ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ဦးတင်လျှက်ပါ မြတ်ဆရာ




မိမိသည် ငယ်စဉ်ကပင် သာသနာ့ဘောင်သို့ဝင်၍ ရှင်ရဟန်းပြုခဲ့သည်။ ထိုစဉ်မှစ၍ မိဘများနှင့်
ခွဲကာနေခဲ့ရ၏။ ဆရာ့ခြေရင်းတွင် ၀တ်ကြီးဝတ်ငယ် ပြုစုရင်း ဆရာ့အရိပ်ဝယ်
မှီခိုခဲ့ရ၏။ ပညာရင်နို့သောက်စို့ခဲ့ရ၏။ ဆရာ့ အဆုံးအမ၀ယ် လိုက်နာခဲ့ရ၏။ ဆရာ
ညွှန်ပြမှုဖြင့် ထူးချွန်သူ ဖြစ်ခဲ့ရ၏။ ဆရာ ဖောက်သောလမ်းကို လျှောက်ခဲ့ရ၍
ပန်းတိုင်သို့ မပင်မပန်း ရောက်ခဲ့ရ၏။ မိမိဘ၀လမ်းဝယ် ဆရာမြှင့်၍
တင့်တယ်ထယ်ဝါခဲ့ရ၏။ ထို့ကြောင့် ဆရာသည် မိမိ၏ အမိလည်း မည်၏။ အဖလည်း မည်၏။
ရှေ့ဆောင်လမ်းပြ ခေါင်းဆောင် ကောင်းလည်း မည်၏။ သင်ဆရာလည်း မည်၏။ ဆရာ့
အကျင့်အကြံ အနေအထိုင်တို့ကို အတုယူ လိုက်နာ ခဲ့ရ၍ မြင်ဆရာလည်း မည်၏။


ထို့အတူ ဆရာသည် မိမိကဲ့သို့ တပည့် ပန်းကလေးများကို ဖူးပွင့်စေသောကြောင့်
ဥယျာဉ်မှူးလည်း မည်၏။ ဆရာသည် တပည့်များကို အတွေးအမြင် လှပအောင်၊ အကောင်း
အဆိုး အမှားအမှန် ခွဲခြားဝေဖန်တတ်အောင်၊ အသိအလိမ္မာရှိ၍ ရည်ရွယ်ချက်နှင့်
စေတနာ ကောင်းမြတ် မှန်ကန်အောင် အမြဲ တည့်မတ်ပေးခဲ့၏။ ထို့ကြောင့် ဆရာသည်
အနာဂတ်ကို ကြီးကျယ် ခမ်းနားအောင် ပန္နက်ချပေးနေသည့် ဗိသုကာလည်း မည်၏။
တပည့်များကို သွန်သင် ဆုံးမရာ၌ ချော့သင့်လျှင် ချော့၏။ ခြောက်သင့်လျှင်
ခြောက်၏။ ချော့တစ်ခါ ခြောက်တစ်လှည့်ဖြင့် လိုသလို ပုံသွင်းခဲ့၏။
ထို့ကြောင့် ဆရာသည် အလွန်နူးညံ့သော အနုပညာရှင်လည်း မည်၏။


