ရတနာဝါသ ဘုရားကျောင်း 華緬 三寶寺

Chong Li, Taiwan R.O.C

သာသနာ့ကျေးဇူးရှင်များ

သာသနာ့ကျေးဇူးရှင်များ

ဗုဒ္ဓဘာသာအခမ်းအနားတိုင်းလိုလိုမှာ အခမ်းအနားအပြီးတွင် 'ဗုဒ္ဓသာသနံ စိရံ တိဋ္ဌတု'  ဟူသော ဆုတောင်းစကားကို ရွတ်ဆိုဆုတောင်းလေ့ရှိကြ၏။ မြတ်ဗုဒ္ဓ၏သာသနာတော် အရှည်တည် တံ့ပါစေ-ဟုဆိုလိုသည်။ သို့ရာတွင် ထို့သို့ဆုတောင်းနေရုံဖြင့် မြတ်ဗုဒ္ဓသာသနာတော်သည် အရှည် တည်တံ့နေမည်မဟုတ်ပါ။ ဆုတောင်းသူများမှာသာ ကုသိုလ်ဆန္ဒဖြစ်ရုံမျှ ဖြစ်ပါလိမ့်မည်။ တည်တံ့ အောင် တကယ်ကြိုးစားအားထုတ်မှ တည်တံ့ပါလိမ့်မည်။ တည်တံ့အောင် ကြိုးစားအားထုတ်နိုင်ဖို့ အတွက် ဆုတောင်းစကားပါ ' မြတ်ဗုဒ္ဓသာသနာ'ဆိုသည်ကို သေချာစွာ သိနားလည်ကြဖို့လိုအပ်ပေ သည်။
         မြတ်ဗုဒ္ဓသာသနာတော်သည် ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာဟု သုံးမျိုးရှိ၏။ ပိဋကသုံးပုံတရားတော်များက ပရိယတ္တိသာသနာ၊ဓုတင်၁၃-ပါးစသောကမ္မဋ္ဌာန်းဘာဝနာ ကျင့်စဉ်များက ပဋိပတ္တိသာသနာ၊ မဂ်ဖိုလ်တို့က ပဋိဝေဓသာသနာဖြစ်၏။ ပရိယတ္တိနှင့်ပဋိပတ္တိကို အကြောင်းသာသနာ အကျိုးသာသနာခေါ်ရ၏။ ထိုသုံးမျိုးအနက် မည်သည့်သာသနာကပို၍ အရေး ပါသနည်း၊ မည်သည့်သာသနာအရှည်တည်တံ့အောင် ပိုမိုကြိုးစားသင့်သနည်းဆိုသည်ကို ရှေးအခါ ကပင် စိစစ်ကြည့်ခဲ့ကြ၏။ ပဋိဝေဓမှာ အကျိုးသာသနာဖြစ်၍ သူ့ကိုတည်တံ့အောင်ကြိုးစားဖို့မလို၊ အကြောင်းသာသနာနှစ်ရပ်ကိုသာ ကြည့်ကြဖို့လိုသည်။

         အကြောင်းသာသနာနှစ်ရပ်တွင် ပရိယတ္တိသာသနာကသာ ပို၍အရေးပါသည်ဟု ပရိယတ္တိ ၀န်ဆောင်ဆရာတော်များက မိန့်ဆိုကြသည်။ သူတို့၏အကိုးအကားပါဠိမှာ ' ယော ဝေါ အာနန္ဒ မယာ ဓမ္မောစ ၀ိနယောစ ဒေသိတော ပညတ္တော၊ သော ဝေါ မမစ္စယေန သတ္ထာ( ချစ်သားအာနန္ဒာ ငါဘုရား ဟောကြား ပညတ်ခဲ့သော သုတ်၊ ၀ိနည်း၊ အဘိဓမ္မာတရားတော်များသည် ငါဘုရားမရှိတော့သည့် နောက် သင်တို့၏ဆရာများ ဖြစ်ရစ်ကြလိမ့်မည်)' ဟူသော သုတ်မဟာဝါပါဠိတော်စကားနှင့် ' သုတ္တန္တေ ရက္ခိတေ ဘန္တေ ပဋိပတ္တိ ဟောတိ ရက္ခိတာ၊ ပဋိပတ္တိယံ ဌိတော ဓီရော ယောဂက္ခေမာ န ဓံသတိ( ပရိယတ္တိကို မကွယ်ပအောင် စောင့်ရှောက်ထားလျှင် ပဋိပတ္တိကိုလည်း စောင့်ရှောက်ပြီးသား ဖြစ်တော့ သည်၊ မှန်ကန်သောကျင့်စဉ် ပဋိပတ္တိ၌တည်သောပုဂ္ဂိုလ်သည် ယောဂလေးပါးကုန်ရာ နိဗ္ဗာန်မှ လျော ကျလိမ့်မည်မဟုတ်)' ဟူသော သာသနာထိပ်ခေါင်တင်ရှေးဆရာတော်ဘုရားကြီးများ၏ မိန့်စကားတို့ ဖြစ်သည်။

