ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ထေရ၀ါဒသာသနာပြန့်ပွားရာ

ထိုအချိန်တွင်အာရှတိုက်တခွင်၌ ဗုဒ္ဓဘာသာပြန့်ပွားထွန်းကားနေလေပြီ။ အာရှတိုက်ဒေသတချို့တွင် အာသောကလက်ထက် သို့မဟုတ် ထိုထက်စောသော ကာလကပင်ဗုဒ္ဓသာသနာရောက်ရှိပြန့်ပွားနေခဲ့၏။ မဟာယနဗုဒ္ဓဘာသာသည် မြောက်ပိုင်းဒေသကြီးများ၌ရောက်ရှိပြန့်ပွာ စည်ပင်နေသကဲ့သို့ ထေရ၀ါဒဗုဒ္ဓဘာသာသည်လည်း တောင်ပိုင်းဒေသများ၌ ထွန်းကားစည်ပင်နေလေသည်။ ထေရ၀ါဒထွန်းကားစည်ပင်ရာ နိုင်ငံများမှာ ထိုင်း၊ ကမ္ဘောဒီယား၊ လာအို၊ သီရိလင်္ကာ၊ မြန်မာနိုင်ငံတို့ဖြစ်သည်။ ထိုနိုင်ငံများသို့ ထေရ၀ါဒဗုဒ္ဓ ဘာသာရောက်ရှိပြန့်ပွားလာပုံ သမိုးအကျဉ်းချုပ်ကိုတင်ပြလိုပေသည်။

