ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ရဟန်းဘ၀ ဘေးလေးဝ

    ရဟန်းဘ၀ ဘေးလေးဝ
မြတ်ဗုဒ္ဓက ရဟန်းတော်တွေကိုခေါ်ပြီးဆုံးမပါတယ်။ ချစ်သားတို့ရေ.. ရေသို့ သက်ဆင်းသောသူ လေးပါးသောဘေးကို တွေ့ရပါလိမ့်မယ်။ အဲဒါတွေကတော့-
(၁) လှိုင်းတံပိုးဘေး၊ [Fear of waves]
(၂)မိကျောင်းဘေး၊(Fear of crocodiles]
(၃)၀ဲဘေး၊[Fear of whirlpools]
(၄)ငါးမန်းဘေး [Fear of sharks] တို့ပဲဖြစ်ပါတယ်။ ထိုနည်းတူစွာပါပဲ၊ သာသနာ့ဘောင်မှာ ရဟန်းပြုသောအချို့သောပုဂ္ဂိုလ်တို့လဲ ဤဘေးလေးပါးကို တွေ့ရပါလိမ့်မယ်။
 
       (၁) ချစ်သားတို့- လှိုင်းတံပိုးဘေးဟူသည် တချို့က သဒ္ဓါတရားဖြင့်ရဟန်းပြုလာကြတယ်။ သာသနာ့ဘောင်ရောက်တော့ ရဟန်းအချို့က” င့ါအရှင် သင်သည် ဤသို့ရှေ့သို့တက်ရမယ်၊ ဤသို့တစောင်းကြည့်ရမယ်၊ ဤသို့ကွေးရမယ်၊ ဤသို့ဆန့်ရမယ်၊ ဤသို့ဒုကုဋ် သပိတ်သင်္ကန်းကို ဆောင်ရမည်”ဟုပြောဆိုကြပါတယ်။  သာသနာ့ဘောင်ဝင်လာသောရဟန်းသည် သူက ငါ့တို့ထက်ငယ်တာကို ငါ့လာပြီးဆုံးမရမလား၊ ငါလူ့ဘ၀တုန်းက ငါကသာ ဆုံးမခဲ့ရတာပါ၊ အခုတော့ ကိုယ့်ထက်ငယ်တဲ့သူကလဲ ဆုံးမနေတယ်၊ ဘာဖြစ်တယ်၊ ညာဖြစ်တယ်ဆိုပြီ ရဟန်းသိက္ခာကိုစွန့်ပြီးလူထွက်ပါတယ်။ ထိုသို့သောသဘောကိုပင် လှိုင်းတံပိုးဘေးဟု ငါဘုရားပြောခြင်းဖြစ်ပါတယ်။ [လှိုင်းတံပိုးဘေးဟူသည် ပြင်းထန်သော အမျက်ဒေါသ၏အမည်ဖြစ်ပါတယ်။]
ဒီနေရာမှာ စကားစပ်တာနဲ့ ရဟန်းအမျိုးအစားငါးမျိုးရှိကြောင်းကို အကျဉ်းမျှ တစ်ခါတည်းဖော်ပြချင်ပါသေးတယ်။
 
(i)           သဒ္ဓါပဗ္ဗဇိတ [Enter monkhood because of faith]- ဘုရားတရားသံဃာတည်းဟူသော ရတနာသုံးပါးအပေါ်မှာ ယုံကြည်မူဖြင့် သာသနာ့ဘောင်သို့ဝင်ရောက်လာသောရဟန်းကို သဒ္ဓါပဗ္ဗဇိတရဟန်းဟုခေါ်ပါတယ်။
 
(ii)          ပညာပဗ္ဗဇိတ[Enter monkhood due to wisdom]- မြတ်ဗုဒ္ဓစာပေတွေကို လေ့လာရရင်သိပ်ကောင်းမှာပဲစသည့်ဖြင့်ပညာဖြင့်ဆင်ခြင်းစဉ်းစားပြီးသာသနာ့
ဘောင်သို့ဝင်ရောက်လာသောရဟန်းကို ပညာပဗ္ဗဇိတရဟန်းဟုခေါ်ပါတယ်။
 