         ပဋပတ္တိဝန်ဆောင်ဆရာတော်များကလည်း ' ဣမေစ သုဘဒ္ဒ ဘိက္ခူ သမ္မာ ၀ိဟရေယျုံ၊ အသုညော လောကော အရဟန္တေဟိ အဿ(ချစ်သားသုဘဒ္ဒ ဒီရဟန်းများ ကောင်းကောင်းမွန်မွန် ကျင့်ကြံကြမည်ဆိုလျှင် လောကကြီးသည် ရဟန္တာမှ မဆိတ်သုဉ်းနိုင်)' ဟူသော သုတ်မဟာဝါပါဠိ တော်စကားနှင့်'ပဋိပတ္တိမူလကံ မဟာရာဇ သတ္ထုသာသနံ(မင်းကြီးမြတ်စွာဘုရား သာသနာတော်သည် ပဋိပတ္တိလျှင်အရင်းမူရှိပေ၏)'ဟူသောမိလိန္ဒပဥှာပါဠိတော်စကားတို့ကိုထောက်ထား၍ ပဋိပတ္တိသာသ နာက ပိုပြီး အရေးပါသည်ဟုဆိုကြသည် ။

         ထိုအခါ ပရိယတ္တိဝန်ဆောင်ဆရာများက ' ပရိယတ္တိမရှိ၍ ဂရုကအာပတ်လွန်ကျူးထားသော ရဟန်းများသည် နောက်ပိုင်းကောင်းကောင်းမွန်မွန်ကျင့်သော်လည်း တရားထူးမရနိုင်။ ပရိယတ္တိအခြေ ခံ၍ ပါရာဇိကသိက္ခာပုဒ်လေးပါး(ရဟန်းတော်များအသက်တမျှရိုသေလေးစားရသည့် အရေးအကြီးဆုံး ပြစ်မှုကြီးလေးခု)ကို စောင့်ရှောက်ထားသော ရဟန်းတော်ငါးပါးရှိနေလျှင် ထိုရဟန်းငါးပါးသည် တခြား ရဟန်းများတိုးပွါးလာအောင်ရွက်ဆောင်ပြီး တဖြည်းဖြည်းသာသနာတော်စည်ပင်ပြန့်ပွါးအောင် အား ထုတ်နိုင်ကြလိမ့်မည်။ နွားထီးရာထောင်မကရှိသော်လည်း မျိုးနွယ်စောင့်မည့် နွားမ မပါခဲ့လျှင် ထို နွားမျိုးသည် အဆက်ပြတ်သွားမည်ဖြစ်သကဲ့သို့ ၀ိပဿနာအားထုတ်သောရဟန်း ရာထောင်မကရှိ သော်လည်း ပရိယတ္တိမရှိခဲ့လျှင် (ဂရုကအာပတ်သင့်လို့မှ သင့်မှန်းမသိ၍ မကုစားဘဲ တရားအားထုတ် သည့်အခါ) အရိယာ မဂ်ဖိုလ်ဆိုသည်ကို ထိုးထွင်းသိမြင်နိုင်ကြမည်မဟုတ်။ ရွှေအိုးမြှုပ်ထားသည့်နေ ရာကို သိဖို့ရာ ကျောက်ပြားမှာလမ်းညွန်စာရေးထားလျှင် ထိုကျောက်စာရှိနေသမျှ ရွှေအိုးမပျောက် မပျက် တည်ရှိနေသည်ဟု ဆိုရသလို လမ်းညွှန်စာနှင့်တူသော ပရိယတ္တိရှိနေလျှင် ရွှေအိုးနှင့်တူသော ပဋိပတ္တိ ပဋိဝေဓတို့လည်း မပျောက်မပျက် ဆက်လက်တည်ရှိနေမည်သာဖြစ်သည်' ဟု ခိုင်ခိုင်မာမာ မိန့်ဆိုကြသည်အခါ ပဋိပတ္တိဝန်ဆောင်ဆရာတော်များ တစ်စုံတစ်ရာ ပြန်လည်မချေပနိုင်တော့ဘဲ ငြိမ် ကျသွားရတော့သည်။