ထို့အတူ ဆရာသည် စေတနာ အကောင်းဆုံး အလှူရှင်လည်း မည်၏။ ပညာအလှူကို ရက်ရက်ရောရော
ပေးလှူခဲ့သောကြောင့် ဖြစ်ပါ၏။ ဆရာစားမျှ မချန်ခဲ့ပေ။ ပညာကို လိုလိုချင်ချင်
သင်ကြားသော တပည့်များနှင့် ကြုံရလျှင် အားရ၀မ်းသာဖြစ်၍ စေတနာ ဝေဖြာရ၏။
ပညာကို လိုလိုချင်ချင် မကြိုးစားသော တပည့်များနှင့် ကြုံလျှင်လည်း သူ့ဘ၀
ရှေ့ရေးကို တွေးတတ် မြင်တတ်အောင် ဆုံးမသွန်သင်ပြီး ပညာပေးလေံ ရှိပါ၏။
ဤကြားထဲတွင် ဆရာ့စေတနာကို နားမလည်ဘဲ စော်ကားသော တပည့်မျိုးနှင့်ကြုံလျှင်
ရင်ထုမနာ ဖြစ်ရ၏။ သို့သော် ဆရာသည် တပည့်များအပေါ်မှာ
မည်သည့်အကြောင်းကြောင့်မျှ စိတ်ကောက်ခြင်း၊ စိတ်ကွက်ခြင်း၊ စိတ်ဆိုးခြင်း
မဖြစ်နိုင်ရှာခဲ့ပေ။ အဆိုပါတပည့်က မှားမှန်းသိ၍ တောင်းပန်းလျှင်
သနားကြင်နာမှုပင် ပိုလိုက်သေး၏။ ဆရာသည် မတောင်းပန်ခင်ကပင် တပည့်များကို
ကျေနပ်ပြီးသား၊ ခွင့်လွှတ်ပြီးသား ဖြစ်နေ၏။ ထိုကြောင့် ဆရာသည်
ကရုဏာရှင်ကြီးလည်း မည်ပါသည်။


ဥဋ္ဌာပေန္တိ ပရိသံ၊

ဓမ္မတော နောစ ကမ္မတော။

ဓမ္မံ ပရေသံ ဒေသေန္တိ၊

အတ္ထတော နောစ လာဘတော။

(ပါရာပရိယတ္ထေရဂါထာ)


ပရိသံ၊ ရဟန်းရှင်လူ တပည့်ပရိတ်သတ်ကို။ ဓမ္မတော၊ အသိဉာဏ်တိုးပွါး ကုသိုလ်များအောင်
တရားဟူသော အကြောင်းကြောင့်သာလျှင်။ ဥဋ္ဌာပေန္တိ၊ မိမထံပါး ခစား
ဆည်းကပ်စေကုန်၏။ နောစ ကမ္မတော၊ မိမိ၏ အမှုကိစ္စကို ဆောင်ရွက်ပြုလုပ်ပေးကြစေရန်
မဟုတ်ကုန်။ အတ္ထတော၊ လောကုတ္တရာ အကျိုးစီးပွါး
တိုးပွါးစေလိုသောကြောင့်သာလျှင်။ ပရေသံ၊ သူတစ်ပါးတို့အား။ ဓမ္မံ၊ တရားကို။
ဒေသေန္တိ၊ ပို့ချသင်ကြား ရေးသား ဟောပြောကြကုန်၏။ နောစ လာဘတော၊ ကျော်စောသက္ကာရ
လာဘ်လာဘရရန် မဟုတ်ကုန်။

(ပါဠိတော်လာ ဂါထာကို ဗျတိရေကတ္ထပြင်၍ ပြောင်းပြန် ယူထားပါသည်။)


မှန်ပါ၏။ ဆရာသည် မိမိ၏ ဝေယျာဝစ္စ လုပ်ကိုင် ဆောင်ရွက်ပေးစေရန်အတွက် တပည့်များကို
အနီးအပါး၌ နေစေခြင်း မဟုတ်ပါ။ အသိဉာဏ်တိုးပွါး အကျိုးများစေရန်အတွက်သာ
တပည့်များကို အနီးအပါး၌ နေစေခြင်း ဖြစ်ပါသည်။ မိမိအတွက်၊ ကျောင်းတိုက်အတွက်
ကျော်စောခြင်း၊ လာဘ်လာဘပေါများခြင်း စသော အကြောင်းကြောင့် တပည့်များကို
စာပေ သင်ကြား၊ ပို့ချ၊ ရေးသား၊ ဟောပြောနေခြင်း မဟုတ်ပါ။ တပည့်များ
အသိအလိမ္မာ တိုးပွါးပြီး၊ လောကီ လောကုတ္တရာ နှစ်ဖြာသောအကျိုး များစေရန်
အတွက်သာ ဖြစ်ပါသည်။


