ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

သဒ္ဓါ တရားအကြောင်း

“ သဒ္ဓါ တရားအကြောင်း ”
ဗုဒ္ဓဘာသာဝင် ပုဂ္ဂိုလ်များဟာ ဒါနနဲ့ ပြည့်စုံတဲ့ ပုဂ္ဂိုလ်တစ်စုံတစ်ယောက်ကို သဒ္ဓါတရားဖြင့် ချီးမွမ်းပြီး ပြောဆိုလေ့ရှိကြတယ်။ ဒီမိသားစုကတော့ ၊ဒီပုဂ္ဂိုလ်တို့ကတော့ သဒ္ဓါတရားနဲ့ ပြည့်စုံကြတယ်။

သဒ္ဓါတရား ကောင်းကြတယ်။ သဒ္ဓါတရားထက်သန်ကြတယ် စသည်ဖြင့် သဒ္ဓါတရားကို အမွှမ်း တင်ကာ ချီးမွမ်းကာ ပြောဆိုလေ့ရှိကြတယ်။ သဒ္ဓါတရားဆိုတဲ့ စကားမှာ သဒ္ဓါဟူသော ပါဠိကို ပညာရှိဆရာတော်ကြီးများက ယုံကြည်ခြင်းလို့ မြန်မာလိုပြန်ပေးတယ်။ ယုံကြည်ခြင်း ဆိုတဲ့ မြန်မာစကားမှာ စကားနှစ်ခွန်း ပါရှိနေပါတယ်။ “ယုံ”တာ တစ်ခွန်း၊ “ကြည်”တာက တစ်ခွန်း ပါရှိနေပါတယ်။
“ယုံ”တာက ဘုရား၊တရား၊သံဃာ၊ကံနှင့်ကံ၏ အကျိုးပေးဆိုတဲ့ ဤငါးမျိုးကို ယုံတာ ဖြစ်ပါတယ်။ “ကြည်”ဆို တာကလည်း ယုံလို့ပင်ကြည်တာဖြစ်ပါတယ်။ မိမိတို့ ကိုးကွယ် ဆည်းကပ်နေကြတဲ့ ဘုရား၊တရား၊ သံဃာတို့ သည် ဆင်းရဲဒုက္ခများလှသည့် အပါယ်သံသရာ အပါယ်ဘေးတို့မှ ကာကွယ် တားဆီးပေးနိုင်တဲ့ ဘုရားစစ်၊ ဘုရားမှန်၊တရားစစ်၊ တရားမှန် သံဃာစစ် သံဃာမှန်တို့ဖြစ်ကြတယ်လို့ ယုံကြည်ကြပေတယ်။

ယုံတဲ့အတွက်ကြောင့် ဘုရား၊ တရား၊ သံဃာတွေကို ကိုးကွယ်ဆည်းကပ်ကြတဲ့အခါ စိတ်ဓာတ်တွေ ကြည်သွားကြခြင်းဟာ ယုံလိုပင် ကြည်တာဖြစ်ပါတယ်။ ကုသိုလ်ကံများကို ပြုရတဲ့အခါ ကုသိုလ်ကံများ၏ အကျိုးပေးတွေကို ဆင်ခြင်လိုက်သည့်အခါတွေမှာ စိတ်ဓာတ်တွေ ကြည်လာကြပေတယ်။ ဒါဟာလည်း ယုံ လို့ပင်ကြည်တာဖြစ်ပါတယ်။ ဒါကိုပဲ ယုံကြည်ခြင်းလို့ ခေါ်ဆိုကြတာပါ။

သဒ္ဓါတရားကို အဋ္ဌကထာဆရာများက ချီးမွမ်းပြီး ဖွင့်ဆိုကြတဲ့အခါ သဒ္ဓါတရားဟာ
♦(၁)။ လက်နှင့်တူခြင်း။
♦(၂)။ပစ္စည်းဥစ္စာ ရတနာများနှင့်တူခြင်း။
♦(၃)။ မျိုးစေ့ကောင်းများနှင့် တူခြင်းလို့ ချီးမွမ်းကာ ဖွင့်ပြကြပါတယ်။