(iii)         ဘယပဗ္ဗဇိတ[Enter monkhood because of fear]- လူ့ဘ၀မှာစားဝတ်နေရအဆင်မပြေမူတို့ကြောင့်လည်းကောင်း၊ အပြစ်များစွာကိုကျူးလွန်ပြီး ထောင်ဘေးမှလွတ်စေချင်ခြင်းကြောင့်လည်းကောင်းစသည့်ဖြင့် အဲဒီဘေးရန်တွေကိုကျော်ဖြတ် နိုင်ရန်ဆိုတဲ့စိတ်ကူးနဲ့သာသနာ့ဘောင်ကိုဝင်ရောက်လာသောရဟန်းကို ဘယပဗ္ဗဇိတရဟန်းဟုခေါ်ပါတယ်။
 
(iv)         မိရိုဖလာပဗ္ဗဇိတ[Enter monkhood due to tradition]- ငါ့မိသားစုမှာ ဘယ်သူကရဟန်းဝတ်တယ်၊ ငါလဲရဟန်းဝတ်ရင်ကောင်းမယ်၊ မိရိုဖလားအဆက်ပြတ်သွားလို့မဖြစ်ဘူးစသည့်ဖြင့်သာသနာ့ဘောင်ကိုဝင်ရောက်လာသူကို မိရိုဖလာပဗ္ဗဇိတရဟန်းဟုခေါ်ပါတယ်။
 
(v)          ဒုလ္လဘပဗ္ဗဇိတ[Enter monkhood because he wishes to attain what is difficult to attain]- ရဟန်းဘ၀ကရခဲတယ်၊ ရဟန်းလေးတော့ ပြုဦးမှ၊ ရခဲသောရဟန်းဘ၀မှာ ရခဲသောမြတ်ဗုဒ္ဓစာပေတွေကိုလေ့လာဦးမှဆိုပြီး သာသနာ့ဘောင်ကိုဝင်ရောက်လာသူကို ဒုလ္လဘပဗ္ဗဇိတရဟန်းဟုခေါ်ပါတယ်။
 
           (၂)ရဟန်းတို့-မိကျောင်းဘေးဟူသည် တချို့က သဒ္ဓါတရားနဲ့ရဟန်းဝတ်လာတယ်၊ သာသနာ့ဘောင်ရောက်တော့ ရဟန်းမိတ်ဆွေများက “ဒီအစာကို စားရမယ်၊ ဒီအစာကိုမစားရပါ၊ ဒီဟာကို သုံးဆောင်ပါ၊ ဟိုဟာကိုတော့မသုံးဆောင်ပါနှင့်၊ ဒီဟာကိုလျက်ပါ၊ ဟိုဟာကိုတော့ မလျက်ပါနှင့်၊ ဒီဟာကိုသောက်ပါ၊ဟိုဟာကိုတော့မသောက်ပါနှင့်၊ အပ်တာကိုပဲစားပါ၊ မအပ်တာတွေကိုမစားပါနှင့်၊ မနက်စာနှင့်နေ့ခင်းစာကိုပဲစားပါ၊ ညစာကိုတော့မစားပါနှင့်စသည့်ဖြင့်ပြောကြားပါတယ်။ သာသနာ့ဘောင်ရောက်လာသောသူသည် ငါတို့လူ့ဘ၀တုန်းက စားချင်တဲ့အချိန်စားတယ်၊ သောက်ချင်တဲ့အချိန်သောက်တယ်၊ ငါတို့လုပ်ချင်တိုင်းမှမလုပ်ရတာဆိုပြီ ရဟန်းဘ၀ကိုစွန့်ပြီး လူထွက်ပါတယ်။ ထိုသို့သောသဘောကိုပင် မိကျောင်းဘေးဟု ငါဘုရားပြောခြင်းဖြစ်ပါတယ်။ [မိကျောင်းဘေးဟူသည် ၀မ်းရေးကို ကြောင့်ကြစိုက်ခြင်း၏အဖြစ်ဖြစ်ပါတယ်]
 

