ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

အမှန်မြင်နှလုံးသား



   “ဒီအပင်လေးကပဲ အရင်ဆုံးရော်ရွက်ဝေခဲ့ပါလား”
ဟု တီးတိုးရေရွတ်လိုက်မိသည်၊ တစ်ပင်လုံးဝါနေသော အဲ…. နီနေသော မေပယ်လ်ပင်လေး၊ သတိထားမိသည်မှာ မနှစ်ကလည်း အဦးဆုံးရော်ရွက်ဝေခဲ့သည်၊ ယခုလို မတွေ့ဖူးလျှင် ပင်လုံးကျွတ်ပွင့်နေသကဲ့သို့၊ အ၀ါမပီ အနီမကျ ရော်ရွက်တို့ ဖုံးလျက်၊ ပင်ချေတစ်ဝိုက် မြက်ခင်း စိမ်းစိမ်းပေါ်တွင်လည်း နီဝါရောင် ကော်ဇောခင်းသည်သို့၊...

 

 

  “သစ်ရွက်ရော်ရည် ဣန္ဒနီဝယ်၊ သိင်္ဂီတစ်ဝက်၊ ဖက်၍ဆေးစုံ၊ ချယ်သောပုံသို့၊ ရဂုံမြိုင်တွင်း၊ တောလုံးလင်းသား.....” တစ်ပိုင်းတစ်စ ရနေသေးသော အင်းဝခေတ် စာဆို ရှင်ဥတ္တမကျော်၏ ကဗျာလေး နှုတ်မှာစီးခိုလာသည်၊ သိင်္ဂီတစ်ဝက် မြတစ်ဝက်ပေါ့၊ အနီတစ်ချို့ အစိမ်းတစ်ဝက် တင့်ဖက်လေသည့်အလှ၊ သည်အလှမျိုးကို မြင်ကာ အရှင်ဖွဲ့ခဲ့လေသည်ထင့်၊ နောက်ပြီး ရဂုံမြိုင်တွင်းတောလုံးလင်းသားတဲ့၊ မကြာမှီ Clarke square ဥယာဉ်လေးတစ်ခုလုံး အစိမ်းရောင်ကွယ်ကာ အ၀ါရောင်လွှမ်းတော့မည်၊ ထိုအခါ ကြည့်လေရာရာသည် တောလုံးလင်းလျှက်။


   ရွက်ကြွေပြီးလျှင် အမိမြေမှာတော့ ပူပြင်းသည့် နွေရာသီ၊ သည်မြေမှာတော့ဖီလာ ဆန့်ကျင်၊ ရွက်ဝါတွေ ကြွေပြီးလျှင် စနိုးတွေ ဖုံးတော့မည်၊ Fall ခေါ် အော်တန်ရာသီ၊ အချမ်းကဲဝှန် အအေးသန်တော့မည်၊ ဥဏှတေဇော လောင်တတ်သလို၊ သီတတေဇော ကလည်း လောင်မြိုက်တတ် ပါကလားဟု သတိချပ်မိသည်။


   အမိမြေမှာတော့ ခုလိုရွက်ဝါတွေကြွေလျှင် မြိုင်တစ်ကြောမှာ ဥသြ ဥသြ ငှက်ဥသြ ခွန်းဆင့်၍  လွမ်းသံနှောပေမည်၊ ပြီး ၀န်းကျင်တစ်ခို မြူမင်းလွင်တို့ ဝှေ့နေသည်မှာ မှုန်ရီပြာနှင့် လွမ်းတတ်သူတို့လွမ်းစရာ။


   ၀န်းကျင်မှာ မြူလေးတွေသန်းလျှင် “ဦးဇင်းပြန်ကြွလာတော့မှာပဲလို့ တပည့်တော်မဖြင့် လွမ်းသလိုလို ဘာလိုလို” ကိုယ့်အမေ၏စကားကို ကြားယောင်မိသည်၊ အမေ့ကို အမှတ်ရမိသည်၊ ဘာလိုလိုနှင့် အမေကွယ်လွန်သွားတာ ငါးနွေတောင် ကျူးခဲ့ပါပကော၊ အော်…. အမေ အမေ။
ရဟန်း မယ်တော်ပီပီ အရာရာကို တရားနှင့်ယှဉ်ကာ နှလုံးသွင်းတတ်သည့်အမေ၊ ခုလို တဖြိုက်ဖြိုက်ကြွေနေသည့် မေပယ်လ်ရွက်လေးတွေ ကိုတွေ့လျှင်၊ အော် တစ်နှစ်ကုန် ပြန်တော့မှာပါလား


