ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

(၁ဝ)ဝေဿန္တရာ ဇာတ်တော်

(၁ဝ)ဝေဿန္တရာဇာတ်တော်

ရှေးလွန်လေပြီးသောအခါ သိဝိတိုင်း၊ စေတုတ္တရာပြည်၌ သိဉ္စည်းမင်းကြီး မင်းပြု၏။ ထိုမင်း၏ မိဖုရားကြီးသည် ဖုဿတီဒေဝီ အမည်တွင်၏။ အလွန်လှပတင့်တယ်၏။ အချိန်တန်သော် ဖုဿတီဒေဝီသည် သားတော်တစ်ပါး ဖွားမြင်သည်။ ထိုသားတော်ကို ဝေဿန္တရာဟု အမည်ပေးသည်။

ဝေဿန္တရာကို ဖွားမြင်သောနေ့၌ပင် ကောင်းကင်၌ ကျက်စားသွားလာနေသော ဆင်ပျံမတစ်စီးသည် ဆင်ဖြူပေါက်ကလေးကို မင်း၏ဆင်တင်းကုပ်၌ ထားခဲ့ပြီးလျှင် မိမိနေရာသို့ ပြန်သွားလေသည်။ ထိုဆင်ဖြူတော်ကလေးအား ပစ္စယဟု အမည်ပေးသည်။

ဝေဿန္တရာမင်းသားသည် မွေးစကပင် အလှူအတန်းကို မြတ်နိုးသည်။ မင်းကြီးသည် ဝေဿန္တရာအား အဖိုးတစ်သိန်းထိုက်သော လည်ရွဲတန်ဆာကို ဆင်ပေးထားသည်။ ဝေဿန္တရာသည် အသက် ၄-၅ နှစ် ရှိသောအခါ ထိုလည်ရွဲတန်ဆာကို အထိန်းတော်တို့အား ချွတ်၍ ပေးလှူသည်။ အထိန်းတော်တို့က မယူဝံ့သဖြင့် မင်းကြီးအား ပြန်ပေးသည်။ မင်းကြီးက “ငါ့သားတော်ပေးခြင်းသည် ငါပေးသည်နှင့် အတူတူဖြစ်သည်။ ယူပါ” ဟုဆို၍ လက်ခံစေသည်။ ထို့နောက် လည်ရွဲတန်ဆာအသစ်ကို မင်းသားအား ဆင်မြန်းစေသည်။ ဝေဿန္တရာမင်းသားသည် ထိုလည်ရွဲတန်ဆာအသစ်ကိုလည်း တစ်ဖန် အထိန်းတော်တို့အား ပေးလှူပြန်သည်။ ဤသို့လျှင် ၉-ကြိမ် တိုင်အောင် အထိန်းတော်တို့အား ပေးလှူခဲ့သည်။

ဝေဿန္တရာမင်းသားသည် ၈-နှစ်အရွယ်သို့ ရောက်သောအခါ လည်ရွဲတန်ဆာစသော ပစ္စည်းများ ပေးလှူရသည်ကို ကျေနပ်အားရခြင်းမရှိ။ ‘အကယ်၍ တစ်စုံတစ်ယောက်သောသူသည် ငါ၏နှလုံးသားကို တောင်းလာအံ့။ ငါသည် ရင်ကိုခွဲ၍ နှလုံးသားကို ပေးလှူမည်။ ငါ၏မျက်စိကို တောင်းလာအံ့။ မျက်စိအစုံကို ထုတ်၍ပေးလှူမည်။ ငါ့ကိုယ်၏ အသားကို တောင်းလာအံ့။ ဓားငယ်ဖြင့် အသားကိုလှီးဖြတ် ပေးလှူမည်။ ငါ့ကို ကျွန်ပြုလုပ်လိုသည်ဟု တောင်းဆိုအံ့။ ထိုသူ၏ ကျွန်အဖြစ်ခံမည်’ ဟု အကြံဖြစ်၏။ ထိုအခါ ဤမဟာပထဝီမြေကြီးသည် ပြင်းထန်စွာ မြည်ဟည်းလျက် ငလျင်လှုပ်လေသည်။
ဝေဿန္တရာမင်းသားသည် အသက် ၁၆-နှစ်အရွယ်သို့ ရောက်သောအခါ မင်းသားတို့ တတ်အပ်သော အတတ်မျိုးစုံကို တတ်မြောက်သည်။ ထိုအခါ မင်းကြီးသည် မိဖုရားကြီးနှင့် တိုင်ပင်ကာ ဝေဿန္တရာ မင်းသားအား အလွန်လှပတင့်တယ် ယဉ်ကျေးသော မဒ္ဒီမင်းသမီးနှင့် ထိမ်းမြားပေးသည်။ ထီးနန်းကိုလည်း လွှဲအပ်သည်။ မဒ္ဒီဒေဝီကား မဒ္ဒရာဇ်မင်း၏ သမီးတော် ဖြစ်ပေသည်။

ဝေဿန္တရာမင်းသားသည် မင်းဖြစ်သည့်နေ့မှစ၍ နေ့စဉ်နေ့တိုင်းပင် ၆-သိန်း၊ ၆-သိန်းသော ဥစ္စာတို့ကို ပေးလှူလေသည်။

မကြာမီ မဒ္ဒီဒေဝီသည် သားတော်တစ်ပါးဖွားမြင်သည်။ ဇာလီဟု အမည်ပေးသည်။ ဇာလီမင်းသား မတ်တတ်ပြေးနိုင်သောအရွယ်တွင် မဒ္ဒီဒေဝီသည် သမီးတော်တစ်ပါး ဖွားမြင်ပြန်သည်။ ကဏှာဇိန်ဟု အမည်ပေးသည်။

ဝေဿန္တရာမင်းသည် နေ့စဉ် အလှူကြီးပေးရာတွင် တစ်လလျှင် ၆-ကြိမ်၊ ဆင်ဖြူတော်ပစ္စယကို စီးလျက် အလှူဇရပ် ၆-ဆောင်တို့ကို လှည့်လည်ကြည့်ရှုတော်မူလေသည်။

ထိုအချိန်တွင် ကလိင်္ဂရာဇ်ပြည်၌ မိုးခေါင်သည်။ ငတ်မွတ်ခေါင်းပါးသော ဒုဗ္ဘိက္ခန္တရကပ်ကြီး ဆိုက်ရောက်နေလေသည်။ ကလိင်္ဂရာဇ်မင်းသည် မိုးရွာစေရန် ၇-ရက်တိုင်တိုင် ဥပုသ်ဆောက်တည်သည်။ သို့သော် မိုးမရွာချေ။ ထိုအခါ အမတ်ပညာရှိတို့က “ဆင်ဖြူတော် ရောက်ရာ အရပ်၌ မိုးရွာပါသည်။ စေတုတ္တရာပြည်၊ ဝေဿန္တရာမင်းကြီး၌ ဆင်ဖြူတော် ရှိသည်။ ဝေဿန္တရာမင်းသည် အလှူပေးရာ၌ ထင်ရှားကျော်စောသည်။ ထိုမင်းထံ ဆင်ဖြူတော်ကို အလှူခံသင့်ပါသည်” ဟူ၍ အကြံပေး လျှောက်ထားကြသည်။

ကလိင်္ဂရာဇ်မင်းသည် “ကောင်းပြီ” ဟု ဆိုကာ သင့်တော်သော ပုဏ္ဏား ၈-ယောက်ကို ရွေးချယ်သည်။ “ဝေဿန္တရာမင်းထံမှ ဆင်ဖြူတော်ကို ရအောင် အလှူခံချေ” ဟူ၍ စေလွှတ်လိုက်သည်။

ပုဏ္ဏားတို့သည် ဝေဿန္တရာမင်းထံ ရောက်သော် ဆင်ဖြူတော်ကို အလှူခံသည်။ ဝေဿန္တရာမင်းလည်း ဆင်ဖြူတော်ကိုနှင့်တကွ ဆင်ဖြူတော်၌ ဆင်ယင်ထားသော အဖိုးတန် အဆင်တန်ဆာတို့ကိုပါ ပေးလှူလိုက်သည်။ ထို့ပြင် ဆင်ထိန်းနှင့်တကွ ဆင်ဖြူတော်အား ပြုစုစောင့်ရှောက်ရသူများကိုပါ ပေးလှူလိုက်သည်။ ထိုအခါ ဤ မဟာမြေကြီးသည် ပြင်းထန်စွာ တုန်ဟည်းလျက် ဒုတိယအကြိမ် ငလျင်ကြီးလှုပ်လေသည်။
ဤသို့ ဆင်ဖြူတော်ကို ကလိင်္ဂတိုင်းသို့ လှူလိုက်သောအခါ စေတုတ္တရာပြည်သူတို့သည် မကျေမနပ် ဖြစ်ကြသည်။ ဝေဿန္တရာမင်းကို အမျက်ထွက်ကြသည်။ ခမည်းတော် သိဉ္စည်းမင်းကြီးထံ သွား၍

"အရှင်မင်းကြီး၊ အရှင့်သားတော်သည် တစ်တိုင်းပြည်လုံးက အမြတ်တနိုးထားသော ဆင်ဖြူတော်ကို အဘယ့်ကြောင့် လှူရပါသနည်း။ ဝေဿန္တရာမင်းကို အကျွန်ုပ်တို့ အလိုမရှိပြီ။ အရှင်မင်းကြီးသည် အကျွန်ုပ်တို့လျှောက်တင်သည့် စကားကို လိုက်နာတော်မူပါ။ အကယ်၍ လိုက်နာတော်မမူလျှင် အရှင်မင်းကြီးလည်း သားတော် ဝေဿန္တရာနှင့်အတူ ပြည်သူတို့လက်တွင် ဘေးတွေ့တော်မူပါလိမ့်မည်" ဟု ဆူပူကြွေးကြော်ကြ၏။

သိဉ္စည်းမင်းက "သူတစ်ပါးကို ဖျက်ဆီး နှောင့်ယှက်ခြင်း မရှိ။ မိမိ၏ ဆင်ဖြူတော်ကိုသာ လှူသည့်သားတော်ကို သင်တို့စကားကြောင့် ငါသည် တိုင်းပြည်မှ မနှင်ထုတ်နိုင်။ သတ်လည်း မသတ်နိုင်" ဟုဆို၏။

ထိုအခါ ပြည်သူတို့က "အရှင်မင်းကြီး၊ သားတော်ကို သတ်ရမည် မဆိုပါ။ သို့ရာတွင် တိုင်းပြည်၌ကား မထားနိုင်။ ပြည်သူတို့အား ထောက်ထားညှာတာခြင်း မရှိသော အရှင့်သားတော်ကို အကျွန်ုပ်တို့ အလိုမရှိ။ ဝင်္ကပါတောင်သို့ နှင်တော်မူပါ" ဟူ၍ မကြောက်မရွံ့ ရဲဝံ့စွာ လျှောက်ကြသည်။

သိဉ္စည်းမင်းလည်း ပြည်သူတို့၏ ဆန္ဒကို မဖယ်ရှားနိုင်။ "အသင်တို့၏ ဆန္ဒကို ငါ လိုက်လျောပါမည်။ သို့ရာတွင် သားတော် ဝေဿန္တရာကို မိမိ၏သားမယားတို့အား ဆုံးမသြဝါဒ ပေးနိုင်ရန် ယခုတစ်ည နေပါစေဦး။ နက်ဖြန်ခါကျမှ အသင်တို့ အညီအညွတ် စုဝေးလျက် သားတော် ဝေဿန္တရာကို ပြည်မှ နှင်ထုတ်ကြပါ" ဟူ၍ ဆိုသည်။ ပြည်သူတို့လည်း မင်းကြီးစကားကို လက်ခံကာ လူစုခွဲ၍ ပြန်သွားကြလေသည်။

ချက်ချင်းပင် သိဉ္စည်းမင်းကြီးသည် အမတ်တစ်ယောက်အား သားတော်ထံစေလွှတ်လိုက်သည်။ အကြောင်းစုံကို လျှောက်ထားစေသည်။

