ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

ရန်ငြိုးဖြေရာ မေတ္တာတိုက်ပွဲ

*ရန်ငြိုးဖြေရာ မေတ္တာတိုက်ပွဲ* 

၁။ ရန်သူရှိလျှင် သို့မဟုတ် တနုံ့နုံ့ တမြေ့မြေ့ စိတ်မကျေချမ်းဖွယ်ရာ ရန်ငြိုးဖွဲ့မိသူ ရှိနေလျှင် အလွန်ချစ်မြတ်နိုးသူ၊ မချစ်မမုန်း အလယ်အလတ်စား ရှိသူများအပေါ် မေတ္တာဈာဉ်စိတ် (အနည်းဆုံး ဥပစာရသမာဓိ) ဖြစ်ပေါ်အောင် တစ်ဦးချင်း ပွားများနေရ၏။ ပြီးမှ ရန်သူကို ပွားရသည်။


အကယ်၍ မေတ္တာပွားနေဆဲ ဒေါသ အာဃာတစိတ် ၀င်နှောက်လာခဲ့လျှင် ရှေးပုဂ္ဂိုလ်များ အပေါ် ပြန်၍ပွားရသည်။ မနိုင်လျှင် ရှေ့မတက်ရ၊ မိမိဒေါသကို မနိုင်မချင်း တိုက်ရသော မေတ္တာတိုက်ပွဲ ဖြစ်၏။ ဤနည်းဖြင့် မနိုင်လျှင် အောက်ပါအတိုင်း ဆက်လက် ဆင်ခြင်ပါ။

 

သင် ဘုရားစကား နားထောင်သူလား

 

၂။ “လောကမှာလည်း ချမ်းသာ၊ သံသရာ လွတ်မြောက်မှုကိုလည်း ရှာနေပါသည် ဆိုသော အိုယောဂီ၊ “ခိုးသားဓားပြ လူဆိုးများက အစွန်းနှစ်ဘက် အရိုးတပ်ထားသော ငါးမန်းစွယ်လွှဖြင့် တိုက်ဖြတ် ခံရသော်လည်း စိတ်မဆိုးရ၊ ထိုသူအပေါ် အမျက်မထွက်ရ၊ စိတ်ဆိုးစိတ်ပျက် အမျက်ထွက်သေးလျှင် ထိုယောဂီဟာ ငါဘုရားစကားကို နားထောင်သူ မဟုတ်တော့ဘူး” လို့ ဟောခဲ့တယ် မဟုတ်လား၊ ဒါတင်မက-

 

အရင်လူထက် နောက်လူမိုက်


၃။ “ပထမ အမျက်ထွက်သူကို တုံ့ပြန်၍ အမျက်ထွက်လျှင် ပထမလူထက် ယုတ်မာတဲ့သူ ဖြစ်သွားပြီ။ တုံ့ပြန် အမျက်မထွက်ဘဲ သည်းခံနိုင်မှ အောင်နိုင်ခဲသော စစ်ပွဲ (ကိလေသာစစ်ပွဲ) ကို အောင်နိုင်မယ်” လို့လည်း ဟောတော်မူခဲ့တယ်။ အမျက်ထွက်တာ အကျိုးယုတ်မှန်း သင်မြင်နေရပါလျက် ထိုလမ်းစဉ်ကိုပဲ သင်ထပ်ပြီး လိုက်နေပြန်ပြီ။

ပြည်သူ့အကျိုး ကိုယ့်အကျိုး


၎။ သူတစ်ပါး အမျက်ထွက်၍ လက်တွေ့ ဆင်းရဲပူပန်ရသည်ကို သိတဲ့သူဟာ အမျက်မထွက်ဘဲ ချက်ချင်းစိတ်ကို နိုင်အောင် ထိန်းလိုက်နိုင်လျှင် ငြိမ်းချမ်းစွာ နေရရုံမျှမက တစ်ဘက်သား အကျိုးကိုပါ ကျင့်ဆောင်သည် မည်သတဲ့။ (မိမိ သူတစ်ပါး နှစ်ဦးသား အကျိုးရှိအောင် လုပ်လိုသူလို့ ခေါ်သတဲ့။)

 