         (၃)ရဟန်းတို့-၀ဲဘေးဟူသည် တချို့ကသဒ္ဓါတရားနဲ့ရဟန်းဝတ်လာကြတယ်။ သာသနာ့ဘောင်ရောက်ပြီးတော့ နံနက်ပိုင်းသင်္ကန်းပြင်ဝတ်ပြီး ဆွမ်းခံသွားတယ်၊ နုတ်ကိုလည်းမစောင့်စည်း၊ ဣနြေ္ဒကိုလည်းမစောင့်စည်းဘဲမြို့ရွာကို ၀င်ပါတယ်။ ထိုသို့ဆွမ်းခံသွားစဉ် ကာမဂုဏ်ငါးပါးခံစားနေသော သူဌေးသူကြွယ်များကိုမြင်သောအခါ ငါ့တို့လူဘ၀တုန်းကခံစား,စံစားရတယ်၊ အခုတော့ မခံစားရဘူး၊ မစံစားရဘူးဆိုပြီး၊ ခံစား, စံစားချင်သောစိတ်ဖြင့် ရဟန်းဘ၀ကိုစွန့်ပြီးလူထွက်ပါတယ်။ ထိုသို့သောသဘောကိုပင် ၀ဲဘေးဟု ငါဘုရားပြောခြင်းဖြစ်ပါတယ်။ [၀ဲဘေးဟူသည် ငါးပါးကုန်သော ကာမဂုဏ်တို့၏အမည်ဖြစ်ပါတယ်။]
 
          (၄)ရဟန်းတို့- ငါးမန်းဘေးဟူသည် တချို့က သဒ္ဓါတရားဖြင့် သင်္ကန်းဝတ်လာကြတယ်။ သာသနာ့ဘောင်ရောက်ပြီးတော့ နံနက်ပိုင်း သင်္ကန်းကိုပြင်ဝတ်တယ်၊ ဆွမ်းခံသွားပါတယ်၊ ဒါပေမယ့် နုတ်ကိုလည်းမစောင့်စည်း၊ ဣနြေ္ဒကိုလည်းမစောင့်စည်းဘဲ မြို့ရွာအနှံ့သွားပါတယ်၊ ထိုသို့သွားနေစဉ် လှပချောမောသော အမျိုးသမီးကိုမြင်တယ်၊ ထိုသူ၏စိတ်ကို ရာဂစိတ်က ဖျက်ဆီးပါတယ်၊ ထိုသို့သောရာဂစိတ်ဖြစ်မူကြောင့် ရဟန်းဘ၀ကိုစွန့်ပြီး လူထွက်ပါတယ်။ ထိုသို့သဘောကိုပင် ငါးမန်းဘေးဟု ငါဘုရားပြောခြင်းဖြစ်ပါတယ်။ [ငါးမန်းဘေးဟူသည် အမျိုးသမီး၏အမည်ဖြစ်ပါတယ်။]
 
မြတ်ဗုဒ္ဓဟောကြားသောတရားတော်ကိုအနှစ်ချုပ်မယ်ဆိုရင် ရဟန်းတော်များသည် သည်းခံနိုင်ခြင်းမရှိခြင်း၊အမျက်ဒေါသတည်းဟူသော လှိုင်းတံပိုးဘေးကြောင့်လည်း လူထွက်သွားနိုင်ပါတယ်။ အစားအစာတည်းဟူသော မိကျောင်းဘေးကြောင့်လည်း လူထွက်သွားနိုင်ပါတယ်။  ကာမဂုဏ်ငါးပါးတည်းဟူသော ၀ဲဘေးကြောင့်လည်း လူထွက်သွားနိုင်ပါတယ်။ အမျိုးသမီးကိုတပ်မက်စွဲလမ်းခြင်းတည်းဟူသော ငါးမန်းဘေးကြောင့်လည်း လူထွက်သွားနိုင်ပါတယ်။ ဒီနေရာမှာ ငါးမန်းဘေးကြောင့် လူထွက်သွားရသော ရဟန်းတော်တစ်ပါး၏အကြောင်းကိုလည်း ပြောပြလိုက်ပါဦးမယ်.။
 
