ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ရွှေဥမင်ဆရာတော် ဘုရားကြီး ဘဒ္ဒန္တကောသလ္လ မဟာထေရ်မြတ်၏သြဝါဒ

 
မီးလွတ်စားတယ် ဆိုသည်မှာ

လောဘမီး ဒေါသမီး မောဟမီး ဆိုတဲ့ မီးတွေလွတ်အောင်
စားနိုင်မှ မီးလွတ်ပါတယ်..။
သစ်သီးသစ်ဖုတွေစားရုံနဲ့ မီးမလွတ်ဘူးနော်..။

အရူး မီးဝိုင်း

လောဘမီး ၊ဒေါသမီး၊ သောကပရိဒေဝမီး
ဆိုတဲ့ မီး ၁၁ပါး ဝိုင်းအလောင် ခံနေရတာ
အရူးမီးဝိုင်းတာပါပဲ..။
အရူးမီးဝိုင်းဘဝ လွတ်အောင် ကြိုးစားကြ ဘို့ အရေး ကြီးတယ်..။

ပိုက်ဆံအိတ်

ငွေလေး တစ်ထောင် တစ်သောင်းပါတဲ့ ပိုက်ဆံအိတ်
ကျပျောက်တော့ ငိုလိုက် ကြတာ။
နှမျော လိုက်ကြတာ ၊ရှာလိုက်ရတာ အမော..။
ကုဋေ သန်းပေါင်းများစွာ ကုသိုလ်တွေ …..
ပျောက်ဆုံးကုန်တာတော့ ငိုရမှန်း နှမျောရမှန်း မသိကြဘူး..။

ကုသိုလ်ရှင်

သိကြားနတ်ပင်
ကုသိုလ်ရှင်အား
မမြင်ရှောင်ခွာ
မနေသာ တည်း..။တဲ့
မနေသာတင် ရုံမကဘူး
အဲဒီ ကုသိုလ်ရှင်က တစ်စုံတစ်ရာ အန္တရာယ် သူ့ပိုင် နက် နယ် မြေထဲမှာ ဖြစ်သွားမယ် ဆိုရင်
သူ့မှာ အပြစ်ဒဏ်သင့်တယ်..။
သူတော် ကောင်းနတ်ကောင်းမတယ် ဆိုတာ
ကုသိုလ်ရှိလို့ မ-တာ..။
မမ လို့ မရလို့ကို မ-တာ..။
ကိုယ် ကသူ့ကို ပူဇော် ပသလို့ မ-တာ မဟုတ်ဘူး။

ကိလေသာ

ကိလေသာ ဆိုတာ ဘိုးတော် ဦးဝိုင်းရဲ့ကြောင် လိုပါပဲ။
ကြွက်မတွေ့ခင်တော့ လိမ္မာလိုက်တာ လွန်ရော..။
ကြွက်လည်းတွေ့ရော အဲဒီ နောက် ကို တမ်းတမ်းစွဲလိုက်တော့တာပဲ..။
ဒီလိုပဲ..ကိလေသာ ဆိုတာ..
အာရုံနဲ့ တွေ့ရင် ထကြွတော့တာပါပဲ..။
မထကြွရအောင် သတိဆိုတဲ့ရှုမှတ်မှုက မပြတ်မလပ် တရစပ်ရှိနေနိုင်မှတန်ကာ ကျမှာ..။