                     အရှင်မဟိန္ဒထေရ်နှင့်ဒေ၀ါနံပီယတိဿမင်းတို့ မိဿကတောင်၌တွေ့ဆုံစဉ်
သီဟိုဠ်နိုင်ငံ ယခုသီရိလင်္ကာ ထေရ၀ါဒဖြစ်စဉ်
ဗုဒ္ဓဘုရားရှင်ပရိနိဗ္ဗာန်ပြုပြီးနောက် သာသနာသက္ကရာဇ်-၂၃၅ ခုနှစ်၌ အာသောကမင်းတရားသည် ၉ တိုင်း ၉ ဌာနသို့သာသနာပြုလုပ်ငန်းများ လုပ်ကိုင်ရန်ရဟန်းတော်များကို စေလွှတ်ခဲ့သည်။ ဤဌာနများ တွင် သီဟိုဠ်နိုင်ငံလည်းပါသည်။ သီဟိုဠ်နိုင်ငံ၌ တာဝန်ကျသောမထေများမှာ သားတော်အရှင်မဟိန္ဒ နှင့် နောက်ပါသံဃာတော် ၅ပါးဖြစ်သည်။ အရှင်မဟိန္ဒမထေနှင့်အဖွဲ့သည် ၂၃၆-ခုနယုန်လပြည့်နေ့ တွင် ရောက်ရှိတော်မူသည်။
                                   သံဃာမိတ္တာထေရီသည် ဗုဒ္ဓဂါယာရှိ ဗောဓိပင်မှ တောင်ကိုင်းကိုပွားယူကာ
                                               သီရိလင်္ကာသို့ ပင့်ဆောင်လာရာသီဟိုဠ်သို့ရောက်စဉ်
ထိုနောက်သင်္ဃမိတ္တာထေရီကိုလည်း သီရိလင်္ကာသူအမျိုးသမီးများအား ဘိက္ခူနီ(ရဟန်းမ) ပြုပေးရန်အတွက်စေလွှတ်တော်မူခဲ့သည်။ သံဃာမိတ္တာထေရီသည် ဗုဒ္ဓဂါယာရှိ ဗောဓိပင်မှ တောင်ကိုင်းကိုပွားယူကာ သီရိလင်္ကာသို့ ပင့်ဆောင်ခဲ့သည်။ သီရိလင်္ကာနိုင်ငံ အနုရာဓပူရ မြို့၌စိုက်ပျိုးထားရာ ယ္ခုတိုင်မျိုးဆက်မပြတ်ရှိနေသည်။ အရှင်မဟိန္ဒတို့ရောက်သွားချိန်၌ ဒေ၀ါနံပိယ တိဿမင်းအုပ်စိုးနေချိုန်ဖြစ်သည်။ ထိုမင်းသည် အဘိသိက်ခံ၍တလမျှသာရှိသေးသည်။ ပိယတိဿ မင်းသည် မင်းဖြစ်၍ တလမြောက်သောနယုန်လပြည့်နေ့၌ မိဿကတောင်သို့တောကစားထွက်လာ သည်။ ထိုတောင်ပေါ်၌ပင် အရှင်မဟိန္ဒနှင့်တွေ့ဆုံဖူးမျော်ရသည်။ အရှင်မဟိန္ဒမထေရ်က ဒေ၀ါနံပီယ တိဿမင်းအား စူဠတ္ထိပဒေါပမသုတ်ကို ဟောကြားတော်မူသည်။ ဒေသနာအဆုံးတွင်နောက်လိုက် အချွေအရံ ၄၀၀၀၀ (လေးသောင်း) နှင့်တကွ သရဏဂုံတည်ကြပြီး ဗုဒ္ဓဘာသာဝင်ဖြစ်ကြကုန်၏။ အရှင်မဟိန္ဒမထေရ်နှင့်အဖွဲ့သည် ၀ါဆိုလပြည့်နေ့တွင် ဥပုသ်အိမ် သိမ်ကိုသမုတ်ကြပြီး အရိဋ္ဌအမတ် နှင့် ၅၅ ယောက်တို့ကို ရဟန်းခံပေးသည်။ ထိုနှစ်တွင် မိဿကတောင်၌ ၀ါကပ်၍သာသနာပြုတော်မူ ကြသည်။ ဒေ၀ါနံပီယတိဿမင်းသည် မထေရ်များသတင်းသုံးရန်အတွက် မဟာဝိဟာရကျောင်းတိုက် ကိုဆောက်လုပ်လျှုဒါန်းသည်။ ထိုပြင် စေတီ၊ ပုထိုး၊ ဗောဓိ၊ သိမ်၊ အာရမ်များကိုလည်း တည်ထား ဆောက်လုပ်လေသည်။ နောက်မင်းများလက်ထက်တွင်လည်း ဗုဒ္ဓသာသနာကိုဆက်လက်အားပေးခဲ့ ကြသည်။ ထိုမင်းများလက်ထက်တွင် ဗုဒ္ဓသာသနာကိုအထူးအားပေးသောမင်းများလည်း ပေါ်ထွက်ခဲ့ သည်။ ဒုဋ္ဌဂါမဏိမင်းသည် လောဟပါသာဒခေါ်ကျောင်းကြီးကိုတည်ထောင်လေသည်။ အနုရာဓမြီု့ တော်၌ မဟာစေတီကြီးကိုတည်ထားသည်။ ထိုစေတီကြီးသည် သီရိလင်္ကာနိုင်ငံ၌ ယ္ခုတိုင်ထင်ရှား သောစေတီကြီးဖြစ်သည်။ သီဟိုဠ်သံဃာတို့၏ ထူးခြားသောဆောင်ရွက်ချက်မှာ ဗုဒ္ဓဒေသနာတို့ကို သံဂါယနာပွဲကျင်းပ၍ ပေလွှာရွက်ဖြင့် အက္ခရာတင်နိုင်ခြင်းဖြစ်သည်။
သီဟိုဠ်သံဃာဂိုဏ်းများ
သီဟိုဠ်နိုင်ငံ၌လည်း ထေရ၀ါဒဆိုင်ရာဂိုဏ်းကွဲများပေါ်ပေါက်ခဲ့သည်။ ဤသို့ကွဲပြားလာခဲ့သည်မှာ နိုင်ငံ အုပ်ချုပ်သောမင်းတို့ကအားပေးလာခဲ့သောကြောင့်လည်းဖြစ်သည်။ သီဟိုဠ်နိုင်ငံတွင် ရှေးဦးခေတ်က ကွဲပြားသောဂိုဏ်းကြီး ၃ ဂိုဏ်းရှိ၏။ ၎င်းတို့မှာ
(၁) မဟာဝိဟာရ၀ါသီဂိုဏ်း
(၂) အဘယဂိရိဝါသီဂိုဏ်း
(၃) ဇေတ၀န၀ါသီဂိုဏ်း တို့ဖြစ်သည်။


မဟာဝိဟာရ၀ါသီဂိုဏ်း ။  ။ ဤဂိုဏ်းကြီးမှာ အရှင်မဟိန္ဒမထေရ်တို့ခေတ်က တည်ရှိလာသော ပင်မ ဂိုဏ်းကြီးဖြစ်သည်။ ဒေ၀ါနံပီယတိဿမင်းတည်ထောင်ပေးသော မဟာဝိဟာရကျောင်းတိုက်ကြီး၌ မထေရ်များစဉ်ဆက်မပြတ် စောင့်ရှောက်လာခဲ့သောကြောင့် “မဟာဝိဟာရဂိုဏ်း” ဟုခေါ်တွင်လာခြင်း ဖြစ်သည်။