ဆရာသည် တပည့်များအပေါ် မေတ္တာ၊ ကရုဏာ၊ မုဒိတာ၊ ဥပေက္ခာ ဟူသော ဗြဟ္မစိုရ်တရား
အမြဲပွါးများ နေသောကြောင့် ဗြဟ္မာလည်း မည်ပါ၏။ ဆရာသည် တပည့်များကို
မိမိထံရောက်ရှိ ပညာသင်ချိန်မှစ၍ ရင်ဝယ်သားကဲ့သို့ အမြဲမေတ္တာစိတ် ဖြစ်၏။
တပည့်များ မတော်တာ လုပ်မိလေမလား၊ အပေါင်းအသင်းမှားပြီး လူဆိုးလူမိုက်
ဖြစ်သွားလေမလား စသည်ဖြင့် စိုးရိမ်ကြောင့်ကြမှု ကရုဏာစိတ် ဖြစ်၏။ တပည်များ၏
အောင်မြင်မှုနှင့် ကောင်းသတင်းကို ကြားရလျှင် ၀မ်းမြောက်ဝမ်းသာ မုဒိတာစိတ်
ဖြစ်၏။ တပည့်များ အချိန်တန် အရွယ်ရောက်၍ ကိုယ့်အားကိုကိုးနိုင်သောအခါ၊
ဘ၀လမ်းကို ဖြောင့်တန်းစွာ လှမ်းနိုင်သောအခါ စိတ်ချရပြီ ဆိုသည့် ဥပေက္ခာစိတ်
ဖြစ်၏။ ထို့ကြောင့် ဆရာကို ဗြဟ္မာဟု ဆိုအပ်ပါသည်။


ဆရာ့ဘ၀သည် ကူးတို့လှေငယ်ရှင် ဘ၀နှင့်လည်း မခြားပေ။ စာသင်သားလူငယ် ဘ၀ခရီးသည်များအား
ဘ၀မြစ်ပြင်ကျယ်ကို အလွယ်တကူ ဖြတ်ကျော်၍ ရည်မှန်းချက် ပန်းတိုင်တည်းဟူသော
တစ်ဖက်ကမ်းသို့ ရောက်ရှိစေရန် ပညာလှေဖြင့် ပို့ဆောင်ပေးရသော တာဝန်ကား
ဆရာတို့ပြုအပ်သည့် တာဝန်သာဖြစ်၏။ ဆရာသည် ဘ၀ပန်းတိုင် တစ်ဖက်ကမ်းသို့
ရောက်လေပြီးသော ဘ၀ခရီးသည် တပည့်များအား နှစ်ထောင်း အားရစွာ
ကြည့်ရှုခြင်းဖြင့်လည်းကောင်း၊ ဘ၀မြစ်ပြင်ကျယ်တွင် ကူးဖြတ်ဆဲဖြစ်သော
ဘ၀ခရီးသည် တပည့် များအား ပို့ဆောင်ပေးခြင်းဖြင့်လည်းကောင်း၊ လာလတ္တံ့သော
ဘ၀ခရီးသည် တပည့်များအား မျှော်လင့် စောင့်စား ခြင်းဖြင့်လည်းကောင်း
မိမ၏ကူးတို့ လှေငယ်ရှင်ဘ၀ကို ကြည်နူးကျေနပ် ပီတိဖြစ်လျှက်နေပေသည်။
ဆရာ့အနေနှင့်မူ သံသရာအကျိုးများသော်လည်း လက်ရှိ ပစ္စုပ္ပန်ဘ၀တွင်မူ အနည်းငယ်
မပြောပလောက်သော အခြံအရံ အကျော်အစောဖြင့် တင်းတိမ်ရောင့်ရဲလျှက်
နောက်းဆုံးတွင် ဤကူးတို့လှေငယ်ရှင်ကဲ့သို့ပင် မထင်မရှားဖြင့် ဘ၀ကို
စွန့်လွှတ်ရပေလိမ့်မည်။


သကတ္ထော နတ္ထိ နတ္ထော ပရဿတ္ထမကုဗ္ဗတေတိ။

ဝစနတော ပရတ္ထောဝ သပ္ပုရိသေဟိ ကတ္တဗ္ဗော။

ပရတ္ထေ သမ္ပာဒိတေ ပန သကတ္ထော သမ္ပန္နောဝနာမ။

(သာရတ္ထ၀ိလာသိနီ ပဉ္စိကာ ဋီကာ)


