ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ရဟန်းခံ ရှင်ပြုအကြောင်း သိကောင်းစရာ

ရဟန်းခံ ရှင်ပြုအကြောင်း သိကောင်းစရာ

 

နိဒါန်း


ကမ္ဘာအသင်္ချေ လွန်လေသော်လည်း တစ်ခါတစ်ရံမျှ တွေ့ကြုံဆုံဆည်းခဲလှသော ဗုဒ္ဓုပ္ပါဒ ဒုလ္လဘအခါနှင့်တွေ့ကြုံရသော ယနေ့ ကမ္ဘာသူ ကမ္ဘာသား များသည် အလွန်မတန် ကံထူးသူများ ဖြစ်ကြသည်။ ကံထူးလို့ တွေ့ကြုံကြရသော ဗုဒ္ဓသာသနာတော်ကြီး လက်လွတ် ဆုံးရှုံးမသွားဖို့ရန် ဗုဒ္ဓဘာသာဝင်တိုင်းမှာ တာဝန်ရှိနေပါသည်၊ တာဝန် ကို သိသော မြန်မာနိုင်ငံအတွင်းရှိ အစိုးရနှင့်တကွသော ရဟန်း ရှင် လူ ပြည်သူအပေါင်းတို့သည် သာသနာတော် သန့်ရှင်း တည်တံ့ပြန့် ပွါးရေးကို ယနေ့အချိန်အခါမှာ တာဝန်ကိုယ်စီယူ၍ ဆောင်ရွက်နေကြပါသည်။

 

ထိုသို့ ဆောင်ရွက်ရာတွင် တစ်နိုင်ငံလုံးရှိ ရဟန်း ရှင် လူ ပြည်သူ အားလုံးတို့၏ ကိုယ်စား နိုင်ငံတော် သံဃာ့မဟာနာယက အဖွဲ့သည်-
၁။ သာသနာတော် သန့်ရှင်းရန် ၀ိနိစ္ဆယအဖွဲ့၊
၂။ တည်တံ့ရန် သာသနာရေးအဖွဲ့၊
၃။ ပြန့်ပွါးရန် ပညာရေးအဖွဲ့များ ဖွဲ့စည်းဆောင်ရွက်စေခဲ့ပါသည်။

မဟာနာယက လက်အောက်ရှိ ပညာရေးအဖွဲ့များကလည်း ပြည်တွင်း ပြည်ပ တစ်ကမ္ဘာလုံးအနှံ့ သာသနာဖြန့်နိုင်ရန် နိုင်ငံတော်ပရိယတ္တိ သာသနာ့ တက္ကသိုလ် ဖွင့်လှစ်၍ စီမံကိန်းတစ်ခုအကောင် အထည်ဖော် ဆောင်ရွက်နေပါသည်။ ထိုစီမံကိန်း အောင်မြင်ရန် ၆-လ ဆရာ လောင်းမွမ်းမံ သင်တန်းကိုလည်း ဖွင့်လှစ်သင်ကြားပေးလျက်ရှိပါသည်၊ ယင်းသင်တန်းမှာ သင်တန်းဆင်း နောက်ဆုံးစာမူအဖြစ် သင်တန်း သားများကို စာတမ်းများ ကျမ်းပြုခိုင်းပြီး အကဲဖြတ် ပါသည်၊ ထိုမှ ရင်းမြစ်ခံပြီး ယခု စာတမ်းဖြစ်ပေါ်လာရပါသည်။


တစ်ချိန်က အာရှတိုက်ကြီး တစ်တိုက်လုံးကို လွှမ်းခြုံခဲ့သော ဗုဒ္ဓသာသနာတော်ကြီးသည် ယခုအချိန်မှာ အလွန်သေးငယ် ကျဉ်းမြောင်းနေ ပါပြီ၊ အကြောင်းကို ရှာလျှင် သာသနာတွင်း အင်အားစုများဖြစ်သည့် ရှင် ရဟန်းတို့၏ ချို့ယွင်းချက်လည်း အဓိက အကြောင်းတစ်ခု ပါဝင်ပါသည်။ ရှင် ရဟန်းများ အရေအတွက်များဖို့ လိုအပ်သလို အရည်အချင်းရှိဖို့က ပို၍ လိုအပ်ပါသည်။

အရည်အချင်းဆိုသည်မှာ-
၁။ ပါသာဒိကဂုဏ်ကို ဆောင်သော '' သွင်ပြင်''
၂။ သဒ္ဓါ ၀ီရိယ သတိ သမာဓိ ပညာနှင့် ယှဉ်သော ကြီးမြတ်သည့် '' ဗိုလ်စိတ်ဓာတ်''
၃။ ဘက်စုံ '' ပညာဗဟုသုတ''
၎။ ဒုက္ခကင်းရေးကို ဦးတည်ချက်ထားသော '' အကျင့်သိက္ခာ''

ဤအရည်အချင်းများ ရှင် ရဟန်းတို့ သန္တာန်မှာ ပြည့်ဝနေလျှင် ဗုဒ္ဓသာသနာတော်သည် ကမ္ဘာအသင်္ချေမကပင် တည်နိုင်ပါသည်။ ထိုအရည်အချင်းများနှင့် ပြည့်ဝသော ရှင် ရဟန်းများ ရဘို့ရန်မှာ-
၁။ လူတော်လူကောင်းများ ရှင် ရဟန်းပြုချင်လာအောင် စည်းရုံးမှု၊
၂။ စနစ်တကျ စိစစ်လက်ခံမှု စသည်အချက်များ လိုအပ်ပါသည်။