(၁)။လက်နှင့်တူခြင်းဆိုတာ

လက်ဟာ မိမိခန္ဓာကိုယ်အတွက် အသုံးအကျဆုံးဖြစ်သကဲ့သို့ သဒ္ဓါတရားသည် ယခု မျက်မှောက်ဘဝ အတွက်ချမ်းသာဖို့ရာ၊နောင်ဘဝများအတွက် ချမ်းသာဖို့ရာနှင့် နိဗ္ဗာန် ချမ်းသာကို ရောက်သွားဖို့ရာ အသုံး အကျဆုံး ကျေးဇူးအများဆုံး ဖြစ်တယ်လို့ ဆိုလိုပါတယ်။

မိမိတို့၏ ခန္ဓာကိုယ်မှာ မသန့်ရှင်းတဲ့ အညစ် အကြေးများကို သန့်ရှင်းရလေအောင် လက်ဖြင့် ပင် ပြုပြင်သုတ်သင်ပေးကြရတယ်။ ထို့အတူပါပဲ လက်နှင့် တူသော သဒ္ဓါတရားရှိသော ပုဂ္ဂိုလ်တွေဟာ မိမိတို့ သန္တာန်ဖြစ်လာကြတဲ့ လောဘ ဒေါသ မောဟ စသော ကိလေသာ အညစ်အကြေးတွေကို သီလဆောက်တည်ခြင်း၊ သမထ ဝိပဿနာတရားတွေကို ပွားများ အားထုတ်ခြင်းတွေနဲ့ သန့်ရှင်းစင်ကြယ်အောင် ပယ်ကြရတယ်။

မတင့်တယ် မကြည်လင်တဲ့ စိတ်အစဉ်များ ကို တင့်တယ်ကြည်လင်လာရအောင် ဘုရား တရား သံဃာတော်များကို ကိုးကွယ်ဆည်းကပ်ကြရတယ်။ ပစ္စည်းဥစ္စာများကို သိမ်းဆည်းတဲ့ အခါမှာလည်း လက်ဖြင့်ပင် သိမ်းဆည်းကြတယ်။ တန်ဖိုးပင်မရှိသော် လည်း အသုံးကျသော ပစ္စည်းများကို သိမ်းဆည်းရတဲ့အခါမှာလည်း လက်ဖြင့်ပင် သိမ်းဆည်းကြရတယ်။ အသင့် အတင့် တန်ဖိုးရှိသော အဝတ်အထည်များကို သိမ်းဆည်းရတဲ့အခါမှာလည်း လက်ဖြင့်ပင် သိမ်းဆည်းကြရပေတယ်။ သိပ်တန်ဖိုးရှိတဲ့ ရတနာများကို သိမ်းဆည်းရတဲ့ အခါမှာလည်း လက်ဖြင့်ပင် သိမ်းဆည်းကြရပေတယ်။

ထို့အတူ လက်နှင့်တူတဲ့ သဒ္ဓါတရားရှိသော ပုဂ္ဂိုလ်တွေက သဒ္ဓါတရားတည်းဟူသော လက်ဖြင့် ဒါနကုသိုလ် ဒါနကုသိုလ်များကိုလည်းပြုလုပ်နိုင်ပေတယ်။(သိမ်းဆည်း၍) ရအောင် ယူနိုင်ကြပေတယ်။ သီလကိုလည်း (သိမ်းဆည်း၍) ရအောင်ယူနိုင်ကြပေတယ်။ သမထ ဝိပဿနာတရားတို့ကိုလည်း ပွားများအားထုတ်နိုင်ကြ ပေတယ်။ ဒါကြောင့် သဒ္ဓါတရားဟာ လက်နှင့်တူတယ်လို့ အဋ္ဌကထာဆရာများက ဖွင့်ပြခြင်းဖြစ်ပါတယ်။

