ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

သုဂတိလက်မှတ်ဝယ်ထားကြသူများ

သုဂတိလက်မှတ်ဝယ်ထားကြသူများ

 

သတ္တ၀ါများရောက်နေရသည့် ဘုံဘ၀ ဖြစ်နေရသည့် ဘုံဘ၀ကို ဂတိဟုခေါ်သည်။ ထိုဂတိသည် မကောင်းသော ဒုဂ္ဂတိ၊ ကောင်းသော သုဂတိဟုနှစ်မျိုးရှိသည်။ အပါယ် (၄) ဘုံကို ဒုဂ္ဂတိခေါ်၍ လူ့ဘုံ၊ နတ်ဘုံ ဗြဟ္မဘုံကိုသုဂတိဟုခေါ်သည်။ အပါယ်(၄)ဘုံသည် လူ နတ် ဗြဟ္မာတို့ကို ထောက်သော် စား ၀တ် နေရေးများ အောက်တန်းကျသောကြောင့်လည်းကောင်း ရောက်နေချိန်မှာ မဂ် ဖိုလ် နိဗ္ဗာန်ကို ရနိုင်ခွင့် မရှိသောကြောင့်လည်းကောင်း၊ ကောင်းမှု ကုသိုလ်တို့ကို ပြုလုပ်ခွင့်နည်းပါးသောကြောင့်လည်းကောင်း အောက်တန်းကျသောဘ၀များ ဖြစ်သဖြင့် ဒုဂ္ဂတိအမည်ရကြသည်။


လူ့ဘုံ၊ နတ်ဘုံ၊ ဗြဟ္မာဘုံတို့ကား အပါယ် (၄)ဘုံကိုထောက်၍ အရာရာမှာပြည့်စုံသော ဘ၀များ ဖြစ်သောကြောင့်လည်းကောင်း၊ မဂ် ဖိုလ် နိဗ္ဗာန်ကို ရယူနိုင်ခွင့်ရှိသောကြောင့်လည်းကောင်း ကုသိုလ်ကောင်းမှုအားလုံးကို ပြုလုပ်နိုင်ခွင့် ရယူနိုင်သောကြောင့်လည်းကောင်း အဆင့်မြင့်သော ဘ၀များဖြစ်သဖြင့် သုဂတိအမည်ရကြသည်။

ဒုဂ္ဂတိဘုံသည် ဒုစရိုက်သမားတို့၏ ကျင်လည်ရာဘုံဖြစ်သည်။ ဒုစရိုက်လုပ်ငန်းများသည် ဒုဂ္ဂတိ ဘ၀များသို့ရောက်အောင် ပို့နိုင်သော ဒုဂ္ဂတိလက်မှတ်များဖြစ်သည်။ ဤဒုဂ္ဂတိ သုဂတိ လက်မှတ် နှစ်မျိုးတွင် မိမိတို့ဝယ်ယူနေသည့် လက်မှတ်များသည် မည်သည့်  ဂတိသို့ပို့ပေးမည့် လက်မှတ်များ ဖြစ်နေသည် ဆိုတာကို မိမိကိုယ်တိုင်သာဆုံးဖြတ်ပိုင်ခွင့် ရှိသည်။ မိမိကိုယ်တိုင် ဆုံးဖြတ်နိုင်သည့် အသိပညာမှန်ကိုသာ ရှေးရှုဦးတည်၍ လမ်းစအနည်းငယ်မျှတင်ပြပါသည်။