တစ်ခါတုန်းက ရဟန်းငယ်လေးတစ်ပါးဟာ ကာလဒီဃ၀ါပိဒွါရလို့ အမည်ရတဲ့ကျောင်းကို စာသင်ဖို့သွားပါတယ်။ ဒါပေမယ့် စာချမထေရ်က စာသင်ခွင့်မပေးပါဘူး။ ဘာဖြစ်လို့လဲဆိုတော့ ရဟန်းငယ်ရဲ့ အနာဂတ်ကို အဘိညာဉ်နဲ့ကြည့်လိုက် တော့ အမျိုးသမီး အန္တရယ်ကို ကြိုမြင်နေလို့ပါ။ ဒါပေမယ့် ရဟန်းငယ်က နောက်ကနေ တစ်ကောက်ကောက်လိုက်ပြီး စာသင်ပေးဖို့ပဲ ပူဆာနေတာနဲ့ စာချမထေရ်က- ဒါဖြင့်ရင်လဲ ကောင်းပြီး၊ သင်ဒီရွာထဲကို မသွားပါဘူးလို့ ကတိပေးနိုင်ရင် သင်ပေးမယ် လိုဆိုတော့ ရဟန်းငယ်ကလဲ ချက်ချင်းကတိပေးလိုက်ပါတယ်။
 
        ဒီလိုနဲ့ စာတွေသင်ဖြစ်ရင်း စာတတ်သွားတယ်ပဲဆိုပါတော့။ စာတတ်ပြီ စာသင်မူ့ပြီးဆုံးပြီဆိုတော့ မိမိရဲ့ မူလဇာတိကို ပြန်ရတော့မှာပါ၊ မပြန်ခင် ရဟန်းငယ်က ဘယ်လိုစဉ်းစားသလဲဆိုတော့- ငါ့ရဲ့ဆရာက ရွာထဲမသွားရဘူးလို့ ကတိတောင်းထားတယ်၊ မသွားပါနဲ့ပြောထားကာမှ စိတ်ထဲက ပိုသွားချင်နေတယ်၊ ဒါပေမယ့် ငါဟာစာသင်မူ့ ပြီးဆုံးသွားပြီဆိုတော့ ကတိဖျက်မယ်ဆို ဖျက်လို့ရပြီ၊ ဘာပဲဖြစ်ဖြစ် အကြောင်းသိရအောင် ရွာထဲဝင်ကြည့်ဦးမှ လို့စဉ်းစားပါသတဲ့၊ ဆွမ်းခံချိန်ရောက်တော့ သင်္ကန်းရုံ သပိတ်လွယ်ပြီး ရွာထဲဆွမ်းခံကြွပါတယ်။
 
        ဒီလိုနဲ့ဆွမ်းခံရင်း ရွာလယ်လောက်ရောက်တော့ ရဟန်းငယ်နဲ့သက်တူရွယ်တူ ဒကာမငယ်လေးတစ်ယောက် ၀ါရွေရောင် အ၀တ်ကလေးဝတ်ပြီး ဆွမ်းလောင်းပါတယ်၊ ဆွမ်းလောင်းနေရင်း အမှတ်တမဲ့ ရဟန်းငယ်နဲ့ ဒကာမ ငယ်လေးမျက်လုံးချင်းဆုံသွားပါတယ်။ မျက်လုံးချင်းဆုံခိုက်မှာပဲ သူတို့နှစ်ဦး ဘာဖြစ်သွားကြတယ်ဆိုတာ တစ်ဦးကို တစ်ဦး မပြောဘဲနဲ့ သိလိုက်ကြပါတယ်။ ဒါပေမယ့် ရဟန်းငယ်လေးကတော့- ရဟန်းဆိုတဲ့ သတိလေး ပြန်ဝန်လာပြီး အမျိုးသမီးငယ်လေးဆီ ရောက်နေတဲ့အကြည့်ကို ပြန်ရုပ်သိမ်းပြီး မျက်လွှာလေးချ၊ ဣနြေ္ဒပြန်ထိန်းပြီး ရှေ့ဆက်ကြွသွားပါတယ်။ ဣနြေ္ဒမထိန်းနိုင်သူကတော့ အမျိုးသမီးငယ်လေးပါပဲ။ ရဟန်းငယ်လေး ရှေ့ဆက်ကြွသွားပေးမယ့် အမျိုးသမီးငယ်လေးရဲ့ မျက်လုံးထဲမှာတော့ ရဟန်းငယ်လေးရဲ့ ပုံရိပ်က လုံးဝမထွက်တော့ပါဘူး။ ဒါကြောင့် ဆွမ်းလောင်းတဲ့ ခွက်နဲ့ဇွန်းကိုသိမ်းပြီး ခုတင်ပေါ်မှာ ခွေခွေလေး သွားအိပ်နေပါတော့တယ်။ လူက ခုတင်ပေါ်မှာဆိုပေးမယ့် စိတ်ကတော့ ရွာထိပ်ရောက်လောက်ပြီးဖြစ်တဲ့ ရဟန်းငယ်လေးဆီမှာပါပဲ။ သမီးရဲ့ဖြစ်စဉ်ကို ခပ်လှမ်းလှမ်းမှာ အလုပ်လုပ်နေတဲ့ မိခင်က ကောင်းကောင်းရိပ်မိပါတယ်၊ ဒါကြောင့် သမီးဆီသွားပြီး- သမီးရယ် ဘာဖြစ်တာလဲ ပေါ့ ၊ မိန်းမသားခြင်းဖြစ်လိုလား မသိပါဘူး၊ သမီးကလဲ- အမေရယ်၊ သမီး အဲဒီရဟန်းငယ်လေးကိုမှ မရရင်သေရပါလိမ့်မယ် လို့ပြောပါသတဲ့။
 