အဘယဂိရိဝါသီဂိုဏ်း ။  ။ ၀ဋဂါမဏိမင်းသည် ကျည်းသားတို့၏ဘေးရန်ကြောင့် ထွက်ပြေးတိမ်း ရှောင်နေစဉ် ရဟန်းတော်တို့က ပြုစုထောက်ပံ့ထားခဲ့သည်။ ထိုမင်းသည်နောက်တကြီမ်မင်းဖြစ်လျှင် အဘယဂိရိကျောင်းတိုက်နှင့် အဘယဂိရိစေတီတော်တို့ကို တည်ထားလျက်ကျေးဇူးပြုခဲ့ဘူးသော အရှင်တိဿမထေရ်အားတင်လှုသည်။ ထိုအရှင်တိဿမထေရ်သည် ကုလသံသဋ္ဌ မဟာဝိဟာရ ရဟန်းတို့က ပဗ္ဗာဇနိကံပြုကြသည်။ ထိုအခါ အရှင်တိဿ၏တပည့်ဖြစ်သူ မဟာဒဠှိယတိဿရဟန်း ကတားမြစ်သည်။ ထိုရဟန်းကိုလည်းမစင်ကြယ်မူ့ကိုအတုလိုက်သူဟုဆိုကာဝိုင်းပယ်မူ့ ဥက္ခေပနိယ ကံကို ပြုကြပြန်သည်။ ထိုရဟန်းသည်မိမိအားဝိုင်းပယ်မူ့ကိုမကျေနပ်သောကြောင့် သံဃာ ၅၀၀ တို့ကို ခွဲယူကာ မဟာဝိဟာရ၀ါဒီဂိုဏ်းမှထွက်သွား၏။ ထိုအချိန်မှစ၍ အဘယဂိရိဝါသီဂိုဏ်းဟု ထင်ရှား သွား၏။ ထိုဂိုဏ်းကွဲသောနှစ်မှာ သာသနာနှစ် ၄၅၄-ခုနှစ်တည်း။