စိတ်ဆိုးလျှင် ရုပ်ဆိုး


၅။ အိုယောဂီ.. ဒေါသထွက်နေတဲ့ လူဟာ (၁) အရုပ်ဆိုးလာတယ်၊ (၂) ချမ်းချမ်းသာသာ မအိပ်ရ မနေရဘူး၊ (၃) အကျိုးစီးပွားလည်း ပျက်တယ်၊ (၄) စည်းစိမ်ဥစ္စာ ယုတ်လျော့တယ်၊ (၅) မြွေဆိုးနား မကပ်ရဲသလို ဒေါသကြီးသူမှာ အခြွေအရံလည်း မရှိဘူး၊ (၆) မိတ်ကောင်း ဆွေကောင်း မရှိဘူး၊ (၇) သေတဲ့နောက် သုဂတိဘ၀ကို မရ၊ အပါယ်လေးပါးသို့ ကျတတ်တယ်။

အိုယောဂီ.. ဒါတွေဟာ သင့်ရန်သူက သင့်ကို ဖြစ်စေချင်နေတဲ့ ဟာတွေချည်းပဲ၊ သင်ဟာ သင့်ရန်သူ အကြိုက်ကိုချည်း လျှောက်ပြီး လုပ်နေသလို ဖြစ်နေပါပကောလား။ သင့်အပေါ် ရန်သူက လုပ်ရမယ့် အလုပ်တွေကို ရန်သူအကြိုက် သင့်ဟာသင် လိုက်ပါလုပ်နေရာ မရောက်ပါလား။

 

ထင်းကုလားတုံး အသုံးမကျ


၆။ အိုယောဂီ.. သူသေကောင် မီးဖုတ်ရာ၌ ထိုးဆွတဲ့ သံစူးဝါး ထင်းကုလားတုံးဟာ အိမ်ဆောက်ဖို့၊ မီးဆိုက်ဖို့ တောရောအိမ်ပါ ဘာမှ အသုံးမ၀င်တော့ သလို အလိုရမ္မက်နှင့် အမျက်ဒေါသကြီးတဲ့ ယောဂီဟာ ကာမဂုဏ် ခံစားမှုကိုလည်း မရ၊ အကျင့်ဓမ္မလည်း ဆုံးရှုံး ထင်းကုလားတုံးပဲ လို့လည်း ဟောတော်မူခဲ့တယ်။

အိုယောဂီ.. သင်ဟာ ဘုရားစကားကို မလိုက်နာသူ၊ ပထမ ဒေါသထွက်သူထက် ပို၍ယုတ်မာကာ အောင်ပွဲမရသူ၊ ရန်သူအကြိုက် ခုရောနောင်ပါ ကိုယ့်ကိုယ်ကို နစ်နာ ဆုံးရှုံးအောင် လုပ်သူ ထင်းကုလားတုံးလိုလူ ဖြစ်နေပြီ။”

ဤသို့ စသည်ဖြင့် ဘုရားဟော ဒေသနာ စာပေကျမ်းဂန် အရလည်း ဆင်ခြင်၍ ဒေါသကို ရှောင်ကြဉ်ရ၏။ အရိယာ သူတော်ကောင်းကြီးများ ပြောဆို ဆုံးမချက်များကို အောက်မေ့၍လည်း ဆင်ခြင်ရ၏။ ဤနေရာ၌ အရှင်သာရိ ပုတ္တရာ၏ ရန်ငြိုးဖြေနည်းကိုလည်း မှတ်သားသင့်သည်။

 

ကောင်းကွက်ကလေးများကို ရှာကြည့်
အရှင်သာရိပုတ္တရာ ရန်ငြိုးဖြေနည်း


၇။ ရန်ငြိုးဖြေဖျောက်နည်းနှင့် စပ်၍ အရှင်သာရိ ပုတ္တရာက ရဟန်းများကို ဟောကြားဖူး၏။ “အင်္ဂုတ္ထိုရ် ပဉ္စကနိပါတ် ဒုတိယ အာဃာတ ပဋိဝိနယသုတ်” ဟု ခေါ်၏။ အတိုချုပ် ဆိုလိုချက်မှာ အောက်ပါအတိုင်း ဖြစ်သည်။

လောက၌ ရန်ငြိုးထားမိသော ပုဂ္ဂိုလ်ကို ငါးမျိုးငါးစားခွဲခြား၍ ပုဂ္ဂိုလ်အလိုက် “ဆိုးတာကို မေ့ဖျောက်လျက် ကောင်းကွက်ကလေး များကိုသာ ရှာကြံနှလုံးသွင်း၍ ဖြေဖျောက်ရသောနည်း” ဖြစ်သည်။ လူတိုင်း၌ အဆိုးရှိသကဲ့သို့ အကောင်းကလေးများလည်း ရှိမြဲပင်။

