ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

သာကီဝင်မင်းတို့၏ဝဋ်ကြွေး

“သာကီဝင်မင်းတို့၏ဝဋ်ကြွေး”


ပေဿနဒီကောသလမင်းကြီးသည် သာကီဝင်မင်းတို့နှင့် ဆွေမျိုးတော်စပ်လို၍ မဟာနာမ် မင်းကြီးထံ သာကီဝင်မင်းသမီးတစ်ဦးကို တောင်းခံခဲ့လေသည်။

သာကီဝင်မင်းတို့သည် အမျိုးမာန် အလွန်ကြီးသည်။ မိမိမျိုးနွယ်၌ တစ်ပါးသောမျိုးနွယ်ဖြင့် သွေးနှောမှုကို
အလွန်စက်ဆုပ်ကြလေသည်။

ပေဿနဒီမင်းကြီးက သာကီဝင်မင်းသမီးတစ်ဦး တောင်းလာသောအခါ ကောသလမင်းက စစ်အင်အား  တောင့်တင်းပြီး တန်ခိုးကြီးသောမင်းဖြစ်နေ၍ သတို့သမီး မပေးလျှင် မိမိတို့ကို နှိပ်စက်ဖျက်ဆီးနိုင်သော အခြေအနေ ရှိနေသည်။
မပေးလျှင် မရနိုင်သောကြောင့် သာကီနွယ်စစ် သတို့သမီးကိုမပေးဘဲ မဟာနာမ်မင်းကြီးနှင့်  ကျွန်မက ပေါက်ဖွားသော ဝါသဘခတ္တိယမည်သော ကျွန်မကို သာကီဝင် သတို့သမီးအဖြစ် လိမ်ညာ၍ ပို့ဆက်ပေးလေသည်။

ကောသလမင်းနှင့် ဝါသဘခတ္တိယမင်းသမီးတို့ ပေါင်းသင်းဆက်ဆံ၍ ဝိဋဋူဘ အမည်ရှိသော သားတစ်ယောက်ရခဲ့သည်။ ဝိဋဋူဘမင်းသားအရွယ်ရောက် ၍ အဘိုးအဘွားကို မိခင်ထံ မေးပြီး သာကီဝင်မင်းတို့စံရာ ကပိလဝတ်သို့ သွား၍ ဘိုးတော်မဟာနာမ်မင်းကြီးကို ရှိခိုးပူဇော်လေသည်။

ထိုအချိန်တွင် ဝိဋဋူဘကျွန်မသားကို ရှိခိုးရမည် စိုးသောကြောင့် ဝိဋဋူဘထက်ငယ်သော သာကီဝင်မင်းသားအားလုံးကို အရပ်တစ်ပါးသို့သွားရောက် ရှောင်တိမ်းနေစေခဲ့သည်။ ထို့ကြောင့် ဝိဋဋူဘမင်းသားကသာ ဘကြီး၊ ဦးကြီး၊ ဦးလေး စသည်ဖြင့် ရှိခိုးပူဇော်ရသည်။
ဝိဋဋူဘမင်းသားကို ရှိခိုးမည့်သူက တစ်ယောက်မျှ မရှိပေ။

မင်းသားသည်(၇)ရက်နေပြီး သာကီဝင်မင်းတို့ထံမှ ပြန်လည်ထွက်ခွာလာခဲ့သည်။ ထိုခဏမှာပင်နောက်ပါအစောင့်တစ်ယောက်က လက်နက် မေ့နေ၍ ပြန်ယူသည်။ ထိုအချိန်တွင် ကျွန်မတစ်ဦးသည် လွှတ်တော်၌ ဝိဋဋူဘမင်းသားထိုင်ခဲ့သော နေရာကိုနွားနို့ဖြင့်ဆေးကြောနေပြီး နှုတ်မှလည်း ကျွန်မသားနေခဲ့သောနေရာ ဟု တဗျစ်တောက်တောက် အပြစ်ပြောနေလေသည်။