ပရဿ၊ သူတစ်ပါး၏။ အတ္ထံ၊ အကျိုးကို။ အကုဗ္ဗတော၊ မပြုသောသူ၏။ သကတ္ထော၊ မိမအကျိုးသည်။
နတ္ထိ၊ မရှိနိုင်။ နတ္ထော၊ မုချ မရှိနိုင်သည်သာတည်း။ က္ကုတိ၊ ဤသို့။ ၀စနတော၊
ပညာရှိတို့ မိန့်ဆိုတော်မူခြင်းကြောင့်။ သပ္ပုရိသေဟိ၊ သူတော်ကောင်းတို့သည်။
ပရတ္ထောဝ၊ သူတစ်ပါးအကျိုးကိုသာလျှင်။ ကတ္တဗ္ဗော၊ အလေးအနက် ထားကာ ပြုထိုက်စွာ၏။
ပရတ္ထေ၊ သူတစ်ပါးအကျိုးကို။ သမ္ပာဒိတေပန၊ ကူညီခြင်းဖြင့် ပြည်စုံအပ်သည်
ရှိသော်ကား။ သကတ္ထောစ၊ မိမိအကျိုးသည်လည်း။ သမ္ပန္နောဝနာမ၊
ပြီးပြည့်စုံသည်သာလျှင်မည်၏။


အနှစ်ချုပ်၍ဆိုရလျှင် သူတစ်ပါးအကျိုးကို ပြုလုပ်ဆောင်ရွက်သောသူမှာ မိမိအကျိုးဆိုသည် မရှိနိုင်ပေ။
မိမိအကျိုးကို ငဲ့ကွက်ရိုး ထုံးစံ မရှိပေ။ ဤသို့ ပညာရှိတို့
မိန့်ဆိုတော်မူသောကြောင့် သူတော်ကောင်းတို့သည် သူတစ်ပါးအကျိုးကိုသာ
အမြဲမပြတ် ဆောင်ရွက်ကြကုန်၏။ သူတစ်ပါးအကျိုး ပြည့်စုံလျှင် မိမိအကျိုးလည်း
ပြည့်စုံသည်မည်၏။ ဆိုလိုသည်မှာ ကိုယ်ကျိုးမဖက် အများအကျိုးဆောင်ရွက်နေသူသည်
အများအကျိုး ပြီးပြည့်စုံလျှင် မိမိအကျိုးပြည့်စုံသလို
ဝမ်းမြောက်ကြည်နူးရသည်သာ။ လောက၌ အလေးစားထိုက်ဆုံးသော
ပုဂ္ဂိုလ်မှာ သူတစ်ပါးအကျိုးကို သယ်ပိုး ဆောင်ရွက်သော ပုဂ္ဂိုလ်ပင် ဖြစ်ပါ၏။
ဆရာတို့သည်လည်း အများအကျိုးကို ဆောင်ရွက်သော ပုဂ္ဂိုလ်များပင် ဖြစ်ကြပါ၏။
သူတစ်ပါးအကျိုးကို ဆောင်ရွက်သည့် အတိုင်းအတာ ကျယ်ပြန့်ကြီးမားလျှင်
ကြီးမားသလောက် လေးစားမှုအတိုင်းအတာလည်း ကျယ်ပြန့်
ကြီးမားပါသည်။ ကိုယ်ကျိုးစွန့်လျှက် သူတစ်ပါးအကျိုးကို သယ်ပိုး
ဆောင်ရွက်သောသူသည် အလေးစား ထိုက်ဆုံး၊ အတော်ဆုံးဆြစ်သော ပါရမီရှင်ပင်
ဖြစ်ပါ၏။ အများကို အလုပ်အကျွေးပြုရသော ၀န်တို့သည် မေတ္တာ
တာဝန်ပင် ဖြစ်ပါ၏။ မေတ္တာဝန်သည် မလေး။ ပေါ့ပါးလျှက် ရှိ၏။
မေတ္တာဝန်ထမ်းများသည် အကျိုးအမြတ်ကို မမျှော်လင့်။ မေတ္တာဝန် ထမ်းရသည်ပင်
ပျော်သည်။