ဒီတော့ မိခင်ဖြစ်သူလဲ သမီးရဲ့အသက်တော့ မသေစေရဘူးဆိုပြီး ရွာထိပ်ရောက်လောက်ပြီးဖြစ်တဲ့ ရဟန်းငယ်လေးဆီကို အပြေးလိုက်သွားပါတယ်၊ ရွာထိတံခါးဝမှာပဲ ရဟန်းငယ်လေးကိုမီပါတယ်၊ ရဟန်းငယ်လေးကို တွေ့ တာနဲ့- အရှင်ဘုရား၊ အိမ်ပြန်ကြွပြီး ဆွမ်းခံကြွပါဦးဘုရား လို့ လျှောက်ပါတယ်၊ ရဟန်းငယ်ကလည်း- ဆွမ်းပြည့်စုံပါပြီ လို့ပြန်ပြောတယ်၊ အဲဒီအခါကျတော့ မိခင်ဖြစ်သူက-အရှင်ဘုရားရယ်၊ တပည့်တော် အမှန်အတိုင်းပဲ လျှောက်ပါရစေတာ့ဘုရား၊ အရှင်ဘုရားကို တပည့်တော်မသမီးက မြင်မြင်ချင်း သံယောဇဉ်ဖြစ်ပြီး အိပ်ရာထဲမှာလဲပြီး ကျန်ခဲ့ပါတယ်ဘုရား၊ ပြီးတော့ တပည့်တော်တို့မှာသားသမီးဆိုလို့ ဒီသမီးလေးတစ်ယောက်ထဲပဲရှိပါတယ်၊ အရှင်ဘုရားကိုလဲ တပည့်တော်တို့က သားကြီးအရာထားပါ့မယ်ဘုရား၊ အရှင်ဘုရား လူထွက်ခဲ့ရင် လူ့ ဘ၀မှာ ချမ်းချမ်းသာသာနဲ့အသက်မွေးနိုင်ဖို့ ထိုက်သင့်တဲ့ ငွေကြေးလဲ ရှိပါတယ်ဘုရား လို့လျှောက်ပါတယ်။ ရဟန်းငယ်ကလဲ စိတ်မကောင်းတဲ့ဟန်နဲ့ပဲ ပြန်ပြောပါတယ်။ - ဒကာမကြီးရယ်၊ ဦးဇင်းလဲ အမှန်အတိုင်းပြောရရင် ဒကာမကြီးသမီးကို မြင်မြင်ချင်း သံယောဇဉ်ဖြစ်မိပါတယ်၊ ဒါပေမယ့် ဦးဇင်းက လူ့ ဘ၀နဲပတ်သက်တဲ့ ပလိဗောဓအားလုံးကိုဖြတ်ခဲ့ပါပြီ၊ ဒါကြောင့် တစ်ခြားသင့်တော်ရာ အမျိုးသားတစ်ယောက်ကိုသာ စဉ်းစားပါတော့ လို့ ပြောပြီး ရှေ့ဆက်ကြွသွာပါတော့တယ်။
 