ထိုအချက်များအတွက် အခြေခံအုတ်မြစ်ဖြစ်စေရန် ဤစာတမ်းက အထောက်အကူပြုပါလိမ့်မည်။
''ပဗ္ဗဇိတဘာဝေါ ဒုလ္လဘော (ရဟန်းဘ၀ ရဖို့ မလွယ်) ''ဟု ဘုရားဟောရှိသော်လည်း ယခုခေတ်မှာ 'သုလဘ (ရဟန်းဘ၀ ရဖို့ လွယ်)'ဖြစ်နေခြင်းကြောင့် အထင်မကြီးတော့၊ သာသနာဝင်ပုဂ္ဂိုလ်အဖြစ် စိစစ်လက်ခံမှုအပိုင်း အားနည်းမှုကြောင့် သာသနာ့ဝန်ထမ်းများ အဖက်ဖက်က နိမ့်ကျနေပါသည်။ ဘုရားရှင်၏ အာဏာ ဒေသနာတော်အစွမ်းကြောင့် ထိပ်ဆုံးအဆင့်သို့ ရောက်ခဲ့ကြသူ ရှင်ရဟန်းအချို့ ကလည်း အခွင့်အာဏာကို အလွဲသုံးစား လုပ်နေကြသဖြင့် သာသနာတော် ပို၍ နစ်နာရပါသည်။


ရပိုင်ခွင့်ကိုသာ ယူပြီး တာဝန်ကျေအောင် မထမ်းဆောင်နိုင်သောသူသည် ''ကတညုတာ''မင်္ဂလာ မထိုက်၊ လူမိုက်သာ ဖြစ်သည်၊ တာဝန်ကျေအောင် မည်သို့ ဆောင်ရွက်သင့်သည်ကို ဤစာတမ်းမှာ အပိုင်း ၄-ပိုင်း ခွဲ၍ တင်ပြထားပါသည်။
ယင်းတို့မှာ-
၁။ ရှင် ရဟန်းပြုကြခြင်း အကြောင်းရင်းနှင့် ခွင့်ပြုတော်မူပုံ
၂။ ရှင် ပြုခြင်းဆိုင်ရာ အကြောင်း
၃။ ရဟန်းပြုခြင်းဆိုင်ရာ အကြောင်း
၎။ ရဟန်းရှင်တို့၏ တာဝန်ဝတ္တရားများနှင့် ပန်းတိုင်- ဤ ၄-ပိုင်းတို့ ဖြစ်ပါသည်။


အကြောင်းအရာတိုင်းကို သမားရိုးကျ ပုံစံအတိုင်း မဖြစ်စေဘဲ သဘောပေါက် နားလည်လွယ်အောင် ဆန်းသစ်သောပုံစံဖြင့် တင်ပြထားပါ သည်။ ၀ိနည်းလမ်းကြောင်းပေါ်မှာ သုတ္တန်, အဘိဓမ္မာ လောင်း၍ ခြယ်မှုန်းထားခြင်းသာ ဖြစ်ပါသည်။ မှန်၏၊ ၀ိနည်းကြောင်းများကို ၀ိနည်းရှုထောင့်မှ ကြည့်လျှင် ပြောတိုင်း လုပ်၊ ထား တိုင်း နေဖို့ရန်သာ ရှိလေသည်၊ ဘာမျှ စောဒကများ တက်နေစရာ မလို၊ အာဏာ ဒေသနာဖြစ်သဖြင့် စောဒကတက်၍ မရပါ။ အာဏာဒေသနာကို စောဒကတက် ဆင်ခြေပေးကာ ကန့်လန့် တိုက်မိလို့ အာဏာဝီတိက္ကမန္တရာယ်ရှပြီး မရှုမလှ ဒုက္ခရောက်ရသော '' အရိဋ္ဌရဟန်း' နှင့် ''ကိုရင် ကဏ္ဍက'' တို့နမူနာကလည်း အထင်အရှား ရှိနေသည်။


ဝိနည်းလာ အမိန့်အာဏာ ပညတ်ချက်များသည် သုတ္တန်, အဘိဓမ္မာ မီးမောင်း ဆလိုက် ထိုးပြလိုက်မှ ပေါ်လွင် ထင်ရှား လာပါသည်။ ဗုဒ္ဓ၏ ကရုဏာတော် ပညာတော် အစွမ်းများသည်လည်း အံ့မခန်း ချီးမွမ်းဖွယ်ရာ ပေါ်လွင်လာပါသည်။ ဗုဒ္ဓ မြတ်စွာဘုရား၏ အလိုတော် ကရုဏာတော် ပညာတော် စွမ်းပကားများ ပေါ်လွင်အောင် တင်ပြထားပါသည်၊ နိဂုံးမှာလည်း ဤစာအုပ်ကို ဖတ်ရှုပြီး ဆုံးဖြတ်ထားကြပါ ဟုသာ တိုက်တွန်းလိုပါသတည်း။