(ဆောင်) သဒ္ဓါတရား လက်နှင့်ကား မခြားတူပေသည်။

(၂)။ပစ္စည်းဥစ္စာရတနာများနှင့် တူခြင်းဆိုတာ
ပစ္စည်းဥစ္စာရတနာပိုင်ရှင်တွေဟာ ချမ်းသာဖွယ်အမျိုးမျိုးတွေကို ဝယ်ယူကာ သုံဆောင်နိုင် သကဲ့သို့ ထို့အတူ သဒ္ဓါတရားရှိတဲ့ ပုဂ္ဂိုလ်တို့သည် သဒ္ဓါတရားတည်းဟူသော ပစ္စည်းဥစ္စာဖြင့် လူချမ်းသာ နတ်ချမ်းသာ ဗြဟ္မာ ချမ်းသာ ၊နိဗ္ဗာန်ချမ်းသာတွေကို ဝယ်ယူရသကဲ့သို့ ရရှိနိုင်ကြပေတယ်လို့ ဆိုလိုပါတယ်။

လူလောကမှာ ပစ္စည်းဥစ္စာရတနာ ပိုင်ရှင်တွေဟာ ကောင်းမြတ်တဲ့ စားသောက်ဖွယ်တွေကို ဝယ်ယူ၍ ချမ်းသာစွာ သုံးဆောင်ကြရတယ်။ ကောင်းမြတ်တဲ့ အဝတ်အထည်တွေကို ဝယ်ယူပြီး ချမ်းသာစွာ ဝတ်ဆင်ကြရတယ်။ ကောင်းမြတ်တဲ့ ယာဉ်များကို ဝယ်ယူပြီး ချမ်းသာစွာ စီးနင်းကြရတယ်။ ကောင်းမြတ်တဲ့ အိမ်ယာတိုက်တာ များကို ဝယ်ယူပြီး ချမ်းသာစွာနေထိုင်ကြရပါတယ်။

ထို့အတူ ပစ္စည်းဥစ္စာရတနာနှင့်တူသည့် သဒ္ဓါတရားရှိတဲ့ ပုဂ္ဂိုလ်တွေဟာ ဒါနကုသိုလ်များကို ပြုလုပ်ကြ၊ သီလကုသိုလ်များကို ဆောက်တည်ကြသဖြင့် လူ့ချမ်းသာ နတ်ချမ်းသာတွေကို ဝယ်ယူရသကဲ့သို့ ရယူ နိုင်ကြတယ်။ သမထတရားကို ပွားများအားထုတ်ကြတဲ့အတွက် ဗြဟ္မာ့ချမ်းသာကို ဝယ်ယူရနိုင်သကဲ့သို့ ရယူနိုင်ကြပေတယ်။ ဝိပဿနာတရားတွေကို ပွားများ အားထုတ်ကြတဲ့အတွက် နိဗ္ဗာန်ချမ်းသာကို ဝယ်ယူ သကဲ့သို့ ရယူနိုင်ကြပေတယ်။ဒါကြောင့် သဒ္ဓါတရားဟာ ပစ္စည်းဥစ္စာရတနာများနှင့် တူတယ်လို့ အဋ္ဌကထာ ဆရာများက ဖွင့်ပြထားခြင်း ဖြစ်ပါတယ်။

(ဆောင်) သဒ္ဓါတရား ဥစ္စာများ မခြားတူပေသည်။

(၃)။ မျိုးစေ့ကောင်းများနှင့် တူခြင်းဆိုတာ
မျိုးစေ့ကောင်းများက သစ်ပင်ငယ်၏ အောက်ကို အမြစ်များထွက်စေရန်လည်း ကျေးဇူးပြု သကဲ့သို့ အထက်ကို အညွန့်အတက်များ ထွက်စေရန် ကျေးဇူးပြုသကဲ့သို့ သဒ္ဓါတရာကလည်း အမြစ်နှင့်တူသော သီလကိုလည်း ကျေးဇူးပြုတယ်။ အညွန့်နှင့်တူတဲ့ သမထဝိပဿနာ ကိုလည်း ကျေးဇူးပြုတယ်။ ဒါကြောင့် မျိုးစေ့ကောင်းများနှင့်တူတယ်လို့ဆိုလိုတာပါ။