၁။ အပိုလာဘ်မစားဘဲ အများအကျိုးကိုသာ သယ်ပိုးသူများ။
၂။ ၀ယ်ယူစားသုံးသူများ မနစ်နာရအောင် မှန်ကန်စွာစီးပွားရှာကြသူများ။
၃။ သူတစ်ပါးကို ဒုက္ခရောက်စေသည့် ပညာပြ နှိပ်စက်နည်းကို မသုံးသည့်သူများ။
၎။ ကျေးဇူးကန်းသည့် အလုပ်မျိုးမလုပ်ဘဲ တုံ့ပြန်ကျေးဇူးဆပ်တတ်သူများ။
၅။ မိဘ ဆရာ ရဟန်း သံဃာတော်များအား ရိုသေလေးစားတတ်ကြသူများ။
၆။ ငါးပါးသီလကို လုံခြုံအောင် ထိန်းသိမ်း ကျင့်သုံးသူများ။
၇။ စွန့်ကြဲ ပေးကမ်း လှူဒါန်းရေး၌ ၀ါသနာပါသူများ။
၈။ အပြစ်ရှိသောလုပ်ငန်းများ ပြုလုပ်ရာမှာ ရှက်တတ်ကြောက်တတ်သူများ။
၉။ သတ္တ၀ါအားလုံးအပေါ်၌ ကိုယ်ချင်းစာစိတ် မျှတစိတ်ထားကြသူများ။
၁၀။ အချုပ်အားဖြင့် ကုသိုလ်သုစရိုက်လုပ်ငန်းများ စုဆောင်းနေသူများ။

အချိန်ရှိသမျှ ကုသိုလ်ရဖို့အရေးကိုသာ အာရုံစိုက်၍ ကုသိုလ်ရှာနေကြသူများသည် သုဂတိ လက်မှတ် လက်ဝယ်နေသူများဖြစ်သည်။ ပိဋကကျမ်းစာများက ကောင်းမှုကုသိုလ်ကို ရယူနေသူ များသည် ကောင်းကျိုးပေးမည့် သုစရိုက်လုပ်ငန်းများကို ပြုနေသောကြောင့် မိမိ၏အကျိုးစီးပွားကို ရယူနေကြသူများဖြစ်သည်။ သုဂတိဘုံသို့ရောက်မည့်သူများဖြစ်သည်။ ပိတ်နေသောသုဂတိဘ၀ တံခါးကို ဖွင့်ရန် သော့ရထားသူများ ဖြစ်သည်ဟု အတိအကျဖွင့်ပြထားသည်။

လူ့ဘုံ၊ နတ်ဘုံ၊ ဗြဟ္မာဘုံ


၁။ လူ့ဘုံ။ ။ လူတို့နေရာဖြစ်သောဘုံကိုလူ့ဘုံ ဟုခေါ်သည်။ ပိဋကတ်ကျမ်းစာများ၌လူ့ဘုံကို မနုဿဘူမိ ဟုပြဆိုထားသည်။ မနုဿ = ပါဠိစကား၏အနက်အဓိပ္ပါယ်ကိုလည်း အောက်ပါအတိုင်း ပါဠိနည်းအရဟောပြချက်နှင့်လျော်ညီစွာဖွင့်ပြလေသည်။
က။ ကုသိုလ်မှန်း၊ အကုသိုလ်မှန်းကိုခွဲခြားပြီး သိနားလည်သူမှ လူ = မနုဿ။
ခ။ အကြောင်းအရာမှန်သမျှကိုဆင်ခြင်တိုင်းထွာတတ်မှ လူ = မနုဿ။
ဂ။ အပြစ်ကင်းမကင်း၊ အကျိုးရှိမရှိကိုခွဲခြားသိတတ်မှ လူ = မနုဿ။
ဃ။ အလုပ်ကိစ္စဆောင်ရွက်ရာမှာ ထက်မြက်သောစိတ်မျိုးရှိမှ လူ = မနုဿ။

မိမိရထားသော လူ့ဘ၀၏တန်ဖိုးရှိပုံမြင့်မြတ်ပုံကို သိနားလည်တတ်သောဉာဏ်ရှိသူတိုင်းသည် လူဟူသော စကားလုံး၏အနက်အဓိပ္ပါယ်တို့ကို အထူးစဉ်းစားထိုက်ပေသည်။ လူတွေထဲမှာ လူရယ်လို့ဖြစ်ခဲ့ရလို့ လူလို့ငါ့ကိုခေါ်နေကြတာလား။ ဖော်ပြထားတဲ့အနက်အဓိပ္ပါယ်နဲ့ ပြည့်စုံသူ ဖြစ်လို့ လူလို့ခေါ်ကြတာလားလို့ သုံးသပ်သင့်ပါသည်။ ဖြစ်ရဦးမည့်ဘ၀များကို ပြတ်အောင် ဖြတ်နိုင်သောတရားကို ရေသေးသမျှဖြတ်ကျော်ရမည့်ဘ၀တွေ ငါ့မှာရှိနေသေးကလားဟု အသိ တရား ၀င်လာခဲ့လျှင် သုဂတိဘ၀ကူးလက်မှတ်ကို ၀ယ်ယူသူတစ်ယောက်ဖြစ်နိုင်သည်။ ဒုဂ္ဂတိဘ၀၏ဆင်းရဲမျိုးစုံကို အမှန်သိနားလည်သူသည် အပါယ်လက်မှတ်ကို ၀ယ်လိုစိတ်မရှိနိုင်ပါ။ သုဂတိလက်မှတ်ကား ကုသိုလ်သုစရိုက်များတည်း။ အပါယ်လက်မှတ်ကား အကုသိုလ် ဒုစရိုက်များတည်း။