တစ်နှစ်ကုန်ပြန် ငါ့ရုပ်နာမ် သေရန်တစ်နှစ်လွတ်ခဲ့ပြီ၊
တစ်နှစ်ရောက်ပြန် ငါ့ရုပ်နာမ် သေရန်တစ်နှစ် နီးချေပြီ၊
တစ်လကုန်ပြန်......
တစ်ရက်ကုန်ပြန်.....စသည့်ဖြင့် နှစ်လုံးသွင်းဆင်ခြင်နေမည်မှာ ဧကန်။


  ကိုယ်တို့ ငယ်စဉ်ကတည်းက ရင်းနှီးခဲ့ရသော ဓမ္မလင်္ကာလေးများ၊ ဇရာ ဗျာဓိ တစ်ခုခုနှင့် ဆုံတိုင်း အမေ့နှုတ်မှ စီးဖြာကျလာတတ်သည့် လင်္ကာသီတံလေးတွေ၊ တစ်ခါတစ်လေ တော့လည်း
တစ်နေ့ကုန် တစ်နေ့ကြီး အိုဖို့တစ်နေ့နီး၊
တစ်နေ့ကုန် တစ်နေ့ကြီး နာဖို့တစ်နေ့နီး၊
တစ်နေ့ကုန် တစ်နေ့ကြီး သေဖို့တစ်နေ့နီး၊ သံတူကြောင်းကွဲ လင်္ကာလေးတွေကို ကြားရ တတ်သည်။


အရာရာကို မမြဲချြင်းဖြင့် ယှဉ်၍မြင်တတ်သော ဗုဒ္ဓဘာသာ ၀င်တို့၏နှလုံးစိတ်ရင်းကို အမေ့ထံမှ စတင်တွေ့ခဲ့ဖူးသည်၊ ထိုသို့ ရှု့မြင်တတ်မှုကိုလည်း အမေ့ထံမှပင် အမွေရ ခဲ့သည်။


   ပန်းလေးတစ်ပွင့် ကြွေတာတွေ့လျှင်ပင် “ဖူးပွင့် နွမ်းကြွေ၊ ပန်းအနေသို့၊ အရှည်မကြာ တို့ခန္ဓာလည်း၊ ကြွေရမြဲသည်၊ မမြဲအနိစ္စပါတကား” ဟု ရှု့ဆင်ခြင်တတ်သည့် ကိုယ်တို့ ဗုဒ္ဓဘာသာတွေကို အချို့က“အဆိုးမြင်ဝါဒီများ”ဟု သတ်မှတ်ချင်ကြသည်၊ အို နာ သေ အပျက်တွေကိုသာ ရှုတတ်သူများတဲ့၊ သူတို့ကတော့ အဖြစ်ကို ရှု့သည့် အကောင်းမြင် သမားများပေါ့။


    အပျက်ကို ရှု့သူများအတွက်လည်း အဖြစ်နှင့် ဆုံရသလို၊ အဖြစ်ကို ရှု့သူများလည်း အပျက်နှင့်ကြုံရမြဲမို့ ကွာခြားသည် မထင်၊ တကယ်တော့ ကိုယ်တို့ ဗုဒ္ဓဘာသာများသည် အပျက်ကိုသာမြင်လေ့ရှိသူများမဟုတ်၊ အဖြစ်ကို လျှစ်လျှုရှု့သူများလည်းမဟုတ်၊ အမှန်ကို မြင်သူများဖြစ်အောင် လေ့ကျင့်နေသူများဟု ဆိုလိုက်ချင်ပါသည်။