တရားအားကိုးပါ

တရားသဘော ကတော့ ဘယ်သူ့ ဘယ်သူမှ အားကိုးလို့မရဘူး။
အတ္တာဟိ အတ္တနော နာထော ..
သူတစ်ပါးအား မကိုးစား၊
ကိုယ့်အားကိုယ် ကိုးပါ။….တဲ့
မိမိဆိုတာ တစ်ခြားမဟုတ်ဘူး၊ ဓမ္မ ပရမတ်ပဲ။
ဓမ္မ တရားသာ လျင် အားကိုးရာ အားထားရာအစစ်ပဲ..။
တရားမှတပါး မှီခိုကိုးစားရာ၊ အားထားရာ မရှာပါနဲ့..။
မြတ်စွာဘုရားက ဆုံးမထားတယ်..။
သူတစ်ပါးအားမကိုးစား၊ ကိုယ့်အားကိုယ် ကိုးပါ..။
အခြားတစ်ပါး မကိုးစား တရားအားကိုးပါ..။
တရားအားကိုး နေကြလို့ရှိရင် …ဒိဋ္ဌိ အနှောင် အဖွဲ့ က လွတ် သွားမယ်..။
နိဗ္ဗာန်တည်းဟူသော အေးငြိမ်းရာ ဘုံဌာန သန္တိသုခ သို့ ကျရောက် သွားမယ်..။
ဒီလို ကျရောက် သွားဘို့ရာ …ယောဂီများ အမြဲတမ်းသတိ သမ္ပဇဉ် မပျက်ရအောင်..
အမြဲတမ်းဉာဏ်ရှိရမယ်..။
အဲဒီလို..သမ္ပဇဉ် ဉာဏ် ယှဉ်တဲ့ ပုဂ္ဂိုလ် ဟာ အချိန်တိုင်း၊ အချိန်တိုင်း
သူ့မှာ အသိမှန် အမြင်မှန် ရနေတယ်..။
အသိမှန် အမြင်မှန် ရတဲ့ အချိန်တိုင်း စင် ကြယ်နေတယ်၊ လွတ်မြောက်နေတယ်..။
အေးချမ်းနေတယ်..။ ချမ်းသာနေတယ်..။

အာရုံချည်တိုင် ခိုင်ခိုင် ချည် ပါ


စိတ်မိုက် နွားဆိုး သတိကြိုးနှင့် အာရုံ ချည် တိုင် ခိုင်ခိုင် ချည်ပါ..။
ဆိုတာ သိထားပြီးဖြစ်နေပါပြီ..။
လွတ်သွားတဲ့ စိတ်ကလေးဟာ နွားဆိုးလေးနဲ့တူတယ်..။
နွားမိုက် နွားဆိုး နွားရိုင်းလေးက ကြိုးနဲ့ချည် ထားမှ…
တိုင် မှာ ခိုင် ခိုင် ချည် မထားဘူး ဆိုရင်..
ပေါက် လွှတ်ပဲစား သွားချင်ရာသွား…ဖြစ်ချင်ရာ ဖြစ်နေတယ်..။
အဲဒီသဘော ပဲ..။စိတ်မိုက် နွားဆိုးလေးကို သတိဟူသော ကြိုးနဲ့ ချည် ရမယ်..။
ဘယ် မှာ ချည်ရမလဲ ဆိုတော့ အာရုံမှာ ချည်ရမယ်..။
မှတ်စရာ အာရုံတွေက ချည် တိုင် ပါပဲ..။ခန္ဓာ ချည် တိုင်ပေါ့နော်..။
ခိုင် ခိုင် ချည် ပါဆိုတာ လုံ့လ ဝီရိယ စိုက်တာကို ပြော ပါတယ်..။
လုံ့လ ဝီရိယရှိတဲ့ ပုဂ္ဂိုလ် ဟာ ဟိုရောက် ဒီရောက် စိတ်တွေ လျော့နည်းနေတယ်..။
အဝေးရောက်တဲ့စိတ်က ဝိက္ခိတ္တ စိတ်…
အဲဒီစိတ်ရှိနေတဲ့လူဟာ ဖြစ်ခိုက် ရုပ်နာမ် ပေါ်မှာ သိခွင့်မရတော့ဘူး။
သိခွင့်မရရင် အမှန်အတိုင်း မသိ အမှားစွဲလမ်းမှုက ..ဝင်လာတော့တာ ပဲ..။
ရုပ် နဲ့ နာမ် အမှန် ရှိရဲ့သားနဲ့ …
ငါ့တရားအားထုတ်နေတယ်..။ငါ…သိနေတယ်..။
ငါ့အသိတွေ သိပ်ပြီးထူးခြားနေတယ်..။
အဲဒီလိုစွဲလမ်းလိုက်တာဟာ..မိစ္ဆာဒိဋ္ဌိ ဖြစ်သွားတာ သ်ိပ်နာတာပဲနော်..။
အဲဒါရှုမှတ်မှု ကင်းသွားလို့ပါ..။ရှုမှတ်မှု မကင်းရင် ….
အမှန် အတိုင်းသိ မြင်တော့ အဲဒီလို အစွဲတွေ ဖြစ်ခွင့်မရပါဘူး။