၂။ နတ်ဘုံ ။ ။ လူတွေခံစားတွေ့ကြုံအပ်သော လူ့စည်းစိမ်။ လူ့ကာမဂုဏ်အာရုံတို့ထက် အရာရာမှာ သာလွန်တောက်ပြောင် မြင့်မားသော ကုသိုလ်ကံအဟုန်ကြောင့် ဘွားခနဲ ကိုယ်ထင်ရှား ဖြစ်ကြရသော နတ်တို့၏ နေရာဘုံတို့ကို နတ်ဘုံဟုခေါ်သည်။ နေရေးအတွက်နေစရာဗိမာန်ကို ကံကပင်ဖန်တီးပေးသည်။ စားရေးအတွက်နတ်သုဒ္ဓါကို ကံကပင်စီမံပေးသည်။ ၀တ်ရေးအတွက် အဆင်တန်ဆာမှန်သမျှကို ကံကပင် စီမံပေးသည်။ နတ်သားများ အသက်နှစ်ဆယ်အရွယ် နတ်သမီးများ အသက်တစ်ဆယ့်ခြောက်နှစ်အရွယ် ပင်ကိုယ်အလှမပျက် ၀တ်ဆင်ထားသော အ၀တ်များ၊ ပန်ဆင်ထားသောပန်းများမညှိုးမနွမ်း အမြဲတမ်း လန်းဆန်းတောက်ပြောင်လျက်ပင် ရှိကြသည်။

၃။ ဗြဟ္မာ့ဘုံ ။ ။ ဈာန် အဘိညာဉ်ကို ရကြသူများဖြစ်သဖြင့် အသက်တမ်းရှည်ကြာစွာ ချမ်းချမ်းသာသာ နေရခြင်းစသော ထူးခြားသောဂုဏ်များဖြင့် လူတွေ နတ်တွေထက် အဆင့်အတန်း ကြီးကျယ်မြင့်မြတ်သောသူများကို ဗြဟ္မာဟုခေါ်သည်။ ထိုဗြဟ္မာတို့၏နေရာဘုံသည် ဗြဟ္မာ့ဘုံ မည်၏။ ဗြဟ္မာတို့၏ဗိမာန် ပဒေသာပင် ဥယျာဉ်စသော အသုံးအဆောင်များကား နတ်တို့ထက် အဆပေါင်းများစွာ ခမ်းနားကြီးကျယ်လှသည်။ ဗြဟ္မာ့ဘုံသို့ဈာန်ကို ရထားသူများမှ ရောက်နိုင်သည်။ လူတွေ နတ်တွေကဲ့သို့ အစားအစာကိုစားသုံး၍ အသက်ရှည်ကြသည်မဟုတ်။ ဈာန်သမာပတ်တို့ကို ၀င်စား၍ မေတ္တာ၊ ကရုဏာ၊ မုဒိတာ၊ ဥပေက္ခာခေါ် ဗြဟ္မ၀ိဟာရတရားများကို အချိန်ရှိသမျှ ပွားများလျက် ဖြစ်ပေါ်လာသော ကျေနပ်မှုပီတိဖြင့်သာ နေကြရသည်။