     အဖြစ်ချည်းသာ ရှု့သူအတွက် မည်မျှခိုင်ခံ့အောင် အားထုတ်ထားပါစေ၊ အပျက်နှင.် တိုးခဲ့သော် ဆောက်တည်ရာ မရဖြစ်တတ်သလောက်၊ အပျက်ကိုလက်ခံထားသူများ အတွက်မူ မတုန်လှုပ်၊ အဖြစ်ကို တဖန်ပြန်လည်တည်ဆောက်ရာတွင်လည်း အပျက်မြင် သမားက တည်ငြိမ်လွယ် မည်ဟု ထင်မြင်မိပေသည်၊ အပျက်ပေါ်မှာ ရပ်တည်ရင်းဖြင့် အဖြစ်ကို တည်ဆောက်ကြ၍ လောကကြီးတိုးမြင့်လာခဲ့ခြင်းဟု ယူချင်ပါသည်၊ လတ် ဆတ်နေဆဲ အကြောင်းအရာတခုကို သာဓက ဆောင်ချင်သည်၊ ကမ္ဘာကိုပြောင်းလဲ သွားစေသည့် ပါရမီရှင်ဟု တိုင်း မဂ္ဂဇင်းက ရေးသားသည့် Mr steve Jobs အကြောင်းပင်။


   I နည်းပညာတို့၏ ဖခင်၊ Apple ၏အရှင်၊ သူ၏တီထွင်မှုတို့၏ တွန်းအားသည် သူ (၁၇) နှစ်သားအရွယ်က ဖက်ခဲ့ရသည့် “နေ့တိုင်းကို သင့်ဘ၀၏ နောက်ဆုံးနေ့အဖြစ် နေထိုင် ခဲ့လျှင် တနေ့မှာတော့ အဲဒီအတိုင်း ဖြစ်လာမှာသေချာပါတယ် ဆိုသည့်” ရှေ့သူဟောင်း စကားလေးနှင့်၊ “ဘ၀အတွက် အလွန်အရေးပါသည့်” ဆုံးဖြတ်ချက်များကို ချရာတွင် အရေးအကြီးဆုံးအထောက်အပံ့ ကိရိယာအဖြစ် သူတွေ့ရှိခဲ့သော အရာမှာ သေချြင်းတရားဟာ လက်တကမ်းမှာ ရှိသည်ဟု သတိချပ်ခြင်းပင်တဲ့။ standford university မှာ သူဟောပြောခဲ့သည့် စကားလေး။


   သို့နယ်အကြောင်းတို့ကို ချင့်ထောက်ပြီး ဗုဒ္ဓဘာသာတွေရဲ့ အမြင်ဟာ အမှန်မြင်ဟု ဆိုလိုခြင်းပါ၊ ကိုယ့်အမေတို့ရဲ့ဝန်းကျင် အပေါ်ရှု့မြင်နှလုံးသွင်းမှုကိုလည်း ကိုယ်လေးစားမှုအသစ်ဖြစ်မိသည်၊ထိုသို.နှလုံးသွင်းတတ်အောင် လမ်းပြပျိုးထောင်ပေးတော်မူကြသည့် ဗုဒ္ဓ မြတ်စွာနှင့် ထေရ်သံဃာတို့ကိုလဲ ကြည်ညိုမဆုံး။


   ထိုကြောင့် အဆိုးမြင်ဟု ဆိုဆို၊ အပျက်မြင်ဟု ပြောပြော၊ မလွဲကြုံရမည့် သဘောတို့ကို ရုတ်ချည်းတွေ့ကြုံလာလျှင် မတုံလှုပ်ဖို့ ကြိုတင်ပြင်ဆင်ထားရပေမည်၊ ယဉ်ပါးနေခြင်းသည် စိမ်းကားနေခြင်းထက် အသုံးဝင်သည် မဟုတ်ပါလား၊ အဘိဏှသုတ်လို နေ့ည မပြတ် နှလုံးသွင်းဖွယ်တွေကို ဘုရားရှင်ဟောပြခဲ့သည်မှာ အများအပြား၊ အင်း .... ဆင်ခြင်မှ ဆင်ခြင်မှ.........