         ဤသည်ကို ထောက်လိုက်လျှင် ပရိယတ္တိသာ မူလပဓာနဖြစ်သည်။ ပရိယတ္တိသာသနာတည် တံ့အောင်သာ ပိုမိုကြိုးစားကြရမည် ဆိုသည်မှာ သိသာထင်ရှားလှပါသည်။ ပရိယတ္တိသာသနာတည် တံ့ရေးအတွက် ပရိယတ္တိစာသင်တိုက်ကြီးများက ရှေ့တန်းမှ ဦးဆောင် ကြိုးစားနေကြပြီး ဥာဏ်အမျှော် အမြင်ကြီးမား၍ သာသနာ့တန်ဘိုး သိနားလည်သူ ဒကာ ဒကာမများက နောက်တန်းမှ ကူညီပံ့ပိုးပေး နေကြသည်။ သို့ရာတွင် ဥာဏ်အမျှော် အမြင်ကြီးမားသူ ဒကာ ဒကာမဦးရေမှာ နည်းပါးလွန်းသဖြင့် စာသင်တိုက်အတော်တော်များများမှာ ပစ္စည်းလေးပါးမပြည့်စုံမှု၊ဆင်းရဲချို့တဲ့မှုများနှင့်ကြုံတွေ့နေကြရ သည်။ ဒကာ ဒကာမအများစုက ပဋိပတ္တိသာသနာပြုဌာန(ရိပ်သာတရားစခန်းစသည်)များသို့သာ ထောက်ပံ့လှုဒါန်းနေသဖြင့် ထိုဌာနများ ပြည့်စုံ ချမ်းသာနေသလောက် ပရိယတ္တိသာသနာပြုဌာနများ ဖြစ်ကြသည့် စာသင်တိုက်များမှာမူ မပြည့်မစုံဖြစ်နေကြရသည်။ မည်သို့ပင်ဖြစ်စေ ပရိယတ္တိစာသင် တိုက်ကြီးများကား သာသနာပြု ဒကာ-ဒကာမများ၏ အကူအညီဖြင့် သူတို့၏အလုပ်ကို မဆုတ်မနစ် ကြိုးစားမြဲ ကြိုးစားလျက်ပင်တည်း။ စာသင်တိုက်ကြီးများ၏ကျေးဇူးကြောင့်လည်း ဗုဒ္ဓသာသနံသည် ' 'စိရံတိဋ္ဌတု' နေခြင်းဖြစ်သည်။ ထို့ကြောင့် စာသင်တိုက်များနှင့်စာသင်တိုက်ကို လှုဒါန်းထောက်ပံ့နေသူ ဒကာ-ဒကာမများကို ' သာသနာ့ကျေးဇူးရှင်များ' ဟု ခေါ်ဆိုရမည်အမှန်ဖြစ်ပေသည်။

         " လူ့ဘောင်ထက်ဝယ်၊ ပညာကြွယ်လျက်၊ ကြယ်နှယ်လက်လက်၊ လမင်းထွက်သို့၊ တိုးတက် ကြီးပွါး၊ တပည့်များကို၊ သင်ကြားဆရာ၊ မြင်သောအခါ၌၊ ရင်မှာလွှမ်းခြုံ၊ ပီတိဟုန်သည်၊ သုန်သုန်ဝှဲ ရိုက်၊ အသည်းခိုက်မျှ၊ နှစ်ခြိုက်ရွှင်မြူး၊ လွန်ကြည်နူး၏" ဆိုသလို ပညာရည်ပြည့်ဝသည့် သာသနာ့ အာဇာနည် တပည့်များကို ပညာသင်ပေးသူ ဆရာတော်များ မြင်တွေ့ရသည့်အခါ ဆရာတော်များ၏ သန္တာန်ဝယ် ကြည်နူးဝမ်းမြောက်မှုအဟုန် တသုန်သုန်ရိုက်ခတ်လျက် ပီတိသောမနဿဓာတ်တို့ မပြတ်ဖြစ်ပွားနေမည်မှာလည်း အမှန်ပင်ဖြစ်ပါတော့သည်။