   မိခင်ဖြစ်သူလဲ အိမ်ပြန်လာခဲ့ပြီး သမီးဖြစ်သူကို ရဟန်းငယ်ပြောခဲ့အတိုင်း ပြန်ပြောပြပြီး- သမီးရယ်၊ ထပါဥိး၊ စားစရာသောက်စရာတွေလဲစားပါဦး၊ သမီးနှစ်သက်ရာ တစ်ခြားယောက်ျားတစ်ယောက်ကိုပြောပါ၊ အဲဒီယောက်ျားကို အမေတို့တောင်းပေးပါမယ် လို့ ဖျောင်းဖျပြောဆိုပါတယ်၊ မိခင်ရဲ့ စကားသံကြားရတော့ သမီးဖြစ်သူက- အမေရယ်၊ သမီးမျက်လုံးထဲမှာ ကိုယ်တော်လေးပဲ မြင်နေပါတယ် လို့ပြန်ပြောပါတယ်။ ဒီလိုနဲ့ အမျိုးသမီးငယ်လေးဟာ ရဟန်းငယ်လေးကို စွဲလမ်းပြီး မစားနိုင်မသောက်နိုင်နဲ့(၇)ရက်မြောက်တဲ့နေမှာပဲ အသည်းကွဲပြီး သေဆုံးသွားပါတော့တယ်၊ ပြီးတော့ အမျိုးမသီးငယ်လေးရဲ့ အ၀တ်တွေကို ကြွလာတဲ့ သံဃာတွေကို ခွဲဝေလှူလိုက်ပါတယ်၊ အဲဒီအသုဘမှာ မထေရ်ကြီးတစ်ပါးလဲပါတာဆိုတော့ သူလဲ အမျိုးသမီးငယ်လေးရဲ့ ၀ါရွေရောင်အ၀တ်ပိုင်းလေးကို ဝေစုအဖြစ် ရခဲ့ပါတယ်။
 
         တိုက်တိုက်ဆိုင်ဆိုင်ပါပဲ၊ မထေရ်ကြီး ကျောင်းပြန်ရောက်တဲ့အချိန် ရဟန်းငယ်လေးကလဲ အဲဒီအနားမှာရှိတဲ့စေတီကိုဝင်ဖူးပြီး မထေရ်ကြီးကျောင်းမှာ ခေတ္တခဏ ၀င်ရောက်တည်းခိုနေချိန်ပါ၊ မထေရ်ကြီးက ကျောင်းပြန်ရောက်တော့ ရဟန်းငယ်လေးကို- ဦးဇင်းလေးရယ်၊ တပည့်တော်ကို ဒီအ၀တ်ကလေးနဲ့ ရေစစ်လုပ်ပေးပါလို့ မိန့်ပါတယ်။ ရဟန်းငယ်လေးဟာ ၀ါရွေရောင်အ၀တ်ပိုင်းလေးကို မြင်လိုက်တယ်ဆိုရင်ပဲ အဲဒီအရောင်လေးက အခုအချိန်အထိ မျက်လုံးထဲက မထွက်သေးတာဆိုတော့ တုန်တုန်ယင်ယင်နဲ့ပဲ- ဆရာတော်ဘုရား ဒီအ၀တ်စကလေးက ဘယ်ကရလာတာလဲဘုရား လို့ လျှောက်ကြည့်မိပါတယ်၊ အဲဒီတော့မထေရ်ကြီးက-ဒီအ၀တ်စကလေးအကြောင်းတော့ ပြောကိုမပြောချင်ပါဘူးကွယ်၊ ဒကာမလေးတစ်ယောက်က ကိုယ်တော်လေးတစ်ပါးကို ဆွမ်းလောင်းရင် သံယောဇဉ် ဖြစ်မိပါသတဲ့၊ အဲဒါ အဲဒီကိုယ်တော်လေးကို မရလို့ အသည်းကွဲပြီး သေသွားပါသတဲ့ကွယ်၊ အဲဒီအ၀တ်စကလေးက သူ့ ရဲ့အ၀တ်စကလေးပါပဲလို့ ပြောပြလိုက်ပါတယ်။ မထေရ်ကြီးရဲ့ စကားကြားလိုက်ရတော့ ရဟန်းငယ်လေးက- ဒီလောက်လှတဲ့ ဒကာမလေးနဲ့ မပေါင်းဖက်လိုက်ရလေခြင်း လို့ တွေးပြီး အ၀တ်စကလေးကို ကိုင်ရင်း အဲဒီနေရာမှာတင် အသည်းကွဲပျံလွန်တော်မူသွားပါသတဲ့။
 