အလိုအပ်ဆုံးသော အရာ


လူ နတ် တိရစ္ဆာန် စသော သတ္တ၀ါတိုင်း၏ အလိုအပ်ဆုံးသော အရာကား ဆင်းရဲခြင်းကင်းဖို့ ပင်ဖြစ်၏၊ ဆင်းရဲဒုက္ခကို မည်သည့်သတ္တ၀ါ မဆို အလိုမရှိကြ၊ ရှောင်ကွင်းလိုကြ၏၊ သို့သော် မလိုချင်မှ ရဆိုသလို မဆုံလိုသော ဒုက္ခနှင့် ရင်ဆိုင်တိုးပြီး ပြေးရှောင်လို့ မလွတ်နိုင်ကြ ပေ။ ဒုက္ခကင်းရေးကို နည်းလမ်းညွှန်ပြသူတို့တွင် အထွတ်မြတ်ဆုံးဖြစ်သည့် မြတ်စွာဘုရားက ``မြတ်သော အကျင့် (ဗြဟ္မစရိယ)ကို ကျင့်ကြံ အားထုတ်လျှင် ဒုက္ခကင်းငြိမ်းနိုင်ကြောင်း´´ ဟောကြားတော်မူခဲ့သည်။


ဒုက္ခကင်းရန် ဗြဟ္မစရိယကို ကျင့်ကြံဖို့ အရေးမှာလည်း အိမ်ရာတည်ထောင် လူ့ဘောင်၌ နေသူတို့ ပြည့်စုံအောင် မကျင့်ဆောင်နိုင်ကြပေ၊ အိမ်ရာတည်ထောင် လူ့ဘောင်၌နေရခြင်းသည် အသီးကြောင့် ပစ်ခတ်ခြင်း၊ ချိုးဖဲ့ခြင်း စသည့်ဘေးဒဏ်ခံရသော သရက်ပင်ကဲ့သို့ ဘေး ရန် များလှ၏၊ သားရေး သမီးရေး စီးပွါးရေး စသော ကြောင့်ကြဖွယ်တို့ဖြင့် ရှုတ်ထွေး ကျဉ်းမြောင်းလှ၏၊ ဆိတ်ငြိမ်ရာကို မရနိုင်၊ ရှင် ရဟန်းဘ၀ကား အသီးမသီးသော သရက်ပင် ပမာ အန္တရာယ်ကင်း၍ အေးငြိမ်းလှသည်၊ အလို နည်းခြင်း ရောင့်ရဲ လွယ်ခြင်း စသော အကြောင်းများကြောင့် ရဟန်းဘ၀ဖြင့် ပြုလုပ်ရသော လုပ်ငန်းသည် လျင်မြန်စွာ ပြီးမြောက်နိုင်သည်၊ ထို့ကြောင့် လူ့ဘောင်ကို ရှောင်ခွါ ၍ သာသနာ့ဘောင်၌ ရှင် ရဟန်းပြုကြသည်။

သမဏသုခများ (ရဟန်းချမ်းသာများ)


ရှင် ရဟန်းဘ၀သည် ဥစ္စာ စပါး သိမ်းဆည်းရမှု မရှိခြင်း၊ အပြစ်ကင်းသော ဆွမ်းကို ရှာမှီးရခြင်း၊ အေးငြိမ်းသော ဆွမ်းကို သုံးဆောင် ရခြင်း စသော ၈-မျိုးသော သမဏသုခတို့ဖြင့် ချမ်းသာအေးမြလှ၏၊ လွင်တီးခေါင်ပမာ အငြိအတွယ်မရှိ၊ လွတ်လပ်သည်။

သာသနာ့ဝန်ထမ်း (၂) မျိုး
အိမ်ထောင်သားမွေး အလုပ်စွန့်၍ ဖန်ရည်စွန်းသော အ၀တ်ကို ၀တ်လျက် ဗြဟ္မစရိယ ကျင့်သူများကို-
၁။ ရှင်သာမဏေ
၂။ ရဟန်း - ဟူ၍ နှစ်မျိုးနှစ်စား ခွဲခြားနိုင်သည်၊ ခေတ်စကားအရဆိုလျှင် ရဟန်း သည် တင်းပြည့်ပါတီဝင်ဖြစ်၍ သာမဏေသည် အရန်ပါတီဝင်ဖြစ်သည်၊ မှန်၏၊ သာမဏေသည် ရဟန်းတို့၏ ကံကြီး ကံငယ် ကိစ္စတို့၌ မပါဝင်နိုင်ပါ။

ရှင် ရဟန်းဖြစ်ဖို့ အရည်အချင်း


အရာရာတိုင်းမှာ အရည်အချင်း လိုအပ်သည်၊ အရည်အသွေး စံမမီသော ပစ္စည်းဝတ္ထုကိုဖြစ်စေ၊ ပုဂ္ဂိုလ်သတ္တ၀ါတို့ကို ဖြစ်စေ၊ အသုံးမပြု လိုကြ၊ အများအကြည်ညိုခံ အကိုးကွယ်ခံ ရှင်ရဟန်းတို့အတွက်ကား အရည်အချင်းပြည့်မီဖို့ ပို၍ပင် လိုအပ်ပေသည်။ ရှင်တော်ဗုဒ္ဓသည် တစ်လောကလုံးက လေးစားလောက်သော အရည်အချင်းပြည့် သံဃာ့အဖွဲ့အစည်းကြီးကို စနစ်တကျဖွဲ့စည်းထူထောင်ခဲ့သည်၊ ရှင်ရဟန်း ပြုလိုသူတိုင်းကို မြတ်စွာဘုရားက လက်မခံခဲ့၊ သာသနာဝင်ပုဂ္ဂိုလ် စိစစ်ရေး လွယ်ကူ စေရန် စည်းကမ်းများကို စနစ်တကျ ချမှတ်ပေးခဲ့ သည်။