ထိုအကြောင်းကို ထိုမင်းချင်းက ဝိဋဋူဘထံ ပြန်လည်လျှောက်ထားခဲ့သည်။  ထိုအကြောင်းကို ကောသလမင်းကြီးပါသိပြီး ဝါသဘခတ္တိယနှင့် ဝိဋဋူဘတို့ကို ရာထူးမှချထားခြင်း ခံရသည်။ နောင်တွင် ဘုရားရှင်က အမိမျိုး၊ အဘမျိုးတွင် အဘမျိုးက အဓိကဖြစ်ကြောင်း ဟောပြောပြသဖြင့်  ကောသလမင်းက မူလမိဖုရားအရာ သားတော် အရာနေရာနှင့် အဆောင်တော်များ ပြန်ပေးသည်။ ဝိဋဋူဘသည် မိမိသည် ကျွန်မသားဖြစ်ရခြင်း၊ မိမိနေရာကို နွားနို့ဖြင့်ဆေးခံရခြင်း၊ ရာထူးမှ ချထားခံရခြင်းတို့အတွက် ဒေါသထွက်ကာ-

“သာကီဝင်တွေ ငါထိုင်သောပျဉ်ချပ်ကို နို့ရေဖြင့် ဆေးကြပါစေဦး၊ ငါမင်းဖြစ်ပါက သာကီဝင်မင်းတို့၏ လည်ချောင်းသွေးဖြင့် ငါ့ခြေ၊ ငါထိုင်သောနေရာကို ဆေးကြောမည်” ဟု ရန်ငြိုးဖွဲ့ထားခဲ့လေသည်။ ဝိဒဋူဘသည် မိမိရည်ရွယ်ချက်အတိုင်း ကောသလမင်း နတ်ရွာစံသောအခါ ထီးနန်းဆက်ခံရသည်။

ကောသလမင်းကြီး၏သားဖြစ်သူ ၀ိဋဋူဘ နန်းတက်သောအခါ သာကီဝင်မင်းမျိုးတို့ကို  မျိုးသုဉ်းအောင် သတ်ဖြတ်ဖုိ့ ကြံရွယ်ပြီး စစ်တပ်ချီ၍ ကပိလ၀တ်ပြည်သို့ သွားလေသည်။ မြတ်စွာဘုရားသည် ကပိလ၀တ်ပြည်နယ်စပ်ရှိ ဇီးပင်အောက်တွင် သီတင်းသုံနေတော်မူလေသည်။ အချိန်မှာ နံနက်ဆွမ်းခံကြွချိန်ဖြစ်၍ ဇီးပင်မှာအရိပ်မကောင်းသဖြင့် မြတ်စွာဘုရားအားနေရောင်ထိုးနေပေသည်။ ၀ိဋဋူဘစစ်တပ်ကြီးရောက်လာသည့်အခါ မြတ်စွာဘုရားနှင့် ရင်ဆိုင်တွေ့လေသည်။

ထိုအခါ ၀ိဋဋူဘက သာဝတ္ထိပြည်နယ်စပ်၌ အရိပ်ရှိသော ညောင်ပင်ရိပ်ကိုမခိုဘဲ  အရိပ်မရှိသည့် ဇီးပင်အောက်မှာ သီတင်းသုံးရခြင်းအကြောင်းကိုမေးလေသည်။ မြတ်စွာဘုရားက “ဆွေရိပ် မျိုးရိပ်ဟာ အေးမြပါတယ် ” ဟု ဖြေတော်မူလေသည်။ ဆိုလိုရင်းမှာ ညောင်ပင်ကြီးသည် အရိပ်အေးမြသည်မှန်သော်လည်း ရန်သူ့နယ်မြေမှာရှိသောကြောင့် မလုံခြုံ၊ ဇီးပင်လေးသည် အရိပ်မရသော်လည်း ဆွေမျိုးတို့၏ တိုင်းပြည်မှာရှိသောကြောင့် အေးမြလုံခြုံသည်ကိုရည်ရွယ်၍ “ ဆွေရိပ် မျိုးရိပ်က အေးမြသည် (ဥာတကာနံ ဆာယာ နာမ သီတလာ)” ဟု မိန့်တော်မူခြင်းဖြစ်ပေသည်။