သာသနာ့ဝန် ထမ်းကြရသော အာဇာနည် ပုဂ္ဂိုလ် ဆရာတို့ အဖို့လည်း မေတ္တာဝန်ထမ်းများ ဖြစ်ကြ၏။ ထိုဝန်ကို ထမ်းရ၍ မောပန်းခြင်း မရှိ။
မောပန်းရမှန်းလည်း မသိပေ။ မေတ္တာဝန် ထမ်းရသည်ပင် ဆုကြီးဆုမြတ် ဖြစ်နေသည်။
အချို့တပည့်တို့သည် ပညာတင့်၍ ဘ၀မြင့်လာသည် နှင့်အမျှ ပညာမာန
ထောင်လွှားချင်ကြ၏။ ဆရာနှင့် ခြေရာချင်း တိုင်းချင်ကြ၏။ စာသင်ရာတွင် ပညာစမ်း
သလိုမျိုး မေးတတ်သော တပည့်များလည်း ရှိတတ်သည်။ မည်သို့ပင် ဖြစ်ပါစေ၊
ဆရာသည် တပည့်များအပေါ် စိတ်မဆိုး၊ အာဃာတ မထားခဲ့ပေ။ ဆရာထက် လက်စောင်းထက်သော
တပည့်များကို လိုလားစွာဖြင့် ထာဝရ ကြိုဆိုနေမည်သာ ဖြစ်ပါ၏။ ဆရာထက် တော်သော
တတ်သော အတိဇာတ တပည့်တို့ များများပေါ်ပေါက် လာမှသာ လောကကြီး
သာသနာတော်ကြီးသည် ယခုထက်ပိုမို၍ တိုးတက် ထွန်းကားလာမည် ဆိုသည် ကိုလည်း ဆရာက
နားလည်သဘောပေါက်ပြီး ဖြစ်ပါသည်။


ဆရာ၏ ဂုဏ်ကျေးဇူးတို့ကို ဖော်ထုတ်တင်ပြရလျှင် ကုန်နိုင်ဖွယ် မမြင်။ ထို့ကြောင့်ပင် “အာစရိယ ဂုဏော အနန္တော” ဟု
အနန္တဂိုဏ်းဝင် ဘုရား၊ တရား၊ သံဃာ၊ မိဘတို့နှင့် တစ်တန်းစားတည်းထားကာ
ဗုဒ္ဓဘုရားရှင်က မိန့်တော်မူခဲ့ခြင်း ဖြစ်ပါသည်။


သရီရဿ ဂုဏာနဉ္စ၊ ဒူရမစ္စ န္တ မန္တရံ။

သရီရံ ခဏ၀ိဒဒ္ဓံသီ၊ ကပ္ပ န္တဋ္ဌာယီနော ဂုဏာ။

(ဟိတောပဒေသ၊ မိတ္တလာဘ၊ ဂါထာ ၄၉)


သရီရဿစ၊ ခန္ဓာကိုယ်၏လည်းကောင်း။ ဂုဏာနဉ္စ၊ ခန္ဓာကိုယ်၌ တည်ရှိသော ဂုဏ်တော်တို့၏
လည်းကောင်း။ အန္တရံ၊ တစ်ခုနှင့် တစ်ခု ခြားနားခြင်းသည်။ အစ္စ န္တံ၊ စင်စစ်။
ဒူရံ၊ ဝေးကွာလှ၏။ သရီရံ၊ ခန္ဓာကိုယ်သည်။ ခဏ၀ိဒဒ္ဓံသီ၊ နှစ်တစ်ရာအတွင်း
တစ်ချိန်ချိန်၌ ပျက်စီးခြင်းသဘော ရှိ၏။ ဂုဏာ၊ သမ္ပတ္တိအဖုံဖုံ
ဂုဏ်တော်အစုံတို့သည်ကား။ ကပ္ပ န္တဋ္ဌာယိနော၊ ကမ္ဘာဆုံးသည့်တိုင်အောင်
ရှိကြကုန်လတ္တံ့။