အကြိမ်ပေါင်း ၁၉၇၀ကျော်


အပ္ပမာဒ တရားဆိုတာ မမေ့ မလျော့ ၊ မပေါ့ မဆ သတိရှိခြင်း၊
သတိပဌာန်တရား ပွားများနေခြင်းပဲ..။
မြတ်စွာဘုရားရှင်ဟာ.. အပ္ပမာဒ တရားလက် ကိုင်ထားဘို့
အကြိမ်ပေါင်း ၁၉၇၀ကျော်ဟောကြားသွားခဲ့တယ်..။
ပရိနိဗ္ဗာန် စံဝင်လုဆဲဆဲ အချိန် အထိ…
အပ္ပမာ ဒေန သမ္ပာ ဒေထ..မမေ့ မလျော့ ကြနဲ့လို့…
နောက် ဆုံးစကားမှာ ကြားသွားပြီးမှ…ပရိနိဗ္ဗာန် ပြုခဲ့တာ..။
နောက်တော့ ဘာစကားမှ မပြောတော့ဘူး။
ဒါကိုထောက်ရင် ဘယ် လောက် အရေးကြီးတယ် ဆိုတာ သိသာ ပါတယ်..။

 ဝိသုဒ္ဓိမှ ဝိမုတ္တိသို့

ကိုယ့်စိတ်ကို ပြန် ကြည့်တဲ့စနစ်က..အင် မတန် အရေးပါ အရာရောက်တယ်..။
ကိုယ် စိတ်ကောင်းတာ မကောင်းတာ..၊
စင်ကြယ်တာ မစင်ကြယ်တာ…သေချာသိအောင် လုပ်လို့ရတယ်..။
မစင် ကြယ်ရင်လည်း စင်ကြယ်အောင်လုပ်မှ..စင်ကြယ်သွားမယ်..။
လုပ်ရတဲ့အလုပ် က စင်ကြယ်အောင်လုပ်တာပဲ..။
စိတ်တွေ စင်ကြယ် ရင် ကိုယ်လည်း စင်ကြယ် တယ်…၊နှုတ်လည်း စင်ကြယ်ပါတယ်..။
ကိုယ်၊နှုတ်၊စိတ် သုံးပါးလုံး စင်ကြယ် သွားပြီဆိုရင်…
ကိလေသာ အနှောင်အဖွဲ့ တွေ….အကုသိုလ် အညစ်အကြေးတွေကနေ…လွတ်မြောက် သွားမယ်..။
စင် ကြယ်တဲ့ ဝိသုဒ္ဓိ ဖြစ်မှ..လွတ်မြောက်တဲ့ ဝိမုတ္တိ ဖြစ်နိုင် ပါလိမ့်မယ်..။


စိတ်ဓာတ်သည် လူ၏ အရည်အချင်း

အများနဲ့နေရတာကိုယ့်  အကြိုက်ချည်းမဖြစ်နေပါဘူး။
သူတော်ကောင်းအချင်းချင်းဖြစ်လို့ သည်းခံနိုင်သလို..လူပေါင်းစုံနဲ့တွေ့တဲ့ အခါမှာလည်းအခုလို အရှိန်ရထားမှ
သည်းခံနိုင်တဲံ အလေ့ အကျင့်တွေရှိထားမှ ၊အထုံဝါသနာတွေ ပါထားမှသည်းခံနိုင်တယ်..။
တရားအားထုတ်တယ် ဆိုတာ..စိတ်ကောင်းတွေရှိအောင်..
စိတ်ကောင်းတွေ တိုးတက်အောင် လေ့ကျင့်တာ.။
သူတစ်ပါးဆိုင်းဘုတ် တပ်ပေးရုံ လောက်နဲ့..ရင့်ကျက်နေပါပြီလို့ပြောလို့ မရဘူး..။
ကိုယ့်စိတ်ဓါတ် အဆင့် အတန်းမြင့်လာမှ၊ ရင့်ကျက်တယ် လို့ပြောလို့ရမယ်..။
လူတိုင်း လူတိုင်းနော်…ကိုယ့်ရဲ့ လုပ်ဆောင် ချက်တွေဟာ။ကိုယ့်ရဲ့ စိတ်ကောင်းစေတနာ နဲ့ အရည်အချင်းကို ဖော်ပြနေတာ ဖြစ်ရမယ်..။


