ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

စိုလည်းစို အစိမ်လည်းခံရတဲ့ဘ၀နှယ်

စိုလည်းစို အစိမ်လည်းခံရတဲ့ဘ၀နှယ် 

အပြင်မှ ပြန်ရောက်ရောက်ချင်း TV ခလုတ်ကိုတန်းနှိပ်လိုက်မိသည်။ နာရီကိုကြည့်တော့ နေ့လည် တစ်နာရီခွဲပြီ။ အော် နောက်ကျပြန်ပေ့ါ။ နေ့ခင်းဖက် ၁နာရီမှ ၂ နာရီထိ MRTV4 တွင်လာနေကျ တရားလေး တော်တော်တောင် ရောက်နေပြီပေါ့။


          ပါချုပ်ဆရာတော်၏ အေးဆေးတည်ငြိမ်သော အသံတော်ကို စကြားရပါပြီ။ ရောက်တဲ့ နေရာမှ စနာရပြီပေါ့။ ၀ါဆိုလပြည့်နေ့မှစလို့ ဘုရားဖြစ်တော်စဉ်ကို ခုနှစ်ရက်တိုင် ဟောကြားပေး မယ့် အစီအစဉ်အရ ဒီနေ့ဆို သိဒ္ဓတ္ထမင်းသား တောထွက်ခန်းရောက်ပေါ့။ မှီသမျှ နာလိုက်ရတဲ့ တရားတော်လေးက မိမိတို့အား စမ်းစစ်နိုင်စေဖို့ မီးမောင်းထိုးပြနေပါပြီ။


          “ဘုရားလောင်းရဲ့ သန္တာန်မှာ တစ်ခါမှ မတွေးဘူးတဲ့ အတွေးလေး ၀င်လာပါတယ်………....”
အဲဒါကတော့ သစ်သားသုံးချောင်းနဲ့ ပမာနှိုင်းလို့ တရားအားထုတ်လို့ တရားရနိုင်၊ မရနိုင်ဆိုတဲ့ အနေအထားကို ခုလို ယှဉ်လို့ အတွေးပေါ်လာပါတယ်။


၁။ စိုနေပြီး ရေထဲချထားသော သစ်သား
၂။ စိုတော့စိုတယ်။ ဒါပေမယ့် ကုန်းပေါ်မှာတင်ထားတဲ့သစ်သား
၃။ ခြောက်သွေ့ပြီး ကုန်းပေါ်တင်ထားတဲ့သစ်သား
ဆိုပြီး သစ်သားချောင်း သုံးခုပမာလေး ပေါ်လာပါတယ်။


           တစ်ခုစီပြန်ရှင်းတော့ ရေထဲချထားတယ်ဆိုတာ လက်ရှိကျင်လည်နေတဲ့ အနေအထားက မိသားစုဘ၀မှာနေတယ်။ မိသားစုနဲ့ လုံးလည်လိုက်နေတယ်။ လောကီအာရုံ၊ ကာမဂုဏ်ကြားမှာ ကျင်လည်နေရတယ်။ အဲလိုနေရတဲ့အထဲ စိတ်ကလည်းပဲ ဒီလောကီအာရုံ ကာမဂုဏ်တွေအပေါ် ခင်မင်တွယ်တာတဲ့စိတ်နဲ့ပဲ နေတဲ့လူဟာ တရားအားထုတ်ကြိုးပမ်းတဲ့အခါ ဖြစ်ပေါ်လာတဲ့ ဒုက္ခ အခက်အခဲကို မကျော်လွှားနိုင်ဘူး။ ဆိုလိုတာ စိုလည်းစိုတယ်။ ရေထဲလည်းချထားတယ်။ အဲဒီအတွက် တရားရဖို့ မလွယ်သောပုဂ္ဂိုလ်လို့ ရှင်းပြသွားပါတယ်။