“အရှည်မကြာ၊ ကိုယ်ခန္ဓာကား၊ တစ်ရာအနှစ်၊ ကိုယ်၌ဖြစ်သား၊ ပြန်စစ်နှိုင်းလျော်၊
ကျေးဇူးသော်မှ၊ ကျူးကျော်ကုန်ခမ်း၊ ကမ္ဘာကျွမ်းလည်း၊ ဥဒါန်းမကျေ၊
လူ့ပြည်နတ်ရပ်၊ ပဲ့တင်ထပ်လိမ့်။”

(၀ိဓူရပျို့)


ဆရာတို့၏ ကိုယ်ခန္ဓာကား အနှစ်တစ်ရာအတွင်း တစ်ချိန်ချိန်၌ ပျက်စီး ချုပ်ငြိမ်းသွားနိုင်၏။ သို့သော် ဆရာတို့၏ အနန္တ
ဂုဏ်ကျေးဇူးတော်တို့ကား ကမ္ဘာ ပျက်သည့်တိုင်အောင် ပျောက်ကွယ်သွားမည်
မဟုတ်ပေ။

လောကတွင် ကျေးဇူးတရားကို သိသူရှား၏။ ထို့ထက် သိသောကျေးဇူးကို ထုတ်ဖော် ပြောဆိုသူ
ရှား၏။ ထို့ထက် ကျေးဇူးတရားကို တုန့်ပြန် ပေးဆပ်နိုင်သူသည် အရှားဆုံးပင်
ဖြစ်၏ဟု ပညာရှိတို့ မိန့်ဆိုတော် မူခဲ့ကြသည်။


မိမိသည် ဆရာ့ထံတွင် အထူးထူးသော စာပေကျမ်းဂန်တို့ကို လေ့လာဆည်းပူး သင်ယူခဲ့သည်မှာ
အကြာကြီး ကြာခဲ့ပေပြီ။ ဆရာ့ခြေရင်းတွင် နေထိုင်ကာ ကြားနာ မှတ်သားခဲ့ရသော
အဆုံးအမများသည်လည်း မိမိ နှလုံးသားတွင် ထာဝစဉ် စွဲထင်လျက် ရှိပေပြီ။
သို့သော် ဆရာ့ကျေးဇူးကို သိကားသိ၏။ ထုတ်ဖော် ပြောဆိုခြင်း၊ တုန့်ပြန်
ကျေးဇူဆပ်ခြင်း မပြုနိုင်ခဲ့ပေ။ မိမိသည် ဤဆောင်းပါးဖြင့်
ဆရာ့ဂုဏ်ကျေးဇူးတော်တို့ကို တစ်စိတ် တစ်ဒေသ ထုတ်ဖော်တင်ပြ၍ ဆရာ့ဂုဏ်ကို
အာရုံပြုပြီး၊ ဦးနှိမ်မာန်လျှော့ကာ ကန်တော့လိုက်ပါ၏။ ဆရာ့ကျေးဖူးကို
တုန့်ပြန် မဆပ်နိုင်သော်ငြားလည်း ဤသို့ ဆရာ့ဂုဏ်ကျေးဇူးတော်တို့ကို
ထုတ်ဖော် ရေးသားပြခြင်းကြောင့် ဆရာ၏ ကြီးမားလှသော
အနန္တကျေးဇူးတော်တို့မှ မြူတစ်မှုန်စာမျှ ကျေသည်ဆိုလျှင်ပင် မိမိဘ၀
တစ်သက်တာတွင် ကြည်နူးကျေနပ်စွာဖြင့် ထာဝရ ၀မ်းမြောက်နေမည်သာ ဖြစ်ပါသတည်း။


(သင်ဆရာ မြင်ဆရာအားလုံးကို ဤဆောင်းပါးဖြင့် ကန်တော့လိုက်ပါသည်။)

ဦးဥက္ကံသ သာသနတက္ကသီလ မဟာဓမ္မာစရိယ M.A.(Buddhism)

Views: 186

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service