ဝေဿန္တရာမင်းသည် အမတ်၏ စကားကိုကြားရသောအခါ ဝမ်းနည်းစိတ်ထိခိုက်ခြင်း မရှိ။ "ငါသည် နှလုံးသားနှင့် မျက်လုံးတို့ကိုပင် လှူအံ့ ဟု ဆုံးဖြတ်ထားပြီးဖြစ်သည်။ စိန်၊ ရွှေ၊ ဆင်၊ မြင်း စသည့် အပ ပစ္စည်းတို့ကား အဘယ်မှာလျှင် မလှူဘဲ နေနိုင်အံ့နည်း။ ယင်းသို့လှူသည့်အတွက် တိုင်းသူပြည်သားတို့သည် ငါ့ကို နှင်ထုတ်လိုလျှင်လည်း နှင်ထုတ်ကြပါစေ။ သတ်လျှင်လည်း သတ်ကြပါစေ။ အလှူကိုကား မလှူဘဲ နေမည်မဟုတ်" ဟု ရဲဝံ့စွာဆိုလေသည်။

ထို့နောက် ဝေဿန္တရာမင်းကြီးက "ပြည်သူတို့၏ လိုအင်ဆန္ဒအတိုင်း ငါသည် တိုင်းပြည်မှ ထွက်သွားပါမည်။ သို့ရာတွင် မသွားခင် ခုနှစ်ရာ၊ ခုနှစ်လီ အလှူကြီးပေးလှူလိုပါသည်။ နက်ဖြန်တစ်ရက် အလှူပေးခွင့်ပြုရန် ပြည်သူတို့ကို တောင်းပန်ပေးပါ။ နက်ဖြန်ခါ အလှူပေးပြီးလျှင် သန်ဘက်ခါ တိုင်းပြည်မှ ထွက်သွားပါမည်" ဟု ဆိုလေ၏။ အမတ်လည်း "ကောင်းပါပြီ" ဟု ဆိုကာ ပြန်သွားလေသည်။

ဝေဿန္တရာမင်းကြီးလည်း စစ်သူကြီးအမတ်ကို ခေါ်ပြီးလျှင် "နက်ဖြန်ခါ ခုနှစ်ရာ၊ ခုနှစ်လီ အလှူကြီးကို ပေးမည်။ ဆင်ခုနှစ်ရာ၊ မြင်းခုနှစ်ရာ၊ ရထားခုနှစ်ရာ၊ မိန်းမခုနှစ်ရာ၊ နွားမခုနှစ်ရာ၊ ကျွန်ယောက်ျားခုနှစ်ရာ၊ ကျွန်မိန်းမခုနှစ်ရာတို့ကို လှူရန် အသင့်စီစဉ်ပါ။ ထို့ပြင် အထူးထူးသော ထမင်း၊ အဖျော် စသည်တို့ကိုလည်း လှူဒါန်းရန် လိုလေသေးမရှိ ပြည့်စုံအောင် စီစဉ်ထားပါ" ဟု စေခိုင်း၏။

ထို့နောက် မဒ္ဒီဒေဝီအား ဖြစ်ပျက်ပုံကို ပြောပြ၏။ သန်ဘက်ခါတွင် မိမိတစ်ယောက်တည်း ဝင်္ကပါတောင်ရှိရာ ဟိမဝန္တာတောကြီးထဲသို့ ထွက်သွားရတော့မည်ဖြစ်ကြောင်း ပြောဆို၏။
ထိုအခါမဒ္ဒီဒေဝီက "မောင်တော်တစ်ပါးတည်း တောကြီးမျက်မည်းသို့ ထွက်ခွာသွားရမည်ဆိုခြင်းမှာ နည်းလမ်းမကျပါ။ အရှင်မင်းကြီး ထွက်တော်မူလျှင် နှမတော်လည်း နောက်တော်ပါးမှ တစ်ဖဝါးမခွာ လိုက်ပါမည်သာ ဖြစ်ပါသည်။ အရှင်မင်းကြီးနှင့် ကွေကွင်း၍ အသက်ရှင်နေရသဖြင့် အဘယ်အကျိုး ရှိပါမည်နည်း။ အရှင်မင်းကြီး သွားရာနောက်သို့ သားတော်၊ သမီးတော်တို့ကို အတူခေါ်၍ လိုက်ပါပါမည်။ ပြုစုလုပ်ကျွေး နေပါမည်" ဟူ၍ ဆို၏။

သို့ဆိုရာမှ ဝေဿန္တရာမင်းကြီး စိတ်သက်သာရာ ရစေရန် မိမိ မရောက်ဖူးသော ဟိမဝန္တာကို ရောက်ဖူး၊ မြင်ဖူးသကဲ့သို့ ချီးကျူး လျှောက်ထားလေသည်။
"အရှင်မင်းကြီး၊ ဟိမဝန္တာဝယ် နေရာသင်္ခမ်းကျောင်း ဆောက်လုပ်၍ နေသောအခါ ပန်းနံ့သာ လိမ်းပန်လျက် ကခုန်ရွှင်ပျော်ကြသော သားငယ်၊ သမီးငယ်တို့ မျက်နှာကို မြင်ရလျှင် ပြည့်စည်းစိမ်ကို အောက်မေ့မှုတို့ ပြေပျောက်ရပါလိမ့်မည်။ သားမျိုးစုံလင်သော ဟိမဝန္တာမြိုင်တောခွင်ဝယ် ......

တင့်တယ်လှသော ဆင်ပြောင်ကြီးတို့ အနီးအပါးမှ ဖြတ်သန်းသွားသည်ကို မြင်တွေ့ရသဖြင့်လည်း ပြည့်စည်းစိမ်ကို အောက်မေ့မှုတို့ ပြေပျောက်ရပါလိမ့်မည်။ သားရဲဖြင့် ပြည့်သော တောစုံမြိုင်ခန်း၌ သစ်ခက်၊ အညွန့်၊ အဖူးတို့ ယှက်ကူးနေသော သိစ်ရိပ်ကို ခိုလျက် တောအရေး၏ တင့်တယ်ခြင်းကို မျှော်ရှုကာ သွားကြရလျှင် ရွှေနန်းရွှေဘုံကို အရှင်ဘယ်မှာ အောက်မေ့တော့မည်နည်း။ ညနေချမ်း အခါဝယ် မြစ်သို့ ဆင်းသက်လာသော သမင်၊ စိုင်၊ ဖား၊ သား အပေါင်းတို့ကို မြင်လျှင်လည်း အရှင်ဘယ်မှာ ပြည်နန်းသာကို သတိရတော့မည်နည်း။ ကိန္နရီ၊ ကိန္နရာတို့ မြူးပျော် ပျံဝဲသီဆို ကခုန်သည်ကို မြင်ကြားလျှင်လည်း ရွှေပြည်နန်းကို အရှင်ဘယ်မှာ လွမ်းဆွတ်တော့မည်နည်း။ ညဥ့်အခါဝယ် ခင်ပုပ်၊ ဇီဝဇိုး၊ ကြိုးကြာ၊ ဥဒေါင်း တို့၏ ရင့်ရူကြွေးသော ငှက်တေးသံသာသည် အရှင့်အတွက် ဖျော်ဖြေစရာ ရပါလိမ့်မည်။ နွေဦးရောက်လျှင် ပိတောက်၊ အင်ကြင်း၊ စွယ်တော်၊ ကံ့ကော်၊ စကား၊ ချရား၊ ပုန်းညက်တို့ ပင်လုံးညွတ်အောင် ပွင့်ဝတ်ဆင်သည်ကို တွေ့မြင်လျှင် အရှင် ပျော်မြူး ရွှင်လန်းရပါလိမ့်မည်" စသည်ဖြင့် အားပေး ပြောဆိုလျှောက်ထား၏။

ဝေဿန္တရာမင်းကြီးလည်း မဒ္ဒီဒေဝီနှင့် သားတော်၊ သမီးတော် တို့ကို ဟိမဝန္တာသို့ အတူခေါ်ဆောင် သွားရန် သဘောတူလိုက်လေ၏။ ဝေဿန္တရာမင်းကြီး ပြည်မှထွက်ခွာရမည့်သတင်းသည် တစ်နန်းတော်လုံး ပျံ့နှံ့သွားသည်။ မယ်တော် ဖုဿတီမိဖုရားကြီးနှင့်တကွ နန်းတွင်းသူ၊ နန်းတွင်းသား အာလုံး ဝမ်းနည်းပူဆွေးကာ ငိုကြွေးကြသည်။

နောက်တစ်နေ့သို့ ရောက်သောအခါ ဝေဿန္တရာမင်းကြီးသည် အလှူမဏ္ဍပ်သို့ သွားသည်။ ဆင်ခုနှစ်ရာ၊ မြင်းခုနှစ်ရာ၊ ရထားခုနှစ်ရာ၊ သတို့သမီးခုနှစ်ရာ၊ နွားမခုနှစ်ရာ၊ ကျွန်ယောက်ျားခုနှစ်ရာ၊ ကျွန်မိန်းမခုနှစ်ရာ စသည်ဖြင့် ခုနှစ်ရာခုနှစ်လီသော အလှူကြီးကို ကိုယ်တိုင် ကြပ်မတ်လှူဒါန်းသည်။ လှူဒါန်းစဉ် "ဤ အလှူသည် သဗ္ဗညုတဉာဏ်၏ အထောက်အပံ့ ဖြစ်စေသတည်း" ဟု လက်အုပ်ချီ၍ ဆုတောင်းသည်။ ထိုအခါ မဟာပထဝီ မြေကြီးသည် မြည်ဟည်း၍ ငလျင်ကြီး လှုပ်ပြန်လေ၏။

ထို့နောက် ဝေဿန္တရာမင်း၊ မဒ္ဒီဒေဝီနှင့် သားတော်၊ သမီးတော်တို့သည် ခမည်းတော် မယ်တော်တို့ကို ရှိခိုးကန်တော့ကာ မြင်းလေးကောင်ကသော ရထားဖြင့် ထွက်ခွာသွားကြသည်။ ထိုစဉ် အလှူကြီးကို မမီလိုက်သော ပုဏ္ဏားလေးယောက်တို့သည် မြင်းတို့ကို အလှူခံမည်ဆိုကာ လိုက်လာကြသည်။ မဒ္ဒီဒေဝီက ပုဏ္ဏားလေးယောက်တို့ လိုက်လာကြောင်း လျှောက်ထားသောအခါ ဝေဿန္တရာမင်းကြီးသည် ရထားကို ရပ်လိုက်သည်။

ပုဏ္ဏားလေးယောက်လည်း မကြာမီ ရောက်လာသည်။ မြင်းတို့ကို အလှူခံသည်။ ဝေဿန္တရာလည်း မြင်းလေးကောင်ကို ရထားမှ ဖြုတ်၍ တစ်ယောက်တစ်ကောင်စီ လှူလိုက်သည်။ ထိုအခါ နတ်သားလေးယောက်သည် စိုင်လေးစီးအသွင် ဖန်ဆင်းလျက် ရထားထမ်းပိုးခွင်သို့ ဝင်၍ ရုန်းကြသည်။ ထိုစဉ် ပုဏ္ဏားတစ်ယောက် ပေါ်ပေါက်လာသည်။ ရထားကို အလှူခံပြန်သည်။ ဝေဿန္တရာကလည်း ထိုပုဏ္ဏားအား ရထားကို လှူလိုက်သည်။ ထိုအခါ စိုင်းလေးစီး (နတ်သားလေးယောက်) ကွယ်ပျောက်သွားလေသည်။

ထိုနေရာမှစ၍ မင်းကြီးက သားတော်ဇာလီကို ချီလျက်၊ မဒ္ဒီဒေဝီက သမီးတော် ကဏှာဇိန်ကို ချီလျက် ခြေကျင် သွားကြရလေ၏။

