ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

တစ်ဘဝစာ အပါယ်လွတ်ရန် နည်းလမ်းကောင်း

တစ်ဘဝစာ အပါယ်လွတ်ရန် နည်းလမ်းကောင်း

ဥပုသ်စောင့်ခြင်း
မြတ်စွာဘုရားသည် သာဝတ္ထိ ပြည်အနီး ၀ိသာခါကျောင်းအမကြီး လှူဒါန်းထားသော ပုဗ္ဗာရုံကျောင်းတော်ကြီး၌ သီတင်း သုံးတော်မူစဉ် ဥပုသ်နေ့တစ်နေ့တွင် ၀ါသာခါ ကျောင်းအမကြီးသည် ပန်းများနှင့် အခြားလှူ ဖွယ်ပစ္စည်းများကို ယူဆောင်၍ မြတ်စွာဘုရား ထံတော်သို့ လာရောက်ကာ ရိုသေစွာ ရှိခိုးလျက်ထိုင်နေ၏။

 

မြတ်စွာဘုရားက “၀ိသာခါ - နေမြင့်မှ ဘာကိစ္စလာသလဲ” ဟု မေးတော်မူ၏။ ၀ိသာခါက “ယနေ့ဥပုသ်နေ့ ဖြစ်၍ တပည့်တော်မ ဥပုသ်စောင့်လာပါသည်ဘုရား” ဟုလျှောက်ထား၏။
မြတ်စွာဘုရားက “၀ိသာခါ - ဥပုသ်သုံးမျိုး ရှိသည်” ဟု အစချီကာ ဥပုသ်အမျိုးမျိုးကို ရှင်းပြဟောကြားတော်မူ၏။

၁။ နိဂဏ္ဌဥပုသ် (တိတ္ထိတက္ကတွန်းတို့ စောင့်သောသပုသ်)
၂။ ဂေါပါလဥပုသ် (နွားကျောင်းသားဥပုသ်)
၃။ အရိယဥပုသ် (မြတ်သောဥပုသ်)

နိဂဏ္ဌဥပုသ် - တိတ္ထိတို့ ညွှန်ကြားဆုံးမသည့်အတိုင်း စောင့်ထိန်းသော ဥပုသ်သည် နိဂဏ္ဌဥပုသ် မည်၏။

 

 ဂေါပါလဥပုသ် - နွားကျောင်းသားများသည် ညအခါ၌ “ဒီနေ့ ဘယ်စားကျက်မှာ နွားများ အစာစားခဲ့ကြတယ်။ ဘယ်ကန်၊ ဘယ်ချောင်းမှာ ရေသောက်ခဲ့ကြတယ်။ မနက်ဖြန် ဘယ်စားကျက်မှာ ကျောင်းမှ၊ ဘယ်ကန်၊ ဘယ်ချောင်းမှာ ရေသောက်စေမှဖြစ်မယ်” ဟု နွားတို့အတွက် အစာနှင့် ရေကို ကြောင့်ကြခိုက် စဉ်းစားသကဲ့သို့ ဥပုသ်သည်လည်း “ဒီနေ့ဘာဟင်းနဲ့ ထမင်းစားခဲ့ကြတယ်။ မနက်ဖြန် ဘာဟင်းနဲ့ထမင်းစားကြမယ်” စသည့်ဖြင့် စားရေး၊ သောက်ရေး၊ ၀တ်ရေး၊ ဆင်ရေး၊ သားရေး၊ သမီးရေး၊ စီးပွားရေး အစရှိသော လောကီရေးတွေကိုသာ စဉ်းစားစိတ်ကူးရင်း ဥပုသ်စောင့်လျှင် ထိုသူ၏ ဥပုသ်သည် နွားကျောင်း

သားဥပုသ် ဂေါပါလဥပုသ် မည်၏။

အရိယဥပုသ် - ဥပုသ်စောင့်ရင်း ရတနာသုံးပါး၏ ဂုဏ်တော်ကို ဆင်ခြင်အောက်မေ့ခြင်း၊ မေတ္တာပွားများခြင်း၊ ၀ိပဿနာပွားခြင်း စသည့်ဖြင့် လောဘ၊ ဒေါသ၊ မောဟ စသောစိတ်အညစ်အကြေးများ စင်ကြယ်အောင် ကြိုးစားအားထုတ်နေလျှင် ထိုသူ၏ ဥပုသ်သည် မြတ်သောဥပုသ် အရိယဥပုသ် မည်၏။

 

