ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ချစ်တတ်ကြပါစေ

ချစ်တတ်ကြပါစေ

 

လူတိုင်းလူတိုင်း အချစ်နဲ့ ကင်းသူရယ်လို့ သိတ်မရှိနိုင်ဘူး ထင်ပါတယ်။ ရှိခဲ့ရင်လည်း အနည်း အကျဉ်းပေါ့..။ လူတစ်ဦးနဲ့ တစ်ဦး ချစ်ကြတယ်.. ကြိုက်ကြတယ်။ ဒါဟာ သိတ်တော့ မထူးဆန်း ပါဘူး။ ဒါပေမယ့် ချစ်နေကြတဲ့ အထဲမှာ ချစ်တတ်ဖို့တော့ လိုတယ်။ တစ်ယောက်နဲ့ တစ်ယောက် ချစ်တာတော့ အမျိုးမျိုး ရှိတာပေါ့။ တချို့ ကျလည်း ချစ်ချင်လို့ကို ချစ်တယ်၊ တစ်ချို့ကျလည်း မျှော်လင့်ချက်နဲ့ ချစ်ကြတယ်၊ တစ်ချို့ ကျလည်း တဏှာကို အရင်းခံ ပြီးတော့ ချစ်ကြပါတယ်။ ဒါပေမယ့် ဘယ်လိုပဲ အချစ်ချစ်ပေါ့.. ချစ်တတ်ဖို့အဓိက ကျပါတယ်..။ အချစ် သုံးမျိုး ရှိပါတယ်။

 

(၁) ချစ်သူအချစ် (၂) မိသားစုအချစ် (၃) ပါရမီအချစ် ပါ။ ချစ်သူ အချစ်ဆိုတာတော့ မိန်းမနဲ့ ယောက်ျား အပြန်အလှန် ချစ်ကြတဲ့ အချစ်ပါ။ မိသားစု အချစ် ဆိုတာကတော့ မိဘနဲ့ သားသမီး၊ ညီနဲ့ အစ်ကို၊ မောင်နဲ့ နှမ စသည်တို့ မိသားစု အချင်းအချင်း ချစ်ကြတဲ့ အချစ်ပါ။ ပါရမီအချစ် ဆိုတာကတော့ သူတစ်ပါးတို့ရဲ့ အကျိုးဖြစ်ထွန်းမှုကို လိုလားတဲ့ အချစ်ပါ။ ပါဋ္ဌိလိုဆိုရင်တော့ တဏှာပေမရယ်၊ ဂေဟသိတ ပေမရယ်၊ မေတ္တာပေမရယ်ပါ။

 

အခု ကျနော်ပြောမယ့် ချစ်တတ်မှ ဖြစ်မယ် ဆိုတာကတော့ ပါရမီအချစ်နဲ့ ချစ်မှ ဖြစ်မယ်ဆိုတာကို ဆိုလိုရင်း ဖြစ်ပါတယ်။ ပါရမီအချစ် ဆိုတာကတော့ သူတစ်ပါး အကျိုးကိုပဲ ငဲ့ပါတယ်။ မိမိအကျိုးကို မငဲ့ပါဘူး။ ကိုယ်က သူ့ကို တကယ့် ပါရမီအချစ်နဲ့ ချစ်မယ်ဆိုရင် သူ့ကို ကြီးပွားစေချင်တယ်၊ တိုးတက်စေချင်တယ်၊ အောင်မြင် စေချင်တယ်၊ အစစအရာရာ အဆင်ပြေစေချင်တယ်။ သူ့ဆီကတော့ ဘာတုန့်ပြန်မှုမှ မမျှော်လင့်ပါဘူး။ ဒါကတော့ ပါရမီအချစ်ရဲ့ သဘောတွေပါ။ ဘယ်လောက် အေးချမ်းလိုက်တဲ့ ပါရမီ အချစ်ပါလည်းနော်..။

 

အကြောင်း တစ်ခုခုကြောင့် သိခွင့် ခင်ခွင့်ရကြတဲ့ အခါမှာ ကိုယ်ကလည်း သူ့ကို ပါရမီအချစ်နဲ့ ချစ်မယ်၊ သူကလည်း ကိုယ်ကိုပါရမီ အချစ်နဲ့ ချစ်မယ်ဆိုရင် နှစ်ဦးလုံးရဲ့ ခင်မင်မူဟာ အစဉ် ခိုင်မြဲနေမှာ မလွဲပါဘူး။ နောက် တစ်ဆင့်ထက် တစ်ဆင့်တက်ပြီး သူတရားထူး တရားမြတ်ရဖို့ အတွက်လည်း ကိုယ်က ကူညီမယ်။ ကိုယ်တရားထူး တရားမြတ်ရဖို့ အတွက်လည်း သူက ကူညီမယ်ဆိုရင် ပါရမီအချစ်က နိဗ္ဗာန် အထိတောင် ကျေးဇူး ပြုနေတော့မှာပါ။ တစ်စုံတစ်ယောက်ကို ကိုယ်က တကယ်ချစ်တယ်ဆိုရင် ပါရမီအချစ်နဲ့ ချစ်ပြီး နိဗ္ဗာန်ရဲ့ အထောက်ပံ့တွေ အခါအားလျော်စွာ ဖန်တီး ပေးနေ နိုင်ရပါ့မယ်။