         သာသနာ့ကျေးဇူးရှင် ပရိယတ္တိဝန်ဆောင်ဆရာတော်များ ကိုယ်စိတ်နှစ်ဖြာချမ်းသာစွာဖြင့် သာသနာ့တာဝန် အားသွန်ခွန်စိုက်ထမ်းဆောင်နိုင်ကြပါစေ။ အောင်မြင်သူတပည့်များကိုတွေ့ရ မြင်ရ ၍ ပီတိသောမနဿတရားကိုလည်း ခံစားနိုင်ကြပါစေ။ တပည့်အဆက်ဆက်တို့လည်း ဆရာသမား များအား ပီတိသောမနဿဓာတ်ပေးစွမ်းနိုင်သော တပည့်ကောင်းများဖြစ်နိုင်ကြပါစေ။ ပစ္စည်းလေးပါး ထောက်ပံ့လှုဒါန်းသူ ဒကာ-ဒကာမများလည်း ကိုယ်စိတ်မပန်းချမ်းသာစွာဖြင့် အစစ်အမှန်သာသနာပြု ဌာနများကိုသာ ထောက်ပံ့လှုဒါန်းကာ သာသနာပြုကုသိုလ်ထူး ဆည်းပူးရယူနိုင်ကြပါစေ-ဟု    ဆုတောင်းပတ္ထနာပြုလိုက်ရပါသတည်း။

                                                               ဘဒ္ဒ န္တသီလက္ခန္ဓာဘိဝံသ

Views: 67

Comment

You need to be a member of ရတနာဝါသ ဘုရားကျောင်း 華緬 三寶寺 to add comments!

Join ရတနာဝါသ ဘုရားကျောင်း 華緬 三寶寺

ဆင်ခြင်ဖွယ် လိုက်နာဖွယ်ရာ သြ၀ါဒ စကားများ

ပြောမှ သိ၊ ထိမှ နာ၊ သာမှ နေ၊    သေမှ ခင်၊ လူတွင် မကျင့်ရာ။ 

သူတော်ဆည်းကပ်၊ မြတ်တရားနာ၊

လျော်စွာအကျင့်၊ မဂ်ဖိုလ်ခွင့်၊ ရလင့်ဧကန်သာ။
(မိုးကုတ် ဆရာတော်)

မိုက်တယ်ဆိုတာ ကိုယ်ပဲခံရတာ။
လိမ္မာတယ်ဆိုတာ ကိုယ်ပဲစံရတာ။
မယုံခဲ့ရင်တောင်
မိုက်မကြည့်နဲ့ လိမ္မာပါ။
(ဓမ္မဒူတ အရှင်ဆေကိန္ဒ)

ယုံကြည်ထိုက်သူဖြစ်အောင် ရိုးသားရမည်။
အားကိုးထိုက်သူဖြစ်အောင် ကြိုးစားရမည်။
လေးစားထိုက်သူဖြစ်အောင် စင်ကြယ်ရမည်။
(ဓမ္မဘေရီ အရှင်ဝီရိယ)

ရေကြောင့်ဖြစ်သော အညစ်အကြေးကို
ရေနှင့်သာ စင်ကြယ်အောင် ဆေးကြောနိုင်သလို
စိတ်ကြောင့်ဖြစ်သော
အညစ်အကြေးကို
စိတ်နှင့်သာလျှင် စင်ကြယ်အောင် ဆေးကြောနိုင်ပါ၏။
(ဗုဒ္ဓ)

ဓမ္မောဟဝေ ရက္ခတိ ဓမ္မစာရီ
တရားစောင့်သောသူကို တရားကပြန်လည်စောင့်ရှောက်ပေး၏။ (ဗုဒ္ဓ)