ဤအရိယဥပုသ်သည် ဗြဟ္မာ့ဥပုသ်၊ ဓမ္မဥပုသ်၊ သံဃဥပုသ်၊ သီလဥပုသ်၊ ဒေ၀တာဥပုသ်၊ အဋ္ဌင်္ဂီကဥပုသ် ဟူ၍
(၆) မျိုးရှိ၏။
(၁) ဗြဟ္မာ့ဥပုသ် - မြတ်စွာဘုရားတည်းဟူသော ဗြဟ္မာ၏ အရဟံစသော ဂုဏ်တော်တို့ကိုဆင်ခြင်နှလုံးသွင်းလျက် စောင့်သုံးသောဥပုသ်သည် ဗြဟ္မာ့ဥပုသ် မည်၏။

(၂) ဓမ္မဥပုသ် - မြတ်စွာဘုရားဟောကြားတော်မူသော တရားတော်တို့၏ သွာက္ခာတ စသော ဂုဏ်တော်တို့ကို ဆင်ခြင်နှလုံးသွင်းလျက် စောင့်သုံးသောဥပုသ်သည် ဓမ္မဥပုသ် မည်၏။

(၃) သံဃဥပုသ် - သံဃာတော်တို့၏ သုပ္ပဋိပန္နစသော ဂုဏ်တော်တို့ကို ဆင်ခြင်နှလုံးသွင်းလျက် စောင့်သုံးသော ဥပုသ်သည် သံဃဥပုသ် မည်၏။

(၄) သီလဥပုသ် - အကွက်မထင် သန့်ရှင်းစင်ကြယ်သော သီလကို ဆင်ခြင်နှလုံးသွင်းလျက် စောင့်သုံးသော ဥပုသ်သည် သီလဥပုသ် မည်၏။

(၅) ဒေ၀တာဥပုသ် - နတ်တို့သည် သဒ္ဓါ၊ သီလ၊ သုတ၊ စာဂ၊ ဟီရိ၊ သြတ္တပ္ပ၊ ပညာ ဟူသော ကုသိုလ်တရားတို့ကြောင့် နတ်ပြည်သို့ ရောက်ကြရ၏။ မိမိ၌လည်း ထိုသဒ္ဓါစသော ကုသိုလ်တရားတို့ ရှိပေသည်ဟုဆင်ခြင်နှလုံးသွင်းလျက် စောင့်သုံးသော ဥပုသ်သည် ဒေ၀တာဥပုသ် မည်၏။

(၆) အဋ္ဌင်္ဂီကဥပုသ် - “ရဟန္တာအရှင်မြတ်တို့သည် အသက်ထက်ဆုံး သတ္တ၀ါတို့၏ အသက်ကို မသတ်ဖြတ်သကဲ့သို့ မိမိလည်း မသတ်ဖြတ်အံ့” စသည်ဖြင့် ရဟန္တာတို့ကို အတုယူ၍ သိက္ခာပုဒ် (၈) ပါးကို စောင့်ထိန်းလျှင် အဋ္ဌင်္ဂီကဥပုသ် မည်၏။ဖော်ပြပါအတိုင်း ဆင်ခြင်နှလုံးသွင်း၍ ဖြစ်စေ၊ အခြားသော နည်းမှန်လမ်းမှန်ဖြင့် ဆင်ခြင်နှလုံးသွင်း၍ဖြစ်စေ၊ ဥပုသ်စောင့်သုံး လျှင် ကိလေသာကို စင်ကြယ်စေသဖြင့် အရိယဥပုသ်ဖြစ်၏။

ဥပေါသထ - ပါဋ္ဌိဘာသာ ဥပေါသထကို မြန်မာလို ဥပုသ်ဟုခေါ်သည်။ အဓိပ္ပာယ်မှာ ဥပေါသထ = ဥပုသ် =သီလနှင့် ပြည့်စုံလျက်နေခြင်းဟုဆိုလိုသည်။ ဆောက်တည်ထားသောရှစ်ပါးသီလနှင့် ပြည့်စုံအောင်ကိုယ်နှင့် နှုတ်ကို စောင့်စည်းလတက် နေခြင်းကို ဥပုသ်စောင့်သည်ဟု ခေါ်သည်။ဤဥပုသ်သီလကို အချိန်မကန့်သတ်ဘဲဖြစ်စေ၊ နှစ်၊ လ၊ ရက်၊ နာရီ စသည့် မိမိစွမ်းနိုင်သလောက် အချိန်ကန့်သတ်၍ဖြစ်စေ စောင့်ထိန်းနိုင်သည်။ အချိန်မကန့်သတ်ဘဲ တစ်သက်လုံးစောင့်ထိန်းလျှင် အာပါဏကောဋိကသီလ ဟုခေါ်သည်။ အချိန်ကန့်သတ်၍ စောင့်ထိန်းလျှင် ကာလပရိယန္တသီလ ဟုခေါ်သည်။