ဒီနေရာမှာအထူးပြောချင်တာက ရဟန်းဘ၀မှာ အထက်ပါဖော်ပြခဲ့သောဘေးလေးဝကြောင့်သာ ပျက်စီးရတာ များတာပါ။ အထက်ပါဇာတ်လမ်းလေးကိုဖတ်ပြီး အချစ်၏အစွမ်းကြောင့် လူထွက်တာတောင်မဟုတ်ဘူး၊ အသက်ပါဆုံးရုံးသွားရပါတယ်။ သီဟိုဠ်ဝတ္ထုတော်တွေမှာတော့ လူထွက်သွားတဲ့ဇာတ်လမ်းတော်တော်များပါတယ်။ ဘယ်လိုပဲဖြစ်ဖြစ်ပါလေ ရလာတဲ့ရဟန်းဘ၀မှာ ဘေးလေးဝကို ကျော်ဖြတ်နိုင်ရင် မြဲသွားမှာတော့သေချာပါတယ်။ မကျော်ဖြတ်နိုင်ရင်တော့လည်း လဲကျသွားရုံပါပဲ..။ ဒီတော့ ရဟန်းဘက်မှလဲအထူးဂရုစိုက်စရာလိုသလဲ အမျိုးသမီးများဘက်မှလဲ သတိထားလိုက်မိဖို့ပါ။ ရဟန်းဆိုတာက ဒကာ/မ ကိုမှီပြီးအသက်မွေးရတာဆိုတော့ မဖြစ်မနေဆက်နွယ်နေရတာပါပဲ။ အဓိကကတော့ မိဘအရွယ်ရှိသူကို မိဘလိုသဘောထား၊ အမအရွယ်ရှိသူကို အမရွယ်သဘောထား၊ ညီမအရွယ်ရှိသူကိုညီမလိုသဘောထားပြီးဆက်ဆံသွားဖို့ပါပဲလေ။ ရဟန်းဘ၀ ဘေးလေးဝကို ကျော်ဖြတ်နိုင်ကြပါစေဟုပင်ဆုတောင်းရင်အဆုံးသတ်လိုက်ရပါတယ်။
[သူတော်စိတ်မြတ်၊ အငြိမ်းဓာတ်၊လွှမ်းပတ်ကမ္ဘာတည်ပါစေ။
မေတ္တာစိတ်မြတ်၊အအေးဓာတ်၊လွှမ်းပတ်ကမ္ဘာခြုံပါစေ။
သတ္တ၀ါမှန်သမျှ၊ဘေးမခ၊အေးမြချမ်းသာရှိပါစေ။
သတ္တ၀ါမှန်သရွေ့၊တရားတွေ့၊ချမ်းမြေ့သာယာရှိပါစေ။]
လပြည့်ဝန်း[သာစည်]
ကျမ်းကိုး။        ။ စာတုမသုတ်၊ ဘိက္ခုဝဂ်၊ မဇ္ဈိမနိကာယ်။
                    ။Dhamma Padetha Volume I, Mahasi Nayaka Sayadaw Ashin Kundalabhivamsa]
                    ။သီဟိုဠ်ခေတ် စံတော်ဝင်အရိယာများ (ဓမ္မာစရိယ ဦးဌေးလှိုင်)

Views: 80

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Sheinthu is now a member of ရတနာဝါသ ဘုရားကျောင်း 華緬 三寶寺
2 hours ago
ukkmaung posted a blog post
Jan 9
ukkmaung posted a blog post
Jan 4

Birthdays

Birthdays Tomorrow

Members

© 2020   Created by ukkmaung.   Powered by

Badges  |  Report an Issue  |  Terms of Service