ဝေဿန္တရာနှင့် မဒ္ဒီဒေဝီတို့ မိသားစုသည် ရှေးဦးစွာ သုဝဏ္ဏဂီရိတာလတောင်သို့ ရောက်သည်။ ထိုမှတစ်ဖန် ကောန္တိမာရမြစ်၊ ထိုမှတစ်ဖန် အဉ္စနဂီရိတောင်၊ ထိုမှ တစ်ဖန် တုဏ္ဏဝိနာလိ ဒဏ္ဍပုဏ္ဏားရွာ၊ ထိုမှတစ်ဖန် စေတတိုင်း၊ မဒ္ဒရာဇ်ပြည်သို့ ရောက်လာကြသည်။ မဒ္ဒရာဇ်ပြည်ကား ဝေဿန္တရာ၏ ဦးရီး၊ မဒ္ဒီဒေဝီ၏ ဖခမည်းတော် မယ်တော်များ စံရာပြည် ဖြစ်သည်။

ဝေဿန္တရာနှင့် မဒ္ဒီဒေဝီသည် မဒ္ဒရာဇ်ပြည်သို့ ရောက်သောအခါ မြို့ထဲသို့မဝင်။ မြို့ပြင်ရှိ ဇရပ်ပေါ်၌သာ နေကြသည်။ မကြာမီပင် သူတို့ရောက်ရှိနေကြောင်းကို မဒ္ဒရာဇ်မင်းကြီး သိရှိသွားသည် ချက်ချင်းပင် ဆွေတော်၊ မျိုးတော်များသည် စိုးရိမ်ပူပန်ကာ ဇရပ်သို့ ပြေးလာကြသည်။ အကျိုးအကြောင်း မေးကြသည်။
ဝေဿန္တရာမင်းကြီးလည်း ဖြစ်ပျက်ပုံ အလုံးစုံကို ပြောပြသည်။ ထိုအခါ ဆွေတော်မျိုးတော်တို့က "အရှင်မင်းကြီး၌ အပြစ်မရှိပါ။ အလိုရှိရာ အမိန့်ရှိပါ။ ကျွန်ုပ်တို့ ကောင်းစွာ ဧည့်ဝတ်ပြုပါရစေ။ သည်အတွင်း အရှင့်ခမည်းတော် သိဉ္စည်းမင်းကြီးထံသို့ ကျွန်ုပ်တို့ သွားမည်။ အရှင့်အား ပြည်တော်သို့ ပြန်ခေါ်ရန် တောင်းပန် လျှောက်ထားပါမည်" ဟူ၍ ဆိုကြသည်။

ထိုအခါ ဝေဿန္တရာမင်းကြီးက "ကျွန်ုပ်ကို တိုင်းပြည်မှ နှင်ထုတ်ခြင်းမှာ ခမည်းတော်၏ သဘောသက်သက် မဟုတ်ပါ။ ပြည်သူတို့၏ ဆန္ဒအရ ဖြစ်ပါသည်။ အကယ်၍ ကျွန်ုပ်ကို တိုင်းပြည်မှ နှင်မထုတ်လျှင် ခမည်းတော်ကိုပင် မင်းအဖြစ်မှ ဖယ်ရှားကြပါလိမ့်မည်။ ခမည်းတော်သည် ပြည်သူတို့၏ အလိုကို မလွန်ဆန်နိုင်ပါ။ ချစ်လျက်နှင့်ပင် ကျွန်ုပ်ကို နှင်ထုတ်ရခြင်း ဖြစ်ပါသည်။ သင်တို့သွား၍ တောင်းပန်လျှောက်ထားသော်လည်း အခွင့်ရလိမ့်မည် မဟုတ်ပါ" ဟူ၍ ရှင်းလင်းပြောပြ၏။

ဆွေတော်၊ မျိုးတော်တို့က "ယင်းသို့ဖြစ်လျှင် ဤစေတတိုင်း၌ မင်းလုပ်တော်မူပါ" ဟူ၍ ဆိုကြ၏။

ဝေဿန္တရာမင်းကြီးက "ကျွန်ုပ်သည် တိုင်းပြည်မှ နှင်ထုတ်ခံထားရသူ ဖြစ်သည်။ မင်းလုပ်လိုသော ဆန္ဒမရှိပါ။ အကယ်၍ ဤပြည်၌ မင်းပြုလျှင်လည်း သိဝိတိုင်းသားတို့ လိုလားကြမည် မဟုတ်။ သင်တို့နှင့် စိတ်ဝမ်းကွဲကာ မသင့်မတင့် ဖြစ်ကြပေတော့မည်။ ကျွန်ုပ်တစ်ယောက်အတွက် အများပြည်သူတို့ကို မထိခိုက်စေလိုပါ။ ဝင်္ကပါတောင်သို့သာ ကျွန်ုပ် သွားပါအံ့" ဟု ဆို၏။

ဤသို့လျှင် ဝေဿန္တရာမင်းကြီးက လက်မခံသဖြင့် ဆွေတော် မျိုးတော်တို့သည် ဝေဿန္တရာတို့ မိသားစုအား အထူးပြုစုကြသည်။ ဝေဿန္တရာတို့လည်း ထိုဇရပ်၌ပင် တစ်ညအိပ်သည်။ နောက်တစ်နေ့ စောစောတွင် ခရီးဆက်ကြသည်။ ဆွေတော်မျိုးတော်တို့က ခရီးလမ်းကို ညွှန်ကြားလိုက်ကြလေသည်။

နောက်ဆုံးတွင် ဝေဿန္တရာ၊ မဒ္ဒီဒေဝီနှင့် သားတော်၊ သမီးတော်တို့သည် ဝင်္ကပါတောင်ဝှမ်းသို့ ရောက်ရှိလာကြသည်။ သိကြားမင်းသည် သာယာသော နေရာတစ်ခု၌ ကျောင်းသင်္ခမ်း နှစ်ဆောင်ကို အသင့်ဖန်ဆင်းပေးထားသည်။ ရသေ့ ပရိက္ခရာတို့ကိုလည်း အသင့်ပြင်ထားသည်။

ဝေဿန္တရာမင်းသည် ကျောင်းသင်္ခမ်းသို့ ရောက်သောအခါ ရသေ့ရဟန်းပြုသည်။ မဒ္ဒီဒေဝီလည်း ရသေ့အသွင် ဝတ်သည်။ သားတော်ဇာလီနှင့် ကဏှာဇိန်တို့ကိုလည်း ရသေ့ငယ်ကလေးများအသွင် ဝတ်ပေးသည်။ ကျောင်းသင်္ခမ်းတစ်ခုတွင် ဝေဿန္တရာမင်းကြီးက သီးခြားနေသည်။ အခြားကျောင်းသင်္ခမ်းတွင် မဒ္ဒီဒေဝီနှင့် သားတော်သမီးတော်တို့ နေသည်။

မဒ္ဒီဒေဝီက ဝေဿန္တရာမင်းကြီးအား "အရှင်၊ ကျောင်းသင်္ခမ်း၌သာ သားတော်သမီးတော်တို့နှင့် နေတော်မူပါ။ အကျွန်ုပ်သည် နေ့စဉ် သစ်သီးရှာဖွေ၍ လုပ်ကျွေးပြုစုပါမည်" ဟု လျှောက်ထား၏။ ဝေဿန္တရာကလည်း လက်ခံတော်မူ၏။

ထိုနေ့မှစ၍ မဒီဒေဝီသည် နေ့စဉ် စောစောထသည်။ သောက်ရေ၊ သုံးရေ ခပ်သည်။ မင်းကြီးအား မျက်နှာသစ်ရေ၊ တံပူတို့ကို ပေးသည်။ ကျောင်းသင်္ခမ်းကို တံမြက်လှည်းသည်။ ထို့နောက် သားတော် သမီးတော်တို့ကို မင်းကြီးထံထား၍ တောသို့ သစ်သီးရှာ ထွက်လေသည်။ ညနေချမ်းအခါသို့ ရောက်သောအခါ မဒ္ဒီဒေဝီသည် သစ်သီးများကို ယူဆောင်၍ ပြန်လာသည်။ ရင်သွေးများကို ရေချိုးပေးသည်။ ထို့နောက် သူတို့သည် ကျောင်းသင်္ခမ်းတံခါးဝ၌ သစ်သီးတို့ကို အတူစားကြသည်။ စား၍ ပြီးသောအခါ မဒ္ဒီဒေဝီသည် ရင်သွေးများကို ခေါ်ကာ မိမိကျောင်းသင်္ခမ်းသို့ သွားရောက်နေထိုင်သည်။

ဤသို့လျှင် သူတို့သည် ဝင်္ကပါတောင်၌ အေးငြိမ်းစွာ နေလာကြသည်မှာ ၇-လမျှ ကြာခဲ့လေပြီ။
ထိုအချိန်၌ ကလိင်္ဂတိုင်းဒုန္နိဝိဌ အမည်ရှိသော ပုဏ္ဏားရွာ၌ ဇူဇကာအမည်ရှိသော ပုဏ္ဏားသည် သားမယားမရှိ၊ တစ်ဦးတည်းနေထိုင်၏။ သူသည် အလှူလှည့်လည်ခံသဖြင့် အသပြာတစ်ရာ ရ၏။ ထိုအသပြာတစ်ရာကို ပုဏ္ဏားတစ်ဦးထံ အပ်နှံထားလေသည်။

ထိုနောက် နှစ်အတန်ကြာမှ ပြန်တောင်းသောအခါ ငွေကို သိမ်းထားသော ပုဏ္ဏားသည် ပြန်မပေးနိုင်တော့ပေ။ ထို့ကြောင့် အမိတ္တာပုံ အမည်ရှိသော သမီးကို ဇူဇကာပုဏ္ဏားအား ပေးလိုက်လေသည်။

ဇူဇကာပုဏ္ဏားကား သက်ကျားအိုဖြစ်သည်။ ရုပ်ရည်ကြမ်းတမ်းသည်။ အမိတ္တာပုံကား ငယ်ရွယ် နုပျိုသည်။ လှပသည်။ ဇူဇကာပုဏ္ဏားသည် ဝမ်းမြောက်ဝမ်းသာဖြင့် အမိတ္တာပုံကို ခေါ်လျက် မိမိရွာသို့ ပြန်လာလေသည်။

အမိတ္တာပုံသည် ဇူဇကာပုဏ္ဏားအား ချစ်မြတ်နိုးစွာဖြင့် ကောင်းစွာ လုပ်ကျွေးပြုစုသည်။ အမိတ္တာပုံ၏ ဝတ္တရား ကျေပွန်ပုံတို့ကို မြင်သောအခါ အခြားပုဏ္ဏားငယ်တို့သည် မိမိတို့၏ မယားတို့ကို မကျေမနပ် ဖြစ်လာကြ၏။

"အမိတ္တာပုံသည် အဆင်းလည်းလှ၊ အရွယ်လည်း နုပျိုသည်။ သို့ပါလျက် သက်ကျားရွယ်အို ဇူဇကာကြီးအား ကောင်းစွာပြုစု လုပ်ကျွေးပေသည်။ သင်တို့ကား ထိုသို့မဟုတ်။ ငါတို့နှင့် အရွယ်တူ မျှပါလျက် ဘာကြောင့် မပြုစုကြပါသနည်း" ဟူ၍ ဆူပူကြိမ်းမောင်း ကြ၏။

ထိုအခါ ထိုရွာရှိ ပုဏ္ဏေးမတို့သည် အမိတ္တာပုံကို မလိုလားကြ။ ရွာ၌ မနေနိုင်အောင် ပြုကြသည်။ သူတို့သည် ရေခပ်သွားရာ၌ အမိတ္တာပုံကို တွေ့လျှင် "သင်သည် အရွယ် ငယ်သော်လည်း သက်ကျားအိုကြီးနှင့် ပေါင်းသင်းနေရသည်။ သင့်မိဘတို့သည် ဘာကြောင့် သင့်ကို သက်ကျားအိုကြီးနှင့် ပေးစားရသနည်း။ သက်တူရွယ်တူ လင်ကို ရှာမရ၍လော။ လင်အိုကြီးနှင့် ပေါင်းနေရခြင်းထက် သေရသော်မှ ကောင်းသေး၏" စသည်ဖြင့် အမျိုးမျိုး ပြောဆိုကြ၏။

အမိတ္တာပုံလည်း လွန်စွာရှက်လှသဖြင့် ငို၍ ပြန်လာ၏။ ဇူဇကာအား အကြောင်းစုံ ပြောပြ၏။ ဇူဇကာက "ယနေ့မှစ၍ သင်ရေခပ် မသွားနှင့်တော့။ ငါပင် ရေခပ်မည်" ဟု ဆို၏။