စင်ကြယ်သောဥပုသ် ဥပုသ်စောင့်မည်ဆိုလျှင် အလျင်တစ်နေ့ကပင် ဥပုသ်နေ့၌ မလုပ်မဖြစ်သည့်ကိစ္စမျိုးမရှိရအောင် ကြိုတင်၍ အပြီးအစီးဆောင်ရွက်ထားရသည်။ ဥပုသ်နေ့ ရောက်လာ၍ ဥပုသ်ခံယူဆောက် တည်ထားသောအခါ ဘုရားဂုဏ်၊ တရားဂုဏ်၊ သံဃဂုဏ်၊ မိမိဆောက်တည်ထားသော သီလဂုဏ်စသည်တို့ကို ဆင်ခြင်နှလုံးသွင်းလျက် နေရမည်။ သားရေး၊ သမီးရေး၊ စီးပွားရေး၊ စားရေး၊ သောက်ရေး၊ အ၀တ်အထည်ရေးတို့ကို ကြံစည်တွေးတောရင်း ဥပုသ်နေ့ကို မကုန်လွန်စေရန် မြတ်စွာဘုရား ဆုံးမညွှန်ကြားတော်မူသည်။

 

အချို့မှာ ကျကျနန ဖြီးလိမ်းပြင်ဆင်ခြယသလျက် ဥပုသ်စောင့်ရန် လာတတ်ကြ၏။ ထိုသို့ လာပြီးလျှင် ဥပုသ်ခံယူဆောက်တည် ခါနီး၌ မိမိ၏မျက်နှာမှ အလိမ်းအခြယ်များအား ပြောင်စင်အောင် ဆေးကြောသုတ်သင် သန့်ရှင်းသင့်ပါသည်။ “မဆောက်တည်မီက လိမ်းခြယ်ထားခြင်းသည် (ဆောက်တည်ပြီးမှ လိမ်းခြယ်ခြင်းမဟုတ်၍) သီလကို မပျက်စီးစေပါ” ဟူသော အယူအဆသည် ဥပုသ်စောင့်ခြင်းဟူသော သဘောနှင့်လည်း အံမ၀င်၊ ဘုရားရှင်၏ အဆိုတော်နှင့်လည်း ခွင်မကျပါ။

 

ဥပုသ်စောင့်ထိန်းရန် မိမိရည်မှန်း ပိုင်းခြားထားသည့် အချိန်ကာလအတွင်း၌ ပန်းပန်ခြင်း၊ လိမ်းကျံခြယ်သခြင်း စသည်တို့ကို မပြုလုပ်ပါဟု ဆောက်တည်ထားသော သိက္ခာပုဒ်၏ သဘောကို ပင်လျှင် ဥပုသ်စောင့်ထိန်းနေဆဲ၌မည် သည့် အလိမ်းအကျံ အခြယ်အသမျှ မရှိရ။ ရှိနေလျှင်လည်း ဆေးကြော သုတ်သင်ပစ်ရမည်ဟူသော သ
ဘောကို ဖော်ပြလျက်ရှိ၏။

ဒါန၊ သီလ၊ ဘာဝနာ စသည်တို့နှင့် ပတ်သက်၍ အဂုင်္တ္ထိုရ်ပါဋ္ဌိတော် န၀ကနိပါတ် ဝေလာမသုတ်၌ ပါရှိသည်မှာ -

(၁) နေ့စဉ်နေ့တိုင်း ထမင်းရည်ချောင်းစီး လှူဒါန်းအပ်သော ဝေလာမပုဏ္ဏား၏ အလှူထက် သောတာပန် တစ်ယောက်အား တစ်ခုသောဆွမ်းကို လှူရခြင်းက ပို၍ အကျိုးကြီး၏။

(၂) ထိုမှတစ်ဖန် သောတာပန်ဦးပေါင်း (၁၀၀) ကို ဆွမ်းလုပ်ကျွေးရသော အလှူထက် သကဒါဂါမ် တစ်ယောက်အား ဆွမ်းလှူဒါန်းရာသော အလှူက ပို၍အကျိုးကြီး၏၊