 

ဒီလိုပါပဲ..။ သတ္တ၀ါတွေ အားလုံး အပေါ်မှာ ပါရမီအချစ်နဲ့ ချစ်နိုင်ရမှာ ဖြစ်သလို ချစ်သူအချင်းချင်း၊ မိသားစု အချင်းချင်း မှာလည်း ပါရမီအချစ်ပါတဲ့ အချစ်တွေနဲ့ တွဲတွဲပါနေပါမှ အစဉ်အမြဲ ခိုင်မြဲနေ မှာပါ။ ချစ်သူအချင်းချင်း တဏှာရာဂကို အခြေခံပြီး ချစ်တယ် ဆိုပေမယ့်လည်း သူကုသိုလ်ဖြစ်ဖို့ ကိုယ်က ဖန်တီးပေးမယ်၊ ကိုယ်ကုသိုလ်ဖြစ်ဖို့ သူက ဖန်တီးပေးမယ် ဆိုရင် ချစ်သူနှစ်ယောက် အတွက် ရန်ဖြစ်တယ်၊ မုန်းတယ်ဆိုတာတွေဟာ အိမ်မက်ထဲမှာတောင် ရှာတွေ့ ရတော့မှာ မဟုတ် ပါဘူး။ ပြီးတော့ အိမ်ထောင်ကျပြီးတယ် ဆိုရင်လည်း ပါရမီ အချစ်လေးနဲ့သာ ဆက်ပြီး ချစ်သွားမယ် ဆိုရင် နိဗ္ဗာန်ထိတောင် အတူတူတက်လှမ်း နိုင်မှာ မလွဲပါဘူး။ ကိုယ့်ရဲ့ မိသားစု ဘ၀လေးဟာလည်း ငြိမ်းငြိမ်း ချမ်းချမ်းလေး ရှိနေရုံတင် မကဘဲ တရားထူး တရားမြတ်ရဖို့ အတွက်လည်း အထောက် အပံ့တွေ ဖြစ်တော့မှာပါ။

 

တချို့ မိသားစုအတွင်းမှာ အဆင်မပြေ ဖြစ်ကြတယ် ဆိုတာလည်း ပါရမီအချစ် မပါကြလို့ပါ။ ကိုယ့် မှာ ပါရမီ အချစ်သာရှိနေရင် တစ်ဖက်က မသိလို့မှားတဲ့ အမူအရာကိုပြဦးတော့ သူ့ကို ကိုယ်က ဒေါသမထွက်ဘဲ “သြော်..သူမသိလို့ဘဲလေ”ဆိုပြီးခွင့်လွှတ်ပြီးသား ဖြစ်နေတတ်ပါတယ်။ ပြီးတော့ ဖြစ်ပေါ်လာတဲ့ ပြဿနာကို တရားသဘောလေးနဲ့ ဖြေရှင်းတတ်သလို အမှားပြုသူ တစ်ဖက် သားကိုလည်း တရားနဲ့ ပြန်ဖေးမ ပေးတတ်ပါတယ်။ ပြဿနာတစ်ခု ဖြစ်လာပြီဆိုရင် ကိုယ်ဖတ်ခဲ့ နာခဲ့ ကျင့်ခဲ့တဲ့ တရားတွေ ပြန်အာရုံပြုပြီး တရား သဘောနဲ့ ပြန်ဖြေရှင်း ရပါတယ်။ တကယ်လို့ မတရားတဲ့ သဘောနဲ့ ပြန်ဖြေရှင်းလိုက်ရင် မတရားတဲ့ ဆိုးကျိုးတွေပဲ ပြန်ဖြစ်တော့တာပါ။

 