အသက်ရှင်ဖို့စားပါ။ စားဖို့သက်သက် အတွက်တော့ အသက်ရှင် မနေပါနဲ့။ အများအတွက် သာသနာအတွက် လုပ်စရာတွေ အများကြီးပါ။

သူတော်ကောင်း သူတော်ကောင်း

သူတော်လာအောင် ကိုယ်ကကောင်း
ဒါမှ သူတော်ကောင်း။
သူတော်ကောင်း သူတော်ကောင်း
သူမတော်လဲ ကိုယ်ကကောင်း
ဒါမှ သူတော်ကောင်း။

သူတော်ကောင်း သူတော်ကောင်း

သူမကောင်းလည်း ကိုယ်ကတော် 

သူမတော်လည်း ကိုယ်ကကောင်း

ဒါမှ သူတော်ကောင်း။
သူတော်ကောင်းလေးဖြစ်စေချင် စိတ်ထားလှဖို့ပြင်
သတိယှဉ်တယ် သစ္စာသုံး ဒါမှ အမြတ်ဆုံး။

ကတညတ ကတဝေဒီ
ကျေးဇူးတရားကိုသိခြင်း
ကျေးဇူးတရားကို ပြန်လည်ပေးဆပ်ခြင်းသည် မင်္ဂလာမည်ပါ၏။
(ဗုဒ္ဓ)

အတိတ်ကိုတွေး၊ မဆွေးနဲ့
အတိတ်ဆိုတာ ပြန်မလာဘူး။
အနာဂတ်ကိုမှန်းဆ မလွမ်းတနဲ့
အနာဂတ်ဆိုတာမသေချာဘူး။
ပစ္စုပန်မှာ လုပ်သင့်ရာဝယ်
ပညာလုံ့လ အသုံးချလျှက်
ဘ၀တန်ဖိုး အားမာန်ကိုး၍
မြတ်နိုးကြည်ဖြူ အရယူလော့။
(ဒေါက်တာ အရှင်နန္ဒမာလာဘိဝံသ)

ကြီးမြတ်သူတို့နေရာ

ကြီးမြတ်သူဟူသမျှတို့ 

ယူကြသည့် မြတ်နေရာ။ 
ရှောင်တခင်ခုချက်ချင်း 
လျှင်းမရပါ။ 
များသူတို့အိပ်နေရာ 
ညခါပင် သူမနား 
အမြင့်ကို သူမြင်လို့ 
သူအစဉ်နှစ်ဆတိုးလို့ရယ် 
ကြိုးကုတ်လေသား။

(ပြည်တွင်း၊ ပြည်ပသာသနာပြု  အရှင်ဥာဏိက-မြောင်းမြ)

သူတစ်ဖက်သား၊မျက်မာန်ပွါးသော် တရားမကွာ၊ထိန်းစောင့်ကာဖြင့်

မေတ္တာနှလုံး၊ကိုယ်ကသုံးလျှင် အရှုံးဘယ်မှာရှိချိမ့်နည်း။
(မင်းကွန်း ဆရာတော်)

 

 

မြန်မာဝက်ဆိုက် ဘလော့များ                 လမ်းညွှန်

(ပုံပေါ်တွင် နှိပ်၍ မူရင်း နေရာသို့ သွားရောက် လေ့လာနိုင်ပါသည်။)

 


picoodle.com






    မြန်မာ သတင်းစာ ဂျာနယ်များ စုစည်းရာ (၁)

 

    မြန်မာ သတင်းစာ ဂျာနယ်များ စုစည်းရာ (၂)

 

 

 

Click to play this Smilebox slideshow
Create your own slideshow - Powered by Smilebox

    "မြန်မာစာ မြန်မာစကား "

Latest Activity

Oldloves is now a member of ရတနာဝါသ ဘုရားကျောင်း 華緬 三寶寺
yesterday
Speech max posted a blog post
Jul 5
Speech max is now a member of ရတနာဝါသ ဘုရားကျောင်း 華緬 三寶寺
Jul 5
commentfedpp814 replied to commentcswlu889's discussion dogecoin daily charts
Jun 27

Members

© 2021   Created by ukkmaung.   Powered by

Badges  |  Report an Issue  |  Terms of Service