ရှင် ရဟန်းဖြစ်ခွင့် လုံးဝမရထိုက်သူ ၁၁-ဦးကိုလည်းကောင်း၊ ရှင် ရဟန်းဖြစ် နိုင်သော်လည်း မသင့်လျော်သူ ၃၂-ဦးကိုလည်းကောင်း ရှင် ရဟန်းပြုမပေးရန် ပညတ်ထားတော်မူ၏၊ မြတ်စွာဘုရားသည် ကြည်ညိုဖွယ် ပါသာဒိကဂုဏ်ကိုဆောင်နိုင်သော ပရိသတ်ကိုသာ လို လားတော်မူ၏၊ သူများအထင်သေး စရာ အို နာ ကျိုး ကန်း ပရိသတ်များ မဖြစ်စေလို၊ ဘုရားလက်ထက်က သာသနာ့ဘောင် ၀င်လိုသူ တိုင်းကို စိစစ်မှုမရှိဘဲ လွယ်လွယ်နှင့် ရဟန်းပြုပေးနေကြသဖြင့် သာသနာ့ဘောင်မှာ အနာကြီးရောဂါစွဲ သူ၊ မြင်းဖုအနာရှိသူ၊ စသည်ဖြင့် စက်ဆုပ်ဖွယ် ပုဂ္ဂိုလ်တို့ တင်းကျမ်းပြည့်နေသည်၊ ထို့ကြောင့် မြတ်စွာဘုရားသည် ကြည်ညိုဖွယ်မကောင်းသည့် စက်ဆုပ်ဖွယ်ပုဂ္ဂိုလ်တို့ကို ရှင် ရဟန်း မပြုပေးဖို့ရန် သိက္ခာပုဒ်များ ပညတ်တော်မူခဲ့ရုံမက ရဟန်းခံသည့်အခါ စစ်ဆေးမေးမြန်းဖို့ရန်လည်း ခွင့်ပြုတော်မူခဲ့ပါသည်။

ရဟန်းပြုနိုင်သော အရွယ်ပမာဏ


အလွန်မတန် ငယ်ရွယ်သူများသည် မိမိခန္ဓာကိုယ်ကို မိမိကိုယ်တိုင် မသုတ်သင်နိုင်၊ မစောင့်ရှောက်နိုင်၊ သင်္ကန်းရိုသေမှု၊ ကျင့်ဝတ်သီလ စောင့်ထိန်းမှုကို လည်း မစွမ်းဆောင်နိုင်၊ ထို့ကြောင့် မြတ်စွာဘုရားသည် အလွန် မတန် ငယ်ရွယ်သူများကို ရှင် ရဟန်း ပြုမပေးဖို့ရန် သိက္ခာပုဒ်များ ပညတ်တော်မူသည်၊ လိုအပ်လျှင် ၁၅-နှစ် အောက်ငယ်စေကာမူ ရှင်ပြုပေးနိုင်ကြကြောင်းကိုလည်း ခွင့်ပြုတော်မူခဲ့သေး သည်၊ သို့သော် ကျင့်ဝတ်သိက္ခာ လိုက်နာ ကျင့်သုံးနိုင်လောက်သော အရွယ် ဖြစ်သင့်ပါသည်၊ အိုမင်း မစွမ်း (ဇရာဒုဗ္ဗလ) အရွယ်သို့ ရောက်နေသူ အဖိုးအိုများကိုလည်း ရှင် ရဟန်း မပြုပေးရဟု ပညတ်တော်မူခဲ့သည်။

အိုမင်းမစွမ်းဆိုသည်မှာ- သင်္ကန်းဆိုးမှု စသော လုပ်ငန်းများကို ကိုယ်တိုင် မလုပ်နိုင်သူကို ဆိုလိုသည်၊ မိမိကိုယ်ကို သုတ်သင်နိုင်သူကို ကား ရှင် ရဟန်း ပြုပေးကောင်းသည်။
ရဟန်းပြုခွင့် အရွယ်ကိုကား အနည်းဆုံး ပဋိသန္ဓေနှင့်တကွ အသက် ၂၀-ပြည့်သူ ဖြစ်ရမည်ဟု သတ်မှတ်ထားသည်၊ အသက် ၂၀- မပြည့်သူများသည် အချမ်း အပူ နှင့် ဆာလောင်မွတ်သိပ်မှု စသော ဘေးရန်များကို သည်းခံနိုင်စွမ်း မရှိကြပေ။

ပဗ္ဗဇိတ အမျိုးမျိုး


သာသနာ့ဘောင်သို့ ၀င်ရောက်၍ ရှင် ရဟန်းပြုလိုသူများ၏ ရည်ရွယ်ချက်ကို အမျိုးမျိုး တွေ့ရသည်၊ သံသရာဝဋ်မှ ထွက်မြောက်လို၍ ရဟန်းပြုကြသည်လည်း ရှိသည်၊ တချို့မှာ ရှင်သုဒိန်, ရှင်ရဋ္ဌပါလတို့ကဲ့သို့ ယုံကြည်ချက် ပြင်းပြစွာဖြင့် ရှင် ရဟန်းပြုကြသော သဒ္ဓါ ပဗ္ဗဇိတများ ဖြစ်ကြသည်၊ တချို့မှာလည်း ရှင်မောဂ္ဂလိပုတ္တ တိဿထေရ်၊ ရှင်နာဂသေနထေရ်၊ ရှင်မဟာဗုဒ္ဓဃောသတို့ကဲ့သို့ ပညာသင် ကြားလိုသော ရည်ရွယ်ချက်ဖြင့် ရှင် ရဟန်းပြုကြသော ပညာ ပဗ္ဗဇိတများ ဖြစ်ကြသည်၊ ရည်ရွယ်ချက်မရှိဘဲ ကိုရင်အဖြစ်ဖြင့် အသက် ၂၀-ပြည့်လို့ ရဟန်းအဖြစ်သို့ ရောက်လာကြသော ဖာသာလ၀ါ (မိရိုးဖလာ) ပဗ္ဗဇိတများနှင့် ကြောက်၍ ရှင် ရဟန်းပြုကြသော ဘယာ ပဗ္ဗဇိတများလည်း ရှိကြသေးသည်။