တချို့ မတရားတဲ့ တုံ့ပြန်မှုတွေဟာ တစ်ဖက်သားမှာ တစ်သက်တာ စိတ်ဒဏ်ရာ ရသွား စေတာပါ။ တစ်သက်တာ ရသွားတဲ့ စိတ်ဒဏ်ရာကို ပြန်ကုဖို့ ခက်သွားပါပြီ။ ဘ၀ဆိုတာ အမြဲတမ်း အဆင်ပြေ မနေနိုင်ပါဘူး။ တစ်ချိန်ချိန် ကာလတစ်ခုခုမှာ ကြီးမားတဲ့ အဆင်ပြေမှုကြီးတွေ ဖြစ်လာနိုင်ပါတယ်။ အဲဒီအခါမျိုးမှာ ကိုယ်ပါရမီအချစ်နဲ့ ချစ်ခဲ့ရသူတွေက ကိုယ့်အနားကို ပြေးလာကြမှာပါ။ ဘ၀မှာ ကိုယ်က ပါရမီအချစ်နဲ့ ချစ်ခဲ့ရသူ မရှိခဲ့ဘူး။ ကိုယ့်ကြောင့် စိတ်ဒဏ်ရာ ရစေခဲ့တဲ့ သူတွေပဲ ရှိခဲ့တယ်ဆိုရင် ဘယ်လိုလုပ်မလဲ။ အဲဒီ အဆင်မပြေမှုတွေနဲ့ပဲ သေသွားမယ်ဆိုရင် တရားလည်း မကပ်လိုက်နိုင်ရင် မကောင်းတဲ့ ဂတိတစ်ခုခုကို ရောက်သွား နိုင်ပါတယ်။

 

ပုထုဇဉ်တွေ့ရဲ့ သဘောက ကိုယ့်ရဲ့အမှားကို ကိုယ်ပြန်မြင်ခဲ ကြပါတယ်။ အဲဒီအခါမျိုးမှာ ကိုယ့်ကို ပါရမီ အချစ်နဲ့ချစ်သူ၊ ဒါမှမဟုတ်မိတ်ကောင်း ဆွေကောင်း တစ်ဦးဦးက ကိုယ့်အမှားကိုမြင်ပြီး ပြုပြင်ပေးတဲ့အခါ ပြုပြင်ပေးတဲ့ အတိုင်းလက်ခံကျင့်သုံးရပါတယ်။ မိတ်ဆွေကောင်းတွေ ဥပေက္ခာ ပြု သွားအောင် ပြုပြင်ဖေးမ မှုကို မျက်ကွယ် မပြုရပါဘူး။ အလေးအနက်ထား ကျင့်သုံး ပေးရပါ တယ်။ ဒီတော့ ပါရမီ အချစ်ဆိုတာ လူတိုင်းလူတိုင်းအတွက် လိုအပ်နေတော့တာပါ။

 

ပါရမီအချစ်နဲ့ ချစ်တတ်ဖို့ အင်မတန် အရေးကြီးပါတယ်။ ဘာလို့လည်း ဆိုတော့ လူတွေက အချစ်နဲ့မှ မကင်းနိုင်သေးတာ။ အချစ်နဲ့ကင်းပြီး လောကုတ္တရာဘက်ကို ကူးပြောင်း သွားနိုင် ရင်တော့ အကောင်း ဆုံးပေါ့။ ဒါပေမယ့် ကိုယ်က မကူးနိုင်သေးဘူး.. လောကီထဲမှာပဲ သားရေး သမီးရေးတွေနဲ့ စီးပွားရှာ ရင်း.. လောကီ လောကုတ္တရာ နှစ်ခု မျှတအောင် လုပ်ချင်တယ်ဆိုရင် ဘယ်သူ့ကိုပဲဖြစ်ဖြစ် ပါရမီအချစ်နဲ့ ချစ်တတ်ဖို့ဟာ အဓိက ကျပါတယ်။

 

ပါရမီဆိုတာ မြင့်မြတ်သူတွေရဲ့ အလုပ်လို့ အဓိပ္ပါယ် ရပါတယ်။ ဒါဆို ပါရမီအချစ် ဆိုတာလည်း မြင့်မြတ်သူတို့ရဲ့ အချစ်ပေါ့။ တော်ရုံစိတ်မျိုးနဲ့ ပါရမီအချစ် ချစ်တတ်ဖို့ မလွယ်ကူပါဘူး..။ ချစ်တတ် ဖို့ အတွက်တော့ အထက်မှာ ဖော်ပြပြီးပါပြီ။ ဒါ့ကြောင့် စာဖတ်သူလည်း ပါရမီအချစ်နဲ့ မချစ်သေး ဘူးဆိုရင် ချစ်တတ်အောင် ကြိုးစားပါ…။ ချစ်တတ်အောင် ကြိုးစားရင်း.. မြင့်မြတ်သော ပါရမီ အချစ်နဲ့အတူ.. မြင့်မြတ်သော အရိယာအဖြစ်သို့ ဆိုက်ရောက်နိုင်ပါစေ လို့ ဆန္ဒပြု ဆုတောင်း ပေးလိုက်ပါတယ်။

 

ဓမ္မမေတ္တာ

Views: 83

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Mgaye is now a member of ရတနာဝါသ ဘုရားကျောင်း 華緬 三寶寺
Sep 9
Star is now a member of ရတနာဝါသ ဘုရားကျောင်း 華緬 三寶寺
Aug 20
joy clark updated their profile
Aug 7
joy clark posted a blog post
Aug 7

Birthdays

Birthdays Tomorrow

Members

© 2020   Created by ukkmaung.   Powered by

Badges  |  Report an Issue  |  Terms of Service