          ဒုတိယတစ်ခုကတော့ စိုတော့စိုတယ်။ ကုန်းပေါ်တင်ထားတယ်တဲ့။ ဆိုလိုတာက နေထိုင်ကျင်လည်နေရတဲ့ဝန်းကျင်က မိသားစုဘ၀မှာမဟုတ်ဘူး။ မိသားစုဘ၀ထဲမှာ မနေဘူး။ အဲဒီအတွက် ကုန်းပေါ်တင်ထားတယ်လို့ ပြောထားတယ်။ ဒါပေမယ့် စိတ်ကကျ ကာမဂုဏ်အာရုံ တွေနဲ့ပဲ ပျော်မွေ့နေတယ်။ ဒါကြောင့် စိုနေတယ်လို့ ဆိုထားပါတယ်။ အဲလိုပုဂ္ဂိုလ်မျိုးဟာလည်း တရားအားထုတ်တဲ့အခါ တရားကို ထိုးထွင်းသိမြင်ဖို့ မဖြစ်နိုင်တော့ဘူးတဲ့။ စိတ်ကိုက ပျော်မွေ့နေ တာသည် ကာမဂုဏ်အာရုံထဲမှာနစ်မွန်းနေတယ်ဆိုတော့ တရားတွေ့ဖို့ အတော်ကို ဝေးသွားပြီပေါ့။
ဆရာတော်ကြီးဟောထားတာတော့ မဖြစ်နိုင်တော့ဘူးလို့ပြောပါတယ်။


          တတိယတစ်ခုကျတော့ ခြောက်သွေ့နေတယ်။ ကုန်းပေါ်မှာလည်းတင်ထားတဲ့ သစ်သား ချောင်းလို့ ပမာနှိုင်းထားတယ်နော်။ သူကျတော့ ရှင်းပါတယ်။ ကုန်းပေါ်တင်ထားလို့ မိသားစုဘ၀ ထဲမှာ မနေဘူး။ နောက်ခြောက်သွေ့နေတယ်လို့ပြောထားတာသည် စိတ်မှာလည်း ကာမဂုဏ် အာရုံကို ခင်မင်တွယ်တာစိတ် မရှိဘူးပေါ့။ မိသားစုဘ၀ထဲလည်းမနေ၊ ကာမဂုဏ်အာရုံတွေအပေါ် လည်းစိတ်ကမတွယ်ဆိုတော့ တရားအားထုတ်တဲ့အခါ အဖြစ်နိုင်ဆုံးပုဂ္ဂိုလ်ပဲပေါ့။


          ကျနော်အဖို့တော့ ဒီတရားကပေးတဲ့ ဥပမာလေးသုံးခုကိုက ထိလှပါပြီ။ ကိုယ့်ကိုယ်ကို ပြန်စမ်းစစ်ကြည့်နေမိပါပြီ။ ကုန်းပေါ်မှာလား? ရေထဲမှာလား? ဆိုတော့ ရေထဲမှာပဲ လက်ရှိ ကျင်လည်နေရတဲ့ဘ၀ဖြစ်နေတယ်နော်။ ဒါဆို နောက်တစ်ချက် ထပ်စစ်ကြည့်ပြန်တော့ စိုနေလား? ခြောက်နေလား?? ဆိုပြန်တော့ အော်….မတွေးရဲစရာပါပဲ။ စိုလွန်းတောင်နေမလားမပြောတတ်။ အင်း ငါ့ဘ၀နှယ် တရားအားထုတ်တဲ့အခါ အကျိုးများစေဖို့ ခြောက်သွေ့ဖို့တော့ အတော်ကြိုးစား ရဦးတော့မှာပါလားရယ်လို့ တွေးမိရင်းပဲ သစ်သားစိုကြီး ရေထဲချထားခံရတာနဲ့မခြားတဲ့ ကျနော့ အဖြစ်ကို သနားကရုဏာသက်မိရင်းသာ သက်ပြင်းရှည်ကြီးချလိုက်မိပါတော့သည်။

မှတ်ချက်။   ။ နာလိုက်ရတဲ့ တရားအား မိမိနားလည်သလိုပြန်လည်ရေးသားလိုက်ရတာမို့ အမှားပါခဲ့သော် ကျနော့၏လိုအပ်ချက်သာ ဖြစ်ပါကြောင်း။
                                                                                                                            စောသဇင်(မန္တလေး)

Views: 85

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service