ဇေတ၀န၀ါသီဂိုဏ်း ။    ။ ထိုဂိုဏ်းသည် မဟာသေနမင်းလက်ထက်တွင်ပေါ်ပေါက်လာသည်။ မဟာသေနမင်းသည် မဟာဝိဟာရကျောင်းတိုက်ကြီးအတွင်း၌ ဇေတ၀န်ကျောင်းတော်ကြီးကိုတည် ဆောက်သည်။ ထိုကျောင်းသို့ ဒက္ခိဏဂိရိကျောင်းတိုက်မှသံဃာတော်များလာရောက်သီတင်းသုံးကြ သည်။ ထိုသံဃာမျာသည် မဟာဝိဟာရ၀ါသီရဟန်းများနှင့်ပေါင်းဖေါ်မပြုပဲ သီးခြားဂိုဏ်းတခုကိုထောင် ကြသည်။ ဇေတ၀န၀ါသီဂိုဏ်းဟုခေါ်သည်။ ဇေတ၀န၀ါသီတို့သည် မဟာဝိဟာရဂိုဏ်းပျက်ဆီးစေရန် မဟာသေနမင်းနှင့် တိုင်ပင်၍ မဟာဝိဟာရကျောင်းတိုက်ကြီးကိုဖျက်ဆီးကြသည်။ ထိုကြောင့် မဟာဝိဟာရကျောင်းတိုက်ကြီးမှာ ၉ နှစ်မျှ သံဃာဆိတ်သုဉ်းနေရလေသည်။
ထိုဂိုဏ်းကြီး ၃ ဂိုဏ်းသည် သီဟိုဠ်နိုင်ငံ၌ နှစ်ပေါင်းအတော်ကြာမျှ တည်တံ့နေခဲ့သည်။ သီရိသင်္ခဗောဓိ ပရက္ကမဗာဟုမင်းနန်းတက်သောအခါတွင် မဟာဝိဟာရ၀ါသီသံဃာတို့အားသန့်စင်သောဂိုဏ်း သံဃာ ဟုအသိအမှတ်ပြုသည်။ ကျန် ၂ ဂိုဏ်းမှသံဃာတို့ကို အကျင့်မဲ့သော ဒုဿီလများဖြစ်သည်ဟုဆိုကာ လူထွက်စေသည်။ ထိုအချိ်န်မှစ၍ မဟာဝိဟာရဂိုဏ်းသာတည်ရှိတော့သည်။
ယ္ခုခေတ်ဂိုဏ်းများ
ယ္ခုအချိန်၌ သီရိလင်္ကာနိုင်ငံတွင် ရှေးဂိုဏ်းကြီး ၃ ဂိုဏ်းကွယ်ပြောက်ခဲ့လေပြီ။ ထိုနိုင်ငံ၌တိုင်းတပါး သားများဝင်ရောက်စိုးမိုးသောကြောင့်၎င်း၊ သဘာဝဘေးအန္တရာယ်များကြောင့်၎င်း ထေရ၀ါဒသာသနာ အားပျော့ခဲ့ရသည်။ ထိုကြောင့်နောက်ပိုင်းခေတ်များတွင် မြန်မာနိုင်ငံ၊ ထိုင်းနိုင်ငံတို့အကူညီဖြင့် သာသနာတော်အားဆက်ခဲ့ရသည်။ ယ္ခုအချိန်၌ သီရိလင်္ကာနိုင်ငံ၌ အောက်ပါဂိုဏ်းကြီးများထွန်းကား ပြန့်ပွားလျက်ရှိသည်။
သျှမ်းဂိုဏ်း ။  ။ သာသနာတော်နှစ် ၂၂၈၉ ခုနှစ်နန်းတက်သော ကိတ္တသီရိရာဇသီရိမင်းလက်ထက် ရဟန်းသံဃာများမရှိသောကြောင့် ယိုးဒယား ယ္ခုထိုင်းနိုင်ငံမှ ရဟန်းသံဃာတို့ကိုပင့်ဆောင်၍ သာသနာကိုပြုစုခဲ့ရ၏။ ထိုဂိုဏ်းကို သျှမ်းဂိုဏ်း “သျှာမနိကာယ”ဟုခေါ်သည်။
အမရပူရဂိုဏ်း ။  ။ သာသနာနှစ် ၂၃၄၄ ခုနှစ်တွင် သီဟိုဠ် သာမဏေ ၆ပါးနှင့် ဥပါသကာ ၁ယောက် သည် မြန်မာနိုင်ငံ အမရပူရမြီု့တော်သို့ရောက်ရှိလာပြီး ဆင်ကြိုးရွှေဂူသိမ်၌ ဥာဏဘိဝံသဓမ္မသေနာ ပတိထေရ်ကို ဥဇ္ဈယ်ပြု၍ ပဉ္ဇင်းခံကြသည်။ ထိုနောက်လည်း သီဟိုဠ်ရဟန်းတို့ရောက်လာပြီး သိက္ခာသစ်တင်ယူကြသည်။ ထိုရဟန်းတို့၏အဆက်အနွယ်တို့သည် သီရိလင်္ကာနိုင်ငံ၌ အမရပူရဂိုဏ်း “အမရပူရနိကာယ”ဟုထင်ရှားသည်။
ရာမညဂိုဏ်း ။   ။ သာသနာနှစ် ၂၄၀၆ ခုနှစ်တွင် သီဟိုဠ်မှ အရှင်ဓမ္မာလင်္ကာရ၊ အရှင်သုမနတိဿနှင့် ရဟန်း ၁၇ ပါးတို့သည် ရာမညတိုင်းပဲခူးမြီု့သို့ကြွရောက်လာကြပြီး ရန်ကုန်မြီု့မှ သဒ္ဓမ္မဓရမဟာထေရ် ကို ဥပဇ္ဈယ်ပြု၍ ကလျာဏီသိမ်တော်၌ သိက္ခာသစ်တင်ယူကြသည်။ ထိုဂိုဏ်းကို ရာမညဂိုဏ်း “ရာမညနိကာယ”ဟုခေါ်သည်။ ထိုပြင် ဒုတိယကမ္ဘာစစ်မတိုင်မှီက သီဟိုဠ်သားအချို့သည် မန္တလေးမြီု့ ၀ိသုဒ္ဓါရုံတိုက်သို့ရောက်လာပြီးပညာသင်ယူကြသည်။ ထိုရဟန်းများထဲမှ အရှင်သဒ္ဓမ္မဆရာတော်သည် သီဟိုဠ်ပြန်ရောက်သောအခါ မဟာဝိသုဒ္ဓါရာမကျောင်းတိုက်ကို တည်ထောင်၍သာသနာပြုရာ ဆင့်ပွား တပည့်သံဃာများထွန်းကားခဲ့သည်။ သို့ရာတွင်ထိုဆရာတော်ပျံလွန်တော်မူပြီးနောက် တပည့်ရဟန်း များ၏အားနည်းမူ့ကြောင့် သီရိလင်္ကာရွှေကျင်ဂိုဏ်းမှာထင်ရှားခြင်းမရှိတော့ချေ။

Views: 109

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

သူတစ်ပါးအတွက် ချွတ်ယွင်းချက်
ကိုယ့်အတွက် သင်ခန်းစာ။

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2019   Created by ukkmaung.   Powered by

Badges  |  Report an Issue  |  Terms of Service