သာသနာ့ဘောင် ၀င်ရောက်ပြီး အချောင်နေသူများကို ရည်ရွယ်၍-
``အိပ်လိုရဟန်း၊ စားလိုမှန်း၊ ပုစ္ဆန်း လုပ်ပါလေ ´´ ဟူ၍ က၀ိလက္ခဏ သတ်ပုံ ဆရာ မိန့်ဆိုခဲ့ခြင်းဖြစ်ပါသည်။
ရှင် ရဟန်းလောင်း ပြုကြခြင်း၏ ရည်ရွယ်ချက် အမျိုးမျိုးရှိသော်လည်း မြတ်ဗုဒ္ဓ အလိုကျအောင်-
``သံသာရ၀ဋ္ဋဒုက္ခတော မောစနတ္ထာယ ပဗ္ဗဇ္ဇံ ယာစာမိ (သံသရာဝဋ်ဆင်းရဲမှ လွတ်မြောက်ရန် ရှင် ရဟန်းဘ၀ကို တောင်းခံပါသည် ဘုရား)´´ ဟူ၍ ရှေးဆရာများ စီစဉ်ထားပါသည်။

ရှင် ရဟန်းအဖြစ် ခွင့်ပြုတော်မူခြင်း


မြတ်စွာဘုရားသည် ဘုရားဖြစ်စ၌ ရဟန်းပြုလိုသူများကို `ဧဟိ ဘိက္ခု´ ခေါ်၍ ကိုယ်တော်တိုင် ရဟန်းပြုပေး တော်မူသည်၊ ဧဟိဘိက္ခု ရဟန်းဖြစ်ဖို့ လုံလောက်သော ရှေးဘုန်းရှေးကံပါသူ အနည်းဆုံး သောတာပန်အဆင့်ရှိသည့် အရိယာပုဂ္ဂိုလ်မျိုးကိုသာလျှင် `ဧဟိ ဘိက္ခု´ ခေါ်၍ ရဟန်းပြုပေးပါသည်၊ ဘုရားလက်ထက်က ဧဟိဘိက္ခု ရဟန်းပေါင်း (၂၈၆၄၁) နှစ်သောင်း ရှစ်ထောင် ခြောက်ရာ လေးဆယ့် တစ်ပါးရှိသည်။


နောင်အခါ အနယ်နယ် အရပ်ရပ်တိုင်း၌ ရှင်ရဟန်းပြုဖို့ လွယ်ကူစေရန် ``သရဏဂုံသုံးပါး ဆောက်တည်စေ၍ ရှင်ရဟန်းပြုပေးကြ´´ဟု ရဟန်းတော်များကို တာဝန်ခွဲဝေပေးလိုက်သည်၊ ထိုအချိန်မှစ၍ သရဏဂုံ သုံးပါး ဆောက်တည်စေခြင်းဖြင့်ပင် ရှင်ပြုခြင်းကိစ္စ၊ ရဟန်းပြု ခြင်း ကိစ္စ၊ နှစ်မျိုးလုံးကို ရဟန်းတော်များ ပြုလုပ်ပေးကြသည်၊ ဤသရဏဂုံဖြင့် ရဟန်းဖြစ်သူများကို သရဏဂမနရဟန်း ဟု ခေါ်သည်။


တစ်ဖန် ရာဓပုဏ္ဏား ရဟန်းပြုချိန်မှစ၍ သရဏဂုံဖြင့် ရဟန်းပြုခွင့်ကို ရုပ်သိမ်း၍ ဉတ္တိစတုတ္ထကမ္မ၀ါစာဖြင့် ရဟန်းပြုပေးရန် ခွင့်ပြုတော်မူ သည်၊ ဉတ္တိစတုတ္ထ ကမ္မ၀ါစာ ခွင့်ပြုချိန်သည် ဘုရားဖြစ်ပြီးနောက် ၉-လကျော် ၁၀-လ အတွင်း (မဟာသက္ကရာဇ် ၁၀၃-ခုနှစ်၊ တပို့တွဲ လပြည့်နှင့် တပေါင်းလပြည့်တို့အကြား) ဖြစ်သည်။
ထိုအချိန်မှ စ၍ ယနေ့တိုင်အောင် ဉတ္တိစတုတ္ထကမ္မ၀ါစာဖြင့် ရဟန်းပြုပေးခွင့် တည်ရှိနေသည်၊ ရှင် သာမဏေပြုခွင့်ကိုကား သရဏဂုံဖြင့် ပင် မူလအတိုင်း ဆက်လက် ခွင့်ပြုထားသည်။