ကံနဲ့ ဉာဏ်

အိုနာသေကွဲ ရှောင်မလွဲ
ကံပဲသင့်ကို စီမံမည်။
ဉာဏ်ပဲလွတ်မြောက် စေနိုင်မည်..။



စိတ်မနာတတ်တဲ့ဆေး

သမားဆေး ကရောဂါကို ကုတယ်..။ ဘုရားဆေးက ဝေဒနာ ကို ကုတယ်..။
ကိုယ် ပင်နာသော်လည်း စိတ်မနာစေနဲ့တဲ့..။
ကိုယ်နာတဲ့ဆူး၊ တစ်ချောင်းတင်လည်းမပြီးသေးဘူး။
စိတ်နာတဲ့ဆူး ထပ်မစူးစေနဲ့။
ငါ့ကိုယ်၊ ငါ့ဟာ၊ ငါ့ဥစ္စာ လို့ထင်နေလို့ နာရတာပဲ..။ဒါကြောင့်
ရုပ် နာမ်ကိုပင် ၊ငါကောင်ထင်၊
စွဲလျင်ကိုယ် စိတ်နာ။
ရုပ်နာမ်ပေါ်ဆဲ၊ ရှုမှတ်ခွဲ၊
ကိုယ် ပဲနာမှာ ၊ စိတ်မနာ..။
 
သင်မကောင်းလည်း ကျွန်ုပ်ကောင်းမည်

သင်မကောင်းလည်း ကျွန်ုပ်ကောင်းမည်
သင်ကောင်းလျှင် ကျွန်ုပ်မဆိုးပါ
ဆိုတော့
သင်မကောင်းလျှင် ကျွန်ုပ်ဆိုးမယ်
ဆိုတဲ့ သဘောပေါ့နော်။
ဒါဆို
အတော်ကြောက်စရာကောင်းတာပေါ့နော်
သူတော်ကောင်းဆိုတာ
သင်ကောင်းကောင်း
မကောင်းကောင်း
ကျွန်ုပ်ကတော့
ကောင်းနေရမယ်လေ။ ။


ကူးပြောင်းတာကို ‘သင်္ကြန်’ ခေါ်တာ။

‘သင်္ကန္တ’ ပေါ့။
သင်္ကန္တ သဒ္ဒါကို ဗမာက ‘သင်္ကြန်’လို့ သုံးလိုက်တာ။ အများ နားလည်တာ။
ကလေးတွေကတော့ သင်္ကြန်ဆိုတာ ရေပက်တာလို့ သူတို့ နားလည်တယ်။
သင်္ကြန်အစစ်ကတော့ ကူးပြောင်းတာ။
နှစ်ဟောင်းကနေ နှစ်သစ်ကို ကူးပြောင်းတာ။

 ခန္ဓာသင်္ကြန်နှင့် အတွင်းသန့်ရှင်းရေး

လူကလည်း ရုပ်ဟောင်းတွေ ချုပ်ငြိမ်းပြီးတော့ ရုပ်သစ်ကို ကူးပြောင်းတာ တဲ့။

ရုပ်ဟောင်းကနေ ရုပ်သစ် ကူးပြောင်းတယ် ဆိုပေမယ့် ခု ဒီမှာကတော့ ကူးပြောင်းတယ်လို့ မဟုတ်ဘူးနော်။

