三寶寺
Sep 9
Star is now a member of ရတနာဝါသ ဘုရားကျောင်း 華緬 三寶寺
Aug 20
joy clark updated their profile
Aug 7
joy clark posted a blog post
Aug 7

Birthdays

Birthdays Tomorrow

Members

© 2020   Created by ukkmaung.   Powered by

Badges  |  Report an Issue  |  Terms of Service