(၃) ထိုမှတစ်ဖန် သကဒါဂါမ်ဦးပေါင်း (၁၀၀) ကို ဆွမ်းလုပ်ကျွေးရသော အလှူထက် အနာဂါမ် တစ်ယောက်အား ဆွမ်းလှူဒါန်းရသော အလှူက ပို၍ အကျိုးကြီး၏။

(၄) ထိုမှတစ်ဖန် အနာဂါမ်ဦးပေါင်း (၁၀၀) ကို ဆွမ်းလုပ်ကျွေးရသော အလှူထက် ရဟန္တာ တစ်ပါးအားဆွမ်းလှူဒါန်းရသော အလှူက ပိုမိုအကျိုးကြီး၏။

(၅) ထိုမှတစ်ဖန် ရဟန္တာပေါင်း (၁၀၀) ကို ဆွမ်းလုပ်ကျွေးရသော အလှူထက် အရှင်ပစ္စေကဗုဒ္ဓါ တစ်ပါးအား ဆွမ်းလှူဒါန်း ရသောအလှူက ပိုမိုအကျိုးကြီး၏။

(၆) ထိုမှတစ်ဖန် အရှင်ပစ္စေကဗုဒ္ဓါ (၁၀၀) တို့အား ဆွမ်းလုပ်ကျွေးရသော အလှူထက် သဗ္ဗေညုတဘုရားရှင် အား ဆွမ်းလှူဒါန်းရသော အလှူက ပိုမိုအကျိုးကြီး၏။

(၇) ထိုမှတစ်ဖန် ဘုရားရှင်တစ်ပါးတည်းကို ဆွမ်းလုပ်ကျွေးရသော အလှူထက် ဘုရားအမှူးရှိသော သံဃာတော် တို့အား ဆွမ်းလှူဒါန်းရသော အလှူက ပိုမိုအကျိုးကြီး၏။

(၈) ထိုမှတစ်ဖန် ဘုရားရှင်နှင့်တကွ သံဃာတော်တို့ကို ဆွမ်းလှူရသော အလှူထက် သံဃာအများသုံးစွဲနိုင်သော သံဃိက ကျောင်းတစ်ကျောင်း ကို ဆောက်လုပ် လှူဒါန်းရသော အလှူက ပိုမိုအကျိုးကြီး၏။

(၉) ထိုမှတစ်ဖန် သံဃိကကျောင်းတစ်ကျောင်းကို ဆောက်လုပ်လှူဒါန်းရသည်ထက် သရဏဂုံသုံးပါးကို ဆောက်တည်ရ သော ကုသိုလ်က ပိုမိုအကျိုးကြီး၏။

(၁၀) သရဏဂုံသုံးပါးကို ဆောက်တည်ရခြင်းထက် သရဏဂုံသုံးပါးနှင့်တကွ ငါးပါးသီလ ကို ဆောက်တည်ရခြင်းက ပိုမိုအကျိုးကြီး၏။

(၁၁) သရဏဂုံသုံးပါးနှင့်တကွ ငါးပါးသီလကို ဆောက်တည်ရခြင်းထက် နွားနို့တစ်ညှစ်ခန့်သော အချိန်ကာလမျှပင် မေတ္တာဘာဝနာ ကို ပွားများရခြင်းက ပိုမိုအကျိုး ကြီး၏။

(၁၂) မေတ္တာဘာဝနာကို ပွားများရသဖြင့် ရရှိအပ်သောအကျိုးထက် အနိစ္စသညာ ၀ိပဿနာ ကို ပွားများရခြင်းကုသိုလ်သည် ပိုမိုအကျိုးကြီးဟု ဘုရားရှင်က ထင်ရှားစွာ ဟောခဲ့လေပြီ။

အထက်ပါတရားတော်ကို စစ်ဆေးလေ့လာသည်ရှိသော် ဒါနထက် သီလက မြတ်ကြောင်း၊ သီလထက် ဘာဝနာက မြတ်ကြောင်း ထင်ထင်ရှားရှား တွေ့မြင်ရမည် ဖြစ်ပါသည်။


ဦးတင်ဟန်(ရှမ်းတဲကြီး)၏အထက်နေပါအုန်း အောက်လုံအောင်ဖုန်း မှထုတ်နှုတ်တင်ပြသည်။

(မူကြို)
http://www.mmcfamily.org/ 

 

Views: 142

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Members

© 2020   Created by ukkmaung.   Powered by

Badges  |  Report an Issue  |  Terms of Service