အဟောင်းပျက်လို့ အသစ်ဆက်တာ။

သူ့အကြောင်းနဲ့သူ မကင်းတာဘဲ ရှိတယ်။


အဲဒီတော့ နှစ်သစ်ကူးရင် သန့်ရှင်းရမယ်နော်။

သန့်ရှင်းအောင် လုပ်ရမယ်။

သန့်သန့်ရှင်းရှင်းနဲ့ နှစ်သစ်ကူးရတယ်။

ခေါင်းလျှော်ရ, အဝတ်လျှော်ရတယ်။

ဒါပေမယ့် အဲဒီ ချေးတွေ ညှော်တွေ သန့်ရှင်းသွားတာနဲ့ ကျန်းမာရေးတော့ ရတာပေါ့လေ။

ထားပါတော့။ နည်းနည်းတော့ ရတာပေါ့။

ဒါက လိုရင်းမဟုတ်ဘူးနဲ့ တူတယ်။

ဒါက အပြင်သန့်ရှင်းရေး။

အတွင်းသန့်ရှင်းရေးက လိုသေးတယ်။



နှစ်သစ်ပြောင်းတယ်ဆိုပြီး လူသစ်ဖြစ်အောင် ခေါင်းလျှော်ကြ အဝတ်လျှော်ကြ လုပ်ကြတယ် မဟုတ်လား။

စိတ်ကိုကော ဖြူစင်အောင် လျှော်ကြ ဖွပ်ကြရဲ့လား။

စိတ်သန့်ရှင်းဖို့က လူသန့်ရှင်းဖို့ထက် အရေးကြီးတယ်နော်။


ကိလေသာအညစ်အကြေးတွေကို အမြဲလျှော်ဖွပ်နေမှ သန့်ရှင်း ဖြူစင်မယ်။

ကိလေသာဆိုတာ လောဘ, ဒေါသ, မောဟတွေပဲ။

လောဘနဲ့ စားတယ်။ လောဘနဲ့ သွားတယ်။ လောဘနဲ့ နေတယ်။

ဒေါသမှာလည်း ဒီလိုပဲ။ ဒေါသဖြစ်ရင် ပူပန်ဆင်းရဲတာပဲ။

ဒေါသမဖြစ်အောင် စောင့်ထိန်းဖို့ဟာ ဒေါသဖြစ်ရင် ဖြစ်မှန်း သိရမှာပဲ။

သွားတာ လာတာ စားတာ သောက်တာ နေတာ ထိုင်တာ အားလုံးမှာ အသိနဲ့ သတိ ကပ်ထားရမယ်။

အသိနဲ့ သတိ တစ်ထပ်တည်း ကျဖို့ လိုတယ်။

လိုရင်းချုပ်လိုက်တော့ သတိပဋ္ဌာန်ပဲ။

 ခု သင်္ကြန်ကာလအတွင်း ဥပုသ်သီတင်း စောင့်သုံးကြတာ၊ ကိုယ်တွေ နှုတ်တွေ သန့်ရှင်းရေးလုပ်တာ၊ ကမ္မဋ္ဌာန်းဘာဝနာ ပွားများတာ စိတ်သန့်ရှင်းဖို့ အသိဉာဏ်သန့်ရှင်းဖို့ လုပ်ကြတာ။

အဲဒီ သန့်ရှင်းရေးတွေ လုပ်ထားတဲ့လူကတော့ အတွင်းရော အပြင်ရော သန့်ရှင်းပြီး ကောင်းသော နှစ်သစ်ကူးခြင်းပေါ့။