(၁) အချို့ရန်သူမှာ ကိုယ်အမူအယာ ယုတ်သော်လည်း နှုတ်ကောင်း၏။ (ကာယကံ ဒုစရိုက် ပြုသော်လည်း ၀စီသုစရိုက် ကျင့်သူဖြစ်၏။) ပံ့သကူ အ၀တ်စုတ်ကို သင်္ကန်းချုပ်ရန် ကောက်ယူသော ရဟန်းသည် အညစ်အထေး အဆွေးအမြေ့နေရာကို ဖြတ်ပယ်၍ အကောင်းကလေးများ ကိုသာ ရွေးချယ် ချုပ်စပ်ရသကဲ့သို့ ထိုသူ၏ ရိုင်းပြသော ကိုယ်အမူအကျင့်ကို မေ့ဖျောက်ကာ ၀စီကံ စင်ကြယ်မှုကိုသာ ကြည့်ရှု ၀မ်းမြောက်၍ နေရမည်။

(၂) နှုတ်ရိုင်း၍ ကိုယ်ယဉ်ကျေးသူမျိုး အပေါ်၌လည်း ခရီးပန်း ရေဆာနေသူအတွက် မှော်သေး မှော်မှိုက်များရှိသော ရေကန်ကို တွေ့လျှင် မှော်ရေညှိများကို ဖယ်ကာဖယ်ကာ ရေကိုသာ လက်ခုပ်ဖြင့် သောက်ရသကဲ့သို့ ကောင်းကွက်ကိုသာ ရှု၍ ဖြေဖျောက်ရမည်။ (အပြောက သူ့ဝသီမို့ အပေါက်ဆိုးပေမယ့် သူ့ လုပ်ဆောင်ချက်ကတော့ ကောင်းပါတယ်.. စသည်)

(၃) အချို့သူမှာ ကိုယ်ရော နှုတ်ပါ ရိုင်းပြသော်လည်း ထိုသူနှင့်စပ်၍ ရံခါ ၀ိပဿနာ အခွင့်အလမ်းနှင့် စိတ်ချမ်းမြေ့မှုကို ရတတ်သော အလှည့် ရှိတတ်သေး၏။ ထိုသူမျိုး အပေါ်၌ နွေအခါ ခရီးပန်း ရေဆာနေသူအတွက် နွားခြေရာခွက်ထဲက ရေသည်ပင် အကျိုးပြုတတ်သကဲ့သို့ သဘောထားရသေးသည်။ ထိုနွားခြေရာခွက်ထဲက ရေကို လက်ခုပ်ဖြင့်၊ ခွက်ဖြင့် ခပ်ယူလျှင် နောက်ကျိသွားနိုင်၏။ လေးဘက်ထောက်၍ သောက်တတ်ပါလျှင် မွတ်သိပ်မှု ပြေပျောက်နိုင် သကဲ့သို့ ထိုသူ၏ ကိုယ်နှုတ် ရိုင်းပြမှုကို မေ့ဖျောက်ကာ သူ့ကို အကြောင်းပြု၍ ရရှိသော ၀ိပဿနာ အခွင့်အလမ်းနှင့် စိတ်ချမ်းမြေ့မှု ကလေးကိုသာ အာရုံပြုပြီး ကျေနပ်ရမည်။

(၄) ကိုယ်နှုတ်လည်း ရိုင်းပြ၊ နွားခြေရာခွက်ထဲက ရေလောက်မှ ကျေးဇူးမရှိ၊ ၀ိပဿနာ အခွင့်အလမ်းနှင့် စိတ်ချမ်းမြေ့ဖွယ်ရာ တစ်ကွက်မှ ရှာမတွေ့သော သူမျိုးလည်း ရှိပေသေး၏။

ထိုလူမျိုးအပေါ်၌ အနာရောဂါကြီး နှိပ်စက်၍ ကူဖော်လောင်ဖက်မရှိ၊ အစာရေစာ ဆေးဝါးမရှိ၊ ရွာဆက်ဝေးသော ခရီးအကြား ဒုက္ခကြီးစွာဖြင့် ခရီးသွားနေရသော လူ့ဒုက္ခိတကို မြင်တွေ့ရသော အခါ မိမိလည်း ဘာမှမတတ်နိုင်၊ သနားစိတ်ကိုသာ မွေးမြူရသကဲ့သို့ “ဒုစရိုက်ဖယ်ရှားကာ သုစရိုက်တရား ကျင့်ပွားနိုင်ပါစေ၊ အပါယ်ငရဲ လွတ်ပါစေ” ဟုသာ ကောင်းကွက်ကို ရှာမရသဖြင့် ကရုဏာကိုသာ ပွားနေရမည်။