အမိတ္တာပုံက "ကျွန်ုပ်တို့အမျိုးသည် လင်ကို စေခိုင်းသော အမျိုးမဟုတ်။ ခိုင်းစေရာ ကျွန်သာ ရှာပေးပါ။ ရှာမပေးနိုင်လျှင် သင်၏အိမ်၌ ကျွန်ုပ် မနေတော့ပြီ" ဟု ဆို၏။

ဇူဇကာက "ငါသည် ကျွန်မွေးနိုင်လောက်အောင် ကြွယ်ဝချမ်းသာသူ မဟုတ်ပါ။ ငါ ကိုယ်တိုင်ပင် ကိစ္စကြီးငယ်ကို ပြုလုပ်ပေးပါမည်" ဟု ဆိုသည်။ အမိတ္တာပုံက "ဝေဿန္တရာမင်းကြီးသည် ဝင်္ကပါတောင်၌ နေသည်ဟု ကြားသည်။ မင်းကြီးထံသွား၍ ကျွန်ယောက်ျား၊ ကျွန်မိန်းမတို့ကို အလှူခံပါချေ" ဟူ၍ ဆို၏။

ဇူဇကာလည်း အမိတ္တာပုံ၏ အကြံကို နှစ်သက်သွားသည်။ ဝေဿန္တရာမင်းကြီး၏ သားနှင့်သမီးကို အလှူခံ၍ ကျွန်ပြုစေခိုင်းမည်ဟု အကြံဖြစ်ပေါ်၏။ သို့ဖြင့် ဇနီးအား သတိဝီရိယဖြင့် နေထိုင်းရန် မှာကြားသည်။ ထို့နောက် သိဝိတိုင်း၊ စေတုတ္တရာပြည်သို့ ရှေးရှုထွက်ခွာသွားသည်။ စေတုတ္တရာပြည်မှ တစ်ဆင့် အခက်အခဲအမျိုးမျိုးကို ကျော်လွှားကာ ဝင်္ကပါတောင်သို့ အရောက်သွားလေသည်။

ဇူဇကာသည် ဝေဿန္တရာမင်းကြီးတို့ နေထိုင်ရာ ကျောင်းသင်္ခမ်းအနီးသို့ ရောက်သောအခါ ချက်ချင်းမသွားပေ။ 'ယခု မိုးချုပ်ပြီ၊ မဒ္ဒီဒေဝီသည် သစ်သီးရှာရာမှ ပြန်ရောက်နေလိမ့်မည်။ မိန်းမတို့သည် အလှူဒါနပြုရာ၌် အနှောင့်အယှက် ပေးတတ်သည်။ဝေဿန္တရာက ငါ့အား သား သမီးတို့ကို လှူလိုက်သော်လည်း မဒ္ဒီဒေဝီက နှောင့်ယှက်လျှင် ပျက်လိမ့်မည်။ သို့ဖြစ်၍ နက်ဖြန်ခါ မဒ္ဒီဒေဝီ သစ်သီးရှာထွက်မှ ကျောင်းသင်္ခမ်းသို့သွားမည်။ ဝေဿန္တရာမင်းကြီးထံ သားသမီးတို့ကို အလှူခံပြီး မဒ္ဒီဒေဝီ ပြန်မရောက်မီ ခေါ်ဆောင်သွားမည်' ဟူ၍ ကြံစည်၏။ သို့ဖြင့် ဇူဇကာသည် ကျောင်းသင်္ခမ်းနှင့် မနီးမဝေး တစ်နေရာ၌ အိပ်စက်နေ၏။
နံနက်သို့ရောက်သောအခါ မဒ္ဒီဒေဝီသည် နေ့စဉ်ပြုနေကျ ဝတ္တရားတို့ကို ပြုလုပ်သည်။ ထို့နောက် သား၊ သမီးတို့ကို ပွေ့နမ်းရှုပ်လျက် "သားတော်၊ သမီးတော်တို့၊ ညက မယ်တော် အိပ်မက်မကောင်းပါ။ သတိဖြင့် နေကြပါ" ဟု မှာကြားသည်။ ဝေဿန္တရာမင်းကြီးကိုလည်း "သားတော်၊ သမီးတော်တို့ကို ဂရုစိုက် စောင့်ရှောက်တော်မူပါ" ဟု မှာကြားသည်။ ထို့နောက် သစ်သီးရှာ ထွက်သွားလေသည်။

ဇူဇကာပုဏ္ဏားလည်း 'ယခုအချိန်တွင် မဒ္ဒီဒေဝီသည် သစ်သီးရှာ သွားလောက်ပြီ' ဟု ဆိုကာ ကျောင်းသင်္ခမ်းသို့ ချဉ်းကပ်သွား၏။ ဝေဿန္တရာမင်းကြီးသည် ဇူဇကာကို မြင်သော် ဝမ်းမြောက်ဝမ်းသာ ကြိုဆို၏။ မင်းကြီးအဖို့ ဤတောအရပ်၌ နေသည်မှာ ၇-လ ရှိပြီ။ လူစိမ်းသူစိမ်း ဟူ၍ တစ်ယောက်မျှ မမြင်တွေ့ရ။ ဇူဇကာကို မြင်ရသည်မှ ပထမဆုံး အကြိမ်ပင် ဖြစ်သည်။ ဇူဇကာအား ဧည့်ဝတ်ပြုကာ သစ်သီး စသည်တို့ကို ကျွေးမွေး၏။

ဇူဇကာက "အရှင်မင်းကြီး၏ သားတော်၊ သမီးတော်တို့ကို အလှူခံရန် လာပါသည်။ အကျွန်ုပ်အား အရှင့်သားတော်၊ သမီးတော်တို့ကို အခိုင်းအစေအဖြစ် ထားရှိရန် လှူတော်မူပါ" ဟူ၍ ဆို၏။

ဝေဿန္တရာလည်း အလှူပြုရမည်ဖြစ်သဖြင့် ဝမ်းမြောက်ဝမ်းသာ ဖြစ်သွား၏။ "ပုဏ္ဏားကြီး၊ သားတော်၊ သမီးတော်တို့ကို သင့်အား ငါလှူ၏။ သင် ခေါ်သွားပါ။ သို့ရာတွင် သူတို့၏ မိခင်သည် သစ်သီးရှာ သွားနေခိုက်ဖြစ်သည်။ ညနေချမ်း အချိန်ကျမှ ပြန်ရောက်လိမ့်မည်။ ယနေ့တစ်ည ဤသင်္ခမ်းကျောင်းမှာ အိပ်ပါဦး။ နက်ဖြန်နံနက်ကျမှ သားတော်၊ သမီးတော်တို့ကို ခေါ်ဆောင် သွားပါလော့" ဟူ၍ ဆို၏။

ဇူဇကာက "အရှင်မင်းကြီး၊ မိန်းမတို့မည်သည်ကား လှူဒါန်းမှု၌ အနှောင့်အယှက် ပြုတတ်၏။ သူတို့၏ မိခင်ပြန်မလာမီပင် ခေါ်ဆောင်သွားလိုပါသည်။ သားတော်၊ သမီးတော်တို့ကို ခေါ်ပေးတော်မူပါ" ဟူ၍ ဆို၏။

ဝေဿန္တရာမင်းကြီးက "ကောင်းပြီ၊ ယနေ့ပင် သားတော်၊ သမီးတော်တို့ကို သင်ခေါ်ဆောင်သွားပါ။ သူတို့ကို သူတို့၏ အဘိုးဖြစ်သူ သိဉ္စည်းမင်းကြီးထံ ပို့ပါ။ သူတို့အဘိုးသည် သင့်အား ဥစ္စာများစွာ ပေးလိမ့်မည်" ဟူ၍ ဆို၏။

ဇာလီနှင့်ကဏှာဇိန်တို့ မောင်နှမသည် အနီးတွင် ရှိကြသည်။ ပုဏ္ဏားကြီးက မိမိတို့ကို ကျွန်အဖြစ် ခိုင်းစေရန် ခေါ်သွားမည်ဟု ပြောဆိုသည်ကို ကြားရသောအခါ လွန်စွာထိတ်လန့် ကြောက်ရွံ့ကြသည်။ ကျောင်းသင်္ခမ်း နောက်ဖေးသို့ တိတ်တဆိတ် ထွက်ပြေးကြသည်။ ထို့နောက် ချုံပုတ်တစ်ခုထဲသို့ ပြေးဝင်ကာ ပုန်းကြသည်။ သို့ရာတွင် ချုံပုတ်မှာ မလုံမလဲဟု ယူဆကာ ရေကန်သို့ ပြေးကြပြန်သည်။ ရေကန်သို့ ရောက်သောအခါ မောင်နှမနှစ်ယောက်သည် ရေကန်ထဲသို့ ဆင်းကြသည်။ ကြာဖက်ကို ဆောင်းလျက် ရေထဲ၌ ပုန်းနေကြလေသည်။

ဇူဇကာပုဏ္ဏားသည် မောင်နှမနှစ်ယောက်ကို မမြင်သောအခါ ဝေဿန္တရာကို အထင်မှားသွားသည်။ မိမိသည် မောင်နှမနှစ်ယောက်ကို ဘိုးတော်ထံ ခေါ်မသွားဘဲ ကျွန်ပြုရန် ခေါ်သွားမည် ဆိုသဖြင့် မင်းကြီးက မထည့်လို၊ ထွက်ပြေးခိုင်းပြီး မသိဟန်ဆောင်နေသည်ဟု ထင်မှတ်သည်။ "အရှင်မင်းကြီးသည် သားတော်၊ သမီးတော်တို့ကို လှူမည်ဆိုသော်လည်း ယခုထွက်ပြေး ပုန်းရှောင် ခိုင်းထားသည်။ သင်မင်းကြီးလောက် ဖောက်လှဲဖောက်ပြန် မမှန်မကန်ပြုသူသည် လောကမှာ ရှိမည်မထင်" ဟူ၍ မခန့်လေးစား စော်ကား ပြောဆိုသည်။

ဝေဿန္တရာမင်းကြီးကား သည်းခံတော်မူသည်။ "ပုဏ္ဏားကြီး၊ မစိုးရိမ်လင့်၊ သားတော် သမီးတော်တို့ကို ခေါ်ပေးမည်" ဆိုကာ သွားရောက် ရှာဖွေသည်။ နောက်ဆုံး၌ ရေကန်ထဲသို့ ဆင်းသောခြေရာတို့ကို မြင်သွားသည်။

"ချစ်သားဇာလီ၊ ခမည်းတော်ထံ လာပါ။ ခမည်းတော်၏ ပါရမီကို ကူညီဖြည့်ပါ။ ပုဏ္ဏားကြီးက ခမည်းတော်ကို အထင်လွဲမှားနေပြီ။ ပုဏ္ဏားကြီး၏ စကားကြောင့် ခမည်းတော်၏ နှလုံးသား ပူလောင်နေပါသည်။ ခမည်းတော်၏ နှလုံးအေးမြအောင် ခမည်းတော်၏ စကားကို နားထောင်ပါ" ဟု လှမ်း၍ ပြောဆို၏။

ဇာလီသည် ခမည်းတော်၏ စကားကို ကြားသောအခါ "ပုဏ္ဏားကြီးသည် ငါ့ကို ပြုလိုရာ ပြုစေတော့။ ခမည်းတော့်စကားကို နားထောင်တော့မည်" ဆိုကာ ဦးခေါင်းကို ဖော်၍ ရေထဲမှ တက်လာသည်။ ခမည်းတော်၏ လက်ယာဘက် ခြေဖမိုးပေါ်တွင် မျက်နှာမှောက်လျက် ခြေမျက်စိကို ဖက်၍ ငိုကြွေးရှာလေသည်။

မင်းကြီးလည်း အလားတူပင် သမီးတော်ကဏှာဇိန်ကို ခေါ်ပြန်သည်။ ကဏှာဇိန်လည်း ရေထဲမှ တက်လာသည်။ ခမည်းတော်၏ လက်ဝဲဘက် ခြေဖမိုးပေါ်တွင် မျက်နှာမှောက်လျက် ခြေမျက်စိကို ဖက်ကာ ငိုကြွေးရှာလေသည်။