ဒီပြင် လောဘ ဒေါသ မောဟတွေ ထူပြောနေတာတော့ မကောင်းသော နှစ်သစ်ကူးခြင်း ဖြစ်မှာပေါ့။


ဘုန်းကြီးတို့ ပရိသတ်ကတော့ ကောင်းသော နှစ်သစ်ကူးခြင်းဖြစ်အောင် လုပ်ရမယ်။

ခန္ဓာသင်္ကြန်လည်း မကျသေးဘူး။ လုပ်ကြဦး။

ရှေးက ပြောကြသလို “ခါးတောင်းကျိုက် မဖြုတ်ကြနဲ့အုံး” ဆိုတာမျိုးပေါ့။

ကုသိုလ်တွေ လက်မမြှောက်နဲ့အုံး။

ဒီပုံစံအတိုင်းပဲ သင်္ကြန်ရက်မှာ လုပ်ကြသလို ဆက်လုပ်ကြဦး။

 လုပ်ကြဦးဆိုတော့ ဒီပြင် မဟုတ်ပါဘူး။

ငါးပါးသီလနဲ့ ကိုယ်လုပ်နေကြ ကမ္မဋ္ဌာန်းဘာဝနာအလုပ်ကို လုပ်ကြဦးလို့ ဆိုလိုတာပါ။

 အဲဒီတော့ ခန္ဓာသင်္ကြန် ဘယ်တော့မှ တက်မလဲဆိုတာ တွက်ဦးမှ။

ခန္ဓာသင်္ကြန်ကတော့ ခန္ဓာရှိနေသရွေ့ သင်္ကြန်ကျနေမှာပဲ။

သင်္ကြန်ဆိုတာ အသစ်အဟောင်း ပြောင်းလဲတာဆိုသဖြင့် ရုပ်နာမ်အသစ်တွေ အသစ်အသစ် ထပ်ဖြစ်နေတာ။

မီးခိုးမဆုံး မိုးမဆုံးပဲ။

ဒီက အကြောင်းမကင်းသေးဘူး။

အကျိုး ရုပ်နာမ်တွေ ထပ်ဖြစ်နေတာတဲ့။
မသိလို့ လိုချင်


 မသိမှု အဝိဇ္ဇာနဲ့ တဏှာလောဘ အကြောင်းခံပြီးတော့ မသိလို့ လိုချင်၊

လိုချင်တော့ လုပ်၊
လုပ်တော့ ရ၊
ရတော့ ဒုက္ခ၊
ဒုက္ခသစ္စာ ရုပ်နာမ် ခန္ဓာရ။

 အဲဒီတော့ သိရင် မလိုချင်၊

မလိုချင်တော့ မလုပ်တော့ဘူး။

မလုပ်ရင် မရတော့ဘူးပေါ့။

ဒုက္ခတွေ မလိုချင်လို့ ဒုက္ခမလုပ်တာပေါ့။

ဒုက္ခသာ မလုပ်တာ၊ တခြား လုပ်သင့်လုပ်ထိုက်တာတွေတော့ သူ လုပ်တာပေါ့။

 အကြောင်းသိမ်းရင် အကျိုးငြိမ်း၊ လောင်စာသိမ်းရင် မီးငြိမ်း

 အကြောင်းသမုဒယဆိုတဲ့ လောင်စာသိမ်းလိုက်ရင် ရုပ်နာမ် ခန္ဓာဆိုတဲ့ အကျိုးဒုက္ခ ငြိမ်းသွားမှာပဲ။

အဲဒီ ဘဝသစ် ရုပ်နာမ်ခန္ဓာ၊ ခန္ဓာဇာတ်သိမ်း ငြိမ်းရင် သင်္ကြန်တက်ပြီ၊ ခန္ဓာသင်္ကြန် တက်ပြီ။

အဲဒီအချိန်မှ အနားယူကြပေါ့။

 နိဗ္ဗာန်ခရီး နီးအောင် လုပ်

 အခုကတော့ “တို့ ဆက်ပြီး လုပ်ရဦးမှာပဲ”လို့ သဘောပေါက်။

နားနေလို့ မဖြစ်သေးဘူး။
 ‘ဤခရီး နီးသလား?


 ‘ဤခရီး နီးသလား?’ဆိုတာနော်။

ဘယ်ခရီးလဲ?
‘မရဏခရီးပါ ဘုရား’
အင်း ... ပြောရမှာတောင် အားနာစရာနော်။ နိဗ္ဗာန်ခရီးပဲ လုပ်ပါတော့။ နိဗ္ဗာန်ခရီး နီးအောင် လုပ်။ ဟုတ်လား။

