ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ခိုင်မြဲမှု ဂုဏ်ရည်

ခိုင်မြဲမှု ဂုဏ်ရည်

ကြာရှည်မခိုင်ခံ့သော အရာဝတ္ထု အကြောင်းအရာတုို့ကို လူတိုင်းက တန်ဖိုး မထားကြ၊ နှစ်နှစ်ကာကာ မသုံးလိုကြ၊ မီးဖြစ်စေကာမူ ခဏတဖြုတ်သာ လောင်ကျွမ်းသော ကောက်ရိုးမီးကို အထင်မကြီးကြ၊ သမီးရည်းစား အချစ် ကိုပင် ကြာရှည်မခံ မခိုင်မြဲလျှင် အထင်သေးကြသည်။


ခိုင်မြဲသော ကြာရှည်ခံသော အရာကိုသာ တန်ဖိုးထားကြသည်။ နှစ်သက် ကြသည်။ ဈေးကြီးပေး၍ပင် ဝယ်ယူသုံးစွဲကြသည်။ မပြယ်သော အချစ် တစ်သက်လုံးအချစ် သံသရာအဆုံး နိဗ္ဗာန်တိုင် အချစ်ဟု ပင်တင်စားကြ သည်။ အမွှန်းတင်ဂုဏ်ယူကြသည်။
မပြေသောရန်ငြိုးစသော အကုသိုလ် ခိုင်မြဲမှုမှတပါး အခြားခြားသော ခိုင်မြဲမှု တို့ကား ခိုင်မြဲလေ ကောင်းလေသာ ဖြစ်သည်။ နိဗ္ဗာန်ကိုပင် ဓုဝ- ခိုင်မြဲသော အရာဟု ဆိုထားသည် မဟုတ်ပါလော။


အရှည်ခိုင်ခံ့ တည်တံ့အောင်ကား အရည်အချင်းများစွာ လိုအပ်သည်။ ဥပမာ- အဆောက်အအုံတစ်ခုကို အရှည်တည်တံ့ခိုင်မြဲအောင်- အခြေခံ အုတ်မြစ်ကောင်းခြင်း သုံးစွဲသော ပစ္စည်းများ အမျိုးမှန်ခြင်း ဆောက်လုပ်မှု စနစ်ကျခြင်း စနစ်တကျ ထိန်းသိမ်းခြင်း စသော အရည်ချင်းများ ပြည့်စုံဖို့ လိုအပ်သည်။


အခြားသော အကြောင်းအရာများ စီမံကိန်းများအသင်းအဖွဲ့များ စသည်တို့ အရှည်တည်တံ့ ခိုင်မြဲရေးမှာလည်း သက်ဆိုင်ရာ အရည်အချင်း လိုအပ် သည်မှာ အထူးပြောဖွယ်ရာမလိုပေ။
မြတ်စွာဘုရားသည် မိမိတည်ထောင်ခဲ့သည့် သာသနာတော်ကြီး အရှည် တည်တံ့အောင်

၁။ ဓမ္မ-သဘောတရားများ


၂။ ဝိနယ- စောင့်ထိန်းလိုက်နာရမည့် စည်းကမ်းများ


၃။ ပရိသတ်- ဓမ္မ ဝိနယကို ကျင့်သုံး ဖြန့်ဖြူးမည့် အရည်ချင်းပြည့် ပရိသတ်

ဤဆိုခဲ့ပြီးသော အရည်အချင်းများ စံများဖြင့် အခြေခံခဲ့သည်။ တည်ဆောက် ခဲ့သည်။
အခြေခံအရည်အချင်းများ ကောင်းခဲ့ခြင်းကြောင့်ပင် ရာစုနှစ် ၂၀-ကျော် (သို့မဟုတ်) နှစ်ပေါင်း ၂၅၀၀-ကျော်သည့် ယနေ့တိုင်အောင် သာသနာ တော်ကြီး တည်တံ့နေခြင်းဖြစ်သည်။

အင်းစိန်ရွာမ ပရိယတ္တိ

အင်းစိန်ရွာမပရိယတ္တိ စာသင်တိုက် နှစ်သုံးဆယ်ခရီး၏ ရလဒ်ကို ကြည့်ခြင်း ဖြင့် စာသင်တိုက်၏ အရည်အသွေးကို ခန့်မှန်းနိုင်ပေမည်။ မှန်ပေသည်-
ဇလပ္ပမာဏံ ကုမုဒနာဠံ(ကြာရိုးကို မြင်သဖြင့် ရေတိမ် ရေနက် ပမာဏကို သိနိုင်သည်) စသည်ဖြင့် လောကနီတိ (ဂါထာ ၁၄)၌ ဆိုထားသည် မဟုတ် ပါလော?