ဤသို့ သားတော်ဇာလီနှင့် သမီးတော်ကဏှာဇိန်တို့ ငိုကြွေးကြသောအခါ ဝေဿန္တရာမင်းကြီးသည် မျက်ရည်ကျမိလေသည်။ သို့ရာတွင် စိတ်ကို တင်းလိုက်သည်။ "ချစ်သားဇာလီ၊ ခမည်းတော်၏ ဒါနပါရမီကို ကူညီဖြည့်ဆည်းပါ" ဟူ၍ မေတ္တာရပ်ခံသည်။

ထို့နောက် "ချစ်သားဇာလီ၊ သင်တို့မောင်နှမကို ဤပုဏ္ဏားအား ကျွန်အဖြစ် လှူလိုက်သော်လည်း ထာဝရကျွန် လုပ်ရမည် မဟုတ်ပါ။ သင်ချစ်သားသည် ကျွန်အဖြစ်မှ လွတ်မြောက်လိုပါက ပုဏ္ဏားအား ရွှေစင်ပိဿာတစ်ထောင်ပေးလျှင် သင်သည် ကျွန်အဖြစ်မှ လွတ်စေ။ သမီးတော် ကဏှာဇိန်ကား ရုပ်ဆင်းလက္ခဏာ မြတ်သူ မိန်းကလေးဖြစ်သည်။ ရွှေစင်ပိဿာတစ်ထောင် ဟု တန်ဖိုးဖြတ်လိုက်လျှင် အမျိုးယုတ်သော သူတို့သည် ပုဏ္ဏားအား ရွှေစင်ပိဿာတစ်ထောင် ပေး၍ သမီးတော်ကို ရွေးနုတ်ယူလိမ့်မည်။ ထို့နောက် အမျိုးရောစပ်ခြင်းကို ပြုကြလိမ့်မည်။ သို့ဖြစ်၍ ဘုရင်တို့သာ ရွေးနုတ်ယူနိုင်သည့် တန်ဖိုးသတ်မှတ်ရမည်။ ဆင်၊ မြင်း၊ နွား၊ ကျွန်ယောက်ျား ကျွန်မိန်းမ၊ ရွှေစင်ပိဿာ အလုံးစုံ တစ်ရာစီ ငါသတ်မှတ်သည်။ ထိုတန်ဖိုးကို ဘုရင်မင်းများမှ တစ်ပါး မည်သူမျှ ပေးနိုင်လိမ့်မည် မဟုတ်။ သို့ဖြစ်၍ သမီးတော်ကဏှာဇိန်သည် ကျွန်အဖြစ်မှ လွတ်မြောက်လိုလျှင် ကျွန်ယောက်ျား တစ်ရာ၊ ကျွန်မိန်းမ တစ်ရာ၊ ဆင်တစ်ရာ၊ မြင်း တစ်ရာ၊ နွားလားဥသဘ တစ်ရာ၊ ရွှေစင်ပိဿာ တစ်ရာပေးက ကျွန်အဖြစ်မှ လွတ်စေ" ဟု ဆိုကာ တန်ဖိုးဖြတ်လိုက်လေသည်။

ထို့နောက် သားတော်၊ သမီးတော်တို့ကို ကျောင်းသင်္ခမ်းသို့ ခေါ်သွားသည်။ ကရားဖြင့် ရေကိုခပ်သည်။ "သားသမီးကို လှူသောအလှူသည် သဗ္ဗညုတဉာဏ်ရရှိရေးအတွက် အထောက်အပံ့ ဖြစ်စေသတည်း" ဟု ဆုတောင်းကာ ဇာလီနှင့် ကဏှာဇိန်တို့ကို ဇူဇကာပုဏ္ဏားအား ရေစက်သွန်းချ၍ လှူဒါန်းလိုက်၏။ ထိုအခါ မဟာပထဝီမြေကြီးသည် ပြင်းထန်စွာ တုန်ဟည်းလျက် ငလျင်ကြီး လှုပ်လေ၏။
ဇူဇကာပုဏ္ဏားသည် ဇာလီနှင့်ကဏှာဇိန်တို့ မိမိလက်ဝယ်သို့ ရောက်သည်နှင့် တစ်ပြိုင်နက် ဇာလီ၏ ညာဘက်လက်နှင့် ကဏှာဇိန်၏ ဘယ်ဘက်လက်ကို နွယ်စဖြင့် ပူး၍ ချည်နှောင်လိုက်သည်။ နွယ်စတစ်ဖက်ကို ကိုင်လျက် ဝေဿန္တရာမင်းကြီး၏ မျက်မှောက်၌ပင် ကြိမ်ဖြင့် ရိုက်နှက် ခေါ်ဆောင်သွားလေ၏။

တစ်နေရာသို့ ရောက်သောအခါ ဇူဇကာပုဏ္ဏားသည် ချိုင့်ခွက်တစ်ခုကို နင်းမိသဖြင့် ခြေချော်၍ လဲလေ၏။ ဇာလီတို့ကို တုပ်ထားသော နွယ်သည်လည်း ကျွတ်သွားလေ၏။ ထိုအခါ မောင်နှမ နှစ်ယောက်သည် ဝေဿန္တရာမင်းကြီးထံသို့ ငို၍ ပြေးလာကြလေသည်။

ဇာလီမင်းသားသည် ဝေဿန္တရာကို ရှိခိုးလျက် "ခမည်းတော်ဘုရား၊ အကျွန်ုပ်တို့ မသွားမီ မယ်တော်ကို ဖူးမြင်သွားပါရစေ။ မယ်တော် ပြန်ရောက်သောအခါတွင်မှ ပုဏ္ဏားနောက်သို့ လိုက်ပါရစေ" ဟု တောင်းပန်၏။

ကဏှာဇိန်ကလည်း "ခမည်းတော်ဘုရား၊ ဤပုဏ္ဏားသည် သူယုတ်လက္ခဏာ ၁၈-ပါးနှင့် ပြည့်စုံနေပါသည်။ လူသားစား ဘီလူး ဖြစ်မည်ထင်ပါသည်။ ထိုကြောက်ဖွယ် သတ္တဝါကြီးက အတင်းဆွဲခေါ်နေသည်ကို ခမည်းတော် အဘယ်ကြောင့် လျစ်လျူရှုနေပါသနည်း။ မိဘတို့မည်သည် သားသမီးတို့ ဒုက္ခရောက်လျှင် မကြည့်ရက်နိုင်ကြပါ။ ခမည်းတော်ကား ကြည့်ရက်နိုင်လေသည်" ဟူ၍ ငိုကြွေးလျှောက်ထား၏။

ဇာလီမင်းသားကလည်း "ခမည်းတော်ဘုရား၊ အကျွန်ုပ်ကိုသာ လှူတော်မူပါ။ နှမတော်ကလေးမှာ မည်သည့် ဆင်းရဲ ဒုက္ခကိုမျှ မသိရှာသေးပါ။ မယ်တော်ကို မမြင်ရလျှင် ငိုကြွေးမြည်တမ်းလျက် လမ်းခရီးမှာပင် သေရှာပါလိမ့်မည်။ အကျွန်ုပ်ကိုသာ လှူပြီး နှမတော်ကလေးကို မလှူပါနှင့် ဘုရား" ဟူ၍ တောင်းပန်၏။

ဝေဿန္တရာမင်းကြီးသည် မည်သို့မျှ မဆိုနိုင်၊ ဆိတ်ဆိတ်ပင်နေ၏။ ထိုစဉ် ဇူဇကာပုဏ္ဏားကြီး လိုက်လာ၏။ မောင်နှမ နှစ်ဦးကို ရိုက်နှက်၍ ဆွဲခေါ်သွားပြန်၏။ ဝေဿန္တရာမင်းကြီးသည် သောကမီး တောက်လောင်လျက် ရှိ၏။ လွန်စွာ တုန်လှုပ်ချောက်ချားလျက် ကျောင်းသင်္ခမ်းထဲသို့ ဝင်၍ ငိုကြွေး မြည်တမ်း၏။ ငိုကြွေးမြည်တမ်းရာမှ 'ဤ ပုဏ္ဏားသည် ငါ့သားတော်တို့ကို အလွန်ညှင်းဆဲ နှိပ်စက်နေပြီ။ ငါ သည်းမခံနိုင်၊ ယခုပင် လိုက်၍ ပုဏ္ဏားကို သတ်ပြီး သားတော်၊ သမီးတော်တို့ကို ပြန်ခေါ်မည်' ဟု အကြံဖြစ်သည်။ လေးကိုယူ၍ သန်လျက်ကို ကိုင်လျက် လိုက်မည်ပြု၏။

သို့ပြုရာမှ 'လှူဒါနကို ပေးလှူပြီးမှ နောက်တစ်ဖန် ပူပန်နေခြင်းသည် သူတော်ကောင်းတို့၏ သဘောမဟုတ်ချေတကား' ဟု မိမိကိုယ်ကို ပြန်၍ ဆုံးမ၏။ ကျောင်းသင်္ခမ်း အဝရှိ ကျောက်ဖျာပေါ်၌ ငေးမှိုင်ထိုင်နေ၏။

ထိုအခိုက် ဇူဇကာပုဏ္ဏားသည် ဒုတိယအကြိမ် ခြေချော်၍ လဲပြန်၏။ မောင်နှမတို့သည် ခမည်းတော်ထံ ပြန်ပြေးလာကြ၏။ ဇူဇကာက အတင်းပြေးလိုက်လာသည်။ ရိုက်နှက်၍ ဆွဲခေါ်သွားပြန်လေသည်။

ထိုအချိန်၌ မဒ္ဒီဒေဝီသည် ညက အိပ်မက် မကောင်းသဖြင့် ယနေ့စောစော ပြန်မည်ဟု ဆိုကာ သစ်သီးတို့ကို ရှာဖွေလေသည်။ အဆင်မပြေ။ အတိတ်နမိတ်လည်း မကောင်း။ သို့ဖြင့် စိတ်လက် မကြည်မသာဖြင့် ပြန်လာ၏။ ထိုအခါ နတ်သားသုံးယောက်သည် ခြင်္သေ့၊ ကျား၊ သစ် အသွင်ဖန်ဆင်းကာ လမ်းခရီး၌ ပိတ်ဆို့ ထားကြသည်။ နတ်တို့က 'နေမဝင်မီ ကျောင်းသင်္ခမ်းသို့ မဒ္ဒီ ပြန်ရောက်ပါက သားသမီးတို့ကို မတွေ့လျှင် ခြေရာခံ၍ တောတောင်အနှံ့ လိုက်ရှာတော့မည်' ဟုဆိုကာ ဆီးတားထားခြင်းဖြစ်သည်။

မဒ္ဒီဒေဝီသည် အခြားလမ်းမှ ကွေ့သွားရန် မဖြစ်သဖြင့် ခြင်္သေ့၊ ကျား၊ သစ်တို့အား လမ်းဖယ်ပေးရန် ရှိခိုးတောင်းပန်၏။ နေဝင်သောအခါကျမှ ဖယ်သွားကြလေသည်။

မဒ္ဒီဒေဝီသည် အလွန်နောက်ကျမှ ကျောင်းသင်္ခမ်းသို့ ရောက်သွားသည်။ အခါတိုင်းဆိုလျှင် သားသမီးတို့သည် ကျောင်းသင်္ခမ်း စင်္ကြံဦးသို့ ပြေးထွက်လာကြသည်။ မိခင်ကို ဝမ်းမြောက်ဝမ်းသာ ကြိုဆိုကြမြဲဖြစ်သည်။ ယခုကား ဇာလီလည်း ပေါ်မလာ။ ကဏှာဇိန်ကိုလည်း မမြင်။ မည်သည့်အသံမျှလည်း မကြားရ။ မဒ္ဒီသည် စိုးရိမ်ပူပန်ကာ ငိုကြွေးမြည်တမ်းလျက် ဝေဿန္တရာမင်းကြီးထံ ပြေးသွားသည်။