အဲဒါနဲ့(မရဏခရီးနဲ့) ပြောင်းပြန်ပဲ။

ဟိုက ‘မတ’ သေတာ။

ဒီက ‘အ,မတ’ မသေတာ။

မသေတဲ့ခရီး နီးမှ ဖြစ်မယ်နော်။

 အခုပြောတဲ့ ပုံစံအတိုင်း သွားမယ်ဆိုရင် မသေတဲ့ခရီးဟာ နီးသွားမှာပါ။

တစ်လှမ်းထက် တစ်လှမ်း၊ တစ်အာရုံထက် တစ်အာရုံ၊ တစ်သိထက် တစ်သိ နီးသွားရမယ်။
အဲဒီလို တွက်ရမှာပါ။
တော်လောက်ပြီလို့ စိတ်မချနဲ့အုံး။
ခေါင်းဆောင်ကြီးတွေ ခဏခဏ သတိပေးနေတာ။
သူတို့ကိစ္စနဲ့တော့ သူတို့ပေါ့လေ။ ခါးတောင်းကျိုက် မဖြုတ်နဲ့အုံးဆိုတာ။


 ဝိပဿနာတိုက်စစ်မှူးအတွက် ဘုရားရဲ့ တပ်လှန့်သံ


 ဘုရားကလည်း “အပ္ပမာဒေန သမ္ပာဒေထ” ဆိုတဲ့ စကားနဲ့ တပ်လှန့်နေတာပဲ။

ဘုရားက တပ်လှန့်နေတာ။

 ရန်သူက အချိန်မရွေး ဝင်နေတာ။ ရန်သူ။

ကိုယ်က ခံစစ်တင် မဟုတ်ဘူး။ တိုက်စစ်ပါ လုပ်ရမယ်။

သီလလောက် ခံစစ်နဲ့ မရသေးဘူး။

ဝိပဿနာတိုက်စစ်မှူးဖြစ်အောင် လုပ်ရမှာ။

 ဘယ်မှ သွားတိုက်ရမှာ မဟုတ်ဘူး။

လောဘ ဒေါသ ရန်သူကို တိုက်ရမှာ။

ကိုယ့်ခန္ဓာ ကိုယ်တိုက်ရမှာ။

 မိုးကုတ်ဆရာတော်ကြီး အမိန့်ရှိသလို “ငါသေရင် ဆွမ်းမသွတ်နဲ့”လို့ ကိုယ့်ကိုယ်ကို မှာနိုင်လောက်အောင်အထိ တိုက်စစ်ဆင်ရမှာ။


‘လိုသလောက် မရလည်း၊ လုပ်သလောက်တော့ ရတယ်’နော်။

မလျှော့ဘဲ လုပ်ရမှာပဲ။
စကားကြီး ၃ ခွန်း

မြစ်ကြီးလည်းမခမ်းပါစေနဲ့..။
သစ်ပင် ကြီးလည်း မလဲပါစေနဲ့..။
ထုံးအိုးကြီးလည်းမကွဲပါစေနဲ့..။
မြစ်ကြီးမခမ်းပါစေနဲ့ဆိုတာ….အေး
မြတဲ့ စမ်းရေလို
ကြည်ကြည် လင် လင် တသွင် သွင် စီးဆင်းနေတဲ့..မေတ္တာမြစ်ကြီးကို ဆိုလိုတာလေ..။
လူလူချင်းမေတ္တာထားကြ ၊မေတ္တာ တရားတွေ ပွားများကြ
မေတ္တာတွေ မခမ်းကြစေနဲ့ ဆိုတဲ့အဓိပ္ပါယ် ပဲ..။
သစ်ပင်ကြီးလည်းမလဲပါစေနဲ့ …တဲ့..။သစ်ပင် ကြီးဟာ အခက်အလက် အရွက်တွေ
ဝေဝေဆာဆာ နဲ့ အရိပ် အာဝါသကိုပေးတယ်..။ထို့အတူပဲ..
ဘုရားတရားသံဃာ ရတနာ သုံးပါးရဲ့ အရိပ် အာဝါသကောင်းကို
ခိုလှုံရလို့လည်း ကြီးပွားချမ်းသာ ခြင်းကို ရတယ်..။ဒီအရိပ် အာဝါသတွေကို အမိအရခိုလှုံဘို့လိုသလို..
အရိပ် အာဝါသတွေကိုမဖျက် ဆီးမိဘို့ ၊ကျေးဇူးမကန်းမိဘို့ သတိထားရလိမ့်မယ်..။
သစ်ပင် ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာရောက်တာပဲ..။
ဒါကြောင့် သစ်ပင် ကြီးမလဲအောင် ကြိုးစားထိမ်းသိမ်းကြ..။
ထုံးအိုးကြီးလည်း မကွဲပါစေနဲ့ ဆိုတာကတော့ ရိုးရာ ဓလေ့ ထုံးစံတွေကိုပြောတာပါ..။
မိဘဘိုးဘွားလက် ထက် ကတည်းက လိုက်နာ ကျင့်သုံးလာ ကြတဲ့
ယဉ်ကျေးမှုဓလေ့ထုံးတမ်းစဉ်လာ ကောင်းတွေ..။မပျောက် ပျက်ရအောင် ထိန်းသိမ်းပြီး
ဗုဒ္ဓဘာသာဓလေ့ ယဉ်ယဉ်ကျေးကျေး သိမ်သိမ်မွေ့မွေ့ နေထိုင်ကြ..။