ထူးခြားချက်


ထူးခြားချက်မှာ-
သရဏဂုံဖြင့် ရဟန်းပြုပေးခြင်း၌ ရဟန်းတစ်ပါးတည်းက သူ့ဆန္ဒအတိုင်း ရဟန်းလောင်းကို ရဟန်းပြုပေးနိုင်သည်။ ဉတ္တိစတုတ္ထကမ္မ၀ါစာဖြင့် ရဟန်းပြုပေးရာ၌ကား သံဃာ့အဖွဲ့ကသာ ရဟန်း ပြုပေးနိုင်ခွင့်ရှိသည်။ ရဟန်းပြုပေးနိုင်သော သံဃာ့အဖွဲ့ဟူသည် အိန္ဒိယပြည် မဇ္ဈိမ ဒေသ၌ အနည်းဆုံး ၁၀-ပါး၊ သီရိလင်္ကာ မြန်မာ- စသော အခြားအရပ် ဒေသများ၌ အနည်းဆုံး ၅-ပါးတက်ရောက်သည့် သံဃာအစည်းအဝေးတွင် ပါဝင်သော သံဃာများဖြစ်သည်။ ထိုအစည်းအဝေးသို့ သက် ဆိုင်ရာ နယ်နိမိတ် (သိမ်)တစ်ခုအတွင်းရှိ သံဃာအားလုံးသော်လည်း တက်ရောက်ရသည်၊ ဆန္ဒကိုသော်လည်း ရယူရသည်၊ ထိုအစည်း အဝေးသို့ တက်ရောက်သူ သံဃာအားလုံးက ကန့်ကွက်သူမရှိ အတည်ပြုပေးမှသာ ရဟန်းလောင်း၏ ရဟန်းအဖြစ် အတည်ဖြစ်တော့သည်။

ရှင်ပြုပုံ အစီအစဉ်


ရှင်ပြုရာ၌ လိုရင်းအင်္ဂါသုံးရပ် ပြည့်စုံမှသာ ရှင်သာမဏေဖြစ်နိုင်သည်၊
ယင်း ၃-ရပ်တို့ကား-
၁။ ဆံမုတ်ဆိတ် ပယ်ခြင်း (လူ့အသွင်ပျောက်ရန်)
၂။ သင်္ကန်းဝတ်ခြင်း (သာမဏေ အသွင်ရောက်စေရန်)
၃။ သရဏဂုံ ဆောက်တည်ခြင်း တို့ပင်တည်း။
ဤအင်္ဂါ ၃-ရပ်တွင် ဆံ မုတ်ဆိတ်ပယ်ခြင်းကိစ္စကို ရဟန်း ရှင် လူ မည်သူမဆို သင့်လျော်သလို ပြုလုပ်ပေးနိုင်သည်၊ သင်္ကန်းဝတ်မူ ကိုကား ရဟန်းတော်တို့၏ ခွင့်ပြုချက် ရယူပြီးမှသာ တစ်ဦးဦးက ပြုလုပ်ပေးနိုင်သည်၊ ရဟန်းတော်တို့၏ ခွင့်ပြုချက်မရဘဲ သင်္ကန်းဝတ် လျှင် လိင်္ဂတ္ထေနက(အသွင်းခိုးမှု) ဖြစ်သွားနိုင်သည်၊ သရဏဂုံပေးမှုကို ရဟန်းများကိုယ်တိုင်သာ ပြုလုပ်ရသည်။


လူဝတ်ကြောင်နှင့် သာမဏေများက သရဏဂုံပေးလျှင် ကိုရင်မဖြစ်၊ အဆိုပါ အင်္ဂါ (၃)ရပ်တို့တွင် သရဏဂုံဆောက်တည်မှု အင်္ဂါ သည် အရေးအကြီးဆုံးဖြစ်၏၊ ဆရာတပည့် နှစ်ဦးစလုံး ပီပီသသ သရဏဂုံပါဠိ ရွတ်ဆိုနိုင်မှသာ ရှင်သာမဏေအစစ် ဖြစ်နိုင်သည်။

ရှင်သာမဏေဖြစ်ချိန်


သရဏဂုံ ပီပီသသ အောင်မြင်လျှင် ``တတိယမ္ပိ သံဃံ သရဏံ ဂစ္ဆာမိ´´၌ ``မိ´´အက္ခရာအဆုံးတွင် ရှင်သာမဏေအစစ် ဖြစ်လေ တော့သည်၊ သာမဏေတို့ ကျင့်သုံးအပ်သော သီလသိက္ခာ ကျင့်ဝတ်အားလုံးတို့ ကိုရင့်သန္တာန်မှာ တည်ရှိပြီးဖြစ်တော့သည်၊ သီလခံယူ ဆောက်တည်ဖွယ် မလို၊ ခံယူဆောက်တည်သော်လည်း အပြစ်မရှိ၊ မှတ်မိစေခြင်း ကျေပွန်စေခြင်း စသည့်အကျိုးများ ရရှိနိုင်သည်။


သာမဏေဖြစ်ပြီးနောက် ဥပဇ္ဈာယ်အင်္ဂါနှင့် ပြည့်စုံသော ဆရာထံမှာ-
``ဥပဇ္ဈာယော မေ ဘန္တေ ဟောဟိ´´ဟု ၃-ခေါက် ရွတ်ဆို၍ ဥပဇ္ဈာယ်ယူရမည်။ သာမဏေများသည် ၁၀-ပါး သီလ၊ ပစ္စဝေက္ခဏာ၊ လိင် ၁၀-ပါး၊ ဒဏ် ၁၀-ပါး၊ သေခိယ ၇၅-ပုဒ်၊ ခန္ဓက ၀တ် ဤကျင့်ဝတ်သိက္ခာများကို လိုက်နာကျင့်သုံးရမည်။