တစ်နေ့ကုန် တစ်နေ့ကြီး အိုဖို့တနေ့နီး..
တစ်လကုန် တစ်လကြီး .....
“ဟေး.....”
ကလေး တသိုက်၏ အော်သံကို ကြားလိုက်မှ ပန်းခြံထောင့် ကလေးကစားကွင်းနားကို ရောက်နေတာ သတိထားမိသည်၊ လှမ်း၍ကြည့်လိုက်တော့ ဆော့စကားနေကြသော ကလေးတသိုက်၊ အမေရိကန် မက်ဆီကန်နှင့် လူမဲ ကလေးငယ်များ၊ ထိုလူမဲ ကလေး များကိုမြင်မှ အင်း...ဒင်းကလေးတွေ ပေါ့၊ ရုတ်ချည်း မနှစ်က အဖြစ်အပျက်လေး တခုက ပေါ်လာသည်၊ သည်အမေရိကကို ရောက်စ၊ တစ်ကိုယ်တည်း နံနက်တစ်ကြိမ် ညနေတစ်ကြိမ် ဒီပန်းခြံလေးကို ပတ်ကာလမ်းလျှောက်ဖြစ်ခဲ့သည်၊ တစ်ညနေမှာတော့ နောက်မှ ခြေသံတွေကိုကြားရသည်၊ ကိုယ့် အသွင်စိမ်းကို စကြ နောက်ကြလေ မလားဟု တွေးနေတတ်သော ကိုယ်အဖို့ နောက်မှ ရုတ်တရက်


“၀မ်း တူး သရီး Bigboss”
ကိုယ် လန့်သွားသည်၊ ဘာကို အော်လိုက်ပါလိမ့်၊
“၀မ်း တူး သရီး Bigboss”


“Bigboss” တဲ့၊ ဘာလဲ Bigboss၊     အပြေးအလွှား စဉ်းစားကြည့်မိသည်၊ big ကြီးသော Boss သူဌေးကြီးပေါ့၊ နေ့စဉ်လိုလို အေးအေးလူလူ လမ်းလျှောက်နိုင်သော ကိုယ့်ကို သူတို့လေးတွေက Bigboss ကြီးဟု မြင်ကြသည်ထင့်၊ လှည့်ကြည့်မိတော့ ထင်သည့်အတိုင်းပင်၊ လူမဲလေး ၄ယောက်၊ မတိမ်းမယိမ်း၊ Money Money ဟု တောင်းခံနေကြသည်၊ ကိုယ် ရယ်ချင်သွားမိသည်၊ တစ်ဒေါ်လာစီ ပေးအံ့ဟု အိပ်ကို စမ်းမိတော့ ပါမလာ၊ ဘယ်လိုပြောရပါ့၊ မတတ်နိုင်၊ ကိုယ် ပိုင်ပိုင်နိုင်နိုင် တတ်ကျွမ်း ထားသည့် တလုံးတည်းသော အင်္ဂလိပ်ဝေါဟာရဖြင့် တုန့် ပြန်လိုက်သည်၊ NO,


   သည်တော့မှ မောင်မင်းကြီးသားလေးတွေ ရပ်ကျန်နေခဲ့သည်၊ ကိုယ်တည်းပြုံးရင်း ဆက်လျှောက်လာခဲ့သည်၊ သူဌေးကြီး တဲ့၊ ထင်မှထင်တတ် ပလေ၊ မောင်ရင်လေးတို့ ရယ်၊ ကိုယ်ဟာလဲ မင်းတို့မိဘတွေလို ပေးမန့် တွေနဲ့ နပန်းလုံးနေရသူပါ၊ ရင်ထဲမှာ တီးတိုး ပြောဖြစ်ခဲ့သည်ကို အမှတ်ရမိသည်။


  တစ်ချက်ရယ်လိုက်မိပြီး၊ ဒီမောင်မဲလေးတွေ အခုတော့… အဲ… သူတို့လုပ်တာနှင့် ဆင်ခြင်လာသည့် တရားလေးတွေတောင် ပျောက်သွားပြီ၊ ကဲ… ဆင်ခြင်အုံးမှ ဆင်ခြင် အုံးမှ ဘာတဲ့…


တစ်နေ့ကုန် တစ်နေ့ကြီး “ပေးမန့်” တစ်နေ့နီး အဲ.. ဟုတ်ပေါင် .....
တစ်နေ့ကုန် တစ်နေ့ကြီး အိုဖို့တစ်နေ့နီး၊
တစ်နေ့ကုန် တစ်နေ့ကြီး.....
တစ်နေ့ကုန်......၊၊


ကံထွန်းသစ်
10၊ 30၊ 2011

Views: 247

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service