သုံးရပ် သာသနာ

သာသနာဆိုတာ မြတ်စွာဘုရားအဆုံးအမ..
ကိုယ် နဲ့နှုတ်ယဉ်ကျေးအောင်..စင် ကြယ်အောင် ဆုံးမတာ…သီလသာသနာ
စိတ်တွေယဉ်ကျေးအောင်၊ စင်ကြယ်အောင်..အပူသော ကတွေငြိမ်းသွားအောင်..သမာဓိသာသနာ..။
အခုတရားအားထုတ်နေရင် သီလလည်းရှိနေတယ်..။စိတ်လည်းစင် ကြယ် နေတယ်..။
ဉာဏ်အမြင် စင် ကြယ်အောင်၊ဝိပဿနာ ဉာဏ်၊မဂ်ဉာဏ် ၊ဖိုလ်ဉာဏ်..နိဗ္ဗာန်ထိအောင်ရဘို့
ဉာဏ်အမြင်စင် ကြယ်ဘို့ အားထုတ်တာ..ပညာ သာသနာ..။
အဲဒီသာသနာ ကိုယ် မှာ ရောက်ရင် ဘေးတွေကွယ်ပျောက် ချမ်းသာ ရောက် ပြီးနေတော့မှာ..။
တရားကဘဝထဲကိုရောက် အောင်သွင်းထားမှ ဘဝထဲမှာ
ကိုယ် လုပ်သမျှ ကိုင် သမျှတွေက တရားတွေချည်းဖြစ်နေမှာ..။ မတရားတာ မဖြစ်ရတော့ဘူး..။
စိတ်ကူးတိုင်း စဉ်းစားတိုင်း၊ ကြံစည်တိုင်း တရားသဖြင့်ပဲ..။
အဲဒါကို…သာသနာ ကိုယ် မှာရောက်မှ..
ဘေးတွေကွယ်ပျောက် ချမ်းသာရောက်တယ် လို့ အဲဒီလို မှတ်သားထားရမယ်..။

သာသနာခေတ် လူဖြစ်သူတွေ


သာသနာ့ဈေးရုံ..ကုန်မျိုစုံ….လိုကုန်ရနိုင်သည်..။
အဖိုးမဆစ် ဝယ်ထားရစ်….နောင်ခေတ်ရှားလိမ့်မည်..။
အသက်ရှည်ခြင်း အနာကင်း၊….အဆင်းလှနိုင်သည်..။
အမျိုးမြင့်မြတ်၊နတ်ပြည်ရပ်….ချဉ်းကပ်ရောက်နိုင်သည်..။
မဂ်ဉာဏ်၊ဖိုလ်ဉာဏ် မြတ်နိဗ္ဗာန်……ဧကန်ရောက်နိုင်သည်..။
အပ္ပမာဒခေါ်ငြား သတိပဋ္ဌာန်တရား၊…..ရှုပွားကြရမည်..။
လုံးစုံဘုရား ၊တပည့်သားတို့၊
ကြွသွားနိဗ္ဗာန် လမ်းကောင်းမှန်၊……သတိပဋ္ဌာန်ကျင့်စဉ်တည်း။
ရွှေဥမင်ဆရာတော် ဘုရားကြီးဘဒ္ဒန္တကောသလ္လ

Views: 283

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service