ဝေဿန္တရာမင်းကြီးသည် တစ်ကိုယ်တည်း တိတ်ဆိတ်စွာ ထိုင်နေသည်။ မဒ္ဒီဒေဝီက "အရှင်မင်းကြီး၊ အကြောင်းအသို့နည်း။ သားတော် သမီးတော်တို့ကို မမြင်ပါတကား" ဟူ၍ မေးလျှောက်၏။

မဒ္ဒီဒေဝီက ပူပန်စွာ မေးလျှောက်သောလည်း ဝေဿန္တရာမင်းကြီးကား ဖြေကြားခြင်း မပြု။ ထိုအခါ မဒ္ဒီဒေဝီက "အရှင်မင်းကြီး၊ သားသမီးတို့ကို မမြင်ရသဖြင့် အလွန်စိတ်သောက ဖြစ်နေရသော အကျွန်ုပ်ကို အရှင်မင်းကြီးက စကားမပြောဘဲ နေပြန်သည်။ သားသမီးကို မတွေ့ရသော ဒုက္ခထက် အရှင်မင်းကြီးက စကားမပြောသဖြင့် ခံစားရသည့် ဒုက္ခက ပို၍ ဆိုးလှပါသည်။ ယနေ့တစ်ညလုံး အရှင်မင်းကြီး စကားမပြောဘဲ နေတော်မူလျှင် နံနက်မိုးသောက်သောအခါ ကျွန်ုပ် အသက်ကင်းမဲ့လျက် ရှိသည်ကို အရှင်မြင်တော်မူရပါလိမ့်မည်" ဟူ၍ ဆို၏။

ထိုအခါ ဝေဿန္တရာမင်းကြီးက 'အဖြစ်မှန်ကို ချက်ချင်းပြောလျှင် မဒ္ဒီဒေဝီသည် သောကကို မထိန်းနိုင် ဖြစ်တော့မည်။ မခံသာသော စကားကို ရှေးဦးစွာ ပြောမည်။ ထို့နောက်မှ သောက သက်သာအောင် ပြု၍ အဖြစ်မှန်ကို ပြောမည်' ဟု ကြံပြီးလျှင် ဤသို့ဆို၏။

"မဒ္ဒီဒေဝီ၊ သင်သည် လှပတင့်တယ် ချောမောလှသည်။ တောထဲတွင် လှည့်လည်ကျက်စားနေသော မုဆိုး၊ ရသေ့၊ ဝဇ္ဇာဓိုရ် စသူတို့ အများအပြားရှိသည်။ သင်နှင့် ထိုသူတို့ မည်သို့ဖြစ်ပျက်ခဲ့သည်ကို မည်သူသိနိုင်အံ့နည်း။ နံနက်စောစောက သစ်သီးရှာထွက်သွားရာ ပြန်ရောက်ချိန်တန်လျက် ပြန်မရောက်။ ယခု နေဝင်ပြီးနောက် လထွက်ချိန်ရောက်မှ ပြန်လာသည်။ အသို့ပါနည်း"

မဒ္ဒီဒေဝီသည် သားရဲများ အနှောင့်အယှက် ပြုသောကြောင့် နောက်ကျရပုံကို ရှင်းပြသည်။ "သည်းခံတော်မူပါ" ဟု တောင်းပန်သည်။ ဝေဿန္တရာမင်းကြီးက မည်သို့မျှ မပြော။

မဒ္ဒီဒေဝီသည် ဝေဿန္တရာမင်းကြီး မည်သည့်စကားမျှ မဆိုသောအခါ ကျောင်းသင်္ခမ်း အပြင်သို့ ထွက်သွားသည်။ သားတော်နှင့် သမီးတော်တို့ကို ဝန်းကျင်အနှံ့ လိုက်လံရှာဖွေသည်။ သားတော် သမီးတ်ာတို့ သွားတတ်သော သစ်ပင်၊ ရေကန်၊ တောင်ကုန်း စသည်တို့တွင် ရှာဖွေသည်။ မတွေ့။ ထိုအခါ ကျောင်းသင်္ခမ်းသို့ တစ်ဖန်ပြန်လာပြီး ရှာပြန်သည်။ မတွေ့။ ထိုအခါ "သင်မင်းကြီးသည် ထင်းတို့လည်း ခွဲမထား၊ မီးကိုလည်း မွှေးမထားပါတကား" ဟု ပြစ်တင်စကား ဆိုသည်။

ထို့နောက် "ငါသည် ဝေဿန္တရာမင်းကြီးကို အလွန်ချစ်၏။ ရှေးက တစ်စုံတစ်ရာ စိတ်မချမ်းသာစရာ ကြုံရလျှင် ဝေဿန္တရာမင်းကြီး၏ မျက်နှာကိုမြင်လိုက်ရသောအခါ စိတ်ဆင်းရဲမှု ပျောက်ကင်းခဲ့သည်။ ယခု ဝေဿန္တရာမင်းကြီး၏ မျက်နှာကို မြင်ရသော်လည်း စိတ်ဆင်းရဲမှုတို့ မပျောက်ပါတကား" ဟု ဆို၏။ ဤသို့ဆိုသော်လည်း ဝေဿန္တရာမင်းကြီးက တစ်စုံတစ်ရာ ပြန်မပြော။ ထိုအခါ မဒ္ဒီဒေဝီသည် ဒယီးဒယိုင်ဖြင့် ပြန်ထွက်သွားသည်။ ပထမ ရောက်ခဲ့သောနေရာများသို့ပင် သွား၍ ရှာပြန်လေသည်။

ဤသို့ဖြင့် အပြင်သို့ ထွက်ရှာလိုက်၊ ကျောင်းသင်္ခမ်းသို့ ပြန်ရှာလိုက်နှင့်။ သုံးကြိမ်တိုင်အောင် တစ်ညလုံး လိုက်၍ ရှာသည်။ တတိယ အကြိမ်မြောက်၍ ကျောင်းသင်္ခမ်းသို့ ပြန်လာသောအခါ၌ကား အရုဏ်တက်လာလေပြီ။ မဒ္ဒီဒေဝီသည် ဝေဿန္တရာမင်းကြီးထံသို့ သွားသည်။ မင်းကြီးရှေ့သို့ အရောက်တွင် မိန်းမောမူးဝေ၍ လဲကျသွားရှာလေသည်။
ထိုအခါ ဝေဿန္တရာမင်းကြီးသည် မဒ္ဒီဒေဝီ သေပြီဟု မှတ်ထင်ကာ လွန်စွာ တုန်လှုပ်သွားသည်။ 'မဒ္ဒီဒေဝီသည် လူသူမနီး တောကြီးထဲတွင် သေရရှာပြီ။ အကယ်၍ နေပြည်တော်၌ သေမည်ဆိုလျှင် ဆွေတော်၊ မျိုးတော်တို့ ဝိုင်းလျက် အုတ်အုတ် ကျက်ကျက် ဖြစ်လာကြမည်။ ယခု ဤတောကြီး အလယ်တွင် ငါတစ်ယောက်တည်းသာ ရှိသည်။ မည်သို့ စီမံရမည်နည်း' ဟု ပြင်းစွာ ပူဆွေးသောက ဖြစ်၏။

ဤသို့ဖြစ်ရာမှ သတိကို ဆောင်လိုက်သည်။ ထိုင်နေရာမှ ထလာသည်။ မဒ္ဒီဒေဝီ၏ ရင်ဝကို လက်တင်ကြည့်သည်။ ထွက်သက်၊ ဝင်သက် အငွေ့ရှိသေးကြောင်း သိရသည်။ ဤတွင် ရွှေကရားဖြင့် ရေကို ခပ်ယူသည်။ မဒ္ဒီဒေဝီကို ပွေ့ထူကာ မျက်နှာကို ရေဖြင့် ဖျန်းဆွတ်ပေး၏။ လက်ဖြင့်လည်း အသာအယာ သပ်ပေး၏။ ရင်ဝကိုလည်း အသာအယာ ဖိပေး၏။

ခဏကြာသောအခါ မဒ္ဒီဒေဝီသည် သတိရလာ၏။ ထ၍ထိုင်၏။ ဝေဿန္တရာမင်းကြီးကို ရှိခိုးလျက် "အရှင်မင်းကြီး၊ သားတော်၊ သမီးတော်တို့ အဘယ်အရပ်သို့ သွားလေသနည်း" ဟု မေးလျှောက်၏။ ထိုအခါ ဝေဿန္တရာမင်းကြီးက ညင်သာစွာ ပြန်ကြား၏။

"မဒ္ဒီဒေဝီ၊ သားတော် သမီးတော်တို့ကို ပုဏ္ဏား တစ်ယောက်အား ကျွန်အဖြစ် ခိုင်းစေရန် ငါလှူလိုက်ပါသည်"

"အရှင်မင်းကြီး၊ သို့ဖြစ်ပါလျက် တစ်ညလုံး ငိုယိုကာ ဒေါင်းတောက်အောင် ရှာနေသော အကျွန်ုပ်အား အဘယ့်ကြောင် မပြောပါသနည်း"

"မဒ္ဒီဒေဝီ၊ ထိုအကြောင်းကို ချက်ချင်းပြောလိုက်လျှင် သင် ပြင်းထန်စွာ စိတ်ထိခိုက်လျက် အသည်းကွဲ သွားနိုင်သောကြောင့် ဖြစ်သည်။ ယခုမူကား ခန္ဓာကိုယ် ပင်ပန်းနွမ်းနယ်နေပြီ ဖြစ်သဖြင့် သောကဖြစ်မူ အနည်းငယ် သက်သာလိမ့်မည်ဟု ယူဆကာ ပြောပြခြင်းဖြစ်သည်။ မဒ္ဒီဒေဝီ၊ စိတ်သောကကို ဖြေဆည်ပါ။ ငါတို့သည် ကျန်းကျန်းမာမာဖြင့် အသက်ရှည်စွာ နေကြရလျှင် သားတော် သမီးတော်တို့ကို ပြန်လည် တွေ့ဆုံကြရပါလိမ့်မည်။ သားသမီးကို လှူသောအလှူသည် အလွန်မြတ်သော အလှူဖြစ်သည်။ ဝမ်းမြောက်စွာ သာဓု ခေါ်ပါ"

"အကျွန်ုပ် ဝမ်းမြောက်စွာ သာဓုခေါ်ပါသည်။ အရှင်မင်းကြီးလည်း စိတ်ကြည်လင်စွာ ထားတော်မူပါ။ အရှင်မင်းကြီးသည် သည်ထက်မက သာလွန်၍ အလှူဒါနကို ထပ်ကာထပ်ကာ ပြုနိုင်ပါစေ"

"မဒ္ဒီဒေဝီ၊ 'အဘယ့်ကြောင့် စိတ်ကို ကြည်လင်စွာ ထားတော်မူပါ' ဟု ဆိုရသနည်း။ ငါသည် သားတော် သမီးတော်တို့ကို လှူပြီးနောက် စိတ်ကို ကြည်လင်စွာ မထားနိုင်ခဲ့လျှင် အံ့ဖွယ်သရဲတို့ အဘယ်မှ မဖြစ်ဘဲ နေမည်နည်း"

ဝေဿန္တရာက ဤသို့ဆိုကာ မြေငလျင်လှုပ်ခြင်း စသော အကြောင်းတို့ကို ပြောပြ၏။ ထိုအခါ မဒ္ဒီဒေဝီကလည်း မိမိတွေ့ကြုံရသော မြေငလျင်လှုပ်ခြင်း၊ အခါမဟုတ်ဘဲ လျှပ်စီးပြက်ခြင်း စသည်တို့ကို ပြောပြ၏။ မင်းကြီး၏ အလှူကို ဝမ်းမြောက်ဝမ်းသာ သာဓုခေါ်လေ၏။