ဝိဋဋူဘလည်း ဘုရားရှင်သည် သူ၏ ဆွေတော်မျိုးတော်တို့ကို လာရောက်စောင့်ရှောက်ခြင်းဖြစ်ပေလိမ့်မည်ဟု ယူဆကာ တပ်ဆုတ်သွားခဲ့ပေသည်။ ဤသို့ဖြင့် မြတ်စွာဘုရားသည် ဒုတိယအကြိမ် တတိယအကြိမ်တိုင်အောင် ဆွေတော်မျိုးတော်တို့ကို ရန်သူ့ဘေးမှ ကာကွယ်ပေးတော်မူခဲ့ပေသည်။ စတုတ္ထအကြိမ်ချီတက်လာသည့်အခါမှသာ ဆွေတော်မျိုးတော်တို့၏ အတိတ်ကံဝဋ်ကြွေးကို မြင်တော်မူကာ လက်လျှော့ခဲ့ခြင်း၊ ဥပေက္ခာပြုတော်မူခြင်းဖြစ်

သာကီဝင်မင်းတို့၏ အတိတ်ဝဋ်ကြွေးကိုသိ၍ နောက်ဆုံးတွင် ဘုရားရှင်သော်မှ တားဆီး၍ မရနိုင်တော့ပေ။
လေသည်။ သာကီဝင်မင်းမျိုးအားလုံး အမျိုးတုံး သတ်ဖြတ်ခြင်း ခံခဲ့ရလေသည်။

 (ဒါဒသကနိပါတ်၊ ဘဒ္ဒသာလဇာတ်)


“အတိတ်မကောင်းမှုကံ”

သာကီဝင်မင်းအပေါင်းတို့သည် အတိတ်ဘဝတစ်ခု၌ တံငါမျိုးတွင် ဖြစ်ခဲ့ကြသည်။ တံငါသည်တို့သည် သားငါးများကို ဖမ်းယူ ရောင်းချ စားသောက်လျက် အသက်မွေးဝမ်းကျောင်းပြုကာ နေထိုင်ခဲ့ကြသည်။

တစ်နေ့တွင် ရွာသားအားလုံး တိုင်ပင်ညီညွတ်ပြီး တစ်ပေါင်းတည်းစုဝေးလျက် မြစ်တစ်ခုသို့သွားကြသည်။
မြစ်ထဲသို့ ငါးဆေးအဆိပ်တို့ကို ထည့်ခတ်ကြပြီး ငါးတို့အဆိပ်မိ၍ သေကုန်ပြီး ရေပေါ်သို့ပေါ်လာသောအခါ အလွယ်တကူကောက်ယူ၍ ဈေး၌ရောင်းချကြသည်။

ထိုအဆိပ်ခတ်သတ်ခဲ့သော မကောင်းမှုကံ၏ အကျိုးဆက်ကြောင့် ယခုဘဝတွင် သာကီဝင်မင်းတို့သည်
ဝိဒဋူဘမင်း၏ အစုလိုက်အပြုံလိုက် သတ်ဖြတ်မှုကို ခံခဲ့ကြရလေသည်။

တူသောဆန္ဒ၊ တူသောစေတနာကို အခြေခံ၍ တူသောအလုပ်ကို လုပ်ကြရာတွင် မကောင်းသော အလုပ်ကို လုပ်မိကြ၍ အတူလုပ်ဖော်ကိုင်ဖက်တို့ဟူသော အကျိုးဝဋ်ကို ပေးဆပ်ကြရသည်။
ကောင်းသောအလုပ်ကို လုပ်လျှင်လည်း ကောင်းသောအကျိုးကို ခံစားရပါသည်။  ဥပမာ-မာဃလုလင်နှင့် အဖော်သုံးကျိပ်၊ လင်းနို့သားငါးရာတို့သည် တူသောဆန္ဒ၊ တူသောစေတနာရှိခဲ့ကြ၍ တူသောကောင်းကျိုးကို ခံစားခဲ့ကြရလေသည်။

 

 

Views: 68

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Pyaephyoaung is now a member of ရတနာဝါသ ဘုရားကျောင်း 華緬 三寶寺
Sep 4
oplihon posted blog posts
Aug 20
oplihon is now a member of ရတနာဝါသ ဘုရားကျောင်း 華緬 三寶寺
Aug 20
A Maris updated their profile
Aug 18

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service