ဗြဟ္မ၀ိဟာရတရားဟူသည် ဈာန်သမာပတ်ကိုရပြီးသော ဗြဟ္မာတို့၏ နေကြောင်းတရားများ ဖြစ်သည်။ ဗြဟ္မာ့ဝိဟာရတရားတို့ကိုသာ အချိန်ပြည် ပွားများအားထုတ်နေကြသော ဗြဟ္မာကြီး များသည် ကိလေသာအပူ ကင်းစင်ပြီးသော ယောဂီပုဂ္ဂိုလ်ကြီးများကဲ့သို့ အလွန်သန့်ရှင်း စင်ကြယ်စွာ နေကြပေသည်။ ဗြဟ္မာကြီးများသည် ကမ္ဘာနှင့်ချီ၍ အသက်တမ်းရှည်ကြာကြသည်။

ချမ်းသာသုံးမျိုးနှင့်ကုသိုလ်ကောင်းမှု
ထေရ၀ါဒပိဋကတ်ကျမ်းစာများ၌ ချမ်းသာသုခကို အောက်ပါအတိုင်းသုံးမျိုးဟုဖော်ပြထားသည်။
၁။ လူချမ်းသာ ။ လူဖြစ်ရခြင်း၊ လူ့စည်းစိမ်ကို ခံစားရခြင်း။
၂။ နတ်ချမ်းသာ = နတ်ဖြစ်ရခြင်း၊ ဗြဟ္မာဖြစ်ရခြင်း၊ နတ်စည်းစိမ်ကိုခံစားရခြင်း။
၃။ နိဗ္ဗာန်ချမ်းသာ = ဘ၀ဒုက္ခအားလုံးချုပ်ငြိမ်းခြင်း ( သန္တိသုခ )။


ဤချမ်းသာများကို ကောင်းမှုကုသိုလ်ပြုသူစုဆောင်းသူများသာ ရနိုင်သည်။ သုဂတိဘုံများ၌သာ ဤချမ်းသာများရှိသည်။ မကောင်းမှု အကုသိုလ်ဒုစရိုက်သမားများသည် ဘ၀အဆက်ဆက်၌ ဤချမ်းသာမှ အလွန်ကွာဝေးကြပေသည်။ ဗုဒ္ဓမြတ်စွာ၏တရားတော်အရ ဘ၀ထဲမှာ ကျင်လည် နေကြရသော သတ္တ၀ါများသည် လက်ရှိပစ္စုပ္ပန်ဘ၀တစ်ခုထဲမှာ ကိစ္စပြီးဆုံးနိုင်သည်မဟုတ်။ နောက်နောင် ဘ၀ဆက်တွေ အများအပြားရှိနေပေသည်။

 

နောက်ဘ၀တွေမှာ ချမ်းသာသုခ ရဖို့အာမခံ ပေးနိုင်သည်မှာ မိမိပြုအပ်သော ကုသိုလ်များ သာဖြစ်သည်။ ဖော်ပြခဲ့သော ချမ်းသာကို ရယူလိုပါက ကုသိုလ်သုစရိုက်ဖြင့်ပင်ရယူနိုင်သည်။ ပစ္စည်းဥစ္စာ၊ ငွေကြေးပိုက်ဆံ၊ လက်နက်အင် အား အခြွေအရံများဖြင့် ရအောင်ယူလို့မရနိုင်။ ဤသဘောတရားများကို အဓိဋ္ဌာန်ကျကျနား လည်အောင် ဆင်ခြင်ရမှာက မိမိတာဝန်သာ ဖြစ်ပါသည်။ ဤအကြောင်းအရာများကား ပိဋကတ် စာပေလာအကြောင်းအရာများသာ ဖြစ်ပါသည်။

သုဂတိလက်မှတ်များကို ၀ယ်ယူနိုင်ကြပါစေ။
ပါဠိဂုဏ်ထူး - ဦးအောင်ခိုင် (န-ပ-သ၊ ဘိ-တွဲပါမောက္ခ)
အပ္ပမာဒ ဓမ္မရသမဂ္ဂဇင်း ၂၀၀၂ခုနှစ်၊ ဒီဇင်ဘာလ။

Views: 131

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Birthdays

Birthdays Today

Members

© 2021   Created by ukkmaung.   Powered by

Badges  |  Report an Issue  |  Terms of Service