ထိုအချိန်တွင် သိကြားမင်းသည် တာဝတိံသာ နတ်ပြည်ဝယ် ဆင်ခြင်စဉ်းစားလျက် ရှိ၏။ 'ဝေဿန္တရာမင်းကြီးသည် ယမန်နေ့က သားတော် သမီးတော်တို့ကို ဇူဇကာပုဏ္ဏားအား လှူခဲ့ပြီ။ အကယ်၍ တစ်စုံတစ်ယောက်က လာ၍ မဒ္ဒီဒေဝီကို အလှူခံလျှင်လည်း လှူပေဦးမည်။ ထိုအခါ ဝေဿန္တရာမင်းကြီးမှာ ပြုစုမည့်သူ မရှိ။ တစ်ပါးတည်း ဖြစ်နေတော့မည်။ ငါသည် ပုဏ္ဏားယောင် ဖန်ဆင်း၍ မင်းကြီးထံသွားမည်။ မဒ္ဒီဒေဝီကို အလှူခံမည်။ ထို့နောက် မည်သူ့ကိုမျှ မလှူနိုင်အောင် မင်းကြီးထံ ပြန်အပ်ထားခဲ့မည်' ဟု ကြံစည်၏။

ထို့နောက် သိကြားမင်းသည် ပုဏ္ဏားအိုအသွင် ဖန်ဆင်း၍ ဝေဿန္တရာမင်းကြီးထံ သွားသည်။ "ကျွန်ုပ်သည် အသက်အရွယ် ကြီးပြင်းပြီဖြစ်၍ အလုပ်အကျွေး လိုနေပါသည်။ အရှင်မင်းကြီး၏ မိဖုရား မဒ္ဒီဒေဝီကို ပေးလှူတော်မူပါ" ဟု ဆိုလေသည်။

ဝေဿန္တရာမင်းကြီးလည်း တွန့်တိုခြင်း မရှိ။ မဒ္ဒီဒေဝီ၏ လက်ကို ကိုင်လျက် ပုဏ္ဏားလက်ထဲသို့ ပေးအပ်လိုက်သည်။ "ငါ့မိဖုရားကို သူတစ်ပါးအား ပေးလှူသောအလှူသည် သဗ္ဗညုတဉာဏ် ရရှိရန် အထောက်အပံ့ ဖြစ်စေသတည်း" ဟု ရွှေကရားဖြင့် ရေစက်ချ၍ လှူလေသည်။ ထိုအခါ မြေငလျင် လှုပ်ခြင်းစသော အံ့ဖွယ်သရဲတို့ ဖြစ်ပေါ်ပြန်လေသည်။
မဒ္ဒီဒေဝီသည် မိမိအား ပုဏ္ဏားအိုကြီး လက်သို့ လှူသည့်အတွက် အမျက်ဒေါသ မဖြစ်။ မကြည်မသာ မရှိ။ 'ငါကဲ့သို့သော မိန်းမ ရတနာကိုပင် လှူနိုင်ခြင်းသည် ထူးကဲလှပေသည်' ဟု တွေးလျက် မင်းကြီး၏ မျက်နှာကိုသာ ကြည့်နေ၏။

ဝေဿန္တရာမင်းကြီးကလည်း အကဲခတ်သောအနေဖြင့် မဒ္ဒီ၏ မျက်နှာကို ကြည့်နေ၏။ ထိုအခါ မဒ္ဒီဒေဝီက "အရှင်မင်းကြီး၊ အဘယ့်ကြောင့် အကျွန်ုပ်ကို ကြည့်နေသနည်း။ အကျွန်ုပ်သည် ၁၆-နှစ် အရွယ် ငယ်စဉ်ကပင် မိဘများ ထိမ်းမြားပေးသဖြင့် အရှင်၏ မိဖုရားဖြစ်ခဲ့၏။ အရှင်သည် အကျွန်ုပ်ကို စိုးပိုင်သော လင်ယောက်ျား ဖြစ်၏။ အကျွန်ုပ်ကို တစ်စုံတစ်ယောက်အား အရှင်မင်းကြီးက ပေးလိုက ပေးနိုင်၏။ ရောင်းလိုက ရောင်းနိုင်၏။ သတ်လိုက သတ်နိုင်၏။ အရှင်မင်းကြီး သဘောကျသလို ပြုနိုင်ပါသည်။ အကျွန်ုပ် အမျက် မထွက်ပါ" ဟူ၍ ဆို၏။

သိကြားမင်းသည် မင်းနှင့်မိဖုရားတို့၏ မွန်မြတ်သော စိတ်ထားကို သိရသောအခါ ချီးကျူးစကားဆို၏။ "အရှင်မင်းကြီး၊ မဒ္ဒီဒေဝီကို အရှင်မင်းကြီးအား ကျွန်ုပ် ပြန်ပေးပါ၏။ သင်မင်းကြီးသည် မဒ္ဒီဒေဝီနှင့်သာ သင့်လျော်ပါ၏။ ထို့အတူ မဒ္ဒီဒေဝီသည်လည်း သင်မင်းကြီးနှင့်သာ သင့်လျော်ပါသည်" ဟုဆိုကာ မဒ္ဒီဒေဝီကို ဝေဿန္တရာမင်းကြီးအား ပေးအပ်၏။

ထို့နောက် သိကြားမင်းသည် ပုဏ္ဏားအသွင် ဖျောက်ကာ သိကြားမင်းအသွင်ဖြင့် ကောင်းကင်၌ ရပ်လိုက်သည်။ "အရှင်မင်းကြီး၊ ကျွန်ုပ်ကား သိကြားမင်း ဖြစ်သည်။ အရှင်မင်းကြီးထံ ကူညီမစရန် လာပါသည်။ အလိုရှိသော ဆု ၈-ဆုကို ပေးအံ့။ တောင်းဆိုလော့" ဟု ဆို၏။
ဝေဿန္တရာမင်းကြီးက "အရှင် သိကြားမင်း၊ သင်သည် ကျွန်ုပ်အား ဆု ၈-ပါး ပေးမည်ဆိုပါက ဤဆုတို့ကို ပေးပါ။
(၁) ကျွန်ုပ်အား ခမည်းတော်မင်းကြီးက ပြန်ခေါ်၍ မင်းအဖြစ် ပေးစေလိုပါသည်။
(၂) မင်းအဖြစ်သို့ ကျွန်ုပ်ရောက်သောအခါ မင်းပြစ်မင်းဒဏ်သင့်၍ သတ်ထိုက်သူပင်ဖြစ်စေ၊ မသတ်ဖြတ်ရလို။
(၃) ကျွန်ုပ်သည် လူခပ်သိမ်းတို့၏ မှီခိုအားထားရာ ဖြစ်လို၏။
(၄) သူတစ်ပါး မယားကို မပြစ်မှားရလို။ မိမိမယားဖြင့်သာ ရောင့်ရဲလို၏။
(၅) သားတော် သမီးတော်တို့သည် အသက်ရှည်စွာ တရားသဖြင့် မင်းစည်းစိမ်၌ ပျော်စံကြစေလို၏။
(၆) နောက်နေ့နံနက်တွင် နတ်ဘောဇဉ် ခဲဖွယ်တို့ဖြစ်ပေါ် လာစေလို၏။
(၇) လှူဆဲအခါ၌လည်း စိတ်ကြည်လင်၍ လှူပြီးသောအခါ၌လည်း နောင်တ ပူပန်ခြင်း မရှိစေရအောင် ပစ္စည်းဥစ္စာတို့သည် လှူ၍ မကုန်မခန်းစေလို။
(၈) ဤဘဝမှ စုတေသောအခါ တုသိတာနတ်ပြည်သို့ ရောက်၍ ထိုမှတစ်ဖန် ဤလူ့ပြည်သို့ လာ၍ ဘုရားအဖြစ်သို့ ရောက်ရလို၏။

ဤ ဆု ၈-ပါးကို တောင်းသောအခါ သိကြားမင်းက "အရှင်မင်းကြီး ဤ ဆု ၈-ပါး စလုံး ပြည့်စုံပါလိမ့်မည်။ မကြာမီပင် ခမည်းတော် သိဉ္စည်းမင်းကြီးသည် ဤဝင်္ကပါတောင်သို့ ရောက်လာ၍ သင်မင်းကြီးအား မင်းအဖြစ် ပြန်လည်အပ်နှင်းလျက် ပြည်တော်သို့ ပြန်ခေါ်ပါလိမ့်မည်။ မစိုးရိမ်ပါနှင့်" ဟူ၍ ဆိုကာ တာဝတိံသာသို့ ပြန်ကြွသွားလေ၏။
ထိုအချိန်ဝယ် ဇူဇကာပုဏ္ဏားသည် ဇာလီနှင့်ကဏှာဇိန်တို့ကို ခေါ်ဆောင်သွားဆဲဖြစ်၏။ လမ်းခရီးတစ်လျှောက်၌ မောင်နှမနှစ်ယောက် ဘေးမရောက်စေရန်လည်း နတ်တို့က စောင့်ရှောက်ပေး၏။

ဇူဇကာပုဏ္ဏားသည် ညအချိန်သို့ ရောက်သောအခါ ဇာလီနှင့်ကဏှာဇိန်တို့ကို ချုံတစ်ခု၌ ချည်နှောင်၍ မြေကြီးပေါ်၌ အိပ်စေ၏။ မိမိကမူ သားရဲတိရစ္ဆာန်တို့ဘေးရန်မှ ကင်းစေရန် သစ်ပင်ပေါ်သို့ တက်၍ အိပ်၏။ ထိုအခါ နတ်သားတစ်ပါးက ဝေဿန္တရာမင်းကြီး အဟန် ဖန်ဆင်း၏။ အခြားနတ်သား တစ်ပါးက မဒ္ဒီဒေဝီ အဟန် ဖန်ဆင်း၏။ ဇာလီနှင့် ကဏှာဇိန်တို့အား ချည်နှောင်ထားသော ကြိုးတို့ကို ဖြေပေး၏။ အစားအစာ ကျွေး၏။ နတ်အိပ်ရာ၌ သိပ်ကြ၏။ အရုဏ်တက်ချိန် ရောက်သောအခါတွင်မှ ဇာလီ မောင်နှမအား နဂိုအတိုင်း ချည်နှောင်၏။ မြေကြီးပေါ်၌ သိပ်ထား၏။ ထို့နောက် ကွယ်ပျောက်သွားကြလေ၏။ ဤသို့လျှင် နတ်တို့က စောင့်ရှောက်သောကြောင့် ဇာလီနှင့် ကဏှာဇိန်တို့သည် ဘေးမသီ၊ ရန်မခဘဲ ချမ်းသာရာ ရကြသည်။

ဇူဇကာပုဏ္ဏားသည် ကလိင်္ဂတိုင်းသို့ သွားမည်ဟု လာခဲ့သည်။ သို့ရာတွင် နတ်တို့၏ တန်ခိုးကြောင့် လမ်းမှားသွားသည်။ ဇာလီတို့၏ ဘိုးတော် စိုးစံရာ စေတုတ္တရာပြည်သို့ ရောက်ရှိလာသည်။ တစ်ဖန် နတ်တို့တန်ခိုးကြောင့် စေတုတ္တရာပြည်သို့ ရောက်သော်လည်း အခြားနေရာသို့ မရောက်။ သိဉ္စည်းမင်းကြီး နန်းစံရာ နန်းရင်ပြင်သို့ ရောက်သွားသည်။

ထိုအချိန်တွင် သိဉ္စည်းမင်းကြီးသည် မှူးမတ်စုံညီဖြင့် လွှတ်သဘင် တက်နေသည်။ မင်းကြီးသည် ပုဏ္ဏားနှင့် ကလေးနှစ်ယောက်ကို လှမ်းမြင်သည်။ သို့ရာတွင် မြေးတော်တို့ကို မမှတ်မိ။ စိတ်တွင်း၌မူကား ထူးခြားနေသည်။ 'ဤကလေး နှစ်ယောက်သည် အရောင်အဆင်း အလွန်တင့်တယ်သည်။ ရုပ်ချင်းလည်း လွန်စွာတူသည်။ ငါ့မြေးတော်များနှင့်လည်း တူသည်' ဟူ၍ သို့လော၊ သို့လော ဖြစ်မိသည်။

ချက်ချင်းပင် အမတ်တစ်ယောက်အား ပုဏ္ဏားနှင့် ကလေးငယ်နှစ်ယောက်ကို ရှေ့တော်မှောက်သို့ ခေါ်ယူစေသည်။ မင်းကြီးက ဇူဇကာပုဏ္ဏားအား "ဤကလေးငယ် နှစ်ယောက်ကို အဘယ်အရပ်မှ ခေါ်ဆောင်လာခဲ့သနည်း" ဟူ၍ မေးမြန်းသည်။