(၅) ကိုယ်နှုတ်ယဉ်ကျေး၊ ၀ိပဿနာ အခွင့်အရေးနှင့် စိတ်အေးချမ်းမှုရသော ပုဂ္ဂိုလ်မျိုး အပေါ်၌ကား နွေအခါ ရေဆာခရီးပန်းသူ ရေကန်အသင့် ကြာအသင့် တွေ့ရသကဲ့သို့ အကောင်းတွေကိုချည်း ဆင်ခြင်အောက်မေ့ကာ ရန်ငြိုးကို လွယ်ကူစွာ ဖြေဖျောက်နိုင်ရမည်။

 

ကံတရားကို ဆင်ခြင်


၈။ အထက်ပါအတိုင်း ဆင်ခြင်၍မှ မပြေပျောက်သေးလျှင် ကံ, ကံ၏အကျိုးကို ဆင်ခြင်ရမည်။

“အိုယောဂီ၊ သတ္တ၀ါမှန်သမျှ ကိုယ်ပြုတဲ့ ကံတရားအတိုင်းသာ ခံကြ စံကြရတယ်၊ သူက သင့်အပေါ်ပြုလို့ သင့်မှာ မခံရ၊ မစံရဘူး၊ သူ့ထိုက်နဲ့ သူ့ကံသာ ရှိပါစေ၊ အကုသိုလ်ဟာ အလွန် ကြောက်စရာ ကောင်းတယ်၊ သင်ဟာ ကံ, ကံ၏ အကျိုးကို သိပါလျက် အလွန် တာဝန်ကြီးလှတဲ့ ဒေါသကြီးကို လက်မခံသင့်ဘူး။”

“သူတစ်ပါးကို နှိပ်စက်ပုတ်ခတ်ရန် မီးကျီခဲနှင့် မစင်ကို ကိုယ်ယူမိတဲ့ သူဟာ သူတစ်ပါးကို မနှိပ်စက်ရခင် ပထမဆုံး မိမိမှာ ပူလောင် ညစ်ပေစေသလို ကိုယ့်ဒေါသကပဲ ကိုယ့်ကို အရင်ဆုံး ဒုက္ခပေးနေပြီ၊ လေအောက်ကနေပြီး လေညာကလူကို သဲနဲ့ ဖုံနဲ့ ပက်သလို မလုပ်သင့်ဘူး။”

ဤသို့ စသည်ဖြင့် ဒေါသ၏ အပြစ်များကို ကြားနာ ဖတ်ရှုဖူးသမျှ၊ တွေ့မြင်ဖူးသမျှ ဆင်ခြင်၍ ဒေါသ မထွက်မိအောင် စိတ်ကို ထိန်းနိုင်ရ၏။ လေ့ကျင့်ရ၏။ ဒေါသ ဖြစ်စရာကို ရှောင်တန် ရှောင်သွားရ၏။

တစ်စုံတစ်ခုသော တရားလေ့ကျင့်နည်း လက်ကိုင် ရှိလျှင်ကား အလွယ်တကူပင် ကျော်လွန်အောင် ရှုမှတ်ပစ်ရလေသည်။ ယောဂီများအတွက် မခက်ခဲတတ်။ ထို့ကြောင့် ကမ္မဋ္ဌာန်း ရှုပွားနေသော ယောဂီများ မေတ္တာကို လေ့ကျင့်လျှင် ပို၍ လွယ်ကူထမြောက် ခရီးပေါက် မြန်ကြလေသည်။


၁၉၈၇၊ ဇန်န၀ါရီလထုတ် ဓမ္မာစရိယဦးဌေးလှိုင် ရေးသားသော မေတ္တာဝါဒ (ဗြဟ္မ၀ိဟာရအဖွင့်) စာမျက်နှာ ၂၆၄ မှ ၂၆၈ ထိ။

လေးစားစွာဖြင့်
ဖိုးသား

 

Views: 109

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

There are no birthdays today

Members

© 2021   Created by ukkmaung.   Powered by

Badges  |  Report an Issue  |  Terms of Service