နှစ်သုံးဆယ် အခြေပြဇယား

အခြေပြဇယားကို ကြည့်ခြင်းဖြင့် အင်းစိန်ရွာမပရိယတ္တိ စာသင်တိုက်၏ တိုးတက်မှုကို အခြေ အနေကို သိမြင်နိုင်သည်။
အကြောင်းအမျိုးမျိုးကြောင့် အချို့နှစ်များ၌ ဆုတ်ယုတ်မှုကို တွေ့ရသော် လည်း အားလုံးကို ခြုံကြည့်လျှင် တိုးတက်မှု အောင်မြင်မှုကိုသာ များသော အားဖြင့် တွေ့ရပေလိမ့်မည်။


အချို့စာသင်တိုက်များ အကြောင်းအမျိုးမျိုးကြောင့် ကျဆင်းသွားလျှင် တစ်ဖန်ပြန်လည် တိုးတက်လာသည်ကို မတွေ့ရပေ။
ဤ ရွာမပရိယတ္တိ စာသင်တိုက်သည်ကား အကြောင်းအမျိုးမျိုးကြောင့် ဆုတ်ယုတ်သွားသည့် တိုင်အောင် ပြန်လည် တိုးတက်လာသည်ကို တစ်ကြိမ်မက တွေ့ရခြင်းအားဖြင့် ဤစာသင်တိုက်၏ ဇွဲသတ္တိကို သိနိုင်ပေ သည်။

အင်းစိန် ရွာမပရိယတ္တိစာသင်တိုက်၏ တိုးတက်မှုကို ကြည့်လျှင်


၁။ သံဃာအရေတွက်၏ တိုးတက်မှု (၃၅-ပါးမှ အစပြု၍ ယနေ့အထိ ၆၀၀-ကျော်ရှိလာခြင်း)


၂။ ပညာအရည်အချင်း၏ တိုးတက်မှု ( မူလ ပထမငယ်မှ အစပြု၍ ယနေ့ စာပေးပွဲစုံ အတန်းစုံရှိလာခြင်း)


၃။ စည်းစနစ်၏ တိုးတက်မှု (သာမန်အနည်းငယ်သော စည်းစနစ်မှ အစပြု၍ ယနေ့ ကျောင်းဝင်ခွင့် စည်း စနစ်အပါအဝင် အများလေးစားလောက်သည့် စည်းစနစ်ရှိသည့် စာသင်တိုက် စာရင်းဝင်ခြင်း)


၎။ အဆောက်အအုံ၏ တိုးတက်မှု (ထရံကာ ဓနိမိုး ကျောင်းကလေးမှ သုံးထပ်ကျောင်းဆောင်ကြီးများအဆင့်ထိ ရှိနေခြင်း)


၅။ ထင်ရှားကျော်ကြားမှု၏ တိုးတက်မှု (မထင်မရှားသည့် ရွာမကျောင်းကလေးအဆင့်မှ ပရိယတ္တိ သာသနာနှင့် ဆက်နွယ်သူ ရဟန်း ရှင် လူအားလုံးသိ နိုင်ငံကျော်စာသင်တိုက်ကြီး ဖြစ်နေ ခြင်း)

စသော အချက်များကို တွေ့ရပေမည်။
အင်းစိန်ရွာမပရိယတ္တိ စာသင်တိုက်၏ တိုးတက်မှုသည် ကောက်ရိုးမီးပမာ တစ်ခဏမျှသာ မဟုတ်ပဲ ငွေရတုကိုပင် ကျော်လွန်ခဲ့ပြီ။ ဆယ်စုနှစ် ၃ပြန် နှစ် ၃၀-ခရီး ပုလဲရတုသို့ပင် တိုင်ခဲ့လေပြီ။ နှစ်သုံးဆယ်တိုင်တိုင် ခရီးရှည်ကြီး ကြံ့ကြံ့ခိုင် မဆုတ်မနစ် လျှောက်လှမ်းနိုင်ခဲ့ခြင်းမှာ .................

(၁) ဦးဆောင်မှုကောင်းခြင်း
(၂) စည်းစနစ်ကောင်းခြင်း
(၃) အရည်အချင်း ပြည့်ဝခြင်း
(၄) ကိုယ်ကျိုးထက် အများကျိုးကို ဦးစားပေးခြင်း
(၅) ခေတ်စနစ်နှင့် လျော်ညီအောင် စီမံတတ်ခြင်း စသော အရည်အချင်း များကြောင့် ဖြစ်သည်။

ဆက်လက်ပြီး ရွှေရတု စိန်ရတု ရာပြည့်ပွဲ စသည်တိုင်အောင် ဆင်နွှဲနိုင် အောင် အနာဂတ်ကာလနှင့် သင့်လျော်သည့် အရည်အချင်းများဖြင့် လျှောက်လှမ်းနိုင်အောင် ကြိုးစားရမည်ဖြစ်ကြောင်း တိုက်တွန်းရင်းဖြင့် အမှာ စကားရပ် အဆုံးသတ်အပ်ပါသတည်း။

(၂၀၀၀-ပြည့် ဒီဇင်ဘာလထုတ်၊ အင်းစိန်ရွာမ ပရိယတ္တိ နှစ်သုံးဆယ်ပြည့်နှင့် အဖူးအပွင့်များ စာစောင်မှ)

ဆရာတော်ဦးတိလောကာဘိဝံသ

Views: 158

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Sheinthu is now a member of ရတနာဝါသ ဘုရားကျောင်း 華緬 三寶寺
4 hours ago
ukkmaung posted a blog post
Jan 9
ukkmaung posted a blog post
Jan 4

Birthdays

Birthdays Tomorrow

Members

© 2020   Created by ukkmaung.   Powered by

Badges  |  Report an Issue  |  Terms of Service