ဇူဇကာပုဏ္ဏားက "အရှင်မင်းကြီး၊ ဤကလေးငယ် နှစ်ယောက်ကို ဝေဿန္တရာမင်းကြီးသည် ကျွန်တော်မျိုးအား ကျွန်အဖြစ် ပေးလှူလိုက်ပါသည်။ ကျွန်တော်မျိုး လက်တွင် ရောက်ရှိနေသည်မှာ ၁၅-ရက် ရှိပါပြီ" ဟူ၍ လျှောက်ထားသည်။

ဤတွင်မှ မင်းကြီးသည် အကြောင်းစုံကို သိရှိသည်။ ကလေးများသည်လည်း မိမိတို့၏ ဘိုးတော်မှန်း သိကြသည်။ သို့ရာတွင် ပုဏ္ဏား၏ ကျွန်ဖြစ်နေသဖြင့် ဘိုးတော်ထံ ချဉ်းကပ်မသွားနိုင်။ အဝေးမှသာ ခစားနေရသည်။ ဘိုးတော်မင်းကြီးသည် များစွာရင်ထုမနာ ဖြစ်မိသည်။

လွှတ်သဘင်၌ ရှိနေကြသော အမတ်တို့သည်လည်း စိတ်ထိခိုက်ကြသည်။ "မိမိ၏ ရင်သွေးများကို ကျွန်အဖြစ် ပေးလှူနိုင်ရက်ပါပေသည်တကား" ဟူ၍ ဆိုကာ ဝေဿန္တရာမင်းကြီးကို ကဲ့ရဲ့ ပြစ်တင်ကြသည်။

ထိုအခါ ဇာလီမင်းသားက မခံရပ်နိုင်။ "ခမည်းတော်သည် တောထဲတွင် နေရသည်ဖြစ်၍ အဘယ်မှာလျှင် ကျွန်ယောက်ျား၊ ကျွန်မိန်းမတို့ ရှိပါမည်နည်း။ ထို့ကြောင့် ခမည်းတော်သည် စိတ်နှလုံးပူပန် ဆင်းရဲခြင်း ကြီးစွာဖြစ်လျက် ရင်သွေးတို့ကို ပေးလှူရပေသည်" ဟူ၍ ရှင်းလင်း ပြောဆိုသည်။

မင်းကြီးသည် ချက်ချင်းပင် မြေးတော်တို့ကို ကျွန်အဖြစ်မှ ရွေးနုတ်တော်မူသည်။ ဝေဿန္တရာမင်းကြီး ပေးလှူစဉ်က တန်ဖိုး ဖြတ်ထားသည့်အတိုင်းပင် သိဉ္စည်းမင်းကြီးသည် ဇူဇကာပုဏ္ဏားအား ဇာလီမင်းသားအတွက် ရွှေစင်ကျပ်တစ်ထောင် တန်ဖိုးဖြတ်၍ ပေးသည်။ ကဏှာဇိန်အတွက် ကျွန်ယောက်ျား တစ်ရာ၊ ကျွန်မိန်းမ တစ်ရာ၊ ဆင်တစ်ရာ၊ မြင်းတစ်ရာ၊ နွားလားဥသဘ တစ်ရာ၊ ရွှေစင်ကျပ်တစ်ရာ တန်ဖိုးဖြတ်၍ ပေးသည်။ ထို့ပြင် ဇူဇကာပုဏ္ဏားအား ဘုံခုနှစ်ဆင့်ရှိသော ပြာသာဒ်ကိုလည်းပေးသည်။

ဇူဇကာပုဏ္ဏားသည် မရဖူးသော စည်းစိမ်ချမ်းသာကို ရသဖြင့် ကျေနပ်ဝမ်းသာမဆုံး ဖြစ်မိသည်။ သူသည် ပြာသာဒ်ထက်သို့ တက်၍ အစားအစာကောင်းတို့ကို စားသည်။ ထို့နောက် မြတ်သောအိပ်ရာထက်၌ တက်၍ အိပ်နေလေသည်။

မင်းကြီးသည် မြေးတော် နှစ်ယောက်ကို ဦးခေါင်းဆေးလျက် ရေချိုးစေသည်။ သစ်လွင်သော အဝတ်တန်ဆာတို့ကို ဆင်ပေးသည်။ ကောင်းမြတ်သော အစားအစာတို့ကို ကျွေးမွေးသည်။ ထို့နောက် မင်းကြီးက ဇာလီကို မိမိရင်ခွင်၌် ထားလျက်၊ ဖုဿတီ မိဖုရားကြီးက ကဏှာဇိန်ကို မိမိရင်ခွင်၌ ထားလျက် ဝေဿန္တရာမင်းကြီးနှင့် မဒ္ဒီဒေဝီတို့အကြောင်းကို ချစ်ခင်ယုယစွာဖြင့် မေးမြန်းသည်။

ဇာလီတို့ မောင်နှမကလည်း တောတွင်း၌ ခမည်းတော်၊ မယ်တော်တို့ ပင်ပန်းဆင်းရဲစွာဖြင့် နေထိုင်ရပုံကို လျှောက်တင်ကြသည်။

ထိုအချိန်တွင် ကလိင်္ဂတိုင်းသား ပုဏ္ဏားတို့ အလှူခံသွားသော ဝေဿန္တရာမင်းကြီး၏ ပစ္စယဆင်ဖြူတော်သည် စေတုတ္တရာပြည်သို့ ပြန်ရောက်နေပြီ။ ကလိင်္ဂတိုင်းတွင် မိုးကောင်းစွာ ရွာပြီးဖြစ်သဖြင့် ပြန်၍ ပို့သောကြောင့် ဖြစ်သည်။ သိဉ္စည်းမင်းကြီးသည် မြေးတော်များ၏ လျှောက်တင်ချက်အရ ဝေဿန္တရာမင်းကြီး၏ ဆင်းရဲဒုက္ခကို ကောင်းစွာ သိရှိသွားသည်။ ထို့ပြင် ပြည်သူပြည်သားတို့ကလည်း စိတ်ပြေကြပြီ ဖြစ်သည်။ သို့ဖြင့် သားတော်အား နှင်ထုတ်မိခြင်းကို နောင်တတရား ရကာ စစ်သည်ဗိုလ်ပါ များစွာနှင့်တကွ ဝင်္ကပါတောင်သို့ သွား၍ သားတော်နှင့် ချွေးမတော်တို့ကို ပြန်ခေါ်ရန် ချက်ချင်းစီစဉ်သည်။

ထိုစဉ် ဇူဇကာပုဏ္ဏားသည် လောဘကြီးစွာဖြင့် အစားအစာတို့ကို အငမ်းမရ စားသောက်ရာ စားပိုးနင့်၍ သေဆုံးသွားလေသည်။

မကြာမီ သိဉ္စည်းမင်းကြီး ဦးဆောင်လျက် သားတော် ဝေဿန္တရာကို သွားခေါ်ကြသည်။ ဝင်္ကပါတောင်တွင် သိဉ္စည်းမင်းကြီး၊ ဖုဿတီမိဖုရား၊ သားတာ် ဝေဿန္တရာမင်းကြီး၊ ချွေးမတော် မဒ္ဒီဒေဝီ၊ မြေးတော် ဇာလီနှင့်ကဏှာဇိန်တို့ ပေါင်းဆုံမိကြသည်။ အားလုံးပင် ဝမ်းသာဝမ်းနည်း ငိုကြွေးကြသည်။ ထိုအခါ သိကြားမင်းက စွတ်စိုလိုသောသူကိုသာ စွတ်စိုစေ၍၊ မစွတ်စိုလိုသော သူကို မစွတ်စိုစေသည့် ပေါက္ခရဝဿမိုးကို ရွာစေသည်။ ထိုအချိန်တွင် ကြီးစွာသော မြေငလျင်ကြီးလည်း လှုပ်သည်။ သတ္တမအကြိမ်လှုပ်ခြင်းပင်တည်း။

ဝေဿန္တရာမင်းကြီးနှင့် မဒ္ဒီဒေဝီတို့သည် ခမည်းတော်၊ မယ်တော်၊ သားတော်၊ သမီးတော်တို့နှင့်အတူ စေတုတ္တရာပြည်သို့ ပြန်ကြွသည်။ ပြန်လည်၍ ထီးနန်းစိုးစံသည်။ တိုင်းသူပြည်သား အပေါင်းလည်း ဝမ်းမြောက်ဝမ်းသာ ကြိုဆိုကြသည်။ နှစ်လို ဝမ်းမြောက်သောအခါ၌ တီးရသော နန္ဒီစည်တော်ကိုလည်း တစ်ပြည်လုံး လှည့်လည် တီးကြသည်။

ဝေဿန္တရာမင်းကြီးသည် အကျဉ်းထောင်နှင့် နှောင်အိမ်တို့၌ အကျဉ်းခံနေရသော အကျဉ်းသားတို့အား လွှတ်ပစ်သည်။ ရောက်သည့် ညမှာပင် "ငါရောက်သည် ကြားလျှင် အလှူခံ ပုဂ္ဂိုလ်တို့ လာကြလိမ့်မည်။ ထိုအလှူခံ ပုဂ္ဂိုလ်တို့အား အဘယ်ပစ္စည်းကို လှူရပါအံ့နည်း" ဟူ၍ အကြံဖြစ်သည်။ သိကြားမင်းသည် မင်းကြီး၏ အကြံကို သိသောအခါ ရတနာ ခုနှစ်ပါးမိုးကို ရွာချလေသည်။ ထိုရတနာမိုးသည် နန်းတော်အတွင်း၌ ခါးလောက်အထိ ရှိသည်။ မြို့တွင်းရှိ အိမ်များ၌ ဒူးဆစ်အထိ ရှိသည်။

နံနက်လင်းသောအခါ ဝေဿန္တရာမင်းကြီးသည် တိုင်းသူပြည်သားတို့အား မိမိ အိမ်တွင်းရှိ ရတနာတို့ကို အသီးသီး ယူစေသည်။ ကျန် ရတနာတို့ကိုကား ဘဏ္ဍာတော်အဖြစ် သိမ်းယူကာ ကျီကြတို့၌ သိုလှောင်ထားသည်။ ထိုရတနာတို့ဖြင့် အသက်ထက်ဆုံး အလှူဒါနကို မပြတ်ပြုလုပ်လေသည်။ ဝေဿန္တရာမင်းကြီးသည် သက်တမ်းစေ့၍ နတ်ရွာစံသောအခါ တုသိတာနတ်ပြည်၌ စံစားရလေသည်။

(ဇာတ်ပေါင်းသော် ဝေဿန္တရာမင်းသည် ဂေါတမဘုရားရှင်၊ မဒ္ဒီဒေဝီသည် ယသော်ဓရာ၊ ဇာလီမင်းသားသည် ရာဟုလာ၊ ကဏှာဇိန်မင်းသမီးသည် ဥပ္ပလဝဏ်၊ သိဉ္စည်းမင်းသည် သုဒ္ဓေါဒနမင်း၊ ဖုဿတီဒေဝီသည် မဟာမာယာဒေဝီ၊ သိကြားမင်းသည် အရှင်အနုရုဒ္ဓါ၊ ဇူဇကာပုဏ္ဏားသည် ဒေဝဒတ်၊ အမိတ္တာပုံသည် စိဉ္စမာဏ ဝိကာတို့ အသီးသီး ဖြစ်လာကြလေသည်)

*ဤဝေဿန္တရာ ဇာတ်တော်တွင် ဂေါတမဘုရားရှင် ဒါနပါရမီ၊ ဥပေက္ခာပါရမီ၊ ခန္တီပါရမီတို့ ဖြည့်ဆည်းခဲ့ပုံကို သိမြင်နိုင်ပါသည်*
                 ...........................................................................................
http://lovelove1349.multiply.com/journal/item/303/303 မှ ကူးယူဖော်ပြခြင်း ဖြစ်ပါသည်။  

Views: 319

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2019   Created by ukkmaung.   Powered by

Badges  |  Report an Issue  |  Terms of Service