မျိုးစေ့ကောင်းများက သစ်ပင်၏ အောက်ဖက်သို့ အမြစ်များ ထွက်လာရအောင်လည်း ကျေးဇူးပြုပါတယ်။ သစ်ပင်၏ အထက်သို့ အညွန့်အတက်များ ထွက်လာရအောင်လည်း ကျေးဇူးပြုပါတယ်။ အမြစ်များနှင့် လည်းပြည့်စုံ၊ အညွန့်အတက်များနှင့်လည်းပြည့်စုံပြီးသော သစ်ပင်များဟာ ရက်၊ လများကြာ၍ ပွင့်ချိန် သီးချိန်များ ရောက်လာသောအခါ ထိုက်တန်သော အပွင့်အသီးများ ပွင့်လာကြပေတယ်။

ထို့အတူပါပဲ မျိုးစေ့ ကောင်းများနှင့်တူတဲ့ သဒ္ဓါတရားက သဒ္ဓါတရားရှိတဲ့ ပုဂ္ဂိုလ်တွေကို အမြစ်နှင့်တူသော သီလကုသိုလ်နှင့် လည်း ပြည့်စုံအောင် ကျေးဇူးပြုတယ်။ အညွန့် အတက်နှင့်တူသော သမထ ဝိပဿနာကုသိုလ်များနှင့် ပြည့်စုံအောင်လည်း ကျေးဇူးပြုတယ်။
အမြစ်နှင့်တူသော ကုသိုလ်များနှင့်လည်း ပြည့်စုံပြီး အညွန့်အတက် များနှင့်တူသော သမထ၊
ဝိပဿနာများနှင့်လည်း ပြည့်စုံကြတဲ့ ပုဂ္ဂိုလ်တွေဟာ အပွင့်အသီးများနဲ့တူတဲ့ မဂ်ချမ်းသာ ဖိုလ်ချမ်းသာ၊ နိဗ္ဗာန်ချမ်းသာတွေကို ရရှိသွားနိုင်ကြမည်ဖြစ်ပေတယ်။ ဒါကြောင့် သဒ္ဓါ တရားဟာ မျိုးစေ့ကောင်းများနှင့်တူတယ်လို့ အဋ္ဌကထာဆရာများက ဖွင့်ပြထားခြင်းဖြစ် ပါတယ်။

(ဆောင်) သဒ္ဓါတရား မျိုးစေ့များ မခြားတူပေသည်။

ထိုကဲ့သို့ အဋ္ဌကထာဆရာများက သဒ္ဓါတရားကို လက်နှင့်တူခြင်း၊ ပစ္စည်းဥစ္စာ ရတနာများနှင့် တူခြင်း၊ မျိုးစေ့ကောင်းများနှင့်တူခြင်းလို့ ချီးမွမ်းကာ ဖွင့်ပြထားကြတယ်ဆိုတဲ့အကြောင်းကို ရေးသားတင်ပြလိုက် ပါတယ်။ စာဖတ်သူအားလုံးကိုယ်စိတ်နှစ်ပါး ကျန်းမာချမ်းသာကြပါစေ။ ကောင်းကျိုးလုိုရာဆန္ဒများတစ်လုံးတစ်ဝတည်းပြည့်ဝကြပါစေ။

- [အရှင်ဝိမလဝံသ(နာလန္ဒာတက္ကသိုလ်)]

 

Views: 201

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

ukkmaung posted a discussion
15 hours ago
Candima is now a member of ရတနာဝါသ ဘုရားကျောင်း 華緬 三寶寺
15 hours ago
ukkmaung posted a blog post
18 hours ago
ukkmaung posted a blog post
Monday

Birthdays

Birthdays Tomorrow

Members

© 2020   Created by ukkmaung.   Powered by

Badges  |  Report an Issue  |  Terms of Service