အရိယာ နတ် ဗြဟ္မာတို့၏ အမြင်


ရှင်ပြု (ကိုရင်ဝတ်) သည်ကို-
၁။ ဆံချ
၂။ သင်္ကန်းဝတ်
၃။ သရဏဂုံ ခံယူ
ဤလုပ်ငန်း ၃-ရပ်မျှသာ ဟု သာမန်လူတွေက မြင်ကြသည်။
အရိယာနတ် ဗြဟ္မာများကတော့ ဤသို့ မမြင်ကြပေ-
၁။ ကိလေသာစစ်ပွဲ ဆင်နွှဲရန် ပြင်ဆင်နေသည်ဟု မြင်ကြသည်၊ မှန်ပါသည်၊
ဆံပင်၌ တပ်မက်သော တဏှာကို ပယ်ခွါ တွန်းလှန် တိုက်ဖျက်ရန် ဆံချနေသည်ဟု လည်းကောင်း၊
၂။ ရန်သူကြောက်လန့်အောင် စစ်ယူနီဖောင်းဝတ်သကဲ့သို့ ကိလေသာ ရန်သူများ ကြောက်လန့်အောင်၊ မ၀င်နိုင်အောင် သင်္ကန်းဝတ်သည်ဟု လည်းကောင်း၊
၃။ ကိလေသာ ရန်သူများ ထွက်ပြေးအောင် သရဏဂုံမန္တန် ရွတ်ဆိုနေသည်ဟု လည်းကောင်း မြင်ကြပြီး ကောင်းချီးဟစ်အော် ကြွေး ကြော်ကြကုန်သည်။

ဒုတိယ ကြွေးကြော်သံ


ကိုရင်များ ပစ္စယသန္နိဿိတ သီလ ပြည့်စုံအောင် ပစ္စဝေက္ခဏာဖြင့် ပုတီးစိပ်နေသောအခါ-
-သတိထားပြီး ပုတီးစိပ်လျှင် သတိပဋ္ဌာန်ဖြစ်သည်။
-အားထုတ်ပြီး စိပ်လျှင် သမ္မပ္ပဓာန်ဖြစ်သည်။
-ယုံကြည်သော သဒ္ဓါတရားဖြင့် စိပ်လျှင် သဒ္ဓိနြေ္ဒ သဒ္ဓါဗိုလ် စသော ဗောဓိပက္ခိယ တရားများဖြစ်သည်။
ဤသို့ ဗောဓိပက္ခိယတရားများ ပွါးများနေသည်ကို မြင်၍ ကိလေသာ တိုက်ဖျက်ရေးစစ်ပွဲ ဆင်နွှဲနေကြသည်တကား ဟု ဒုတိယအကြိမ် ကောင်းချီးဟစ်အော် ကြွေးကြော်ကြပြန်သည်။

တတိယ ကြွေးကြော်သံ


ဆိုခဲ့ပြီးအတိုင်း ဗောဓိပက္ခိယ တရားများ ဖြစ်ပွါးနေခြင်းကြောင့် (ပါရမီ ပြည့်သူဖြစ်လျှင်) အရဟတ္တဖိုလ်ပေါက် နိဗ္ဗာန်ရောက်နိုင်သည်၊ ကိုရင်များ အရဟတ္တဖိုလ်ရသည်ကိုမြင်သော နတ်ဗြဟ္မာများသည် `အောင်ပွဲခံသွားပြီ´ဟု တတိယအကြိမ် ကောင်းချီးဟစ်အော် ကြွေး ကြော်ကြပြန်သည်။


ပုတီးစိပ်ပြီး ဗောဓိပက္ခိယတရား ပွါးများလျှင် ယခုဘ၀မှာ အရဟတ္တဖိုလ်သို့ မရောက်စေကာမူ နှစ်ဘ၀ သုံးဘ၀ဖြင့်ပင် ရနိုင် ရောက်နိုင် ပါသည်၊ မှန်၏၊ သစ္စကပရိဗိုဇ်အတွက် သုတ် ၂ သုတ်ကို ဘုရားရှင်ဟောသော်လည်း သစ္စကပရိဗိုဇ်မှာ သရဏဂုံသော်မှ မတည်ပေ၊ သို့ သော် အထုံဝါသနာအကျိုးကို ရည်ရွယ်၍ဟောခြင်းဖြစ်သည်၊ သစ္စကပရိဗိုဇ်သည် အထုံဝါသနာရပြီး ၎င်းအထုံဝါသနာက ကျေးဇူးပြုသော ကြောင့် သာသနာနှစ် ၄၀၀၊ ဘ၀အားဖြင့် ၅-ဘ၀လောက်မှာပင် သီဟိုဠ် ကျွန်း၌ ကာလဗုဒ္ဓရက္ခိတထေရ် အဖြစ်ဖြင့် ရဟန္တာဖြစ်သွားပါ သည်၊ ဤသည်ကို ထောက်လျှင် အောင်ပွဲခံရဖို့ အရေး လက်တစ်ကမ်းမျှသာ ဟု ဆိုနိုင်သည်။

ရဟန်းခံ
အရဟန္တမှ ရဟန္တာ၊ ယင်းမှ တစ်ဆင့် ရဟန်းဟု ဝေါဟာရ အဆင့်ဆင့် ပြောင်းလဲလာသည်၊ ရဟန်းအဖြစ် ခံယူမှုကို ရဟန်းခံဟု ခေါ်သည်။

ရဟန်းအဖြစ် ရပုံ ၈-မျိုး


ရဟန်းအဖြစ်သို့ ရောက်ရှိပုံ ၈-မျိုးရှိသည်၊ ၎င်းတို့မှာ-
၁။ ဧဟိဘိက္ခုရဟန်း-
ဧဟိဘိက္ခု (ချစ်သားရဟန်း လာလော့) ဟူသော မြတ်စွာဘုရား၏ စကားတော်ကြောင့် ရဟန်းအဖြစ်သို့ ရောက်သူ။
၂။ သရဏဂမနရဟန်း- သရဏဂုံဖြင့် ရဟန်းဖြစ်သူ။
၃။ သြ၀ါဒ ပဋိဂ္ဂဟဏရဟန်း- မြတ်စွာဘုရား၏ သြ၀ါဒကို လက်ခံသဖြင့် ရှင်မဟာ ကဿပအား ခွင့်ပြု အပ်သော ရဟန်းအဖြစ် (ရှင်မဟာကဿပ တစ်ပါးတွက်သာ)
၎။ ပဥှာဗျာကရဏရဟန်း- ပြဿနာဖြေဆိုနိုင်သဖြင့် သောပါက သာမဏေအတွက် ခွင့်ပြုအပ်သော ရဟန်းအဖြစ်၊
၅။ ဂရုဓမ္မ ပဋိဂ္ဂဟဏရဟန်းမ- ဂရုဓမ် ၈-ပါးကို ခံယူသဖြင့် မဟာပဇာပတိ ဂေါတမီ အား ခွင့်ပြုအပ်သော ရဟန်းအဖြစ်။
၆။ ဒူတေနရဟန်းမ- အဍကာသီအမျိုးသမီးအား တမန်သည်မှ တဆင့် ခွင့်ပြုသော ရဟန်းအဖြစ်။
၇။ အဋ္ဌ၀ါစိကာ ရဟန်းမ- ဘိက္ခုသံဃာထံမှာ တစ်ကြိမ်၊ ဘိက္ခုနီသံဃာထံမှာ တစ်ကြိမ် ဥတ္တိစတုတ္ထကံ ပြုရသဖြင့် ဥတ်နှင့် ကမ္မ၀ါစာ ရှစ်ကြိမ် ဖတ်မှ ရဟန်းဖြစ်သော ဘိက္ခုနီများ။
၈။ ဥတ္တိစတုတ္ထကမ္မ၀ါစာဖြင့် ရဟန်းဖြစ်သူ ယခုခေတ် ရဟန်းတော်များ။
ထို ၈-မျိုးတို့တွင် ယခုခေတ်၌ ဥတ္တိစတုတ္ထရဟန်း တစ်မျိုးသာ ရှိနိုင်တော့သည်။

ရဟန်းဖြစ်ရန် အင်္ဂါ ၅-တန်


ယခုအခါ ရဟန်းဖြစ်အောင် ဥတ္တိစတုတ္ထကမ္မ၀ါစာဖြင့် ပြုလုပ်ရသည်၊ ယင်းသို့ ရဟန်းဖြစ်အောင် ပြုလုပ်ခြင်းကိုလည်း ရဟန်းခံသည်ဟု ခေါ်ကြသည်၊ ထိုရဟန်းခံကိစ္စ ပြီးမြောက်စေရန် အင်္ဂါ ၅-ရပ်တို့ကား-
၁။ ရဟန်းလောင်း၏ ပြည့်စုံမှု
၂။ ဥတ်၏ ပြည့်စုံမှု
၃။ ကမ္မ၀ါစာ၏ ပြည့်စုံမှု
၎။ သိမ်၏ ပြည့်စုံမှု
၅။ ရဟန်းခံပေးမည့် သံဃာ့ပရိသတ်၏ ပြည့်စုံမှုတို့ပင်တည်း။


ဤအင်္ဂါ ၅-ရပ် ပြည့်စုံမှ ရဟန်းဖြစ်ခြင်းကြောင့် `ပဉ္စင်္ဂ ´ဟု လည်းကောင်း `ပဉ္စင်း´ ဟု လည်းကောင်း ခေါ်ဝေါ်ကြသည်၊ ထို ပဉ္စင်းကိုပင် လေးစားအပ်သူဖြစ်၍ `ဦး´ တပ်ပြီး `ဦးပဉ္စင်း´ဟုခေါ်ကြသည်၊ တစ်နည်းအားဖြင့်လည်း သီရိလင်္ကာနိုင်ငံ၌ ရဟန်းတော် များကို ဥပသမ္ပန္န- ဟုလည်းကောင်း ဥပသမ်- ဟုလည်းကောင်း ခေါ်သည်၊ ဥပသမ်- ကို သီရိလင်္ကာအသံဖြင့် ဥပစမ်၊ ဥပစမ်း- ဟု ခေါ်သည်၊ မြန်မာအသံဖြင့် ဥပစမ်းကို ဦးပစင်း- ခေါ်ခြင်းလည်း ဖြစ်နိုင်သည်။

ဆက်ပါဦးမည်....................

အရှင်တိလောကာဘိဝံသ (အင်းစိန်)
၁၃၄၆-ခု၊ ကဆုန်လဆုတ် ၁၁-ရက်၊
၂၅၊ ၅၊ ၁၉၈၄၊ သောကြာနေ့။ 

Views: 535

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Gigi Jenner posted blog posts
5 hours ago
Cara Lima posted a blog post
11 hours ago
Profile IconCara Lima and Gigi Jenner joined ရတနာဝါသ ဘုရားကျောင်း 華緬 三寶寺
23 hours ago
Cara Lima posted a blog post
Tuesday

Birthdays

Birthdays Today

Members

© 2021   Created by ukkmaung.   Powered by

Badges  |  Report an Issue  |  Terms of Service